Teacher Appointment
ഭിന്നശേഷി അധ്യാപക നിയമനം: സർക്കാരിനെതിരെ വിമർശനവുമായി ഓർത്തഡോക്സ് സഭാ അധ്യക്ഷൻ
ഭിന്നശേഷി അധ്യാപക നിയമനത്തിൽ സർക്കാരിനെതിരെ വിമർശനവുമായി ഓർത്തഡോക്സ് സഭാ അധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ രംഗത്ത്. എൻഎസ്എസിന് ലഭിച്ച വിധി ക്രൈസ്തവ സഭയ്ക്കും ബാധകമാണെന്ന് ഉത്തരവ് ഇറക്കാൻ സർക്കാർ മടിക്കേണ്ടതില്ലെന്ന് അദ്ദേഹം പറഞ്ഞു. ക്രൈസ്തവരെ ബാധിക്കുന്ന പ്രശ്നങ്ങളിൽ ഒന്നിച്ച് നിൽക്കുമെന്നും വിവിധ ക്രൈസ്തവ സഭകളുടെ യോഗത്തിന് ശേഷം അദ്ദേഹം കൂട്ടിച്ചേർത്തു.
ക്രൈസ്തവ എയ്ഡഡ് മേഖലയിലെ വിവേചനം അവസാനിപ്പിക്കണം; മുഖ്യമന്ത്രിക്ക് കത്തയച്ച് സീറോ മലബാർ സഭ മേജർ ആർച്ച് ബിഷപ്പ്
ക്രൈസ്തവ എയ്ഡഡ് മേഖലയിലെ അധ്യാപക നിയമനങ്ങളിൽ വിവേചനം അവസാനിപ്പിക്കണമെന്ന് ആവശ്യപ്പെട്ട് സീറോ മലബാർ സഭ മേജർ ആർച്ച് ബിഷപ്പ് മാർ റാഫേൽ തട്ടിൽ മുഖ്യമന്ത്രിക്ക് കത്തയച്ചു. കാത്തലിക് മാനേജ്മെന്റുകളുടെ കേസിൽ സർക്കാർ പുറപ്പെടുവിച്ച ഉത്തരവ് തുല്യനീതിയുടെ ലംഘനമാണെന്നും കത്തിൽ പറയുന്നു. ദുരിതത്തിലായ അധ്യാപകർക്ക് നീതി ഉറപ്പാക്കണമെന്നും അദ്ദേഹം ആവശ്യപ്പെട്ടു.
ഹയർ സെക്കൻഡറി അധ്യാപക നിയമന ഉത്തരവിൽ തിരുത്തൽ; നിർദ്ദേശവുമായി മന്ത്രി വി. ശിവൻകുട്ടി
ഹയർ സെക്കൻഡറി പ്രിൻസിപ്പൽമാരുടെയും അധ്യാപകരുടെയും ജോലി സംബന്ധിച്ച പുതിയ ഉദ്യോഗസ്ഥ ഉത്തരവിൽ തിരുത്തൽ വരുത്താൻ മന്ത്രി വി. ശിവൻകുട്ടി നിർദ്ദേശം നൽകി. 2025 ആഗസ്റ്റ് 14-ന് ഇറങ്ങിയ പൊതുവിദ്യാഭ്യാസ വകുപ്പിന്റെ ഉത്തരവിൽ ക്ലാറിക്കൽ ജോലി കൂടി ചെയ്യേണ്ടിവരുന്നതുമായി ബന്ധപ്പെട്ട് അധ്യാപകർ പരാതി ഉന്നയിച്ചിരുന്നു. ഈ സാഹചര്യത്തിലാണ് മന്ത്രിയുടെ ഇടപെടൽ.