ഇതിഹാസ ചെസ്സ് താരം സൂസൻ പോൾഗർ ഹംഗറിയിൽ നടന്ന ചെസ് ഒളിമ്പ്യാഡിനിടെ പ്രഗ്നാനന്ദയുടെയും വൈശാലിയുടെയും അമ്മ നാഗലക്ഷ്മിയെ കണ്ടുമുട്ടി. ‘അമേസിംഗ് ചെസ്സ് അമ്മ’ എന്ന് വിശേഷിപ്പിച്ച പോൾഗർ, കുട്ടികളുടെ കരിയർ രൂപപ്പെടുത്തുന്നതിൽ നാഗലക്ഷ്മി നൽകിയ പിന്തുണയെ അഭിനന്ദിച്ചു. ചെസ് ഒളിമ്പ്യാഡിൽ ഇന്ത്യ വനിതകളുടെയും പുരുഷന്‍മാരുടെയും വിഭാഗങ്ങളില്‍ സ്വര്‍ണ്ണം നേടിയപ്പോള്‍ രണ്ട് ഇന്ത്യന്‍ ടീമുകളിലും നാഗലക്ഷ്മിയുടെ രണ്ട് മക്കള്‍ ഉണ്ടായിരുന്നു.