V.D. Satheesan
വി ഡി സതീശനെതിരായ വിമർശനം; വെള്ളാപ്പള്ളിക്കെതിരെ ആഞ്ഞടിച്ച് രാജു പി നായർ
വി ഡി സതീശനെതിരെ എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ നടത്തിയ വിമർശനങ്ങൾക്ക് മറുപടിയുമായി കോൺഗ്രസ് നേതാവ് രാജു പി നായർ രംഗത്ത്. വെള്ളാപ്പള്ളിയുടെ പ്രസ്താവനകളെയും തിരഞ്ഞെടുപ്പ് ചരിത്രത്തെയും രാജു പി നായർ തന്റെ ഫേസ്ബുക്ക് കുറിപ്പിലൂടെ വിമർശിച്ചു. വെള്ളാപ്പള്ളിയുടെ പ്രവചനങ്ങൾ പലപ്പോഴും തെറ്റായിരുന്നെന്നും അദ്ദേഹം ചൂണ്ടിക്കാട്ടി.
ഗോവിന്ദച്ചാമിക്ക് ജയിലിൽ എല്ലാ സഹായവും ലഭിക്കുന്നു; കണ്ണൂർ ജയിൽ ക്രിമിനലുകൾക്ക് തീറെഴുതിയെന്ന് വി.ഡി. സതീശൻ
സൗമ്യ വധക്കേസിലെ പ്രതി ഗോവിന്ദച്ചാമിക്ക് കണ്ണൂർ ജയിലിൽ എല്ലാ സഹായവും ലഭിക്കുന്നുണ്ടെന്ന് പ്രതിപക്ഷ നേതാവ് വി.ഡി. സതീശൻ ആരോപിച്ചു. കണ്ണൂർ ജയിൽ ക്രിമിനലുകൾക്ക് തീറെഴുതി നൽകിയിരിക്കുകയാണെന്നും ജയിൽ അധികൃതരുടെ സഹായമില്ലാതെ ഒരാൾക്കും രക്ഷപ്പെടാൻ കഴിയില്ലെന്നും അദ്ദേഹം കൂട്ടിച്ചേർത്തു. ഗോവിന്ദച്ചാമിക്ക് അകത്തും പുറത്തും നിന്ന് സഹായം ലഭിച്ചുവെന്നും സതീശൻ ആരോപിച്ചു.
തേവലക്കരയിലെ അപകടം: കെഎസ്ഇബിക്ക് ഉത്തരവാദിത്വമുണ്ടെന്ന് വി.ഡി. സതീശൻ
തേവലക്കര സ്കൂളിൽ വിദ്യാർത്ഥി ഷോക്കേറ്റ് മരിച്ച സംഭവത്തിൽ കെഎസ്ഇബിക്ക് ഉത്തരവാദിത്വമുണ്ടെന്ന് വി.ഡി. സതീശൻ. വിഷയത്തിൽ സുരക്ഷാ വീഴ്ചയുണ്ടായെന്നും, ഇത് ആവർത്തിക്കാതിരിക്കാൻ നടപടി വേണമെന്നും അദ്ദേഹം കൂട്ടിച്ചേർത്തു. മന്ത്രിമാരുടെ നാവ് മുഖ്യമന്ത്രി നിയന്ത്രിക്കണമെന്നും, ഇവർക്കൊന്നും മനസാക്ഷിയില്ലേയെന്നും സതീശൻ ചോദിച്ചു.
തേവലക്കരയിലെ വിദ്യാർത്ഥിയുടെ മരണത്തിൽ സർക്കാരിനെതിരെ വി.ഡി. സതീശൻ
കൊല്ലം തേവലക്കര ബോയ്സ് ഹൈസ്കൂളില് വിദ്യാര്ത്ഥി ഷോക്കേറ്റ് മരിച്ച സംഭവത്തിൽ പ്രതികരണവുമായി പ്രതിപക്ഷ നേതാവ് വി.ഡി. സതീശൻ രംഗത്ത്. സ്കൂളുകളിൽ കുട്ടികളുടെ സുരക്ഷ ഉറപ്പാക്കാൻ കഴിയുന്നില്ലെങ്കിൽ എന്തിനാണ് ഇങ്ങനെയൊരു സർക്കാരും വിദ്യാഭ്യാസ വകുപ്പുമെന്നും അദ്ദേഹം ചോദിച്ചു. തേവലക്കര ബോയ്സ് ഹൈസ്കൂളിൽ വിദ്യാർത്ഥി മരിക്കാനിടയായ സാഹചര്യത്തെക്കുറിച്ച് സമഗ്രമായ അന്വേഷണം നടത്തണമെന്നും വി.ഡി. സതീശൻ ആവശ്യപ്പെട്ടു.
ഉന്നതവിദ്യാഭ്യാസ മേഖല തകരുന്നു; സർക്കാരിനെതിരെ വി.ഡി. സതീശൻ
പ്രതിപക്ഷ നേതാവ് വി.ഡി. സതീശൻ സംസ്ഥാന സർക്കാരിനെതിരെ രൂക്ഷ വിമർശനവുമായി രംഗത്ത്. ഉന്നതവിദ്യാഭ്യാസ മേഖല തകരുകയാണെന്നും രാജ്ഭവനും സർക്കാരും തമ്മിലുള്ള തർക്കം സർവകലാശാലകളിലേക്ക് വ്യാപിപ്പിക്കുന്നത് എന്തിനാണെന്നും അദ്ദേഹം ചോദിച്ചു. ആരോഗ്യരംഗത്ത് നടക്കുന്ന സമരത്തിൻ്റെ ശ്രദ്ധ തിരിക്കാനായി എസ്എഫ്ഐക്കാരെക്കൊണ്ട് സിപിഐഎം നേതൃത്വം ചുടുചോറ് വാരിക്കുകയാണെന്നും സതീശൻ കുറ്റപ്പെടുത്തി.
നിമിഷ പ്രിയയുടെ മോചനത്തിനായി രാഷ്ട്രപതിക്ക് കത്തയച്ച് വി.ഡി. സതീശൻ; കേന്ദ്രത്തിന് കത്തയച്ച് എംപിമാരും
യെമനിൽ വധശിക്ഷ കാത്ത് കഴിയുന്ന നിമിഷ പ്രിയയുടെ മോചനത്തിനായി രാഷ്ട്രപതിക്ക് കത്തയച്ച് പ്രതിപക്ഷ നേതാവ് വി.ഡി. സതീശൻ. നിമിഷ പ്രിയയുടെ മോചനത്തിൽ കേന്ദ്രത്തിന്റെ അടിയന്തര ഇടപെടൽ തേടിയുള്ള ആക്ഷൻ കൗൺസിലിന്റെ ഹർജി സുപ്രീംകോടതി തിങ്കളാഴ്ച പരിഗണിക്കും. വിഷയത്തിൽ അടിയന്തര ഇടപെടൽ ആവശ്യപ്പെട്ട് എംപിമാരായ കെ രാധാകൃഷ്ണൻ, ഡോ. ജോൺ ബ്രിട്ടാസ്, അടൂർ പ്രകാശ്, എ എ റഹീം, ഹാരിസ് ബീരാൻ എന്നിവർ കേന്ദ്രത്തിനു കത്തയച്ചു.
ഓരോ ബൂത്തിലും 1100 വോട്ടർമാർ മാത്രം; തിരഞ്ഞെടുപ്പ് കമ്മീഷണർക്ക് കത്തയച്ച് വി.ഡി. സതീശൻ
തദ്ദേശ തിരഞ്ഞെടുപ്പിൽ പഞ്ചായത്ത് പ്രദേശങ്ങളിൽ 1300 വോട്ടർമാർക്കും മുനിസിപ്പൽ പ്രദേശങ്ങളിൽ 1600 വോട്ടർമാർക്കും ഓരോ പോളിംഗ് സ്റ്റേഷൻ എന്ന നിർദ്ദേശത്തിനെതിരെ വി.ഡി. സതീശൻ. ഗ്രാമ-നഗര വ്യത്യാസമില്ലാതെ ഓരോ പോളിംഗ് സ്റ്റേഷനിലും പരമാവധി 1100 വോട്ടർമാരെ മാത്രമായി പരിമിതപ്പെടുത്തണമെന്ന് അദ്ദേഹം ആവശ്യപ്പെട്ടു. കൂടുതൽ പേർ ബൂത്തിലെത്തുന്നത് ഉദ്യോഗസ്ഥരുടെ ജോലിഭാരം വർദ്ധിപ്പിക്കുമെന്നും പോളിംഗ് ബൂത്തുകൾക്ക് പുറത്ത് നീണ്ട നിരകൾ രൂപപ്പെടാൻ ഇടയാക്കുമെന്നും സതീശൻ ചൂണ്ടിക്കാട്ടി.
സർവകലാശാല രാഷ്ട്രീയം: വിദ്യാർഥികൾ ഇരകളാകുന്നു; വിമർശനവുമായി വി.ഡി. സതീശൻ
സംസ്ഥാനത്തെ സർവകലാശാല വിഷയങ്ങളിൽ വിദ്യാർഥികൾ ഇരകളാകുന്നെന്ന് പ്രതിപക്ഷ നേതാവ് വി.ഡി. സതീശൻ. രാഷ്ട്രീയപരമായ വ്യക്തി വൈരാഗ്യങ്ങൾ തീർക്കാൻ സർവകലാശാലകളെ വേദിയാക്കരുത്. യൂട്യൂബർ ജ്യോതി മൽഹോത്രയുടെ കേരള സന്ദർശനത്തിൽ ടൂറിസം മന്ത്രി പി.എ. മുഹമ്മദ് റിയാസിനെ വി.ഡി. സതീശൻ പിന്തുണച്ചു.
സർക്കാർ-ഗവർണർ പോര് ഉന്നതവിദ്യാഭ്യാസരംഗം തകർത്തു; വി.ഡി. സതീശൻ
ഉന്നത വിദ്യാഭ്യാസ മേഖലയെ സർക്കാർ തകർത്തുവെന്ന് വി.ഡി. സതീശൻ ആരോപിച്ചു. സർവ്വകലാശാലകളെ രാഷ്ട്രീയ നാടക വേദിയാക്കരുതെന്നും കുട്ടികളുടെ ഭാവി മറന്നുള്ള രാഷ്ട്രീയം അവസാനിപ്പിക്കണമെന്നും പ്രതിപക്ഷ നേതാവ് ആവശ്യപ്പെട്ടു. നിലവിലെ സംഭവവികാസങ്ങൾ വിദ്യാർത്ഥികളെയും രക്ഷിതാക്കളെയും ഒരുപോലെ ആശങ്കയിലാഴ്ത്തുകയാണെന്നും അദ്ദേഹം കൂട്ടിച്ചേർത്തു.
കോട്ടയം മെഡിക്കൽ കോളേജ് അപകടം; സർക്കാരിന് ഒഴിഞ്ഞുമാറാനാകില്ലെന്ന് വി.ഡി. സതീശൻ
കോട്ടയം മെഡിക്കൽ കോളേജ് അപകടത്തിന്റെ ഉത്തരവാദിത്തത്തിൽ നിന്ന് സർക്കാരിന് ഒഴിഞ്ഞുമാറാൻ കഴിയില്ലെന്ന് പ്രതിപക്ഷ നേതാവ് വി ഡി സതീശൻ. ആരോഗ്യമേഖലയിലെ അഴിമതികൾ പുറത്തുകൊണ്ടുവരുമെന്നും മരുന്ന് വിതരണത്തിൽ സംസ്ഥാനം പ്രതിസന്ധി നേരിടുകയാണെന്നും അദ്ദേഹം കൂട്ടിച്ചേർത്തു. ആരോഗ്യ വകുപ്പ് വെന്റിലേറ്ററിലാണെന്നും ആരോഗ്യമന്ത്രി കുറ്റക്കാരിയാണെന്നും സതീശൻ ആരോപിച്ചു.
കോട്ടയം മെഡിക്കൽ കോളേജ് അപകടം; മന്ത്രിമാർക്ക് ഉത്തരവാദിത്തം, വിമർശനവുമായി വി.ഡി. സതീശൻ
കോട്ടയം മെഡിക്കൽ കോളേജിൽ കെട്ടിടം ഇടിഞ്ഞുവീണ് സ്ത്രീ മരിച്ച സംഭവത്തിൽ പ്രതികരണവുമായി വി.ഡി. സതീശൻ. രക്ഷാപ്രവർത്തനം വൈകാൻ കാരണം മന്ത്രിമാരുടെ പ്രസ്താവനയാണെന്ന് അദ്ദേഹം ആരോപിച്ചു. സംഭവത്തിൽ മന്ത്രിമാർക്ക് ഉത്തരവാദിത്തമുണ്ടെന്നും സതീശൻ കുറ്റപ്പെടുത്തി.
ഗവർണർ സ്ഥാനത്തിനനുസരിച്ച് പ്രവർത്തിക്കണം; രാഷ്ട്രീയ പ്രചാരണം നടത്തരുതെന്ന് വി.ഡി. സതീശൻ
ഗവർണർ അദ്ദേഹത്തിൻ്റെ പദവിക്കനുസരിച്ച് പ്രവർത്തിക്കണമെന്ന് വി.ഡി. സതീശൻ ആവശ്യപ്പെട്ടു. ഗവർണർ രാഷ്ട്രീയ, മത പ്രചരണങ്ങൾക്ക് സ്ഥാനമുപയോഗിക്കരുതെന്നും അദ്ദേഹം കൂട്ടിച്ചേർത്തു. ആരോഗ്യമേഖലയിലെ പ്രശ്നങ്ങൾ ചർച്ച ചെയ്യേണ്ട വിഷയമാണെന്നും ഖദർ വിവാദം വഴിതിരിച്ചുവിടാനുള്ള മാധ്യമ ശ്രമമാണെന്നും അദ്ദേഹം വിമർശിച്ചു.