Traffic Disruption
കാസർകോട് ദേശീയപാതയിൽ പോത്തിൻകൂട്ടം; ഗതാഗത തടസ്സം
കാസർകോട് ദേശീയപാത 66-ൽ പോത്തിൻകൂട്ടം ഇറങ്ങിയതിനെ തുടർന്ന് ഗതാഗതം തടസ്സപ്പെട്ടു. മൊഗ്രാത്തിലെ സർവീസ് റോഡിൽ നിന്നാണ് പോത്തുകൾ ദേശീയപാതയിലേക്ക് കയറിയത്. പോത്തുകളുടെ ഉടമസ്ഥനെ കണ്ടെത്താനായി പോലീസ് അന്വേഷണം ആരംഭിച്ചു.
കോഴിക്കോട് മലപ്പറമ്പിൽ കുടിവെള്ള പൈപ്പ് പൊട്ടി; ഗതാഗതം തടസ്സപ്പെട്ടു, വീടുകളിൽ വെള്ളം കയറി
കോഴിക്കോട് മലപ്പറമ്പിൽ ജല അതോറിറ്റിയുടെ കുടിവെള്ള പൈപ്പ് പൊട്ടി. സമീപത്തെ വീടുകളിലും, വ്യാപാരസ്ഥാപനങ്ങളിലും വെള്ളം കയറി. റോഡിൽ വലിയ ഗർത്തം രൂപപ്പെട്ടു.
താമരശ്ശേരി ചുരത്തിൽ മണ്ണിടിച്ചിൽ; ഗതാഗതം പൂർണ്ണമായി നിർത്തിവെച്ചു
താമരശ്ശേരി ചുരം വ്യൂ പോയിന്റിൽ കല്ലും മണ്ണും ഇടിഞ്ഞതിനെ തുടർന്ന് ഗതാഗതം പൂർണ്ണമായി നിരോധിച്ചു. അപകട സാധ്യത ഇല്ലാത്തെന്ന് ഉറപ്പുവരുത്തിയ ശേഷം മാത്രമേ വാഹനങ്ങൾ കടത്തിവിടുകയുള്ളൂ. യാത്രക്കാർക്ക് കുറ്റ്യാടി ചുരം, നാടുകാണി ചുരം എന്നീ വഴികൾ ഉപയോഗിക്കാവുന്നതാണ്.
ചെളി തെറിപ്പിച്ചത് ചോദ്യം ചെയ്തതിന് കെഎസ്ആർടിസി ജീവനക്കാർ ബസ് നടുറോഡിലിട്ട് പോയി
ആലപ്പുഴ അരൂരിൽ ചെളി തെറിപ്പിച്ചതുമായി ബന്ധപ്പെട്ട തർക്കത്തെ തുടർന്ന് കെഎസ്ആർടിസി ജീവനക്കാർ ബസ് നടുറോഡിൽ ഉപേക്ഷിച്ച് പോയി. കോഴിക്കോട് - തിരുവനന്തപുരം സൂപ്പർ ഫാസ്റ്റ് ബസ്സാണ് ജീവനക്കാർ ഉപേക്ഷിച്ചത്. സംഭവത്തെ തുടർന്ന് മണിക്കൂറുകളോളം ഗതാഗതം തടസ്സപ്പെട്ടു, യാത്രക്കാരും നാട്ടുകാരും പ്രതിഷേധിച്ചു.
കണ്ണൂർ പാല്ചുരം റോഡിൽ മണ്ണിടിച്ചിൽ; ഗതാഗതം തടസ്സപ്പെട്ടു
കണ്ണൂർ പാല്ചുരം-ബോയ്സ് ടൗണ് റോഡിലുണ്ടായ മണ്ണിടിച്ചിലിൽ ഗതാഗതം തടസ്സപ്പെട്ടു. ശക്തമായ മഴയെത്തുടർന്ന് വടക്കൻ കേരളത്തിൽ വ്യാപക നാശനഷ്ടം ഉണ്ടായി. കോഴിക്കോട്, മലപ്പുറം, കാസർഗോഡ് ജില്ലകളിലും കനത്ത മഴ നാശനഷ്ടം വിതച്ചു.
വഴിതടച്ച സമ്മേളനങ്ങൾ: നേതാക്കൾ നേരിട്ട് ഹാജരാകാൻ ഹൈക്കോടതി നിർദേശം
പൊതുജനങ്ങൾക്ക് ബുദ്ധിമുട്ടുണ്ടാക്കുന്ന തരത്തിൽ വഴിതടഞ്ഞ് സമ്മേളനങ്ങളും പ്രതിഷേധങ്ങളും സംഘടിപ്പിച്ചതിന് രാഷ്ട്രീയ നേതാക്കൾക്കെതിരെ കർശന നടപടിയുമായി ഹൈക്കോടതി. എം.വി. ഗോവിന്ദൻ, ബിനോയ് വിശ്വം, മുഹമ്മദ് ഷിയാസ്, കിരൺ നാരായണൻ ഐപിഎസ് എന്നിവർ കോടതിയിൽ നേരിട്ട് ഹാജരാകണം. റോഡ് ഗതാഗതം തടസ്സപ്പെടുത്തുന്നത് ജനങ്ങളുടെ അവകാശങ്ങളുടെ ലംഘനമാണെന്ന് കോടതി ചൂണ്ടിക്കാട്ടി.
വഞ്ചിയൂരില് റോഡ് അടച്ച് സിപിഐഎം സമ്മേളനം; ഗതാഗതം സ്തംഭിച്ചു
തിരുവനന്തപുരം വഞ്ചിയൂരില് സിപിഐഎം ഏരിയാ സമ്മേളനത്തിനായി റോഡ് അടച്ച് സ്റ്റേജ് കെട്ടി. ജില്ലാ കോടതിക്ക് സമീപം റോഡ് കൈയ്യേറിയത് ഗതാഗതക്കുരുക്കിന് കാരണമായി. പൊതുജനങ്ങള് കടുത്ത അസംതൃപ്തി രേഖപ്പെടുത്തുന്നു.
കണ്ണൂരിൽ സിപിഐഎം സമരപന്തലിൽ കെഎസ്ആർടിസി ബസ് കുടുങ്ങി; ഗതാഗതം താറുമാറായി
കണ്ണൂരിൽ സിപിഐഎം സമരപന്തലിൽ കെഎസ്ആർടിസി ബസ് കുടുങ്ങി. ഒരു മണിക്കൂർ നീണ്ട ശ്രമത്തിനൊടുവിൽ ബസ് പുറത്തെടുത്തു. സംഭവം ഗതാഗതക്കുരുക്കിന് കാരണമായി.