Thrissur
തൃശ്ശൂരിൽ വീണ്ടും കുഴിയിൽ വീണ് ജീവൻ നഷ്ടമായി; പ്രതിഷേധം കനക്കുന്നു
തൃശ്ശൂരിൽ അയ്യന്തോളിൽ റോഡിലെ കുഴിയിൽ വീഴാതിരിക്കാൻ ബൈക്ക് വെട്ടിച്ച യുവാവ് ബസ് കയറി മരിച്ചു. എൽതുരുത്ത് സ്വദേശി 24 വയസുള്ള ആബേൽ ചാക്കോ പോളാണ് മരിച്ചത്. സംഭവത്തിൽ പ്രതിഷേധിച്ച് കോൺഗ്രസ്, ബിജെപി പ്രവർത്തകർ റോഡ് ഉപരോധിച്ചു. പൊതുമരാമത്ത് വിജിലൻസിനോട് മന്ത്രി മുഹമ്മദ് റിയാസ് അടിയന്തിര റിപ്പോർട്ട് തേടിയിട്ടുണ്ട്.
തൃശ്ശൂർ വടക്കുംനാഥ ക്ഷേത്രത്തിലെ ആനയൂട്ട് ഇന്ന്
തൃശ്ശൂർ വടക്കുംനാഥ ക്ഷേത്രത്തിലെ ആനയൂട്ട് ഇന്ന് നടക്കും. 65ൽ അധികം ആനകൾ ആനയൂട്ടിൽ പങ്കെടുക്കും. എഴുപതിനായിരത്തിൽ അധികം ആളുകളെയാണ് ചടങ്ങിലേക്ക് പ്രതീക്ഷിക്കുന്നത്.
തൃശൂരിൽ സി.പി.ഐക്ക് വോട്ട് ചോർച്ച; ജില്ലാ സമ്മേളന റിപ്പോർട്ടിൽ വിമർശനം
തൃശൂർ ലോക്സഭാ തിരഞ്ഞെടുപ്പിൽ സി.പി.ഐക്ക് വോട്ട് ചോർച്ചയുണ്ടായെന്ന് ജില്ലാ സമ്മേളന റിപ്പോർട്ട്. പാർട്ടിയുടെ ശക്തികേന്ദ്രങ്ങളിൽപ്പോലും വോട്ട് ചോർച്ചയുണ്ടായി. എൽ.ഡി.എഫ് കൺവീനറുടെ പ്രസ്താവന ന്യൂനപക്ഷങ്ങളെ അകറ്റിയെന്നും റിപ്പോർട്ടിൽ വിമർശനമുണ്ട്.
ചേലക്കര താലൂക്ക് ആശുപത്രിയിൽ വീണ്ടും ചികിത്സാ പിഴവ്; പ്രതിഷേധവുമായി കോൺഗ്രസ്
തൃശൂർ ചേലക്കര താലൂക്ക് ആശുപത്രിയിൽ ചികിത്സാ പിഴവ് ആരോപിച്ചു വീണ്ടും പരാതി. കൈയുടെ ഞരമ്പ് മുറിഞ്ഞ രോഗിക്ക് ശരിയായ ചികിത്സ നൽകിയില്ലെന്ന് ആരോപണം. തുടർന്ന് കോൺഗ്രസ് പ്രതിഷേധ മാർച്ച് നടത്തി, പോലീസ് ഇടപെട്ട് പ്രതിഷേധം നിയന്ത്രിച്ചു.
തൃശ്ശൂരിൽ ബഹുനില കെട്ടിടത്തിന് തീപിടിച്ചു; രക്ഷാപ്രവർത്തനം തുടരുന്നു
തൃശ്ശൂരിൽ പ്രസ് ക്ലബ് റോഡിന് സമീപമുള്ള ബഹുനില കെട്ടിടത്തിൽ തീപിടിച്ച് അപകടം. കെട്ടിടത്തിൻ്റെ താഴത്തെ നിലയിലാണ് തീപിടിച്ചത്. തീ അണയ്ക്കാനുള്ള ശ്രമം തുടരുന്നു.
തൃശ്ശൂരിൽ ഞാവൽ പഴം ഇട്ട് വാറ്റ്; ഒരാൾ പിടിയിൽ
തൃശ്ശൂരിൽ ഞാവൽ പഴം ചേർത്ത് വാറ്റ് നടത്തിയ ഒരാൾ പിടിയിലായി. രഹസ്യവിവരത്തെ തുടർന്ന് തൃശ്ശൂർ എക്സൈസ് നടത്തിയ നീക്കത്തിലാണ് ഇയാൾ പിടിയിലായത്. ഓട്ടോറിക്ഷയിൽ മദ്യം എത്തിച്ച് വിൽപ്പന നടത്തുന്നതിനിടെയാണ് വരന്തരപ്പള്ളി സ്വദേശി രമേശ് പിടിയിലായത്.
തൃശ്ശൂരിൽ ഗുണ്ടാവിളയാട്ടം തടഞ്ഞ കമ്മീഷണറെ പ്രകീർത്തിച്ച ബോർഡ് നീക്കി
തൃശ്ശൂരിൽ ഗുണ്ടാ സംഘത്തിനെതിരെ നടപടിയെടുത്ത സിറ്റി പോലീസ് കമ്മീഷണർ ആർ. ഇളങ്കോയെ പ്രകീർത്തിച്ച് സ്ഥാപിച്ച ബോർഡ് നീക്കം ചെയ്തു. നെല്ലങ്കരയിൽ സ്ഥാപിച്ച 'ഇളങ്കോ നഗർ നെല്ലങ്കര' എന്ന ബോർഡാണ് വിവാദമായതിനെ തുടർന്ന് നീക്കം ചെയ്തത്. കോർപ്പറേഷന്റെയോ കമ്മീഷണറുടെയോ അനുമതിയില്ലാതെ സ്ഥാപിച്ച ബോർഡ് നീക്കം ചെയ്യാൻ കമ്മീഷണർ ഇളങ്കോ തന്നെയാണ് നിർദ്ദേശം നൽകിയത്.
സംസ്ഥാന സ്കൂൾ കലോത്സവം 2026 തൃശ്ശൂരിൽ
2026-ലെ സംസ്ഥാന സ്കൂൾ കലോത്സവം തൃശ്ശൂരിൽ നടത്താൻ തീരുമാനിച്ചു. കായികമേള തിരുവനന്തപുരത്തും, ശാസ്ത്രമേള പാലക്കാടും, സ്പെഷ്യൽ സ്കൂൾ മേള മലപ്പുറത്തും നടക്കും. 2025-ൽ തൃശ്ശൂർ ആയിരുന്നു കലോത്സവത്തിൽ കപ്പ് നേടിയത്.
തൃശ്ശൂർ മെഡിക്കൽ കോളേജിൽ ശസ്ത്രക്രിയക്കിടെ രോഗി മരിച്ചു; ചികിത്സാ പിഴവെന്ന് ആരോപണം
തൃശ്ശൂർ മെഡിക്കൽ കോളേജിൽ ശസ്ത്രക്രിയക്കിടെ രോഗി മരിച്ച സംഭവത്തിൽ ചികിത്സാ പിഴവ് ആരോപിച്ചു കുടുംബം. അതിരപ്പിള്ളി സ്വദേശി രാധാകൃഷ്ണനാണ് മരിച്ചത്. സംഭവത്തിൽ പോലീസ് അന്വേഷണം ആരംഭിച്ചു.
തൃശ്ശൂർ പന്നിത്തടത്ത് കെഎസ്ആർടിസി ബസ്സും മീൻ ലോറിയും കൂട്ടിയിടിച്ച് 12 പേർക്ക് പരിക്ക്
തൃശ്ശൂർ പന്നിത്തടത്ത് കെഎസ്ആർടിസി ബസ്സും മീൻ ലോറിയും കൂട്ടിയിടിച്ച് 12 പേർക്ക് പരിക്ക്. പുലർച്ചെ 1:30 ഓടെയാണ് അപകടം നടന്നത്. പരിക്കേറ്റവരെ കുന്നംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു.
തൃശൂരിൽ കൈക്കൂലി വാങ്ങുന്നതിനിടെ പൊലീസുകാരൻ പിടിയിൽ
തൃശൂരിൽ കൈക്കൂലി വാങ്ങുന്നതിനിടെ പൊലീസുകാരൻ പിടിയിലായി. ഒല്ലൂർ സ്റ്റേഷനിലെ സീനിയർ സി.പി.ഒ സജീഷ് ആണ് വിജിലൻസ്സിന്റെ പിടിയിലായത്. തമിഴ്നാട് സ്വദേശികളുടെ ഇൻഷുറൻസ് ക്ലെയിമുമായി ബന്ധപ്പെട്ട് 2,000 രൂപ കൈക്കൂലി വാങ്ങുന്നതിനിടെയാണ് ഇയാളെ പിടികൂടിയത്.
തൃശ്ശൂരിൽ നവജാത ശിശുക്കളെ കൊലപ്പെടുത്തിയ സംഭവം; പ്രതിയുടെ വീട്ടിൽ ഫൊറൻസിക് സംഘം പരിശോധന നടത്തുന്നു
തൃശ്ശൂരിൽ നവജാത ശിശുക്കളെ കൊലപ്പെടുത്തിയ സംഭവത്തിൽ പ്രതി അനീഷയുടെ വീട്ടിൽ ഫൊറൻസിക് സംഘം പരിശോധന നടത്തി. വെള്ളിക്കുളങ്ങരയിലെ അനീഷയുടെ വീട്ടിലാണ് പരിശോധന നടക്കുന്നത്. തൃശൂർ മെഡിക്കൽ കോളജിലെ ഫോറൻസിക് മേധാവി ഡോ.ഉന്മേഷിന്റെ നേതൃത്വത്തിലുള്ള സംഘമാണ് പരിശോധന നടത്തുന്നത്.