UDF
കേരള കോൺഗ്രസ് എമ്മിന്റെ യുഡിഎഫ് പ്രവേശനത്തിൽ ഭിന്നത; മുന്നണി കൺവീനറെ തള്ളി ജോസഫ് ഗ്രൂപ്പ്
കേരള കോൺഗ്രസ് എമ്മിന്റെ യുഡിഎഫ് പ്രവേശനവുമായി ബന്ധപ്പെട്ട് മുന്നണി കൺവീനറുടെ നിലപാടിനെ ജോസഫ് ഗ്രൂപ്പ് തള്ളി. യുഡിഎഫ് കൺവീനറുടെ പ്രതികരണം വ്യക്തിപരമായ അഭിപ്രായമാണെന്നും, കേരള കോൺഗ്രസ് എം ഇപ്പോൾ യുഡിഎഫിലേക്ക് വരേണ്ട കാര്യമില്ലെന്നും മോൻസ് ജോസഫ് എംഎൽഎ വ്യക്തമാക്കി. ജോസ് കെ മാണി വിഭാഗം മുന്നണി വിട്ടുപോയതുകൊണ്ട് യുഡിഎഫിന് യാതൊരു ദോഷവും സംഭവിച്ചിട്ടില്ലെന്നും അദ്ദേഹം കൂട്ടിച്ചേർത്തു.
മുന്നണി വിപുലീകരണത്തിൽ അതൃപ്തി അറിയിച്ച് കേരള കോൺഗ്രസ് ജോസഫ്
മുന്നണി വിപുലീകരണവുമായി ബന്ധപ്പെട്ട് കോൺഗ്രസ് നടത്തുന്ന നീക്കങ്ങളിൽ കേരള കോൺഗ്രസ് ജോസഫ് വിഭാഗത്തിന് അതൃപ്തി. എൽഡിഎഫിൽ നിൽക്കുന്ന ഒരു പാർട്ടിയെയും യുഡിഎഫിലെത്തിക്കാൻ ചർച്ചകൾ നടക്കുന്നില്ലെന്ന് മോൻസ് ജോസഫ് പറഞ്ഞു. മുന്നണിയുടെ അടിത്തറ വിപുലമാക്കുന്നത് നല്ലതാണെന്ന് മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം അഭിപ്രായപ്പെട്ടു.
പേരാമ്പ്ര സംഘർഷം: പൊലീസുകാർക്ക് നേരെ സ്ഫോടകവസ്തു എറിഞ്ഞ കേസിൽ യുഡിഎഫ് പ്രവർത്തകർക്കെതിരെ എഫ്ഐആർ
കോഴിക്കോട് പേരാമ്പ്രയിൽ സംഘർഷത്തിനിടെ പൊലീസുകാർക്ക് നേരെ സ്ഫോടകവസ്തു എറിഞ്ഞ സംഭവത്തിൽ യുഡിഎഫ് പ്രവർത്തകർക്കെതിരെ പേരാമ്പ്ര പൊലീസ് പുതിയ എഫ്ഐആർ രജിസ്റ്റർ ചെയ്തു. ഏകദേശം 700 ഓളം ആളുകളെ പൊലീസ് തടഞ്ഞു വെച്ചിരുന്നു, അവരിൽ ഒരാൾ പൊലീസ് ഉദ്യോഗസ്ഥരുടെ ജീവൻ അപായപ്പെടുത്താനും കൃത്യനിർവഹണം തടസ്സപ്പെടുത്താനും ഉദ്ദേശിച്ച് സ്ഫോടക വസ്തു എറിഞ്ഞു. സ്ഫോടക വസ്തു നിരോധന നിയമപ്രകാരമാണ് കേസ് രജിസ്റ്റർ ചെയ്തിരിക്കുന്നത്.
ഹർഷിനയുടെ ചികിത്സ ഏറ്റെടുത്ത് യുഡിഎഫ്; സർക്കാർ അവഗണന അവസാനിപ്പിക്കണമെന്ന് വി.ഡി. സതീശൻ
വയറ്റിൽ കത്രിക കുടുങ്ങിയ സംഭവത്തിൽ ഹർഷിനയുടെ ചികിത്സ യുഡിഎഫ് ഏറ്റെടുക്കും. ആരോഗ്യ മന്ത്രി സമരപ്പന്തലിൽ എത്തിയിട്ടും സർക്കാരിന്റെ ഭാഗത്തുനിന്ന് ഒരു സഹായവും ഉണ്ടായില്ലെന്നും വി.ഡി. സതീശൻ കുറ്റപ്പെടുത്തി. ഹർഷിനയുടെ കേസ് കേരളത്തിന് അപമാനകരമായ സംഭവമാണെന്നും അതിനാൽ യുഡിഎഫ് അവർക്ക് ആവശ്യമായ ചികിത്സ നൽകുമെന്നും അദ്ദേഹം അറിയിച്ചു.
എൻഎസ്എസ് സമദൂരം പാലിക്കുമെന്ന് യുഡിഎഫ്; ഇടത് പക്ഷത്തിനുള്ള പിന്തുണ ശബരിമലയിൽ മാത്രം: രമേശ് ചെന്നിത്തല
എൻഎസ്എസ് സമദൂരം തുടരുമെന്ന പ്രതീക്ഷയിൽ യുഡിഎഫ് രംഗത്ത്. എൻഎസ്എസിനെതിരായ വിമർശനങ്ങളിൽ കോൺഗ്രസ് പങ്കാളികളല്ലെന്ന് കെ.സി വേണുഗോപാൽ പ്രതികരിച്ചു. സമുദായ സംഘടനകൾക്ക് സ്വതന്ത്ര നിലപാട് സ്വീകരിക്കാമെന്നും അദ്ദേഹം കൂട്ടിച്ചേർത്തു.
രാഹുൽ മാങ്കൂട്ടത്തിലിനെ പാലക്കാട്ടേക്ക് സ്വാഗതം ചെയ്ത് യുഡിഎഫ്
രാഹുൽ മാങ്കൂട്ടത്തിൽ എംഎൽഎയെ പാലക്കാട്ടേക്ക് സ്വാഗതം ചെയ്ത് യുഡിഎഫ് രംഗത്ത്. രാഹുൽ വിഷയം വോട്ടർമാരെ ബാധിക്കില്ലെന്നും യുഡിഎഫ് ജില്ലാ ചെയർമാൻ മരക്കാർ മാരായമംഗലം പറഞ്ഞു. രാഹുൽ മണ്ഡലത്തിൽ തിരിച്ചെത്തുമ്പോൾ സംരക്ഷണം ഒരുക്കുന്ന കാര്യത്തിൽ തീരുമാനമെടുത്തിട്ടില്ലെന്നും അദ്ദേഹം കൂട്ടിച്ചേർത്തു.
യുഡിഎഫിലേക്ക് പോകാൻ തീരുമാനിച്ചിട്ടില്ലെന്ന് സി.കെ. ജാനു
യുഡിഎഫുമായി സഹകരിക്കുന്ന കാര്യത്തിൽ ഇതുവരെ തീരുമാനമായിട്ടില്ലെന്ന് സി.കെ. ജാനു. ഏതെങ്കിലും മുന്നണിയുമായി സഹകരിക്കാൻ സാധ്യതയുണ്ടെങ്കിൽ അത് പരിഗണിക്കാമെന്നാണ് പാർട്ടി തീരുമാനം. ഭൂരിഭാഗം പ്രവർത്തകരും ഏതെങ്കിലും മുന്നണിക്കൊപ്പം നിൽക്കണമെന്നാണ് ആഗ്രഹിക്കുന്നതെന്നും അവർ കൂട്ടിച്ചേർത്തു.
യൂത്ത് കോൺഗ്രസ് നേതാവിനെ മർദ്ദിച്ച സംഭവം: യുഡിഎഫ് സത്യഗ്രഹ സമരം രണ്ടാം ദിവസത്തിലേക്ക്
തൃശൂർ കുന്നംകുളം സ്റ്റേഷനിൽ യൂത്ത് കോൺഗ്രസ് നേതാവിനെ മർദ്ദിച്ച പൊലീസുകാരെ സർവീസിൽ നിന്ന് പുറത്താക്കണമെന്ന് ആവശ്യപ്പെട്ട് യുഡിഎഫ് എംഎൽഎമാർ നടത്തുന്ന സത്യഗ്രഹ സമരം രണ്ടാം ദിവസത്തിലേക്ക്. നിയമസഭാ കവാടത്തിനു മുന്നിൽ ടി ജെ സനീഷ് കുമാർ ജോസഫും, എകെഎം അഷ്റഫുമാണ് സത്യഗ്രഹസമരം നടത്തുന്നത്. ഈ വിഷയത്തിൽ പ്രതിപക്ഷം സഭയിൽ ഇന്നും ചർച്ചകൾ ഉന്നയിക്കും.
രാഹുൽ മാങ്കൂട്ടത്തിലിന് പൂർണ്ണ പിന്തുണയുമായി അടൂർ പ്രകാശ്
രാഹുൽ മാങ്കൂട്ടത്തിലിന്റെ കാര്യത്തിൽ ഒരു ആശയക്കുഴപ്പവുമില്ലെന്ന് യുഡിഎഫ് കൺവീനർ അടൂർ പ്രകാശ്. രാഹുലിനെതിരെ ഇതുവരെ ഒരു പരാതിയും ലഭിച്ചിട്ടില്ല. നിയമസഭാ സമ്മേളനത്തിൽ രാഹുൽ പങ്കെടുക്കണം, അദ്ദേഹത്തിന് എല്ലാ അവകാശങ്ങളുമുണ്ട് എന്നും അടൂർ പ്രകാശ് വ്യക്തമാക്കി.
പി.കെ. ശശിക്ക് സി.പി.ഐ.എമ്മിൽ തുടരാനാവില്ല, യു.ഡി.എഫ് പരിഗണിക്കാമെന്ന് സന്ദീപ് വാര്യർ
പി.കെ. ശശിക്ക് സി.പി.ഐ.എമ്മിൽ തുടരാൻ കഴിയില്ലെന്നും യു.ഡി.എഫിലേക്ക് വരുന്നത് പരിഗണിക്കാമെന്നും സന്ദീപ് വാര്യർ അഭിപ്രായപ്പെട്ടു. പരസ്യ പ്രതികരണങ്ങളിൽ നിന്ന് പി.കെ. ശശിയെ സി.പി.ഐ.എം സംസ്ഥാന നേതൃത്വം വിലക്കിയിട്ടുണ്ട്. മണ്ണാർക്കാട് പി.കെ. ശശിയെ ചൊല്ലിയുള്ള തർക്കം രൂക്ഷമായി തുടരുകയാണ്.
സർവകലാശാലകളിൽ സംഘി-മാർക്സിസ്റ്റ് വൽക്കരണം നടക്കുന്നു: അടൂർ പ്രകാശ്
സംസ്ഥാനത്തെ സർവ്വകലാശാലകളിൽ സംഘി വല്ക്കരണവും മാർക്സിസ്റ്റ് വല്ക്കരണവുമാണ് നടക്കുന്നതെന്ന് യുഡിഎഫ് കൺവീനർ അടൂർ പ്രകാശ് അഭിപ്രായപ്പെട്ടു. ആരോഗ്യ വിദ്യാഭ്യാസ രംഗത്തെ ആശങ്കകൾ ജനങ്ങളിലേക്ക് എത്തിക്കുന്നതിനായി അടുത്ത മാസം ഹെൽത്ത് കോൺക്ലേവും എഡ്യൂക്കേഷൻ കോൺക്ലേവും യുഡിഎഫ് സംഘടിപ്പിക്കും. കൂടാതെ, 23ന് എല്ലാ ജില്ലകളിലും യുഡിഎഫിന്റെ പ്രതിഷേധ സംഗമം നടത്തുമെന്നും അദ്ദേഹം അറിയിച്ചു.
ആരോഗ്യരംഗത്തെ പ്രശ്നങ്ങൾ പഠിക്കാൻ യുഡിഎഫ് ഹെൽത്ത് കമ്മീഷൻ രൂപീകരിച്ചു
സംസ്ഥാനത്തെ ആരോഗ്യരംഗത്തെ പ്രശ്നങ്ങൾ പഠിക്കുന്നതിനായി യുഡിഎഫ് ഹെൽത്ത് കമ്മീഷൻ രൂപീകരിച്ചു. ഡോ. എസ്.എസ് ലാലാണ് അഞ്ചംഗ സമിതിയുടെ അധ്യക്ഷൻ. മൂന്ന് മാസത്തിനുള്ളിൽ പ്രാഥമിക റിപ്പോർട്ടും ആറ് മാസത്തിനുള്ളിൽ സമ്പൂർണ്ണ റിപ്പോർട്ടും സമർപ്പിക്കാനാണ് കമ്മീഷന്റെ ലക്ഷ്യം.