UDF
യുഡിഎഫിലേക്ക് പോകാൻ തീരുമാനിച്ചിട്ടില്ലെന്ന് സി.കെ. ജാനു
യുഡിഎഫുമായി സഹകരിക്കുന്ന കാര്യത്തിൽ ഇതുവരെ തീരുമാനമായിട്ടില്ലെന്ന് സി.കെ. ജാനു. ഏതെങ്കിലും മുന്നണിയുമായി സഹകരിക്കാൻ സാധ്യതയുണ്ടെങ്കിൽ അത് പരിഗണിക്കാമെന്നാണ് പാർട്ടി തീരുമാനം. ഭൂരിഭാഗം പ്രവർത്തകരും ഏതെങ്കിലും മുന്നണിക്കൊപ്പം നിൽക്കണമെന്നാണ് ആഗ്രഹിക്കുന്നതെന്നും അവർ കൂട്ടിച്ചേർത്തു.
യൂത്ത് കോൺഗ്രസ് നേതാവിനെ മർദ്ദിച്ച സംഭവം: യുഡിഎഫ് സത്യഗ്രഹ സമരം രണ്ടാം ദിവസത്തിലേക്ക്
തൃശൂർ കുന്നംകുളം സ്റ്റേഷനിൽ യൂത്ത് കോൺഗ്രസ് നേതാവിനെ മർദ്ദിച്ച പൊലീസുകാരെ സർവീസിൽ നിന്ന് പുറത്താക്കണമെന്ന് ആവശ്യപ്പെട്ട് യുഡിഎഫ് എംഎൽഎമാർ നടത്തുന്ന സത്യഗ്രഹ സമരം രണ്ടാം ദിവസത്തിലേക്ക്. നിയമസഭാ കവാടത്തിനു മുന്നിൽ ടി ജെ സനീഷ് കുമാർ ജോസഫും, എകെഎം അഷ്റഫുമാണ് സത്യഗ്രഹസമരം നടത്തുന്നത്. ഈ വിഷയത്തിൽ പ്രതിപക്ഷം സഭയിൽ ഇന്നും ചർച്ചകൾ ഉന്നയിക്കും.
രാഹുൽ മാങ്കൂട്ടത്തിലിന് പൂർണ്ണ പിന്തുണയുമായി അടൂർ പ്രകാശ്
രാഹുൽ മാങ്കൂട്ടത്തിലിന്റെ കാര്യത്തിൽ ഒരു ആശയക്കുഴപ്പവുമില്ലെന്ന് യുഡിഎഫ് കൺവീനർ അടൂർ പ്രകാശ്. രാഹുലിനെതിരെ ഇതുവരെ ഒരു പരാതിയും ലഭിച്ചിട്ടില്ല. നിയമസഭാ സമ്മേളനത്തിൽ രാഹുൽ പങ്കെടുക്കണം, അദ്ദേഹത്തിന് എല്ലാ അവകാശങ്ങളുമുണ്ട് എന്നും അടൂർ പ്രകാശ് വ്യക്തമാക്കി.
പി.കെ. ശശിക്ക് സി.പി.ഐ.എമ്മിൽ തുടരാനാവില്ല, യു.ഡി.എഫ് പരിഗണിക്കാമെന്ന് സന്ദീപ് വാര്യർ
പി.കെ. ശശിക്ക് സി.പി.ഐ.എമ്മിൽ തുടരാൻ കഴിയില്ലെന്നും യു.ഡി.എഫിലേക്ക് വരുന്നത് പരിഗണിക്കാമെന്നും സന്ദീപ് വാര്യർ അഭിപ്രായപ്പെട്ടു. പരസ്യ പ്രതികരണങ്ങളിൽ നിന്ന് പി.കെ. ശശിയെ സി.പി.ഐ.എം സംസ്ഥാന നേതൃത്വം വിലക്കിയിട്ടുണ്ട്. മണ്ണാർക്കാട് പി.കെ. ശശിയെ ചൊല്ലിയുള്ള തർക്കം രൂക്ഷമായി തുടരുകയാണ്.
സർവകലാശാലകളിൽ സംഘി-മാർക്സിസ്റ്റ് വൽക്കരണം നടക്കുന്നു: അടൂർ പ്രകാശ്
സംസ്ഥാനത്തെ സർവ്വകലാശാലകളിൽ സംഘി വല്ക്കരണവും മാർക്സിസ്റ്റ് വല്ക്കരണവുമാണ് നടക്കുന്നതെന്ന് യുഡിഎഫ് കൺവീനർ അടൂർ പ്രകാശ് അഭിപ്രായപ്പെട്ടു. ആരോഗ്യ വിദ്യാഭ്യാസ രംഗത്തെ ആശങ്കകൾ ജനങ്ങളിലേക്ക് എത്തിക്കുന്നതിനായി അടുത്ത മാസം ഹെൽത്ത് കോൺക്ലേവും എഡ്യൂക്കേഷൻ കോൺക്ലേവും യുഡിഎഫ് സംഘടിപ്പിക്കും. കൂടാതെ, 23ന് എല്ലാ ജില്ലകളിലും യുഡിഎഫിന്റെ പ്രതിഷേധ സംഗമം നടത്തുമെന്നും അദ്ദേഹം അറിയിച്ചു.
ആരോഗ്യരംഗത്തെ പ്രശ്നങ്ങൾ പഠിക്കാൻ യുഡിഎഫ് ഹെൽത്ത് കമ്മീഷൻ രൂപീകരിച്ചു
സംസ്ഥാനത്തെ ആരോഗ്യരംഗത്തെ പ്രശ്നങ്ങൾ പഠിക്കുന്നതിനായി യുഡിഎഫ് ഹെൽത്ത് കമ്മീഷൻ രൂപീകരിച്ചു. ഡോ. എസ്.എസ് ലാലാണ് അഞ്ചംഗ സമിതിയുടെ അധ്യക്ഷൻ. മൂന്ന് മാസത്തിനുള്ളിൽ പ്രാഥമിക റിപ്പോർട്ടും ആറ് മാസത്തിനുള്ളിൽ സമ്പൂർണ്ണ റിപ്പോർട്ടും സമർപ്പിക്കാനാണ് കമ്മീഷന്റെ ലക്ഷ്യം.
കേരളം ഭരിക്കാൻ കോൺഗ്രസ് ഒറ്റക്കെട്ടായി മുന്നോട്ട് പോകണമെന്ന് കെ. മുരളീധരൻ
നിലമ്പൂർ മോഡൽ പിന്തുടർന്നാൽ കേരളത്തിൽ കോൺഗ്രസ് അധികാരത്തിൽ വരുമെന്ന് കെ. മുരളീധരൻ. പാർട്ടി ഒറ്റക്കെട്ടായി മുന്നോട്ട് പോകേണ്ടത് അത്യാവശ്യമാണെന്നും അദ്ദേഹം അഭിപ്രായപ്പെട്ടു. പി.വി. അൻവറിനായുള്ള യു.ഡി.എഫ് വാതിലുകൾ തുറക്കേണ്ടതില്ലെന്ന നിലപാടിന് കെ.പി.സി.സി രാഷ്ട്രീയകാര്യ സമിതിയിൽ പിന്തുണ ലഭിച്ചു.
എൽഡിഎഫ് പാർട്ടികളെയും യുഡിഎഫിൽ എത്തിക്കും; രാഷ്ട്രീയ കാര്യ സമിതി യോഗം ഇന്ന്
എൽഡിഎഫിന്റെ ഭാഗമായ പാർട്ടികളെ യുഡിഎഫിൽ എത്തിക്കുമെന്ന് കൺവീനർ അടൂർ പ്രകാശ്. പുതിയ കെപിസിസി അധ്യക്ഷന്റെ നേതൃത്വത്തിലുള്ള രാഷ്ട്രീയകാര്യ സമിതി യോഗം ഇന്ന് നടക്കും. പുനഃസംഘടനയും നിലമ്പൂർ ഉപതിരഞ്ഞെടുപ്പ് വിലയിരുത്തലും യോഗത്തിലെ പ്രധാന അജണ്ടകളാണ്.
പി.വി. അൻവറിൻ്റെ യു.ഡി.എഫ് പ്രവേശനം: കോൺഗ്രസിൽ ഭിന്നത രൂക്ഷം
പി.വി. അൻവറിൻ്റെ യു.ഡി.എഫ് പ്രവേശനവുമായി ബന്ധപ്പെട്ട് കോൺഗ്രസിൽ ഭിന്നത രൂക്ഷമാകുന്നു. വി.ഡി. സതീശൻ എതിർപ്പ് തുടരുമ്പോൾ, ലീഗും കെ.പി.സി.സി അധ്യക്ഷനും സഹകരണ നിലപാട് സ്വീകരിക്കുന്നു. സമവായ ചർച്ചകൾക്ക് മുസ്ലിം ലീഗ് ഇനിയില്ലെന്ന് അറിയിച്ചതോടെ രാഷ്ട്രീയ രംഗം കൂടുതൽ ശ്രദ്ധേയമാകുന്നു.
നിലമ്പൂരിൽ ചാണ്ടി ഉമ്മന്റെ ഇടപെടൽ ശ്രദ്ധേയമായി; യുവനേതാക്കൾക്കിടയിൽ ഭിന്നതയില്ലെന്ന് ചാണ്ടി ഉമ്മൻ
നിലമ്പൂർ ഉപതിരഞ്ഞെടുപ്പിൽ കോൺഗ്രസ് യുവനേതാക്കളുടെ ഐക്യം പ്രകടമാണെന്നും, തിരഞ്ഞെടുപ്പിൽ ഓരോ വിഷയങ്ങളും ഉയർത്തിക്കൊണ്ടുവരുന്നത് സ്വാഭാവികമാണെന്നും ചാണ്ടി ഉമ്മൻ പറഞ്ഞു. നിലമ്പൂരിൽ 3000-ത്തോളം വീടുകൾ സന്ദർശിച്ചെന്നും റീലുകളേക്കാൾ പ്രധാനo പ്രവൃത്തിയാണെന്നും അദ്ദേഹം കൂട്ടിച്ചേർത്തു. എടക്കര പഞ്ചായത്തിൽ യുഡിഎഫിന് ലീഡ് നേടാനായത് അദ്ദേഹത്തിന്റെ കഠിനാധ്വാനം കൊണ്ടാണെന്നും വിലയിരുത്തലുണ്ട്.
പി.വി. അൻവറിനെ യുഡിഎഫിൽ എടുക്കുന്ന കാര്യത്തിൽ പ്രതികരണമില്ലെന്ന് വി.ഡി. സതീശൻ
പി.വി. അൻവറിനെ യുഡിഎഫിൽ എടുക്കുന്നതുമായി ബന്ധപ്പെട്ട ചോദ്യത്തിന് വി.ഡി. സതീശൻ മറുപടി നൽകിയില്ല. നിലമ്പൂരിൽ കണ്ടത് ജനങ്ങളെ മറന്നുപോയ സർക്കാരിനുള്ള പ്രതികരണമാണെന്നും അദ്ദേഹം പറഞ്ഞു. വർഗീയവാദികളുടെ വോട്ട് വേണ്ടെന്ന് തീരുമാനിച്ച പാർട്ടിയാണ് കോൺഗ്രസെന്നും സതീശൻ കൂട്ടിച്ചേർത്തു.
നിലമ്പൂരിൽ യുഡിഎഫ് വിജയാഘോഷം; വൈറലായി നേതാക്കളുടെ നൃത്തം
നിലമ്പൂർ നിയമസഭാ മണ്ഡലം യുഡിഎഫ് തിരിച്ചുപിടിച്ചതിനു പിന്നാലെ ആര്യാടൻ ഷൗക്കത്തിന്റെ വിജയം ആഘോഷമാക്കി യുഡിഎഫ് യുവനേതാക്കൾ. നിലമ്പൂരിൽ നടന്ന യുഡിഎഫ് വിജയാഹ്ലാദ റോഡ് ഷോയിൽ പങ്കെടുത്ത നേതാക്കളുടെ നൃത്തം വൈറലായി. "വിജയച്ചത് നിലമ്പൂരും യു ഡി എഫും മാത്രമല്ല, കേരളമാണ്" എന്ന് ഷാഫി പറമ്പിൽ പ്രതികരിച്ചു.