Trade Agreement
ഇന്ത്യ- യൂറോപ്യൻ യൂണിയൻ സ്വതന്ത്ര വ്യാപാര കരാർ ചർച്ചയിൽ പുരോഗතියെന്ന് മന്ത്രി
ഇന്ത്യയും യൂറോപ്യൻ യൂണിയനും തമ്മിലുള്ള സ്വതന്ത്ര വ്യാപാര കരാർ ചർച്ചകളിൽ പുരോഗതിയുണ്ടെന്ന് വാണിജ്യ മന്ത്രി പിയൂഷ് ഗോയൽ അറിയിച്ചു. യൂറോപ്യൻ യൂണിയൻ സംഘം അടുത്ത ആഴ്ച ഇന്ത്യ സന്ദർശിക്കും. കരാർ യാഥാർഥ്യമാകുന്നതോടെ യൂറോപ്യൻ യൂണിയനിലെ 27 രാജ്യങ്ങളിലെ വിപണികൾ ഇന്ത്യക്ക് ലഭ്യമാകും.
യുഎസ് ഇന്ത്യ വ്യാപാര കരാറിൽ പെട്ടന്നുള്ള തീരുമാനമുണ്ടാകില്ലെന്ന് പീയുഷ് ഗോയൽ
യുഎസ് ഇന്ത്യ വ്യാപാര കരാറിൽ പെട്ടന്നുള്ള തീരുമാനങ്ങൾ ഉണ്ടാകില്ലെന്ന് കേന്ദ്ര വാണിജ്യ മന്ത്രി പീയുഷ് ഗോയൽ.അമേരിക്കയുമായി വ്യാപാര കരാറിനെക്കുറിച്ച് ചർച്ചകൾ നടക്കുന്നുണ്ട്. സമ്മർദത്തിന്റെ അടിസ്ഥാനത്തിലുള്ള തീരുമാനങ്ങൾ ഉണ്ടാകില്ലെന്നും അദ്ദേഹം കൂട്ടിച്ചേർത്തു.
ഇന്ത്യ-ബ്രിട്ടൺ ബന്ധത്തിൽ പുതിയ അധ്യായമെന്ന് പ്രധാനമന്ത്രി നരേന്ദ്രമോദി
ഇന്ത്യയും ബ്രിട്ടനുമായുള്ള ബന്ധത്തിൽ പുതിയ അധ്യായം തുറന്നുവെന്ന് പ്രധാനമന്ത്രി നരേന്ദ്ര മോദി. ഇരു രാജ്യങ്ങൾക്കും സ്വതന്ത്ര വ്യാപാര കരാർ ഗുണകരമാണെന്നും ഗസ്സയിലെയും യുക്രൈനിലെയും സംഘർഷങ്ങൾ ചർച്ചാവിഷയമായെന്നും മോദി- സ്റ്റാമർ സംയുക്ത പ്രസ്താവനയിൽ അറിയിച്ചു. ഇന്ത്യയുടെ സാമ്പത്തിക വളർച്ചയെ ബ്രിട്ടീഷ് പ്രധാനമന്ത്രി പ്രശംസിച്ചു.
ഇന്ത്യ-യുഎസ് വ്യാപാര ചർച്ചകൾ നാളെ പുനരാരംഭിക്കും
ഇന്ത്യയും യുഎസും തമ്മിലുള്ള വ്യാപാര കരാർ ചർച്ചകൾ നാളെ വീണ്ടും ആരംഭിക്കും. യുഎസ് വ്യാപാര പ്രതിനിധി ഇന്ന് ഇന്ത്യയിലെത്തും. ഒക്ടോബർ, നവംബർ മാസത്തോടെ കരാറിൻ്റെ ആദ്യ ഘട്ടം പൂർത്തിയാക്കുകയാണ് ലക്ഷ്യം.
കെൽട്രോൺ ഉൽപ്പന്നങ്ങൾ ഇനി സിംബാബ്വെയിലും; പുതിയ വാണിജ്യബന്ധത്തിന് തുടക്കം
കെൽട്രോൺ കേരളത്തിൽ നിർമ്മിക്കുന്ന ഉൽപ്പന്നങ്ങളും സേവനങ്ങളും ഇനി സിംബാബ്വെയിലും ലഭ്യമാകും. കൊച്ചിയിൽ നടന്ന ചടങ്ങിൽ സിംബാബ്വെ വ്യവസായ വാണിജ്യ സഹമന്ത്രിയുമായി നടത്തിയ ചർച്ചയിലാണ് തീരുമാനം. ആദ്യഘട്ടത്തിൽ 3,000 കോക്കോണിക്സ് ലാപ്ടോപ്പുകൾ കെൽട്രോൺ സിംബാബ്വെക്ക് നൽകും.
ഇന്ത്യൻ ഉത്പന്നങ്ങൾക്ക് അമേരിക്കയുടെ അധിക നികുതി; ഇന്ന് മുതൽ പ്രാബല്യത്തിൽ
ഇന്ത്യൻ ഉത്പന്നങ്ങൾക്ക് മേൽ അമേരിക്ക 25 ശതമാനം അധിക നികുതി ചുമത്തി. കാർഷികോത്പന്നങ്ങൾ ഉൾപ്പെടെയുള്ളവയ്ക്ക് അധിക നികുതി ബാധകമാകും. യുഎസ് സമ്മർദ്ദത്തിന് വഴങ്ങേണ്ടതില്ലെന്ന് കേന്ദ്രസർക്കാർ സൂചന നൽകി.
അമേരിക്കയും യൂറോപ്യൻ യൂണിയനും വ്യാപാര കരാറിൽ ഒപ്പുവച്ചു
അമേരിക്കയും യൂറോപ്യൻ യൂണിയനും പുതിയ വ്യാപാര കരാറിൽ ഒപ്പുവെച്ചു. യൂറോപ്യൻ യൂണിയൻ 600 ബില്യൺ ഡോളറിൻ്റെ നിക്ഷേപം അമേരിക്കയിൽ നടത്തും. അമേരിക്കയിലേക്ക് കയറ്റുമതി ചെയ്യുന്ന യൂറോപ്യൻ ഉത്പന്നങ്ങൾക്ക് 15 ശതമാനം തീരുവ ചുമത്തും.
ഇന്ത്യ-യുകെ സ്വതന്ത്ര വ്യാപാര കരാറിന് അംഗീകാരം; ചരിത്ര ദിനമെന്ന് പ്രധാനമന്ത്രി
ഇന്ത്യയും യുകെയും തമ്മിലുള്ള സ്വതന്ത്ര വ്യാപാര കരാറിന് അംഗീകാരം ലഭിച്ചു. നാല് വർഷത്തെ കാത്തിരിപ്പിന് ഒടുവിലാണ് കരാർ യാഥാർത്ഥ്യമാകുന്നത്. ഇന്ത്യയിൽ നിന്ന് യുകെയിലേക്ക് കയറ്റുമതി ചെയ്യുന്ന 99% ഉത്പന്നങ്ങൾക്കും തീരുവ ഒഴിവാകും.
ഇന്ത്യ-യുകെ സ്വതന്ത്ര വ്യാപാര കരാർ ഒപ്പുവയ്ക്കാൻ പ്രധാനമന്ത്രി നരേന്ദ്ര മോദി ബ്രിട്ടനിലേക്ക്
പ്രധാനമന്ത്രി നരേന്ദ്ര മോദി ദ്വിദിന സന്ദർശനത്തിനായി ബ്രിട്ടനിലേക്ക് യാത്രയാവുകയാണ്. സന്ദർശന വേളയിൽ ഇന്ത്യ-യുകെ സ്വതന്ത്ര വ്യാപാര കരാറിൽ അദ്ദേഹം ഒപ്പുവയ്ക്കും. സാമ്പത്തിക കുറ്റകൃത്യങ്ങളിൽ പ്രതിയായ വിജയ് മല്യയെ ഇന്ത്യയ്ക്ക് കൈമാറണമെന്ന് പ്രധാനമന്ത്രി ബ്രിട്ടനോട് ആവശ്യപ്പെട്ടേക്കും.
ഇന്ത്യ-യുകെ സ്വതന്ത്ര വ്യാപാര കരാർ: നിർണായക നീക്കം
ഇന്ത്യയും യുകെയും സ്വതന്ത്ര വ്യാപാര കരാറിൽ ഒപ്പുവെച്ചു. വിവിധ ഉൽപ്പന്നങ്ങളുടെ തീരുവ ഒഴിവാക്കുന്ന കരാർ ഇരു രാജ്യങ്ങളുടെയും സാമ്പത്തിക ബന്ധം ശക്തിപ്പെടുത്തും. വ്യാപാരം, നിക്ഷേപം, തൊഴിലവസരങ്ങൾ എന്നിവ വർധിപ്പിക്കാനും കരാർ സഹായിക്കും.
ഓസ്ട്രേലിയ ഇന്ത്യക്കാർക്ക് വർക്ക് ആൻ്റ് ഹോളിഡേ വീസ അനുവദിക്കുന്നു; ഒക്ടോബർ ഒന്ന് മുതൽ നടപ്പിലാക്കും
ഓസ്ട്രേലിയയും ഇന്ത്യയും തമ്മിലുള്ള വ്യാപാര കരാറിന്റെ അടിസ്ഥാനത്തിൽ ഒക്ടോബർ ഒന്ന് മുതൽ ഇന്ത്യയിൽ നിന്നുള്ള ആയിരം പേർക്ക് വർക്ക് ആൻ്റ് ഹോളിഡേ വീസ അനുവദിക്കും. 18 നും 30 വയസിനുമിടയിൽ പ്രായമുള്ളവർക്ക് ഓസ്ട്രേലിയയിൽ പഠിക്കാനും ജോലി ചെയ്യാനും യാത്ര ചെയ്യാനുമുള്ള അവസരം ഈ വിസ നൽകുന്നു. 2030 ആകുമ്പോഴേക്കും വർഷം നൂറ് ബില്യൺ ഓസ്ട്രേലിയൻ ഡോളറിൻ്റെ ഉഭയകക്ഷി വ്യാപാരം നടത്തിയെടുക്കുക എന്നതാണ് ഇരു രാജ്യങ്ങളുടെയും ലക്ഷ്യം.