Thrissur
തൃശ്ശൂരിൽ ഡിവൈഡർ തകർത്ത് അനിൽ അക്കരയുടെ പ്രതിഷേധം
തൃശ്ശൂർ മുതുവറയിൽ ഡിവൈഡർ തകർത്ത് മുൻ എംഎൽഎ അനിൽ അക്കര. മുതുവറ ക്ഷേത്രത്തിന് മുന്നിൽ ഉണ്ടായിരുന്ന യു ടേൺ അടച്ചു കെട്ടിയതിനെ തുടർന്നാണ് പ്രതിഷേധം. ജില്ലാ കളക്ടർക്ക് പരാതി നൽകിയിട്ടും നടപടിയുണ്ടാകാത്തതിനെ തുടർന്നാണ് അനിൽ അക്കരയുടെ പ്രതിഷേധം.
തൃശൂർ കുതിരാനിൽ വീണ്ടും കാട്ടാന; വീടിന് നേരെ ആക്രമണം, ഭീതിയിൽ നാട്ടുകാർ
തൃശൂർ കുതിരാനിൽ വീണ്ടും കാട്ടാന ഇറങ്ങി. ജനവാസ മേഖലയിലെ റോഡിലൂടെ നടന്നുനീങ്ങിയ കാട്ടാന ഒരു വീടിന് നേരെ ആക്രമണം നടത്തി. വനം മന്ത്രി അടക്കം സ്ഥലം സന്ദർശിച്ച് അടിയന്തര നടപടി ഉണ്ടാകുമെന്ന് ഉറപ്പുനൽകിയിരുന്നെങ്കിലും ആന ഇപ്പോഴും ജനവാസ മേഖലയിൽ തന്നെ തുടരുന്നത് ആശങ്ക വർദ്ധിപ്പിക്കുന്നു.
മാലിന്യം തള്ളിയത് ചോദ്യംചെയ്ത ഹരിത കർമ്മ സേനാംഗത്തിന് മർദ്ദനം; പോലീസ് കേസ്
തൃശ്ശൂർ കൊടുങ്ങല്ലൂരിൽ മാലിന്യം തള്ളുന്നത് ചോദ്യം ചെയ്ത ഹരിത കർമ്മ സേനാംഗത്തിന് മർദ്ദനമേറ്റു. മാലിന്യം പരിശോധിക്കുന്നതിനിടെ പ്രദേശവാസിയായ യുവതി ആക്രമിക്കുകയായിരുന്നു. സംഭവത്തിൽ പോലീസ് കേസ് എടുത്ത് അന്വേഷണം ആരംഭിച്ചു.
തൃശൂരിൽ തമിഴ്നാട് പൊലീസിൻ്റെ കസ്റ്റഡിയിൽ നിന്ന് രക്ഷപ്പെട്ട ബാലമുരുകനായി നാലാം ദിവസവും തിരച്ചിൽ
തൃശൂരിൽ തമിഴ്നാട് പൊലീസിൻ്റെ കസ്റ്റഡിയിൽ നിന്ന് രക്ഷപ്പെട്ട കുപ്രസിദ്ധ മോഷ്ടാവ് ബാലമുരുകനായി നാലാം ദിവസവും തിരച്ചിൽ തുടരുന്നു. തമിഴ്നാട് കേന്ദ്രീകരിച്ചും തൃശ്ശൂർ നഗരപ്രദേശം കേന്ദ്രീകരിച്ചും അന്വേഷണം ശക്തമായി നടക്കുകയാണ്. അഞ്ച് കൊലപാതകങ്ങൾ ഉൾപ്പെടെ 52 കേസുകളിൽ പ്രതിയായ ബാലമുരുകൻ മുമ്പും പലതവണ പൊലീസിൻ്റെ കയ്യിൽ നിന്ന് രക്ഷപ്പെട്ടിട്ടുണ്ട്.
തൃശൂരിൽ തമിഴ്നാട് പൊലീസിന്റെ കസ്റ്റഡിയിൽ നിന്ന് ചാടിപ്പോയ മോഷ്ടാവിനായി തിരച്ചിൽ ഊർജ്ജിതം
തമിഴ്നാട് പൊലീസിന്റെ കസ്റ്റഡിയിൽ നിന്ന് തൃശൂരിൽ വെച്ച് ചാടിപ്പോയ കുപ്രസിദ്ധ മോഷ്ടാവ് ബാലമുരുകനെ കണ്ടെത്താൻ പൊലീസ് തിരച്ചിൽ ഊർജ്ജിതമാക്കി. ഡോഗ് സ്ക്വാഡിന്റെ സഹായത്തോടെയാണ് പ്രധാനമായും അന്വേഷണം നടക്കുന്നത്. തൃശ്ശൂർ നഗരപ്രദേശം കേന്ദ്രീകരിച്ചാണ് നിലവിൽ പരിശോധന പുരോഗമിക്കുന്നത്.
തൃശ്ശൂർ കുതിരാനിൽ വീണ്ടും കാട്ടാനയിറങ്ങി; ജനവാസ മേഖലയിൽ ഭീതി
തൃശ്ശൂർ കുതിരാനിൽ ജനവാസ മേഖലയിൽ വീണ്ടും കാട്ടാന ഇറങ്ങി. പ്രശ്നക്കാരനായ ഒറ്റയാനാണ് ഇന്നലെ രാത്രി ജനവാസ മേഖലയിൽ എത്തിയത്. വനം വകുപ്പ് ഉദ്യോഗസ്ഥർ പ്രദേശവാസികൾക്ക് ജാഗ്രതാ നിർദേശം നൽകി.
തൃശ്ശൂരിൽ കസ്റ്റഡിയിലിരുന്ന കുപ്രസിദ്ധ മോഷ്ടാവ് രക്ഷപ്പെട്ടു; പൊലീസ് അന്വേഷണം ഊർജ്ജിതമാക്കി
തൃശ്ശൂരിൽ കസ്റ്റഡിയിലിരുന്ന കുപ്രസിദ്ധ മോഷ്ടാവ് ബാലമുരുഗൻ രക്ഷപ്പെട്ടു. തമിഴ്നാട് കോടതിയിൽ ഹാജരാക്കി തിരികെ വരുന്നതിനിടെയാണ് സംഭവം. പ്രതിയെ പിടികൂടാനായി തൃശ്ശൂർ നഗരത്തിൽ പൊലീസ് വ്യാപകമായ പരിശോധന നടത്തുകയാണ്.
തൃശ്ശൂരിൽ കോൺഗ്രസ് നേതാവ് ബിജെപിയിൽ ചേർന്നു
തൃശ്ശൂരിൽ മുൻ കോൺഗ്രസ് നേതാവ് ഭാസ്കരൻ കെ മാധവൻ ബിജെപിയിൽ ചേർന്നു. കോൺഗ്രസിനോടുള്ള വിശ്വാസം നഷ്ടപ്പെട്ടതിനാലാണ് ബിജെപിയിൽ ചേർന്നതെന്ന് അദ്ദേഹം പറഞ്ഞു. കൂടുതൽ ആളുകൾ ബിജെപിയിലേക്ക് വരുമെന്ന് ജില്ലാ പ്രസിഡൻറ് ജസ്റ്റിൻ ജേക്കബ് അറിയിച്ചു.
തൃശ്ശൂർ പാലപ്പിള്ളിയിൽ കാട്ടാനക്കൂട്ടം നാട്ടിലിറങ്ങി; ആളുകൾ ചിതറിയോടി
തൃശ്ശൂർ പാലപ്പിള്ളിയിൽ കാട്ടാനക്കൂട്ടം നാട്ടിലിറങ്ങി. വഴിയാത്രക്കാർക്കും വനംവകുപ്പ് ഉദ്യോഗസ്ഥർക്കും നേരെ കാട്ടാനക്കൂട്ടം പാഞ്ഞടുത്തു. ജനവാസ മേഖലയിൽ ഇറങ്ങിയ കാട്ടാനകളെ തുരത്താൻ ശ്രമിക്കുന്നതിനിടെയാണ് ആനക്കൂട്ടം പ്രകോപിതരായത്.
തൃശ്ശൂർ ദേശമംഗലത്ത് വിദ്യാർത്ഥിക്ക് ആൾക്കൂട്ട മർദ്ദനം; 13 പേർക്കെതിരെ കേസ്
തൃശ്ശൂർ ദേശമംഗലത്ത് വിദ്യാർത്ഥിക്ക് ആൾക്കൂട്ടത്തിന്റെ ക്രൂര മർദ്ദനം. ഇൻസ്റ്റാഗ്രാമിൽ ചീത്ത വിളിച്ചതിലുള്ള വൈരാഗ്യമാണ് ആക്രമണത്തിന് കാരണമെന്ന് ജസീം പറയുന്നു. സംഭവത്തിൽ കണ്ടാൽ അറിയാവുന്ന 13 പേർക്കെതിരെ ചെറുതുരുത്തി പോലീസ് കേസെടുത്തു.
തൃശ്ശൂരിൽ കോൺഗ്രസ് നേതാവിനെതിരെ ലൈംഗികാതിക്രമ പരാതി; കെ.പി.സി.സി പ്രസിഡന്റിന് കത്തയച്ച് പ്രവർത്തക
തൃശ്ശൂരിൽ കോൺഗ്രസ് നേതാവിനെതിരെ ലൈംഗികാതിക്രമ പരാതിയുമായി കോൺഗ്രസ് പ്രവർത്തക രംഗത്ത്. പുതുക്കാട് ബ്ലോക്ക് ജനറൽ സെക്രട്ടറി സി.എച്ച്. സാദത്തിനെതിരെയാണ് കേസ്. കെ.പി.സി.സി പ്രസിഡന്റിന് അയച്ച കത്തിന്റെ പകർപ്പ് പരാതിക്കാരി പുറത്തുവിട്ടു.
പുത്തൂർ സുവോളജിക്കൽ പാർക്ക് യാഥാർഥ്യമാക്കിയത് തുടർഭരണത്തിന്റെ ഫലമെന്ന് മുഖ്യമന്ത്രി
തൃശ്ശൂർ പുത്തൂരിൽ സുവോളജിക്കൽ പാർക്ക് ഉദ്ഘാടനം ചെയ്തു. നാല് പതിറ്റാണ്ടുകൾ നീണ്ട കാത്തിരിപ്പിന് വിരാമമിട്ട് പാർക്ക് യാഥാർഥ്യമായിരിക്കുകയാണ്. കിഫ്ബി പദ്ധതിയിൽ ഉൾപ്പെടുത്തിയാണ് ഇത് പൂർത്തിയാക്കിയത്.