Tamil Nadu
തമിഴ്നാട്ടിൽ വീണ്ടും സർക്കാർ-ഗവർണർ പോര്; സ്റ്റാലിന്റെ മറുപടി ഇങ്ങനെ
തമിഴ്നാട് സർക്കാരും ഗവർണറും തമ്മിലുള്ള പോര് വീണ്ടും കനക്കുന്നു. 'തമിഴ്നാട് പൊരുതും, തമിഴ്നാട് ജയിക്കും' എന്ന കാമ്പയിനെ ഗവർണർ വിമർശിച്ചതാണ് പുതിയ വിവാദത്തിന് തുടക്കം. ഇതിന് മറുപടിയായി, അധികാരം ദുർവിനിയോഗം ചെയ്യുന്ന ഗവർണർക്കെതിരെയാണ് പോരാട്ടമെന്ന് മുഖ്യമന്ത്രി എം കെ സ്റ്റാലിൻ തിരിച്ചടിച്ചു.
വിജയ്യുടെ വാഹന അപകടം: പൊലീസ് കേസെടുത്തു, പ്രത്യേക സംഘം അന്വേഷണം ആരംഭിച്ചു
ടിവികെ അധ്യക്ഷൻ വിജയ് സഞ്ചരിച്ച വാഹനമിടിച്ച് അപകടമുണ്ടായ സംഭവത്തിൽ പൊലീസ് കേസെടുത്തു. അലക്ഷ്യമായി വാഹനമോടിച്ച് അപകടം വരുത്തിയതിനാണ് കേസ് രജിസ്റ്റർ ചെയ്തിരിക്കുന്നത്. അപകടം അന്വേഷിക്കാൻ പ്രത്യേക സംഘത്തെ നിയോഗിച്ചിട്ടുണ്ട്. ഐ.ജി അസ്റ ഗാർഗിന്റെ നേതൃത്വത്തിലുള്ള സംഘം കരൂരിലേക്ക് യാത്ര തിരിച്ചിട്ടുണ്ട്.
കരൂർ ദുരന്തം: പ്രത്യേക അന്വേഷണ സംഘത്തെ നിയോഗിച്ച് മദ്രാസ് ഹൈക്കോടതി
കരൂർ ദുരന്തത്തിന്റെ പശ്ചാത്തലത്തിൽ മദ്രാസ് ഹൈക്കോടതി പ്രത്യേക അന്വേഷണ സംഘത്തെ നിയോഗിച്ചു. പൊതുസ്ഥലങ്ങളിലെ റാലികൾക്കും പാർട്ടി പരിപാടികൾക്കും തമിഴ്നാട്ടിൽ ഹൈക്കോടതി വിലക്കേർപ്പെടുത്തി. കരൂരിലേത് മനുഷ്യനിർമ്മിത ദുരന്തമാണെന്ന് ഹൈക്കോടതി വിമർശിച്ചു.
തമിഴ്നാട്ടിൽ വാഹന പരിശോധനയ്ക്കിടെ പെൺകുട്ടിയെ ബലാത്സംഗം ചെയ്ത പൊലീസുകാരെ പിരിച്ചുവിട്ടു
തമിഴ്നാട് തിരുവണ്ണാമലയിൽ വാഹന പരിശോധനയ്ക്കിടെ പെൺകുട്ടിയെ ബലാത്സംഗം ചെയ്ത പൊലീസുകാരെ പിരിച്ചുവിട്ടു. തിരുവണ്ണാമല ഈസ്റ്റ് പൊലീസ് സ്റ്റേഷനിലെ കോൺസ്റ്റബിൾമാരായ സുരേഷ് രാജ്, സുന്ദർ എന്നിവരെയാണ് പിരിച്ചുവിട്ടത്. പെൺകുട്ടിയുടെ സഹോദരി നൽകിയ പരാതിയിൽ ഇരുവരെയും മണിക്കൂറുകൾക്കുള്ളിലാണ് തിരുവണ്ണാമലൈ പൊലീസ് അറസ്റ്റ് ചെയ്തിരുന്നത്.
തിരുവണ്ണാമലയിൽ പഴം വിൽക്കാനെത്തിയ ആന്ധ്ര സ്വദേശിനിയെ പോലീസ് ഉദ്യോഗസ്ഥർ ബലാത്സംഗം ചെയ്തു
തമിഴ്നാട്ടിലെ തിരുവണ്ണാമലയിൽ പഴങ്ങൾ വിൽക്കാനെത്തിയ ആന്ധ്രാ സ്വദേശിയായ 19-കാരിയെ രണ്ട് പോലീസ് ഉദ്യോഗസ്ഥർ ബലാത്സംഗം ചെയ്തു. സംഭവത്തിൽ ഉൾപ്പെട്ട രണ്ട് പോലീസ് ഉദ്യോഗസ്ഥരെയും അറസ്റ്റ് ചെയ്തു. ഇവരെ സർവീസിൽ നിന്ന് സസ്പെൻഡ് ചെയ്തതായും പോലീസ് അറിയിച്ചു.
കട്ടപ്പനയിൽ ഓടയിൽ കുടുങ്ങി രണ്ട് തൊഴിലാളികൾ മരിച്ചു; ഒരാൾ അതീവ ഗുരുതരാവസ്ഥയിൽ
കട്ടപ്പനയിൽ അഴുക്കുചാൽ വൃത്തിയാക്കാൻ ഇറങ്ങിയ രണ്ട് തൊഴിലാളികൾ ഓടയിൽ കുടുങ്ങി മരിച്ചു. തമിഴ്നാട് കമ്പം സ്വദേശികളാണ് മരിച്ചത്. ഒരാളുടെ നില അതീവ ഗുരുതരമാണ്.
തമിഴ്നാട്ടിലെ എണ്ണൂര് താപനിലയത്തില് അപകടം; 9 തൊഴിലാളികള് മരിച്ചു
തമിഴ്നാട്ടിലെ എണ്ണൂര് താപനിലയത്തില് നിര്മാണ പ്രവര്ത്തനങ്ങള്ക്കിടെ അപകടം. ഒമ്പത് തൊഴിലാളികള് മരിച്ചു. മരിച്ചവരുടെ കുടുംബത്തിന് 10 ലക്ഷം രൂപ ധനസഹായം നല്കാന് സര്ക്കാര് തീരുമാനിച്ചു.
കരൂർ ദുരന്തം: വ്യാജ പ്രചാരണം നടത്തരുത്; അഭ്യർത്ഥനയുമായി മുഖ്യമന്ത്രി സ്റ്റാലിൻ
കരൂർ ദുരന്തത്തെക്കുറിച്ച് സാമൂഹ്യമാധ്യമങ്ങളിൽ തെറ്റായ വിവരങ്ങൾ പ്രചരിപ്പിക്കരുതെന്ന് തമിഴ്നാട് മുഖ്യമന്ത്രി എം.കെ. സ്റ്റാലിൻ അഭ്യർഥിച്ചു. അപകടത്തിൽ പരുക്കേറ്റവരുടെ ചികിത്സാ ചെലവുകൾ സർക്കാർ വഹിക്കുമെന്നും മരിച്ചവരുടെ കുടുംബങ്ങൾക്ക് ധനസഹായം ഉടൻ നൽകുമെന്നും അദ്ദേഹം അറിയിച്ചു. രാഷ്ട്രീയപരമായ കാര്യങ്ങളെക്കാൾ ഉപരിയായി ജനങ്ങളുടെ സുരക്ഷയ്ക്കും നന്മയ്ക്കുമാണ് പ്രാധാന്യം നൽകേണ്ടതെന്നും എം.കെ. സ്റ്റാലിൻ ഓർമ്മിപ്പിച്ചു.
കരൂർ അപകടം: ആളെക്കൂട്ടാൻ കേരളത്തിൽ നിന്നും ബൗൺസർമാരെ തേടിയെന്ന് റിപ്പോർട്ട്
തമിഴ്നാട്ടിലെ കരൂർ അപകടത്തിൽ കൂടുതൽ വിവരങ്ങൾ പുറത്ത്. ടിവികെയുടെ പരിപാടികളിൽ ജനക്കൂട്ടത്തെ നിയന്ത്രിക്കാൻ കേരളത്തിൽ നിന്നടക്കം പ്രൊഫഷണൽ ബൗൺസർമാരല്ലാത്തവരെ കൊണ്ടുപോയെന്ന് ആരോപണം. അപകടത്തിന് പിന്നാലെ തമിഴക വെട്രിക് കഴകം മുഖം രക്ഷിക്കാനുള്ള ശ്രമങ്ങൾ ആരംഭിച്ചിട്ടുണ്ട്. സംഭവത്തിൽ ജുഡീഷ്യൽ അന്വേഷണം ആരംഭിച്ചിട്ടുണ്ട്.
കരൂർ ദുരന്തം: വിജയിയെ വിമർശിച്ച് മന്ത്രി ശിവൻകുട്ടി, രാഷ്ട്രീയം സിനിമ പോലെ അല്ലെന്ന് മന്ത്രി
തമിഴ്നാട് കറൂരിലുണ്ടായ തിക്കിലും തിരക്കിലും പെട്ട് 39 പേർ മരിച്ച സംഭവത്തിൽ തമിഴക വെട്രിക്കഴകം (ടിവികെ) അധ്യക്ഷൻ വിജയിയെ വിമർശിച്ച് മന്ത്രി വി.ശിവൻകുട്ടി. സിനിമ പ്രവർത്തനവും രാഷ്ട്രീയ പ്രവർത്തനവും ഒരുപോലെയല്ലെന്നും രണ്ടും വ്യത്യസ്തമാണെന്നും മന്ത്രി അഭിപ്രായപ്പെട്ടു. ദുരന്തത്തിൽ മരിച്ചവരുടെ കുടുംബാംഗങ്ങളെ അനുശോചനം അറിയിച്ചുകൊണ്ട് മുഖ്യമന്ത്രി എം.കെ. സ്റ്റാലിൻ ദുരന്തസ്ഥലം സന്ദർശിച്ചു.
വിജയ് സംസ്ഥാന പര്യടനം മാറ്റിവെച്ചു; അടുത്തയാഴ്ചയിലെ റാലി റദ്ദാക്കി
ടിവികെ നേതാവ് വിജയ് സംസ്ഥാന പര്യടനം തൽക്കാലത്തേക്ക് മാറ്റിവെച്ചു. അടുത്ത ആഴ്ച നടത്താനിരുന്ന റാലി റദ്ദാക്കിയെന്നും അദ്ദേഹം ഓൺലൈൻ യോഗത്തിൽ അറിയിച്ചു. റാണിപെട്ട്, തിരുപ്പത്തൂർ ജില്ലകളിലെ പര്യടനമാണ് വിജയ് റദ്ദാക്കിയത്. 2026-ൽ തമിഴ്നാട് ഭരണം പിടിക്കുമെന്ന പ്രഖ്യാപനവുമായി മുന്നിട്ടിറങ്ങിയ വിജയ്, കരൂർ റാലിയിലെ അപകടത്തെ തുടർന്ന് നിയമനടപടികളിലേക്ക് നീങ്ങാൻ സാധ്യതയുണ്ട്.
കരൂർ ദുരന്തം: മൂന്ന് ടിവികെ നേതാക്കൾക്കെതിരെ കേസ്
തമിഴ്നാട്ടിലെ കരൂരിൽ ടിവികെ റാലിക്കിടെയുണ്ടായ തിക്കിലും തിരക്കിലും പെട്ട് 39 പേർ മരിച്ച സംഭവത്തിൽ മൂന്ന് ടിവികെ നേതാക്കൾക്കെതിരെ പൊലീസ് കേസെടുത്തു. ടിവികെ ജനറൽ സെക്രട്ടറി എൻ. ആനന്ദ്, കരൂർ വെസ്റ്റ് ജില്ലാ സെക്രട്ടറി മതിയാഴകൻ, സംസ്ഥാന പര്യടനത്തിന്റെ ചുമതലയുള്ള നിർമൽ കുമാർ എന്നിവർക്കെതിരെയാണ് കേസ് എടുത്തിരിക്കുന്നത്. സംഭവത്തിൽ ജുഡീഷ്യൽ അന്വേഷണം പ്രഖ്യാപിച്ചിട്ടുണ്ട്.