Varkala
വർക്കലയിൽ വിനോദസഞ്ചാരിക്ക് ദുരനുഭവം; യുവതിയെ ആക്രമിച്ച പ്രതി റിമാൻഡിൽ
വർക്കലയിൽ അവധിക്കാലം ആഘോഷിക്കാനെത്തിയ വിദേശവനിതക്ക് നേരെ അതിക്രമം. സൂര്യാസ്തമയം കാണാൻ നിന്ന യുവതിയെ സാമൂഹികവിരുദ്ധൻ അപമാനിക്കാൻ ശ്രമിച്ചു. നാട്ടുകാരുടെയും പോലീസിൻ്റെയും സഹായത്തോടെ പ്രതിയെ പിടികൂടി റിമാൻഡ് ചെയ്തു.
വർക്കലയിൽ ഹൃദ്രോഗിയായ ഓട്ടോ ഡ്രൈവർക്ക് ക്രൂര മർദ്ദനം
വർക്കലയിൽ ഹൃദ്രോഗിയായ ഓട്ടോറിക്ഷ ഡ്രൈവർക്ക് ക്രൂര മർദ്ദനമേറ്റു. വർക്കല കുരയ്ക്കണ്ണി തൃക്കേട്ടയിൽ 55 വയസുള്ള സുനിൽകുമാറിനാണ് മർദ്ദനമേറ്റത്. വർക്കല പാപനാശം കൊച്ചുവിള ജംഗ്ഷനിൽ വെച്ചായിരുന്നു സംഭവം.
വർക്കലയിൽ സ്വാതന്ത്ര്യ ദിനത്തിൽ അങ്കണവാടി കുട്ടികൾക്ക് നിർബന്ധിത രാഖി; DYFI പ്രതിഷേധം
വർക്കലയിൽ സ്വാതന്ത്ര്യ ദിനത്തിൽ അങ്കണവാടിയിലെ കുട്ടികൾക്ക് നിർബന്ധിതമായി രാഖി കെട്ടിയെന്ന ആരോപണം ഉയർന്നിട്ടുണ്ട്. കുട്ടികൾക്ക് രാഖി കെട്ടണമെന്ന് ടീച്ചേഴ്സിനോട് ചൈൽഡ് ഡെവലപ്മെൻ്റ് പ്രോജക്ട് ഓഫീസർ നിർദ്ദേശിക്കുന്ന ശബ്ദ സംഭാഷണവും പുറത്തുവന്നിട്ടുണ്ട്. ഇതിനെത്തുടർന്ന് ഡിവൈഎഫ്ഐ പ്രതിഷേധം ശക്തമാക്കിയിരിക്കുകയാണ്.
വർക്കലയിൽ വീണ്ടും തെരുവുനായ ആക്രമണം; തലനാരിഴയ്ക്ക് രക്ഷപ്പെട്ട് അഞ്ചുവയസ്സുകാരൻ
തിരുവനന്തപുരം വർക്കലയിൽ തെരുവുനായയുടെ ആക്രമണത്തിൽ നിന്നും അഞ്ചുവയസ്സുകാരൻ തലനാരിഴയ്ക്ക് രക്ഷപ്പെട്ടു. അതിരാവിലെ സൈക്കിൾ ഓടിക്കാൻ പോയ കുട്ടിയെ തെരുവ് നായ ഓടിച്ചിട്ട് ആക്രമിക്കാൻ ശ്രമിച്ചു. ഈ പ്രദേശത്ത് തെരുവ് നായ ശല്യം രൂക്ഷമാണെന്ന് നാട്ടുകാർ പറയുന്നു.
വർക്കലയിൽ ഭക്ഷണം വൈകിയതിന് ബാർ ഹോട്ടലിൽ ആക്രമണം; ആറുപേർ അറസ്റ്റിൽ
തിരുവനന്തപുരത്ത് ഭക്ഷണം വൈകിയതിനെ ചൊല്ലി ബാർ ഹോട്ടലിൽ ആക്രമണം. കൊല്ലം ചവറ സ്വദേശികളായ ആറുപേരെ പോലീസ് അറസ്റ്റ് ചെയ്തു. മദ്യപിച്ച ശേഷം ഓർഡർ ചെയ്ത ഭക്ഷണം വൈകിയെന്ന് പറഞ്ഞാണ് ഇവർ ജീവനക്കാരെ മർദ്ദിച്ചത്. അക്രമം നടത്തിയ ശേഷം പ്രതികൾ ബാറിലെ സാധനങ്ങൾ നശിപ്പിച്ചതായും ജീവനക്കാർ നൽകിയ പരാതിയിൽ പറയുന്നു.
വർക്കലയിൽ ഒമ്പതാം ക്ലാസ് വിദ്യാർത്ഥിനിയെ പിതാവ് പീഡിപ്പിച്ചു; പ്രതി അറസ്റ്റിൽ
വർക്കലയിൽ ഒമ്പതാം ക്ലാസ് വിദ്യാർത്ഥിനിയെ പിതാവ് അതിക്രൂരമായി പീഡിപ്പിച്ച കേസിൽ അറസ്റ്റിലായി. പെൺകുട്ടിയെ വർക്കല താലൂക്ക് ആശുപത്രിയിൽ കൊണ്ടുപോകാമെന്ന് പറഞ്ഞ് പൊന്മുടിക്ക് കൂട്ടിക്കൊണ്ടുപോയാണ് പീഡിപ്പിച്ചത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
അവധി ചോദിച്ചതിന് ജീവനക്കാരനെ കുത്തി; ഹോട്ടലുടമ അറസ്റ്റിൽ
വർക്കലയിൽ അവധി ചോദിച്ചതിന് ജീവനക്കാരനെ ഹോട്ടലുടമ കുത്തിപ്പരിക്കേൽപ്പിച്ചു. വക്കം സ്വദേശി ഷാജിയാണ് പരിക്കേറ്റത്. ഹോട്ടലുടമ ജസീറിനെ പോലീസ് കസ്റ്റഡിയിലെടുത്തു.
വർക്കലയിലെ ഫ്ലോട്ടിങ് ബ്രിഡ്ജ് വീണ്ടും തകർന്നു
വർക്കല പാപനാശം ബീച്ചിലെ ഫ്ലോട്ടിങ് ബ്രിഡ്ജ് ഇന്ന് പുലർച്ചെ ശക്തമായ കടൽക്ഷോഭത്തിൽ തകർന്നു. കോഴിക്കോട് NIT യുടെ പഠനാവശ്യങ്ങൾക്കായി പുനഃസ്ഥാപിച്ച പാലമാണ് വീണ്ടും തകർന്നത്. ഒരു വർഷം മുൻപ് ഇതേ സ്ഥലത്തുതന്നെയാണ് പാലം ആദ്യം തകർന്നത്.
വർക്കല കൊലപാതകം: പ്രതി ഷാനി പിടിയിൽ
വർക്കല പുല്ലാനിക്കോട് ഭാര്യാ സഹോദരനെ കൊലപ്പെടുത്തിയ കേസിലെ പ്രതി ഷാനി പിടിയിലായി. പരുക്കേറ്റ ഭാര്യ ഉഷയെയും സഹോദരൻ സുനിൽ ദത്തിനെയും ആശുപത്രിയിൽ പ്രവേശിപ്പിച്ചെങ്കിലും സുനിൽ ദത്ത് മരിച്ചു. ഒളിവിൽ പോയ പ്രതിയെ പൊലീസ് അന്വേഷിച്ചു വരികയായിരുന്നു.
വർക്കലയിൽ യുവാവ് ഭാര്യാസഹോദരനെ വെട്ടിക്കൊലപ്പെടുത്തി
വർക്കലയിൽ യുവാവ് ഭാര്യയുടെ സഹോദരനെ വെട്ടിക്കൊലപ്പെടുത്തി. പുല്ലാനിക്കോട് സ്വദേശിയായ സുനിൽ ദത്താണ് കൊല്ലപ്പെട്ടത്. ആക്രമണത്തിൽ സഹോദരി ഉഷാകുമാരിക്കും വെട്ടേറ്റിട്ടുണ്ട്.
ഇന്റർപോൾ തിരയുന്ന ക്രിപ്റ്റോ കിംഗ് വർക്കലയിൽ പിടിയിൽ
അന്താരാഷ്ട്ര കുറ്റവാളിയും ക്രിപ്റ്റോ കിംഗ് ആയ ബെഷ്യോകോവ് അലക്സെസ് വർക്കലയിൽ പിടിയിലായി. കുരയ്ക്കണ്ണിയിലെ ഹോംസ്റ്റേയിൽ നിന്നാണ് ഇയാളെ പിടികൂടിയത്. അമേരിക്കയിലെ കള്ളപ്പണ കേസിൽ പ്രതിയായ ഇയാൾ റഷ്യയിലേക്ക് മടങ്ങാൻ ഒരുങ്ങുന്നതിനിടെയാണ് പിടിയിലായത്.
വർക്കലയിൽ ട്രെയിൻ അപകടം: രണ്ട് സ്ത്രീകൾ മരിച്ചു
വർക്കലയിൽ ട്രെയിൻ ഇടിച്ച് രണ്ട് സ്ത്രീകൾ മരിച്ചു. കുമാരി, അമ്മു എന്നിവരാണ് മരിച്ചത്. അയന്തി പാലത്തിന് സമീപം രാത്രി 8.30ഓടെയാണ് അപകടം നടന്നത്.