Thrissur
വാൽപ്പാറയിൽ പൊള്ളലേറ്റ് തൃശൂർ സ്വദേശിനി മരിച്ചു
വാൽപ്പാറയിൽ തൃശൂർ സ്വദേശിനിയായ മധ്യവയസ്ക പൊള്ളലേറ്റ് മരിച്ചു. തൃശൂർ മാടവക്കര സ്വദേശി ഗിരീഷിന്റെ ഭാര്യ ഇന്ദുമതി(47) ആണ് മരിച്ചത്. വാൽപ്പാറ പൊലീസ് സ്ഥലത്തെത്തി ഇൻക്വസ്റ്റ് നടപടികൾ പൂർത്തിയാക്കി പോസ്റ്റ്മോർട്ടത്തിനു ശേഷം മൃതദേഹം ബന്ധുക്കൾക്ക് വിട്ടുകൊടുത്തു.
തൃശൂരിൽ കളിമൺ പാത്ര കോർപ്പറേഷൻ ചെയർമാൻ കൈക്കൂലിക്കേസിൽ അറസ്റ്റിൽ
തൃശൂരിൽ കളിമൺ പാത്ര നിർമ്മാണ വിതരണ വികസന കോർപ്പറേഷൻ ചെയർമാൻ കുട്ടമണി കെ.എൻ. കൈക്കൂലി കേസിൽ അറസ്റ്റിലായി. കളിമൺ പാത്രങ്ങൾ വിതരണം ചെയ്യുന്നതിന് കമ്മീഷൻ വാങ്ങുന്നത് ഇയാളുടെ സ്ഥിരം രീതിയാണെന്ന് ആക്ഷേപമുണ്ട്. തൃശ്ശൂർ വിജിലൻസ് സംഘമാണ് ഇയാളെ അറസ്റ്റ് ചെയ്തത്.
എയിംസ് തൃശൂരിൽ തന്നെ വേണം; നിലപാട് കടുപ്പിച്ച് സുരേഷ് ഗോപി
എയിംസ് തൃശൂരിൽ സ്ഥാപിക്കണമെന്ന നിലപാടിൽ ഉറച്ച് കേന്ദ്രമന്ത്രി സുരേഷ് ഗോപി. സംസ്ഥാന സർക്കാർ സ്ഥലം ഏറ്റെടുത്ത് നൽകിയിട്ടും തൃശൂരിൽ തന്നെ എയിംസ് സ്ഥാപിക്കണമെന്ന വാശി അംഗീകരിക്കാനാവില്ലെന്ന് അദ്ദേഹം വ്യക്തമാക്കി. എയിംസ് വിഷയത്തിൽ സംസ്ഥാന രാഷ്ട്രീയത്തിലും ബിജെപി നേതൃത്വത്തിലും തർക്കം നിലനിൽക്കുന്നതിനിടെയാണ് സുരേഷ് ഗോപി തന്റെ നിലപാട് വീണ്ടും വ്യക്തമാക്കുന്നത്.
തൃശ്ശൂരിൽ ആഫ്രിക്കൻ പന്നിപ്പനി സ്ഥിരീകരിച്ചു; പ്രതിരോധ നടപടികൾ ഊർജ്ജിതമാക്കി
തൃശ്ശൂരിൽ ആഫ്രിക്കൻ പന്നിപ്പനി സ്ഥിരീകരിച്ചു. മുളങ്കുന്നത്തുകാവ് ഗ്രാമപഞ്ചായത്തിലെ ആറാം വാർഡിലാണ് രോഗം സ്ഥിരീകരിച്ചത്. രോഗവ്യാപനം തടയുന്നതിനുള്ള ദ്രുത കർമ്മ സേന പ്രവർത്തനം ആരംഭിച്ചു.
ശബ്ദരേഖാ വിവാദം: ശരത് പ്രസാദിനെതിരെ സസ്പെൻഷൻ ശിപാർശ
എ.സി. മൊയ്തീനും എം.കെ. കണ്ണനുമെതിരായ ശബ്ദരേഖാ വിവാദത്തിൽ ഡിവൈഎഫ്ഐ തൃശ്ശൂർ ജില്ലാ സെക്രട്ടറി ശരത് പ്രസാദിനെതിരെ നടപടിക്ക് ശിപാർശ. സി.പി.ഐ.എമ്മിൽ നിന്ന് ഒരു വർഷത്തേക്ക് സസ്പെൻഡ് ചെയ്യാനാണ് നിർദ്ദേശം. സംസ്ഥാന കമ്മിറ്റി അംഗീകരിച്ചാൽ ഉടൻതന്നെ നടപടി പ്രാബല്യത്തിലാകും.
തൃശ്ശൂരിൽ മലദ്വാരത്തിൽ ഒളിപ്പിച്ച് കടത്തിയ എംഡിഎംഎയുമായി യുവാവ് പിടിയിൽ
തൃശ്ശൂരിൽ മലദ്വാരത്തിൽ ഒളിപ്പിച്ച് കടത്താൻ ശ്രമിച്ച 20 ഗ്രാം എംഡിഎംഎയുമായി യുവാവിനെ എക്സൈസ് പിടികൂടി. രഹസ്യവിവരത്തെ തുടർന്ന് നടത്തിയ പരിശോധനയിലാണ് ആലുവ സ്വദേശി റിച്ചു പിടിയിലായത്. തൃശ്ശൂർ റെയിൽവേ സ്റ്റേഷനിൽ വെച്ച് ഇടപാടുകാരെ കാത്ത് നിൽക്കുമ്പോളാണ് ഇയാൾ പിടിയിലായത്.
സുരേഷ് ഗോപിക്കെതിരെ കേസെടുക്കില്ല:തൃശ്ശൂരിലെ വോട്ടർ പട്ടിക ക്രമക്കേടിൽ പോലീസ് റിപ്പോർട്ട്
തൃശ്ശൂരിലെ വോട്ടർ പട്ടിക ക്രമക്കേട് വിവാദത്തിൽ സുരേഷ് ഗോപിക്കെതിരെ കേസെടുക്കേണ്ടതില്ലെന്ന് പോലീസ്. മതിയായ തെളിവുകളോ രേഖകളോ ലഭ്യമല്ലെന്ന് ചൂണ്ടിക്കാട്ടിയാണ് പോലീസ് ഈ തീരുമാനമെടുത്തത്. ടി.എൻ പ്രതാപനാണ് ഇതുമായി ബന്ധപ്പെട്ട് പരാതി നൽകിയത്.ടി.എൻ. പ്രതാപന് കോടതിയെ സമീപിക്കാനുള്ള സാധ്യതകളുണ്ട്.
സുരേഷ് ഗോപി നിവേദനം നിരസിച്ചു; കൊച്ചുവേലായുധന് വീട് വെച്ച് നൽകാൻ സി.പി.ഐ.എം
കേന്ദ്രമന്ത്രി സുരേഷ് ഗോപി നിവേദനം നിരസിച്ചതിനെത്തുടർന്ന് സി.പി.ഐ.എം കൊച്ചുവേലായുധന് വീട് നിർമ്മിച്ചു നൽകുന്നു. രണ്ട് വർഷം മുൻപ് വീട് തകർന്നതിനെ തുടർന്ന് ദുരിതത്തിലായ കുടുംബത്തിനാണ് സി.പി.ഐ.എം സഹായം നൽകുന്നത്. ഈ വിഷയത്തിൽ സുരേഷ് ഗോപി നൽകിയ വിശദീകരണം തൃപ്തികരമല്ലെന്നും സി.പി.ഐ.എം തൃശ്ശൂർ ജില്ലാ സെക്രട്ടറി കെ.വി. അബ്ദുൾ ഖാദർ അഭിപ്രായപ്പെട്ടു.
കെഎസ്യു നേതാക്കളെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവം: എസ്എച്ച്ഒക്കെതിരെ നടപടി
കെ.എസ്.യു നേതാക്കളെ മുഖംമൂടി ധരിപ്പിച്ച് കോടതിയിൽ ഹാജരാക്കിയ സംഭവത്തിൽ വടക്കാഞ്ചേരി എസ്.എച്ച്.ഒക്കെതിരെ വകുപ്പുതല നടപടി. എസ് എച്ച് ഒ ഷാജഹാനെ ചുമതലയിൽ നിന്ന് മാറ്റി. തൃശ്ശൂർ സിറ്റി പൊലീസ് പരിധിയിൽ ഷാജഹാന് പോസ്റ്റിംഗ് നൽകരുതെന്നും റിപ്പോർട്ട്.
അപേക്ഷ പോലും വാങ്ങിയില്ല; സുരേഷ് ഗോപി എം.പിയുടെ പെരുമാറ്റത്തിൽ മനംനൊന്ത് വയോധികൻ
തൃശ്ശൂരിൽ അപേക്ഷയുമായി എത്തിയ വയോധികനെ സുരേഷ് ഗോപി തിരിച്ചയച്ച സംഭവത്തിൽ പ്രതികരണവുമായി വയോധികൻ. അപമാനം നേരിട്ടതിൽ ഏറെ പ്രയാസമുണ്ടായെന്ന് തയ്യാട്ട് കൊച്ചു വേലായുധൻ പറഞ്ഞു. തനിക്ക് മുന്നിൽ ഉണ്ടായിരുന്ന ആളുടെ കൈയ്യിൽ നിന്ന് അദ്ദേഹം അപേക്ഷ വാങ്ങിയിരുന്നു എന്നാൽ താൻ നൽകിയ അപേക്ഷ ഒന്ന് വാങ്ങാൻ പോലും സുരേഷ് ഗോപി എം പി തയ്യാറായില്ലെന്ന് വേലായുധൻ ആരോപിച്ചു.
തൃശ്ശൂരിൽ സിപിഐഎം നേതാക്കൾക്കെതിരെ ഡിവൈഎഫ്ഐ ജില്ലാ സെക്രട്ടറിയുടെ ശബ്ദരേഖ
തൃശ്ശൂരിൽ സിപിഐഎം നേതാക്കൾക്കെതിരെ ഡിവൈഎഫ്ഐ ജില്ലാ സെക്രട്ടറിയുടെ ശബ്ദരേഖ പുറത്ത്. എം.കെ. കണ്ണനും എ.സി. മൊയ്തീനുമെതിരെ ഗുരുതര ആരോപണങ്ങളാണ് ഉയരുന്നത്. ശബ്ദരേഖയിൽ കപ്പലണ്ടി വിറ്റ് നടന്ന എം.കെ. കണ്ണൻ കോടിപതിയായെന്നും എ.സി. മൊയ്തീന്റെ ഡീലിങ്സ് ടോപ്പ് ക്ലാസ്സായെന്നും ശരത് പറയുന്നു.
തൃശ്ശൂരിൽ ഇന്ന് പുലിക്കളി; ഒൻപത് സംഘങ്ങൾ മാറ്റുരയ്ക്കും
സംസ്ഥാനത്തെ ഓണാഘോഷങ്ങൾക്ക് സമാപനം കുറിച്ച് തൃശ്ശൂരിൽ ഇന്ന് പുലിക്കളി അരങ്ങേറും. വർഷങ്ങൾക്ക് ശേഷം ഒൻപത് പുലിക്കളി സംഘങ്ങൾ സ്വരാജ് റൗണ്ടിൽ ഇറങ്ങുന്നതോടെ ഈ വർഷത്തെ ആഘോഷം കൂടുതൽ വർണ്ണാഭമാകും. വൈകീട്ട് 4.30ന് സ്വരാജ് റൗണ്ടിലെ തെക്കെ ഗോപുരനടയിൽ വെളിയന്നൂർ ദേശം സംഘത്തിന് മേയർ എം.കെ. വർഗീസിന്റെ അധ്യക്ഷതയിൽ ജില്ലയിലെ മന്ത്രിമാരും എംഎൽഎമാരും ചേർന്ന് ഫ്ലാഗ്ഓഫ് ചെയ്യും.