Thrissur
തൃശ്ശൂർ മണ്ണുത്തി കാർഷിക സർവകലാശാലയിൽ എസ്എഫ്ഐയുടെ പ്രതിഷേധം, ഫീസ് വർധനവിനെതിരെ സമരം കടുക്കുന്നു
തൃശ്ശൂർ മണ്ണുത്തി കാർഷിക സർവകലാശാലയിലെ ഫീസ് വർധനവിനെതിരെ എസ്എഫ്ഐയുടെ പ്രതിഷേധം ശക്തമാകുന്നു. ഫീസ് വർധന പിൻവലിക്കാതെ ഉദ്യോഗസ്ഥരെ പുറത്തുപോകാൻ അനുവദിക്കില്ലെന്ന് പ്രതിഷേധക്കാർ അറിയിച്ചു. ഫീസ് വർധന പിൻവലിക്കുന്നതുവരെ സമരം തുടരുമെന്ന് എസ്എഫ്ഐ വ്യക്തമാക്കി.
തൃശ്ശൂർ പുത്തൂർ സുവോളജിക്കൽ പാർക്ക് ഇന്ന് നാടിന് സമർപ്പിക്കും
തൃശ്ശൂർ പുത്തൂർ സുവോളജിക്കൽ പാർക്ക് ഇന്ന് മുഖ്യമന്ത്രി പിണറായി വിജയൻ നാടിന് സമർപ്പിക്കും. ഏഷ്യയിലെ രണ്ടാമത്തെ വലിയ സുവോളജിക്കൽ പാർക്കാണിത്. ഉദ്ഘാടനത്തോടനുബന്ധിച്ച് ഒരാഴ്ചയിലധികമായി വിവിധ സാംസ്കാരിക പരിപാടികൾ നടന്നുവരികയാണ്.
തൃശ്ശൂർ മുരിങ്ങൂരിൽ വീണ്ടും സർവ്വീസ് റോഡ് ഇടിഞ്ഞു; വീടുകളിൽ വെള്ളം കയറി
തൃശ്ശൂർ മുരിങ്ങൂരിൽ ദേശീയപാതയിലെ സർവ്വീസ് റോഡ് വീണ്ടും ഇടിഞ്ഞതിനെ തുടർന്ന് നിരവധി വീടുകളിലും കടകളിലും വെള്ളം കയറി. അശാസ്ത്രീയമായ നിർമ്മാണമാണ് അപകടത്തിന് കാരണമെന്ന് നാട്ടുകാർ ആരോപിക്കുന്നു. ഇതിനു മുൻപും ഇതേ സംഭവം ആവർത്തിച്ചപ്പോൾ കളക്ടർ അടക്കമുള്ളവർ വേണ്ട നടപടികൾ എടുക്കാൻ പറഞ്ഞിട്ടും, യാതൊരു നടപടിയും ഉണ്ടായില്ലെന്ന് നാട്ടുകാർ കുറ്റപ്പെടുത്തി.
തൃശ്ശൂരിൽ വിദ്യാഭ്യാസ സ്ഥാപനങ്ങൾക്ക് നാളെ അവധി
കനത്ത മഴയെത്തുടർന്ന് തൃശ്ശൂർ ജില്ലയിലെ വിദ്യാഭ്യാസ സ്ഥാപനങ്ങൾക്ക് നാളെ അവധി പ്രഖ്യാപിച്ചു. പ്രൊഫഷണൽ കോളേജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ജില്ലാ കളക്ടർ അവധി നൽകി. സി.ബി.എസ്.സി, ഐ.സി.എസ്.സി, കേന്ദ്രീയ വിദ്യാലയം, അങ്കണവാടികൾ, മദ്രസകൾ, ട്യൂഷൻ സെന്ററുകൾ തുടങ്ങിയ എല്ലാ വിദ്യാഭ്യാസ സ്ഥാപനങ്ങൾക്കും അവധി ബാധകമാണ്.
തൃശൂരിൽ ചോദ്യംചെയ്ത് വിട്ടയച്ച യുവാവിനെ തൂങ്ങിമരിച്ച നിലയിൽ കണ്ടെത്തി; ബന്ധുക്കൾ പ്രതിഷേധത്തിൽ
തൃശൂരിൽ പൊലീസ് ചോദ്യംചെയ്ത് വിട്ടയച്ച യുവാവിനെ ആത്മഹത്യ ചെയ്ത നിലയിൽ കണ്ടെത്തി. കുറ്റിച്ചിറ സ്വദേശി ലിന്റോ ജോർജ് ആണ് മരിച്ചത്. പൊലീസിൻ്റെ സമ്മർദ്ദം കാരണമാണ് ലിന്റോ ആത്മഹത്യ ചെയ്തതെന്ന് ബന്ധുക്കൾ ആരോപിച്ചു.
കാട്ടാന കബാലിയെ പ്രകോപിപ്പിക്കാൻ ശ്രമം; വാഹനം ഇടിച്ചവർക്കെതിരെ നടപടിയുമായി വനംവകുപ്പ്
കാട്ടാന കബാലിയെ വാഹനമിടിപ്പിച്ച് പ്രകോപിപ്പിക്കാൻ ശ്രമിച്ച സംഭവത്തിൽ വനം വകുപ്പ് നടപടിയെടുക്കുന്നു. തമിഴ്നാട് രജിസ്ട്രേഷനിലുള്ള വാഹനമാണ് ഇതിനായി ഉപയോഗിച്ചത്. തൃശ്ശൂർ പാലപ്പിള്ളിയിൽ കാട്ടാനക്കൂട്ടം ഇറങ്ങി നാശനഷ്ടം വരുത്തി.
തൃശ്ശൂരിൽ സർക്കാർ ആശുപത്രിയിൽ ഗുണ്ടാ ആക്രമണം; ആരോഗ്യ പ്രവർത്തകർക്ക് പരിക്ക്
തൃശ്ശൂർ പഴഞ്ഞിയിലെ സർക്കാർ ആശുപത്രിയിൽ ആരോഗ്യ പ്രവർത്തകർക്ക് നേരെ ഗുണ്ടാ ആക്രമണം. കൊട്ടോൽ ഹെൽത്ത് സെന്ററിലാണ് ആക്രമണം ഉണ്ടായത്. പ്രദേശവാസിയായ വിഷ്ണു രാജ് ആണ് ഡോക്ടർ മിഖായേൽ, നഴ്സ് ഫൈസൽ, അറ്റൻഡർ സുനിത കുമാരി എന്നിവരെ ആക്രമിച്ചതെന്നാണ് പരാതി.
തൃശ്ശൂർ പാലിയേക്കരയിൽ ടോൾ പിരിവ് പുനരാരംഭിച്ചു
തൃശ്ശൂർ പാലിയേക്കരയിൽ 71 ദിവസത്തിന് ശേഷം ടോൾ പിരിവ് പുനരാരംഭിച്ചു. ഹൈക്കോടതി ഡിവിഷൻ ബെഞ്ചിന്റെ അനുമതിയെ തുടർന്നാണ് പഴയ നിരക്കിൽ ടോൾ പിരിവ് തുടങ്ങിയത്. വൈകീട്ട് 5.15 ഓടെ ടോൾ പിരിവ് പുനരാരംഭിച്ചു.
ചേലക്കരയിൽ സ്വർണ്ണമാല മോഷണം; ഉടമസ്ഥയുടെ സഹോദരിയും സുഹൃത്തും പിടിയിൽ
തൃശൂർ ചേലക്കരയിൽ സ്വർണ്ണമാല മോഷണക്കേസിൽ ഉടമസ്ഥയുടെ സഹോദരിയും സുഹൃത്തും അറസ്റ്റിലായി. ചേലക്കര ചിറങ്കോണം ആലംപുഴ തെക്കേതിൽ വീട്ടിൽ ഫാത്തിമ ഉമ്മറിൻ്റെ വീട്ടിൽ നിന്നാണ് സ്വർണ്ണമാല നഷ്ടപ്പെട്ടത്. കദീജയും സുഹൃത്ത് അജീഷുമാണ് അറസ്റ്റിലായത്, പ്രതികളെ കോടതിയിൽ ഹാജരാക്കി.
തൃശ്ശൂരിൽ ട്രെയിനിൽ കുഴഞ്ഞുവീണ് യുവാവ് മരിച്ച സംഭവം; റെയിൽവേ അന്വേഷണത്തിന് ഒരുങ്ങുന്നു
തൃശ്ശൂരിൽ ട്രെയിനിൽ കുഴഞ്ഞുവീണ് യുവാവ് മരിച്ച സംഭവത്തിൽ റെയിൽവേ അന്വേഷണം ആരംഭിച്ചു. തിരുവനന്തപുരം ഡിവിഷനിലെ ഉദ്യോഗസ്ഥ സംഘത്തിനാണ് അന്വേഷണ ചുമതല. യുവാവിന്റെ കുടുംബത്തിന്റെ ആരോപണങ്ങൾ ഉൾപ്പെടെ പരിശോധിക്കും.
തൃശൂരിൽ ട്രെയിനിൽ കുഴഞ്ഞുവീണ് മരിച്ച സംഭവത്തിൽ റെയിൽവേയുടെ വാദം തള്ളി കുടുംബം
തൃശൂരിൽ ട്രെയിനിൽ കുഴഞ്ഞുവീണ് മരിച്ച ശ്രീജിത്തിന്റെ മരണത്തിൽ റെയിൽവേയുടെ വാദങ്ങൾ തള്ളി കുടുംബം. റെയിൽവേ അധികൃതർ വേണ്ടത്ര സഹായം നൽകിയില്ലെന്നും ആംബുലൻസ് എത്താൻ വൈകിയതാണ് മരണകാരണമായതെന്നും കുടുംബം ആരോപിച്ചു. സംഭവത്തിൽ പരാതി നൽകുമെന്നും കുടുംബം അറിയിച്ചു.
തൃശ്ശൂരിൽ ആംബുലൻസ് കിട്ടാത്തതിനെ തുടർന്ന് ട്രെയിനിൽ കുഴഞ്ഞുവീണ യുവാവ് മരിച്ചു
തൃശ്ശൂരിൽ ട്രെയിൻ യാത്രയ്ക്കിടെ കുഴഞ്ഞുവീണ യുവാവിന് ആംബുലൻസ് കിട്ടാൻ വൈകിയതിനെ തുടർന്ന് ദാരുണാന്ത്യം. ചാലക്കുടി മാരാംകോട് സ്വദേശി ശ്രീജിത്താണ് മരിച്ചത്. മുളങ്കുന്നത്ത്കാവ് റെയിൽവേ സ്റ്റേഷനിൽ ഇറക്കിയ ശേഷം അരമണിക്കൂറോളം ആംബുലൻസിനായി കാത്തിരുന്നു. മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.