Thiruvananthapuram
രണ്ടര വയസ്സുള്ള കുഞ്ഞിനെ മർദിച്ച അങ്കണവാടി ടീച്ചർക്കെതിരെ കേസ്
തിരുവനന്തപുരത്ത് രണ്ടര വയസ്സുള്ള കുഞ്ഞിനെ അങ്കണവാടി ടീച്ചർ മർദിച്ച സംഭവം വിവാദമായി. കുഞ്ഞിന്റെ മുഖത്ത് മർദനമേറ്റ പാടുകളുണ്ടെന്ന് അമ്മ കണ്ടെത്തിയതിനെ തുടർന്ന് നടത്തിയ അന്വേഷണത്തിൽ ടീച്ചറാണ് മർദിച്ചതെന്ന് വ്യക്തമായി. സംഭവത്തിൽ ടീച്ചർക്കെതിരെ കേസ് എടുക്കുകയും, കർശന നടപടി സ്വീകരിക്കുമെന്ന് ബാലാവകാശ കമ്മീഷൻ അറിയിക്കുകയും ചെയ്തു.
അനിൽകുമാറിൻ്റെ ആത്മഹത്യ: അന്വേഷണത്തിന് പ്രത്യേക സംഘത്തെ നിയോഗിച്ച് സർക്കാർ
തിരുവനന്തപുരം തിരുമല ബി ജെ പി കൗൺസിലർ അനിൽകുമാറിൻ്റെ ആത്മഹത്യയുമായി ബന്ധപ്പെട്ട കേസ് അന്വേഷിക്കാൻ പ്രത്യേക സംഘത്തെ നിയോഗിച്ച് സർക്കാർ ഉത്തരവിറക്കി. കന്റോണ്മെന്റ് എ.സി.പി.യുടെ നേതൃത്വത്തിലുള്ള ആറംഗ സംഘമാണ് കേസ് അന്വേഷിക്കുക. അനിൽ കുമാർ പ്രസിഡന്റായ വലിയശാല ഫാം സൊസൈറ്റിയിൽ നിന്നും ലോൺ നൽകിയതിൽ കൂടുതലും ബിജെപി നേതാക്കൾക്കും സഹപ്രവർത്തകർക്കുമാണെന്നുള്ള വിവരവും പുറത്തുവന്നിട്ടുണ്ട്.
പിണറായി ഭരണം അയ്യപ്പൻ നൽകുന്ന ശിക്ഷ, ബിജെപി പണം കൊണ്ട് താമര വിരിയിച്ചു; കെ.മുരളീധരൻ
മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി കെ. മുരളീധരൻ രംഗത്ത്. ബിജെപി കൗൺസിലറുടെ ആത്മഹത്യയുമായി ബന്ധപ്പെട്ടും അദ്ദേഹം പ്രതികരണം നടത്തി. തിരുവനന്തപുരം നഗരസഭയിൽ ഭരണപക്ഷം ഈനാംപേച്ചിയെപ്പോലെയും പ്രതിപക്ഷം മരപ്പട്ടിയായി മാറിയെന്നും മുരളീധരൻ വിമർശിച്ചു.
തിരുവനന്തപുരത്ത് സൗജന്യ ഫോട്ടോഗ്രാഫി, വീഡിയോഗ്രാഫി കോഴ്സുകൾ ആരംഭിക്കുന്നു
തിരുവനന്തപുരം സ്റ്റാച്യുവിലുള്ള ഗ്രാമീണ സ്വയംതൊഴിൽ പരിശീലന കേന്ദ്രത്തിൽ ഫോട്ടോഗ്രാഫി, വീഡിയോഗ്രാഫി കോഴ്സുകൾ ആരംഭിക്കുന്നു. ഒക്ടോബർ 3 മുതൽ ക്ലാസുകൾ ആരംഭിക്കും. 18നും 50നും മധ്യേ പ്രായമായവർക്ക് 0471-2322430, 8891228788 എന്നീ നമ്പറുകളിൽ വിളിച്ച് രജിസ്റ്റർ ചെയ്യാവുന്നതാണ്.
തിരുവനന്തപുരം മെഡിക്കൽ കോളേജിന് പുതിയ സൂപ്രണ്ട്; ഡോ. സി.ജി. ജയചന്ദ്രൻ ചുമതലയേൽക്കും
തിരുവനന്തപുരം മെഡിക്കൽ കോളേജിന് പുതിയ സൂപ്രണ്ടായി ഡോക്ടർ സി.ജി. ജയചന്ദ്രൻ നിയമിതനായി. നിലവിലെ സൂപ്രണ്ട് രാജി അറിയിച്ചതിനെ തുടർന്നാണ് നിയമനം. ആരോഗ്യവകുപ്പ് ഇതുമായി ബന്ധപ്പെട്ട ഉത്തരവ് പുറത്തിറക്കി.
വട്ടപ്പാറയിൽ കെഎസ്ആർടിസി ബസും ലോറിയും കൂട്ടിയിടിച്ച് 20 പേർക്ക് പരിക്ക്
തിരുവനന്തപുരം വട്ടപ്പാറ മരുതൂരിൽ കെഎസ്ആർടിസി ബസും ലോറിയും കൂട്ടിയിടിച്ച് 20 പേർക്ക് പരുക്കേറ്റു. അപകടത്തിൽ സാരമായി പരുക്കേറ്റ 13 പേരെ തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചു. അപകടത്തെ തുടർന്ന് ഗതാഗതം വഴിതിരിച്ചുവിട്ടു.
നൃത്താധ്യാപകന് മഹേഷിന്റെ മരണം: അന്വേഷണത്തില് അതൃപ്തി അറിയിച്ച് കുടുംബം
വെള്ളായണിയിലെ നൃത്താധ്യാപകന് മഹേഷിന്റെ മരണവുമായി ബന്ധപ്പെട്ട് കുടുംബം നിയമനടപടികളിലേക്ക്. പോലീസ് അന്വേഷണത്തില് തൃപ്തരല്ലാത്തതിനാല്, അന്വേഷണം മറ്റൊരു ഏജന്സിക്ക് കൈമാറണമെന്ന് ആവശ്യപ്പെട്ട് മുഖ്യമന്ത്രിക്ക് പരാതി നല്കും. മഹേഷിന്റെ ശരീരത്തില് 22 ക്ഷതങ്ങളുണ്ടായിരുന്നതായി പോസ്റ്റ്മോര്ട്ടം റിപ്പോര്ട്ടില് പറയുന്നു.
മെഡിക്കൽ കോളേജിൽ മെഡിക്കൽ ഓഫീസർ നിയമനം; 50,000 രൂപ ശമ്പളം
തിരുവനന്തപുരം സർക്കാർ മെഡിക്കൽ കോളജിലെ പ്ലാസ്റ്റിക് സർജറി വിഭാഗത്തിനു കീഴിൽ പ്രവർത്തിക്കുന്ന ബേൺഡ് യൂണിറ്റിൽ മെഡിക്കൽ ഓഫീസറെ കരാറിൽ നിയമിക്കുന്നു. രണ്ട് ഒഴിവുകളുണ്ട്. എം.എസ് / ഡി.എൻ.ബി ജനറൽ സർജറി അല്ലെങ്കിൽ എം.ബി.ബി.എസ് ആണ് യോഗ്യത. 25-ന് ഉച്ചയ്ക്ക് 2 മണിക്ക് മെഡിക്കൽ കോളജ് പ്രിൻസിപ്പലിന്റെ കാര്യാലയത്തിൽ നേരിട്ടെത്തണം.
തിരുവനന്തപുരത്ത് ബിജെപി കൗൺസിലർ ആത്മഹത്യ ചെയ്ത സംഭവം; സഹകരണ സംഘത്തിൽ കോടികളുടെ ക്രമക്കേടെന്ന് കണ്ടെത്തൽ
തിരുവനന്തപുരത്ത് ആത്മഹത്യ ചെയ്ത ബിജെപി കൗൺസിലർ അനിൽ പ്രസിഡന്റായ സഹകരണ സംഘത്തിൽ കോടികളുടെ ക്രമക്കേട് കണ്ടെത്തി. സഹകരണ വകുപ്പ് നടത്തിയ പരിശോധനയിലാണ് ക്രമക്കേട് കണ്ടെത്തിയത്. ബാങ്കിന് നഷ്ടമായ തുക സെക്രട്ടറിയും പ്രസിഡന്റും ഭരണസമിതി അംഗങ്ങളും പലിശ സഹിതം തിരികെ നൽകണമെന്നും റിപ്പോർട്ടിൽ പറയുന്നു.
തിരുവനന്തപുരം മെഡിക്കൽ കോളേജിൽ ഡെവലപ്മെന്റ് പീഡിയാട്രീഷ്യൻ ഒഴിവ്
തിരുവനന്തപുരം മെഡിക്കൽ കോളേജ് ചൈൽഡ് ഡെവലപ്മെന്റ് സെന്ററിൽ ഡെവലപ്മെന്റ് പീഡിയാട്രീഷ്യന്റെ താൽക്കാലിക ഒഴിവുണ്ട്. 60,410 രൂപയാണ് മാസവേതനം. താല്പര്യമുള്ളവർ 26-ന് രാവിലെ 11-ന് സി.ഡി.സിയിൽ വാക് ഇൻ ഇന്റർവ്യൂവിന് ഹാജരാകണം.
തിരുവനന്തപുരം: ബിജെപി കൗൺസിലർ കെ. അനിൽ കുമാറിനെ തൂങ്ങിമരിച്ച നിലയിൽ കണ്ടെത്തി
തിരുവനന്തപുരം തിരുമലയിലെ ബിജെപി കൗൺസിലർ കെ. അനിൽ കുമാറിനെ ഓഫീസിനുള്ളിൽ തൂങ്ങിമരിച്ച നിലയിൽ കണ്ടെത്തി. അദ്ദേഹത്തിന്റെ ആത്മഹത്യാക്കുറിപ്പിൽ ബിജെപിക്കെതിരെ പരാമർശങ്ങളുണ്ട്. സാമ്പത്തികമായി തകർന്ന സഹകരണ ബാങ്കിനെ പാർട്ടി സംരക്ഷിച്ചില്ലെന്നും കത്തിൽ പറയുന്നു.
തിരുവനന്തപുരം SAP ക്യാമ്പിൽ പോലീസ് ട്രെയിനി തൂങ്ങിമരിച്ച നിലയിൽ
തിരുവനന്തപുരം പേരൂർക്കട എസ് എ പി ക്യാമ്പിൽ പോലീസ് ട്രെയിനിയെ തൂങ്ങിമരിച്ച നിലയിൽ കണ്ടെത്തി. വിതുര മീനാങ്കൽ സ്വദേശി ആനന്ദാണ് മരിച്ചത്. ആനന്ദ് കഴിഞ്ഞ ദിവസം കൈഞരമ്പ് മുറിച്ച് ആത്മഹത്യക്ക് ശ്രമിച്ചിരുന്നു.