Tamil Nadu
ആളിയാർ ഡാമിന് താഴെ തമിഴ്നാടിന്റെ പുതിയ ഡാം; നിയമനടപടിക്ക് ഒരുങ്ങി കേരളം
ആളിയാർ ഡാമിന് താഴെ തമിഴ്നാട് പുതിയ ഡാം നിർമ്മിക്കാൻ തീരുമാനിച്ചതോടെ നിയമനടപടിക്ക് ഒരുങ്ങി കേരളം. 11,000 കോടി രൂപയുടെ പദ്ധതി നടപ്പാക്കുന്നതോടെ ചിറ്റൂർ പുഴയിലേക്കുള്ള ഒഴുക്ക് നിലയ്ക്കുമെന്നാണ് ആശങ്ക. തമിഴ്നാട് കരാർ ലംഘിക്കുകയാണെന്ന് മന്ത്രി കൃഷ്ണൻകുട്ടി പറഞ്ഞു.
പഠിക്കാത്തതിന് ശകാരിച്ചതിന് അമ്മയെ കൊന്ന് 14കാരൻ; സംഭവം കള്ളക്കുറിച്ചിയിൽ
തമിഴ്നാട്ടിലെ കള്ളക്കുറിച്ചിയിൽ പഠിക്കാത്തതിന് വഴക്കുപറഞ്ഞതിനെ തുടർന്ന് 14 വയസ്സുകാരൻ അമ്മയെ കൊലപ്പെടുത്തി. കന്നുകാലികൾക്ക് പുല്ല് വെട്ടാൻ പോയ മഹേശ്വരിയെ വയലിൽ മരിച്ച നിലയിൽ കണ്ടെത്തുകയായിരുന്നു. പോസ്റ്റ്മോർട്ടത്തിൽ കൊലപാതകമാണെന്ന് തെളിഞ്ഞതോടെ പോലീസ് നടത്തിയ അന്വേഷണത്തിൽ മകൻ കുറ്റം സമ്മതിച്ചു.
തമിഴ്നാട്ടിൽ ദീപാവലി മദ്യവിൽപ്പനയിൽ റെക്കോർഡ്; മൂന്ന് ദിവസം കൊണ്ട് വിറ്റത് 790 കോടിയുടെ മദ്യം
തമിഴ്നാട്ടിൽ ദീപാവലി മദ്യവിൽപ്പനയിൽ റെക്കോർഡ് വർധനവ്. മൂന്ന് ദിവസം കൊണ്ട് 790 കോടിയുടെ മദ്യം വിറ്റുപോയി. മധുര സോണിലാണ് ഏറ്റവും കൂടുതൽ വില്പന നടന്നത്.
സർക്കാർ മെഡിക്കൽ കോളജ് ശുചിമുറിയിൽ നവജാത ശിശുവിന്റെ മൃതദേഹം; കൊലപാതകമെന്ന് സംശയം
തമിഴ്നാട് വിഴുപ്പുറം സർക്കാർ മെഡിക്കൽ കോളജ് ശുചിമുറിയിൽ നവജാത ശിശുവിന്റെ മൃതദേഹം കണ്ടെത്തി. പ്രസവ വാർഡിന് സമീപമുള്ള ശുചിമുറിയിലാണ് മൃതദേഹം കണ്ടത്. കുഞ്ഞിനെ കൊലപ്പെടുത്തി കടന്നുകളഞ്ഞതാണെന്നാണ് പൊലീസിന്റെ നിഗമനം.
തമിഴ്നാട് വാൽപ്പാറയിൽ കാട്ടാന ആക്രമണത്തിൽ രണ്ടു മരണം
തമിഴ്നാട് വാൽപ്പാറയിൽ കാട്ടാന ആക്രമണത്തിൽ രണ്ട് പേർ മരിച്ചു. വാട്ടർഫാൾ എസ്റ്റേറ്റിന് സമീപം വീട് തകർത്താണ് കാട്ടാന ആക്രമണം നടത്തിയത്. അസല എന്ന സ്ത്രീയും അവരുടെ മൂന്ന് വയസ്സുള്ള കുഞ്ഞും കൊല്ലപ്പെട്ടു.
കരൂരില് വിജയ് തിങ്കളാഴ്ച സന്ദര്ശനം നടത്തിയേക്കും; കനത്ത സുരക്ഷയൊരുക്കണമെന്ന് പോലീസ്
ആൾക്കൂട്ട അപകടമുണ്ടായ കരൂരിൽ തമിഴക വെട്രി കഴകം അധ്യക്ഷൻ വിജയ് തിങ്കളാഴ്ച സന്ദർശനം നടത്താൻ സാധ്യത. സന്ദർശന വേളയിൽ കനത്ത സുരക്ഷ ഒരുക്കണമെന്ന് വിജയ് പോലീസിനോട് ആവശ്യപ്പെട്ടിട്ടുണ്ട്. ഇതിന്റെ ഭാഗമായി സ്ഥലവും സമയവും തീരുമാനിക്കാൻ കരൂരിലെ പാർട്ടി നേതാക്കളോട് വിജയ് നിർദ്ദേശിച്ചു.
എൻഡിഎയിലേക്ക് സ്വാഗതം ചെയ്ത് എടപ്പാടി; സഖ്യത്തിന് സാധ്യത തേടി വിജയ്
എ.ഐ.എ.ഡി.എം.കെ ജനറൽ സെക്രട്ടറി എടപ്പാടി പളനിസ്വാമി വിജയിയുടെ തമിഴക വെട്രിക് കഴകത്തെ എൻഡിഎയിലേക്ക് സ്വാഗതം ചെയ്തു. ഡിഎംകെയെ അധികാരത്തിൽ നിന്ന് താഴെയിറക്കാൻ ഇരു പാർട്ടികളും ഒരുമിച്ച് നിൽക്കണമെന്ന് ഇ.പി.എസ് വിജയ്യോട് ആവശ്യപ്പെട്ടു. കരൂർ അപകടത്തിൽ സിബിഐ അന്വേഷണം ആവശ്യപ്പെട്ട് ടിവികെ സുപ്രീം കോടതിയെ സമീപിച്ചു.
പലസ്തീന് ഐക്യദാർഢ്യവുമായി കഫിയ ധരിച്ച് എം.കെ. സ്റ്റാലിൻ
പലസ്തീന് ഐക്യദാർഢ്യം പ്രഖ്യാപിച്ച് തമിഴ്നാട് മുഖ്യമന്ത്രി എം.കെ. സ്റ്റാലിൻ കഫിയ ധരിച്ചു. സി.പി.ഐ.എം. തമിഴ്നാട് സംസ്ഥാന കമ്മിറ്റി സംഘടിപ്പിച്ച പരിപാടിയിലാണ് അദ്ദേഹം കഫിയ ധരിച്ച് പങ്കെടുത്തത്. ഗാസയിലെ സ്ഥിതിഗതികളെക്കുറിച്ച് സ്റ്റാലിൻ നേരത്തെ തന്നെ പ്രതികരിച്ചിരുന്നു.
തമിഴ്നാട്ടിൽ വീണ്ടും സർക്കാർ-ഗവർണർ പോര്; സ്റ്റാലിന്റെ മറുപടി ഇങ്ങനെ
തമിഴ്നാട് സർക്കാരും ഗവർണറും തമ്മിലുള്ള പോര് വീണ്ടും കനക്കുന്നു. 'തമിഴ്നാട് പൊരുതും, തമിഴ്നാട് ജയിക്കും' എന്ന കാമ്പയിനെ ഗവർണർ വിമർശിച്ചതാണ് പുതിയ വിവാദത്തിന് തുടക്കം. ഇതിന് മറുപടിയായി, അധികാരം ദുർവിനിയോഗം ചെയ്യുന്ന ഗവർണർക്കെതിരെയാണ് പോരാട്ടമെന്ന് മുഖ്യമന്ത്രി എം കെ സ്റ്റാലിൻ തിരിച്ചടിച്ചു.
വിജയ്യുടെ വാഹന അപകടം: പൊലീസ് കേസെടുത്തു, പ്രത്യേക സംഘം അന്വേഷണം ആരംഭിച്ചു
ടിവികെ അധ്യക്ഷൻ വിജയ് സഞ്ചരിച്ച വാഹനമിടിച്ച് അപകടമുണ്ടായ സംഭവത്തിൽ പൊലീസ് കേസെടുത്തു. അലക്ഷ്യമായി വാഹനമോടിച്ച് അപകടം വരുത്തിയതിനാണ് കേസ് രജിസ്റ്റർ ചെയ്തിരിക്കുന്നത്. അപകടം അന്വേഷിക്കാൻ പ്രത്യേക സംഘത്തെ നിയോഗിച്ചിട്ടുണ്ട്. ഐ.ജി അസ്റ ഗാർഗിന്റെ നേതൃത്വത്തിലുള്ള സംഘം കരൂരിലേക്ക് യാത്ര തിരിച്ചിട്ടുണ്ട്.
കരൂർ ദുരന്തം: പ്രത്യേക അന്വേഷണ സംഘത്തെ നിയോഗിച്ച് മദ്രാസ് ഹൈക്കോടതി
കരൂർ ദുരന്തത്തിന്റെ പശ്ചാത്തലത്തിൽ മദ്രാസ് ഹൈക്കോടതി പ്രത്യേക അന്വേഷണ സംഘത്തെ നിയോഗിച്ചു. പൊതുസ്ഥലങ്ങളിലെ റാലികൾക്കും പാർട്ടി പരിപാടികൾക്കും തമിഴ്നാട്ടിൽ ഹൈക്കോടതി വിലക്കേർപ്പെടുത്തി. കരൂരിലേത് മനുഷ്യനിർമ്മിത ദുരന്തമാണെന്ന് ഹൈക്കോടതി വിമർശിച്ചു.
തമിഴ്നാട്ടിൽ വാഹന പരിശോധനയ്ക്കിടെ പെൺകുട്ടിയെ ബലാത്സംഗം ചെയ്ത പൊലീസുകാരെ പിരിച്ചുവിട്ടു
തമിഴ്നാട് തിരുവണ്ണാമലയിൽ വാഹന പരിശോധനയ്ക്കിടെ പെൺകുട്ടിയെ ബലാത്സംഗം ചെയ്ത പൊലീസുകാരെ പിരിച്ചുവിട്ടു. തിരുവണ്ണാമല ഈസ്റ്റ് പൊലീസ് സ്റ്റേഷനിലെ കോൺസ്റ്റബിൾമാരായ സുരേഷ് രാജ്, സുന്ദർ എന്നിവരെയാണ് പിരിച്ചുവിട്ടത്. പെൺകുട്ടിയുടെ സഹോദരി നൽകിയ പരാതിയിൽ ഇരുവരെയും മണിക്കൂറുകൾക്കുള്ളിലാണ് തിരുവണ്ണാമലൈ പൊലീസ് അറസ്റ്റ് ചെയ്തിരുന്നത്.