Textbook Revision
പാഠപുസ്തക പരിഷ്കരണത്തിലെ പ്രതിസന്ധി; അധ്യാപകരുടെ വേതനം കുടിശ്ശികയായി തുടരുന്നു
സംസ്ഥാനത്തെ സ്കൂളുകളിലെ പാഠപുസ്തക പരിഷ്കരണവുമായി ബന്ധപ്പെട്ട് പ്രവർത്തിച്ച അധ്യാപകർക്കും വിഷയ വിദഗ്ധർക്കും വിദ്യാഭ്യാസ വകുപ്പ് ഇതുവരെ വേതനം നൽകിയിട്ടില്ല. ഒന്നര വർഷം മുൻപ് വരെയുള്ള വേതനവും മറ്റ് ആനുകൂല്യങ്ങളും കുടിശ്ശികയായിരിക്കുകയാണ്. തങ്ങൾക്ക് നീതി ലഭിക്കാത്തതിൽ പ്രതിഷേധിച്ച് അക്കാദമിക് വിദഗ്ദ്ധർ പ്രത്യക്ഷ സമരത്തിലേക്ക് കടക്കാനൊരുങ്ങുകയാണ്.
പാഠപുസ്തകങ്ങളിൽ നിന്ന് ശ്രീനാരായണഗുരുവിന്റെ ദർശനങ്ങൾ ഒഴിവാക്കിയിട്ടില്ലെന്ന് മന്ത്രി വി. ശിവൻകുട്ടി
ശ്രീനാരായണ ഗുരുവിന്റെ ദർശനങ്ങൾ പാഠപുസ്തകങ്ങളിൽ നിന്ന് ഒഴിവാക്കിയെന്ന പ്രചാരണം അടിസ്ഥാനരഹിതമാണെന്ന് വിദ്യാഭ്യാസ മന്ത്രി വി. ശിവൻകുട്ടി. കേരളത്തിന്റെ സാംസ്കാരിക പാരമ്പര്യവും നവോത്ഥാന പ്രസ്ഥാനങ്ങളുടെ സംഭാവനകളും ഉയർത്തിക്കാട്ടുന്നതാണ് പുതുക്കിയ പാഠപുസ്തകങ്ങൾ. നവോത്ഥാന നായകരുടെ രചനകൾക്കും പാഠപുസ്തകങ്ങളിൽ തുല്യ പ്രാധാന്യം നൽകിയിട്ടുണ്ട്.
ഏഴാം ക്ലാസ്സിലെ പാഠപുസ്തകത്തിൽ നിന്ന് മുഗൾ രാജാക്കന്മാരെ ഒഴിവാക്കി NCERT
ഏഴാം ക്ലാസ്സിലെ സാമൂഹിക ശാസ്ത്ര പാഠപുസ്തകത്തിൽ നിന്ന് മുഗൾ രാജാക്കന്മാരെക്കുറിച്ചുള്ള അധ്യായം NCERT ഒഴിവാക്കി. പകരം മഗധ, മൗര്യ, ശതവാഹന തുടങ്ങിയ പുരാതന ഇന്ത്യൻ രാജവംശങ്ങളെക്കുറിച്ചുള്ള പാഠഭാഗങ്ങൾ ഉൾപ്പെടുത്തി. ഡൽഹിയിലെ മുസ്ലിം ഭരണാധികാരികളെക്കുറിച്ചുള്ള പാഠഭാഗവും ഒഴിവാക്കി.
പതിനാറ് വർഷത്തിന് ശേഷം പാഠ്യപദ്ധതി പരിഷ്കരണം പൂർത്തിയായി: പുസ്തക പ്രകാശനം ഏപ്രിൽ 23ന്
പതിനാറ് വർഷത്തിനു ശേഷം സംസ്ഥാനത്തെ പൊതുവിദ്യാഭ്യാസ മേഖലയിലെ പാഠ്യപദ്ധതി പരിഷ്കരണം പൂർത്തിയായി. ഏപ്രിൽ 23ന് പുതുക്കിയ പാഠപുസ്തകങ്ങളുടെ പ്രകാശനവും വിതരണോദ്ഘാടനവും നടക്കും. ഒന്ന് മുതൽ പത്ത് വരെയുള്ള ക്ലാസുകളിലെ പുസ്തകങ്ങളാണ് പരിഷ്കരിച്ചത്.