Thrissur
തൃശ്ശൂർ പാലിയേക്കരയിൽ 120 കിലോ കഞ്ചാവുമായി നാല് പേർ പിടിയിൽ
തൃശ്ശൂർ പാലിയേക്കരയിൽ 120 കിലോ കഞ്ചാവുമായി നാല് പേരെ തൃശ്ശൂർ റൂറൽ ഡാൻസാഫ് സംഘം അറസ്റ്റ് ചെയ്തു. കേരളത്തിലേക്ക് വില്പനക്കായി എത്തിച്ച കഞ്ചാവാണ് പിടികൂടിയത്. ഒഡീഷയിൽ നിന്നും കേരളത്തിലേക്ക് ലഹരി മരുന്ന് എത്തിക്കുന്ന സംഘത്തിലെ പ്രധാന കണ്ണികളാണ് ഇവരെന്നാണ് കണ്ടെത്തൽ.
ചാവക്കാട് ദേശീയപാതയിൽ വിള്ളൽ; ജില്ലാ കളക്ടർ റിപ്പോർട്ട് തേടി
തൃശ്ശൂർ ചാവക്കാട് മണത്തലയിൽ ദേശീയപാത 66-ൽ വിള്ളൽ കണ്ടെത്തിയ സംഭവത്തിൽ ജില്ലാ കളക്ടർ ദേശീയപാത അതോറിറ്റിയോട് വിശദീകരണം തേടി. സംഭവത്തിൽ അന്വേഷണം നടത്തി റിപ്പോർട്ട് സമർപ്പിക്കാൻ പൊലീസിനോടും, തഹസിൽദാരോടും കളക്ടർ ആവശ്യപ്പെട്ടിട്ടുണ്ട്. നിർമ്മാണം നടക്കുന്ന പാലത്തിൽ ടാറിങ് പൂർത്തിയായ ഭാഗത്താണ് വിള്ളൽ കണ്ടെത്തിയത്.
ചാവക്കാട് ദേശീയ പാത 66-ൽ വിള്ളൽ; ആശങ്കയിൽ നാട്ടുകാർ
തൃശൂർ ചാവക്കാട് ദേശീയ പാത 66-ൽ വിള്ളൽ കണ്ടെത്തി. മണത്തലയിൽ നിർമ്മാണം നടക്കുന്ന മേൽപ്പാലത്തിനു മുകളിലാണ് വിള്ളലുണ്ടായത്. മലപ്പുറത്ത് ഉണ്ടായ അപകടം പോലെ സംഭവിക്കുമോ എന്ന ഭീതിയിലാണ് നാട്ടുകാർ.
തൃശ്ശൂർ പാത്രമംഗലത്ത് കുളത്തിൽ മുങ്ങി 15കാരൻ മരിച്ചു
തൃശ്ശൂർ പാത്രമംഗലത്ത് കുളത്തിൽ മുങ്ങി 15 വയസ്സുകാരൻ മരിച്ചു. കുന്നംകുളം ചെറുവത്തൂർ സ്വദേശി സുനോജിന്റെ മകൻ അദ്വൈത് (15) ആണ് മരിച്ചത്. ആദൂരിലെ ബന്ധുവീട്ടിൽ എത്തിയതായിരുന്നു അദ്വൈത്, വൈകുന്നേരം കൂട്ടുകാരുമൊത്ത് കുളത്തിൽ ഇറങ്ങിയപ്പോഴാണ് അപകടം സംഭവിച്ചത്.
വി.ആർ. കൃഷ്ണനെഴുത്തച്ഛനെ അനുസ്മരിച്ച് ബിജെപി; ഇന്ന് ചരമവാർഷികം
കോൺഗ്രസ് നേതാവും സ്വാതന്ത്ര്യസമര സേനാനിയുമായിരുന്ന വി.ആർ. കൃഷ്ണനെഴുത്തച്ഛനെ അനുസ്മരിച്ച് ബിജെപി രംഗത്ത്. അദ്ദേഹത്തിന്റെ 21-ാം ചരമവാർഷിക ദിനമായ ഇന്ന് ബിജെപിയും കോൺഗ്രസും അനുസ്മരണ പരിപാടികൾ സംഘടിപ്പിക്കുന്നു. അവണിശ്ശേരിയിലെ അദ്ദേഹത്തിൻ്റെ വീട്ടിലാണ് ഇരു പാർട്ടികളുടെയും പരിപാടികൾ നടക്കുന്നത്.
പാലിയേക്കര ടോൾ പ്ലാസയിൽ ജീവനക്കാരന് ക്രൂര മർദ്ദനം; പ്രതി കസ്റ്റഡിയിൽ.
പാലിയേക്കര ടോൾ പ്ലാസയിൽ ഡ്യൂട്ടിയിലുണ്ടായിരുന്ന ജീവനക്കാരന് ക്രൂര മർദ്ദനമേറ്റു. തൃശൂർ ഭാഗത്ത് നിന്നെത്തിയ ടോറസ് ലോറിയിലെ ഡ്രൈവറാണ് ഉത്തർപ്രദേശ് സ്വദേശിയായ പപ്പു കുമാറിനെ മർദ്ദിച്ചത്. സംഭവത്തിന് ശേഷം ഒളിവിൽ പോയ പ്രതിയെ പുതുക്കാട് പൊലീസ് കസ്റ്റഡിയിലെടുത്തു.
തൃശ്ശൂരിൽ വിവിധ സ്ഥാപനങ്ങളിൽ അവസരങ്ങൾ; കുക്കറി കോഴ്സിലേക്ക് അപേക്ഷിക്കാം, അധ്യാപക നിയമനവുമുണ്ട്
തൃശ്ശൂരിലെ പൂത്തോൾ ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ വീട്ടമ്മമാർക്കും സ്വയം തൊഴിൽ കണ്ടെത്താൻ ആഗ്രഹിക്കുന്നവർക്കുമായി ഹ്രസ്വകാല കുക്കറി കോഴ്സിലേക്ക് അപേക്ഷിക്കാം. പട്ടികജാതി വികസന വകുപ്പിന് കീഴിൽ പ്രവർത്തിക്കുന്ന മോഡൽ റെസിഡൻഷ്യൽ സ്കൂളുകളിലേക്ക് അധ്യാപക നിയമനത്തിനും അപേക്ഷ ക്ഷണിച്ചിട്ടുണ്ട്. താല്പര്യമുള്ളവർക്ക് അതത് സ്ഥാപനങ്ങളിൽ ബന്ധപ്പെട്ട് അപേക്ഷിക്കാം.
തൃശൂർ മോഡൽ റസിഡൻഷ്യൽ സ്കൂളുകളിൽ അധ്യാപക നിയമനം: അപേക്ഷ ക്ഷണിച്ചു
തൃശൂർ ജില്ലയിലെ വടക്കാഞ്ചേരി, ചേലക്കര മോഡൽ റസിഡൻഷ്യൽ സ്കൂളുകളിലേക്ക് അധ്യാപക നിയമനത്തിന് അപേക്ഷ ക്ഷണിച്ചു. ഹൈസ്കൂൾ, ഹയർ സെക്കൻഡറി വിഭാഗങ്ങളിലാണ് ഒഴിവുകൾ ഉള്ളത്. താല്പര്യമുള്ള ഉദ്യോഗാർത്ഥികൾ മെയ് 20-ന് മുമ്പായി അപേക്ഷകൾ സമർപ്പിക്കേണ്ടതാണ്.
കൊടകരയിൽ വൻ എംഡിഎംഎ വേട്ട; രണ്ട് പേർ പിടിയിൽ
കൊടകരയിൽ 180 ഗ്രാമിലധികം എംഡിഎംഎയുമായി രണ്ടുപേർ പിടിയിലായി. ദീപക്, ദീക്ഷിത എന്നിവരാണ് അറസ്റ്റിലായത്. ബംഗളൂരുവിൽ നിന്ന് കടത്തിക്കൊണ്ടുവന്ന എംഡിഎംഎയാണ് പിടിച്ചെടുത്തത്.
പുലിപ്പല്ല് കേസ്: വേടനുമായി തൃശ്ശൂരിൽ വനംവകുപ്പ് തെളിവെടുപ്പ്
പുലിപ്പല്ല് കേസിൽ റാപ്പർ വേടനുമായി തൃശ്ശൂരിൽ വനംവകുപ്പ് തെളിവെടുപ്പ് നടത്തി. വിയ്യൂരിലെ ജ്വല്ലറിയിലും വേടന്റെ വീട്ടിലും പരിശോധന നടന്നു. യഥാർത്ഥ പുലിപ്പല്ലാണെന്ന് അറിയാതെയാണ് ലോക്കറ്റ് നിർമ്മിച്ചതെന്ന് ജ്വല്ലറി ഉടമ പറഞ്ഞു.
പാലിയേക്കരയിലെ ടോൾ പിരിവ് തുടരും; ഉത്തരവ് പിൻവലിച്ചു
പാലിയേക്കരയിലെ ടോൾ പിരിവ് തുടരുമെന്ന് അധികൃതർ. ടോൾ പിരിവ് നിർത്തിവയ്ക്കാനുള്ള ഉത്തരവ് ജില്ലാ കളക്ടർ പിൻവലിച്ചു. ദേശീയപാത അധികൃതരുടെ ഉറപ്പിനെ തുടർന്നാണ് നടപടി.
ഭർതൃപിതാവിന്റെ ആക്രമണത്തിൽ യുവതി ഗുരുതരാവസ്ഥയിൽ
തിരുവില്വാമലയിൽ കുടുംബവഴക്കിനെ തുടർന്ന് യുവതിയെ ഭർതൃപിതാവ് വെട്ടിപ്പരുക്കേൽപ്പിച്ചു. മുഖത്തും ശരീരത്തിന്റെ മറ്റു ഭാഗങ്ങളിലും ഗുരുതരമായി പരിക്കേറ്റ യുവതിയെ തൃശ്ശൂർ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. പഴയന്നൂർ പൊലീസ് കേസെടുത്ത് അന്വേഷണം ആരംഭിച്ചു.