Umar Nabi
ചെങ്കോട്ട സ്ഫോടനക്കേസ്: മുഖ്യപ്രതി ഉമർ നബി സ്ഫോടകവസ്തുക്കൾ കാറിൽ സൂക്ഷിച്ചിരുന്നതായി എൻഐഎ
ഡൽഹി ചെങ്കോട്ട സ്ഫോടനക്കേസിലെ പ്രധാന പ്രതിയായ ഡോ. ഉമർ നബി സ്ഫോടകവസ്തുക്കൾ എപ്പോഴും കൈവശം വെച്ചിരുന്നതായി എൻഐഎയ്ക്ക് മൊഴി ലഭിച്ചു. പ്രതി ഐ20 കാറിൽ ഒരു സ്യൂട്ട്കേസിൽ പകുതി നിർമ്മിച്ച ബോംബ് സൂക്ഷിച്ചിരുന്നുവെന്ന് അന്വേഷണത്തിൽ വ്യക്തമായി. കശ്മീരിൽ വലിയ ആക്രമണ പദ്ധതികൾക്ക് ഇയാൾ നേതൃത്വം നൽകാൻ തയ്യാറെടുക്കുകയായിരുന്നുവെന്നും എൻഐഎയ്ക്ക് വിവരം ലഭിച്ചിട്ടുണ്ട്.
ഡൽഹി ചെങ്കോട്ട സ്ഫോടനത്തെ ന്യായീകരിച്ച് ചാവേർ; ഒരാൾ കൂടി അറസ്റ്റിൽ
ഡൽഹി ചെങ്കോട്ട സ്ഫോടനത്തെ ന്യായീകരിച്ച് ചാവേർ ഉമർ നബിയുടെ വീഡിയോ പുറത്ത്. സ്ഫോടനവുമായി ബന്ധപ്പെട്ട് ശ്രീനഗറിൽ നിന്ന് ഒരാളെ എൻഐഎ അറസ്റ്റ് ചെയ്തു. കേസിൽ എൻഐഎ നടത്തുന്ന രണ്ടാമത്തെ അറസ്റ്റാണിത്.
ഡൽഹി ചെങ്കോട്ട സ്ഫോടനം; ഉമർ നബിയുടെ സഹായിയെ എൻഐഎ അറസ്റ്റ് ചെയ്തു
ഡൽഹി ചെങ്കോട്ട സ്ഫോടനവുമായി ബന്ധപ്പെട്ട് എൻഐഎ നിർണായക അറസ്റ്റ് രേഖപ്പെടുത്തി. സ്ഫോടനത്തിന് ഉപയോഗിച്ച വാഹനം രജിസ്റ്റർ ചെയ്തയാളെയാണ് എൻഐഎ പിടികൂടിയത്. ജമ്മു കശ്മീർ സ്വദേശി ആമിർ റഷീദ് ആണ് അറസ്റ്റിലായത്.
ഡൽഹി സ്ഫോടനക്കേസ്: മുഖ്യപ്രതി ഉമർ നബിയുടെ വീട് തകർത്തു
ഡൽഹി സ്ഫോടനക്കേസിലെ മുഖ്യപ്രതി ഉമർ നബിയുടെ ജമ്മു കശ്മീരിലെ പുൽവാമയിലുള്ള വീട് സുരക്ഷാ ഏജൻസികൾ ഇടിച്ചുനിരത്തി. ചെങ്കോട്ടയ്ക്ക് സമീപം സ്ഫോടനം നടത്തിയത് ഉമർ നബിയാണെന്ന് അന്വേഷണ ഏജൻസികൾ സ്ഥിരീകരിച്ചിരുന്നു. സ്ഫോടനത്തിന് ആവശ്യമായ അസംസ്കൃത വസ്തുക്കൾ വാങ്ങിയ കടകൾ അന്വേഷണ സംഘം കണ്ടെത്തിയിട്ടുണ്ട്.
ഡൽഹി സ്ഫോടനക്കേസ്: മുഖ്യപ്രതി ഉമർ നബിക്ക് തുർക്കി ബന്ധമെന്ന് സൂചന
ഡൽഹി സ്ഫോടനക്കേസിലെ മുഖ്യപ്രതിയായ ഡോ. ഉമർ നബി 'ഉകാസ' എന്ന ഹാൻഡിലറുമായി അടുത്ത ബന്ധം പുലർത്തിയിരുന്നു. തുർക്കിയിലെ അങ്കാറ ആസ്ഥാനമായി പ്രവർത്തിക്കുന്ന ഉകാസ, വൈറ്റ് കോളർ ഭീകരസംഘത്തെ ജയ്ഷെ മുഹമ്മദുമായി ബന്ധിപ്പിച്ചതാണെന്ന് റിപ്പോർട്ടുകൾ സൂചിപ്പിക്കുന്നു. ഈ കേസിൽ കൂടുതൽ അന്വേഷണങ്ങൾ നടന്നുകൊണ്ടിരിക്കുകയാണ്.
ഡൽഹി സ്ഫോടനത്തിൽ വഴിത്തിരിവ്; 500 മീറ്റർ അകലെ മൃതദേഹാവശിഷ്ടം കണ്ടെത്തി
ഡൽഹിയിൽ സ്ഫോടനം നടന്ന സ്ഥലത്തിന് സമീപം നിന്ന് മൃതദേഹ അവശിഷ്ടം കണ്ടെത്തി. 500 മീറ്ററോളം അകലെയുള്ള ടെറസിന് മുകളിൽ നിന്നാണ് അറ്റുപോയ കൈ കണ്ടെത്തിയത്. തിങ്കളാഴ്ച മെട്രോ സ്റ്റേഷന് സമീപം വൈകുന്നേരം 6.55 ഓടെയുണ്ടായ കാർ സ്ഫോടനത്തിൽ 13 പേരാണ് മരിച്ചത്.
ഡൽഹി സ്ഫോടനക്കേസ്: കാർ ഓടിച്ചിരുന്നത് ഉമർ നബിയെന്ന് സ്ഥിരീകരണം
ഡൽഹി സ്ഫോടനക്കേസിൽ സ്ഫോടനം നടത്തിയ കാർ ഓടിച്ചിരുന്നത് ഡോ. ഉമർ നബി തന്നെയെന്ന് സ്ഥിരീകരിച്ചു. കുടുംബാംഗങ്ങളുടെ ഡിഎൻഎ സാമ്പിളുകൾ പരിശോധിച്ചതിൽ നിന്നാണ് ഈ വിവരം ലഭിച്ചത്. വൈറ്റ് കോളർ ഭീകരസംഘത്തിലെ പ്രധാന കണ്ണികൾ ഡോ. ഉമറും ഡോ. മുസമ്മിൽ ഷക്കീലുമായിരുന്നുവെന്ന് എൻഐഎ അറിയിച്ചു.