VD Satheesan
സദാനന്ദന്റെ കാൽ വെട്ടിയ കേസ്: പ്രതികൾക്ക് ജയിലിൽ സുഖസൗകര്യങ്ങളെന്ന് വി.ഡി. സതീശൻ
ബിജെപി നേതാവ് സി സദാനന്ദന്റെ കാൽ വെട്ടിയ കേസിലെ പ്രതികൾക്ക് യാത്രയയപ്പ് നൽകിയ സംഭവത്തിൽ കെ.കെ. ശൈലജ എംഎൽഎയെ വിമർശിച്ച് പ്രതിപക്ഷ നേതാവ് വി.ഡി. സതീശൻ. പ്രതികൾക്ക് നൽകിയ യാത്രയയപ്പ് തെറ്റായ സന്ദേശമാണെന്നും, കുറ്റവാളികൾക്ക് ജയിലിൽ എല്ലാ സൗകര്യങ്ങളും ലഭിക്കുന്നുണ്ടെന്നും അദ്ദേഹം ആരോപിച്ചു. ടി.പി. ചന്ദ്രശേഖരനെ കൊന്നവർക്ക് ജയിലിൽ എല്ലാ സുഖസൗകര്യങ്ങളും ലഭിക്കുന്നുണ്ടെന്നും വി.ഡി. സതീശൻ ആരോപിച്ചു.
വോട്ടർ പട്ടികയിൽ പേര് ചേർക്കാൻ തീയതി നീട്ടണമെന്ന് ആവശ്യപ്പെട്ട് പ്രതിപക്ഷ നേതാവ് കത്ത് നൽകി
തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ വോട്ടർ പട്ടികയിൽ പേര് ചേർക്കാൻ തീയതി നീട്ടണമെന്ന് ആവശ്യപ്പെട്ട് പ്രതിപക്ഷ നേതാവ് സംസ്ഥാന തിരഞ്ഞെടുപ്പ് കമ്മീഷന് കത്ത് നൽകി. പലയിടത്തും വെബ്സൈറ്റ് തകരാറുകൾ കാരണം അപേക്ഷിക്കാൻ കഴിയാത്ത സ്ഥിതിയാണുള്ളത്. ഈ സാഹചര്യത്തിൽ തീയതി നീട്ടണമെന്നാണ് ആവശ്യം.
കന്യാസ്ത്രീകളുടെ അറസ്റ്റ്: കേരളത്തിൻ്റെ മതേതര മനസ്സിനെ അഭിനന്ദിച്ച് വി.ഡി. സതീശൻ
ഛത്തീസ്ഗഢിൽ അറസ്റ്റിലായ മലയാളി കന്യാസ്ത്രീകൾക്ക് ജാമ്യം ലഭിച്ചതിൽ സന്തോഷമുണ്ടെന്ന് പ്രതിപക്ഷ നേതാവ് വി ഡി സതീശൻ അറിയിച്ചു. ചെയ്യാത്ത കുറ്റത്തിനാണ് അവരെ ജയിലിലടച്ചത്. കന്യാസ്ത്രീ വിഷയത്തിൽ കേരളത്തിൻ്റെ മതേതര മനസ് ഒന്നിച്ചുനിന്നുവെന്നും വിദ്വേഷം കൊണ്ടുവരാൻ ബിജെപി ശ്രമിച്ചെന്നും അദ്ദേഹം കുറ്റപ്പെടുത്തി.
കന്യാസ്ത്രീകളുടെ അറസ്റ്റിന് പിന്നിൽ സംഘപരിവാർ ഗൂഢാലോചനയെന്ന് വി.ഡി. സതീശൻ
ഛത്തീസ്ഗഡിൽ അറസ്റ്റിലായ കന്യാസ്ത്രീകളുടെ ജാമ്യാപേക്ഷയെ പ്രോസിക്യൂഷൻ എതിർത്തതിന് പിന്നിൽ സംഘപരിവാർ ഗൂഢാലോചനയാണെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. കേന്ദ്ര ആഭ്യന്തര മന്ത്രി എം.പിമാർക്കും സഭാനേതൃത്വത്തിനും നൽകിയ ഉറപ്പിന് വിരുദ്ധമായാണ് സർക്കാർ അഭിഭാഷകൻ ജാമ്യ ഹർജിയെ എതിർത്തതെന്നും അദ്ദേഹം ആരോപിച്ചു. നീതിക്ക് വേണ്ടിയുള്ള നിയമ പോരാട്ടത്തെ കോൺഗ്രസ്സും യുഡിഎഫും പിന്തുണയ്ക്കുമെന്നും അദ്ദേഹം കൂട്ടിച്ചേർത്തു.
പ്രതിപക്ഷ നേതാവ് വി ഡി സതീശനെതിരെ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പുതിയ വെല്ലുവിളിയുമായി രംഗത്ത്. വരുന്ന നിയമസഭാ തിരഞ്ഞെടുപ്പിൽ യുഡിഎഫിന് നൂറ് സീറ്റുകൾ ലഭിച്ചാൽ താൻ സ്ഥാനം ഒഴിയാമെന്ന് വെള്ളാപ്പള്ളി പറഞ്ഞു. അല്ലെങ്കിൽ വി.ഡി സതീശൻ രാഷ്ട്രീയ വനവാസത്തിന് പോകുമോ എന്നും അദ്ദേഹം ചോദിച്ചു.
വി.എസ് പ്രതിപക്ഷ രാഷ്ട്രീയത്തിന് പുതിയ മുഖം നൽകി: വി.ഡി. സതീശൻ
വി.എസ്. അച്യുതാനന്ദന്റെ രാഷ്ട്രീയ ജീവിതത്തെ അനുസ്മരിച്ച് വി.ഡി. സതീശൻ. പ്രതിപക്ഷ നേതാവായിരുന്നപ്പോഴും മുഖ്യമന്ത്രിയായിരുന്നപ്പോഴും തന്റേതായ നിലപാടുകളിൽ വി.എസ് ഉറച്ചുനിന്നു. പരിസ്ഥിതി സംരക്ഷണ പ്രവർത്തനങ്ങളിലും അദ്ദേഹം സജീവമായി പങ്കെടുത്തു.
വെള്ളാള്ളിയുടെ വർഗീയ പരാമർശത്തിൽ സർക്കാരിന് മറുപടി പറയാനുണ്ടെന്ന് കുഞ്ഞാലിക്കുട്ടി; വിമർശനവുമായി സതീശനും
വെള്ളാപ്പള്ളി നടേശന്റെ വർഗീയ പരാമർശങ്ങളിൽ പ്രതികരണവുമായി രാഷ്ട്രീയ നേതാക്കൾ രംഗത്ത്. സര്ക്കാരാണ് മറുപടി പറയേണ്ടതെന്ന നിലപാടാണ് മുസ്ലിം ലീഗ് ജനറൽ സെക്രട്ടറി പി.കെ. കുഞ്ഞാലിക്കുട്ടി സ്വീകരിച്ചത്. മുഖ്യമന്ത്രി പിണറായി വിജയന്റെ നരേറ്റീവാണ് വെള്ളാപ്പള്ളി പ്രചരിപ്പിക്കുന്നതെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു.
തേവലക്കര അപകടം: പ്രധാനാധ്യാപികയെ മാത്രം കുറ്റപ്പെടുത്തുന്നത് ശരിയല്ലെന്ന് വി.ഡി. സതീശൻ
തേവലക്കര സ്കൂളിലെ അപകടത്തിൽ പ്രധാനാധ്യാപികയെ മാത്രം കുറ്റപ്പെടുത്തുന്നത് ശരിയല്ലെന്നും, വീഴ്ച വരുത്തിയ എല്ലാവർക്കുമെതിരെ നടപടിയെടുക്കണമെന്നും പ്രതിപക്ഷ നേതാവ് വി.ഡി. സതീശൻ അഭിപ്രായപ്പെട്ടു. യുഡിഎഫ് എംഎൽഎമാരുടെ മണ്ഡലങ്ങളിലെ സ്കൂളുകളിൽ സുരക്ഷാ ഓഡിറ്റിംഗ് നടത്തുമെന്നും അദ്ദേഹം വ്യക്തമാക്കി. കേരള യൂണിവേഴ്സിറ്റിയിലെ തർക്കങ്ങൾ അവസാനിപ്പിച്ചത് നല്ല കാര്യമാണെന്നും അദ്ദേഹം കൂട്ടിച്ചേർത്തു.
സി.പി.ഐ.എം ക്രിമിനൽ ഭീഷണി ഉയർത്തുന്നു; വി.ഡി. സതീശൻ
പ്രതിപക്ഷ നേതാവ് വി.ഡി. സതീശൻ സി.പി.ഐ.എമ്മിനെതിരെ ഗുരുതര ആരോപണങ്ങൾ ഉന്നയിച്ചു. ക്രിമിനൽ സംഘങ്ങളെ നിയന്ത്രിക്കാൻ സി.പി.ഐ.എം തയ്യാറാകണമെന്നും അദ്ദേഹം ആവശ്യപ്പെട്ടു. യൂത്ത് കോൺഗ്രസിനെതിരായ പരാമർശത്തിൽ പി.ജെ. കുര്യനെതിരെയും വയനാട്ടിലെ സർക്കാർ സഹായം വൈകുന്നതിലും സതീശൻ വിമർശനം ഉന്നയിച്ചു.
എസ്എഫ്ഐ സമരം ഗുണ്ടായിസം; സർക്കാരിനും പൊലീസിനുമെതിരെ വി.ഡി. സതീശൻ
കേരള സർവകലാശാലയിൽ എസ്എഫ്ഐ നടത്തിയ സമരം ഗുണ്ടായിസമാണെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. യൂത്ത് കോൺഗ്രസ് പ്രവർത്തകരെ പൊലീസ് ആക്രമിക്കുന്നതിനെയും എസ്എഫ്ഐക്ക് കുട പിടിക്കുന്നതിനെയും അദ്ദേഹം വിമർശിച്ചു. സിപിഐഎം നേതാക്കൾ എസ്എഫ്ഐക്കാരെ നിയന്ത്രിക്കണമെന്നും അദ്ദേഹം ആവശ്യപ്പെട്ടു.
ആരോഗ്യരംഗത്ത് തീവെട്ടിക്കൊള്ള; സർക്കാർ കണക്കുകൾ മറച്ചുവെച്ചെന്നും വി.ഡി. സതീശൻ
ആരോഗ്യമേഖലയിൽ അഴിമതിയും കെടുകാര്യസ്ഥതയുമുണ്ടെന്ന് വി.ഡി. സതീശൻ. മെഡിക്കൽ കോളേജുകളിൽ ശസ്ത്രക്രിയ കഴിഞ്ഞാൽ തുന്നിക്കെട്ടാനുള്ള നൂല് പോലും ലഭ്യമല്ല. കൊവിഡ് മൂലം മരിച്ചവരുടെ എണ്ണത്തിൽ സർക്കാർ തിരുത്തൽ വരുത്തിയെന്നും അദ്ദേഹം ആരോപിച്ചു.
പി.വി. അൻവറിനെ യുഡിഎഫിൽ എടുക്കുന്ന കാര്യത്തിൽ പ്രതികരണമില്ലെന്ന് വി.ഡി. സതീശൻ
പി.വി. അൻവറിനെ യുഡിഎഫിൽ എടുക്കുന്നതുമായി ബന്ധപ്പെട്ട ചോദ്യത്തിന് വി.ഡി. സതീശൻ മറുപടി നൽകിയില്ല. നിലമ്പൂരിൽ കണ്ടത് ജനങ്ങളെ മറന്നുപോയ സർക്കാരിനുള്ള പ്രതികരണമാണെന്നും അദ്ദേഹം പറഞ്ഞു. വർഗീയവാദികളുടെ വോട്ട് വേണ്ടെന്ന് തീരുമാനിച്ച പാർട്ടിയാണ് കോൺഗ്രസെന്നും സതീശൻ കൂട്ടിച്ചേർത്തു.