Sunny Joseph
ദുരിതബാധിതരുടെ കണ്ണീർ കാണാതെ വാർഷികം; മുഖ്യമന്ത്രി നീറോയെപ്പോലെ: സണ്ണി ജോസഫ്
എൻ.എം. വിജയന്റെ മരണവുമായി ബന്ധപ്പെട്ട ആരോപണത്തിൽ ഉചിതമായ നടപടികൾ സ്വീകരിക്കുമെന്ന് കെപിസിസി അധ്യക്ഷൻ സണ്ണി ജോസഫ്. വയനാട്ടിലെ ദുരിതബാധിതർക്ക് ദിനബത്ത പോലും ലഭിക്കാത്ത സാഹചര്യത്തിൽ, പിണറായി സർക്കാർ നാലാം വാർഷികം ആഘോഷിക്കുന്നതിനെയും അദ്ദേഹം വിമർശിച്ചു. പ്രതിപക്ഷത്തിന്റെ പ്രതിഷേധത്തോട് ഭരണപക്ഷ എം.എൽ.എമാർക്കും പങ്കുചേരേണ്ട സാഹചര്യമാണുള്ളതെന്നും സണ്ണി ജോസഫ് കൂട്ടിച്ചേർത്തു.
കെ. സുധാകരന്റെ അനുഗ്രഹം മൂന്ന് തവണ കിട്ടി; സന്തോഷമുണ്ടെന്ന് സണ്ണി ജോസഫ്
കെപിസിസി അധ്യക്ഷനായി സ്ഥാനമേറ്റ ശേഷം കെ. സുധാകരനുമായുള്ള ബന്ധത്തെക്കുറിച്ച് സണ്ണി ജോസഫ് സംസാരിക്കുന്നു. കെ. സുധാകരന്റെ അനുഗ്രഹം തനിക്ക് മൂന്ന് തവണ ലഭിച്ചെന്നും അദ്ദേഹം കെപിസിസി പ്രസിഡന്റായതിൽ സന്തോഷമുണ്ടെന്നും സണ്ണി ജോസഫ് പറഞ്ഞു. എല്ലാവരുമായി ആശയവിനിമയം നടത്തി ഒരുമിച്ച് മുന്നോട്ട് പോകുമെന്നും അദ്ദേഹം കൂട്ടിച്ചേർത്തു.
പുതിയ ടീമിന് സ്വീകാര്യത: രാഹുൽ ഗാന്ധിയെ അഭിനന്ദിച്ച് സണ്ണി ജോസഫ്
പുതിയ ടീമിന് കേരളത്തിൽ ലഭിച്ച സ്വീകാര്യതയിൽ രാഹുൽ ഗാന്ധി സന്തുഷ്ടനാണെന്ന് കെപിസിസി പ്രസിഡന്റ് സണ്ണി ജോസഫ് പറഞ്ഞു. തിരഞ്ഞെടുപ്പുകളിൽ യുഡിഎഫിനെ ഒരുക്കുന്നതിനുള്ള പരിപാടികളുമായി മുന്നോട്ട് പോകാൻ തീരുമാനിച്ചെന്നും അദ്ദേഹം വ്യക്തമാക്കി. ഹൈക്കമാൻഡ് യോഗത്തിൽ പങ്കെടുക്കാൻ കെ സുധാകരന് അസൗകര്യമുണ്ടെന്ന് നേരത്തെ അറിയിച്ചിരുന്നുവെന്നും സണ്ണി ജോസഫ് കൂട്ടിച്ചേർത്തു
യുഡിഎഫിനെ ശക്തിപ്പെടുത്താൻ പുതിയ പദ്ധതികളുമായി മുന്നോട്ട് പോകുമെന്ന് സണ്ണി ജോസഫ്
വരുന്ന നിയമസഭാ തെരഞ്ഞെടുപ്പിൽ യുഡിഎഫിനെ ശക്തിപ്പെടുത്താനുള്ള പ്രവർത്തനങ്ങളുമായി മുന്നോട്ട് പോകാൻ തീരുമാനിച്ചതായി കെപിസിസി അധ്യക്ഷൻ സണ്ണി ജോസഫ് അറിയിച്ചു. രാഹുൽ ഗാന്ധി ഉൾപ്പെടെയുള്ള നേതാക്കളുടെ നിർദ്ദേശങ്ങൾ സ്വീകരിച്ചു. ഹൈക്കമാൻഡ് യോഗത്തിൽ പങ്കെടുക്കാൻ വ്യക്തിപരമായ കാരണങ്ങളാൽ കഴിയില്ലെന്ന് കെ. സുധാകരൻ നേരത്തെ അറിയിച്ചിരുന്നുവെന്നും സണ്ണി ജോസഫ് കൂട്ടിച്ചേർത്തു
ഹൈക്കമാൻഡുമായി ചർച്ചയ്ക്ക് കെപിസിസി; അഴിച്ചുപണി ഉണ്ടാകില്ലെന്ന് സണ്ണി ജോസഫ്
പുതിയ കെപിസിസി നേതൃത്വം ഹൈക്കമാൻഡുമായി ഇന്ന് കൂടിക്കാഴ്ച നടത്തും. രാഹുൽ ഗാന്ധി, മല്ലികാർജുൻ ഖർഗെ തുടങ്ങിയവർ ചർച്ചയിൽ പങ്കെടുക്കും. സഹഭാരവാഹികളെ നിയമിക്കുന്ന കാര്യത്തിലും യോഗം തീരുമാനമെടുക്കും.
കേരളത്തില് കോണ്ഗ്രസ് ഒറ്റക്കെട്ടായി മുന്നോട്ട്; സണ്ണി ജോസഫ് കെപിസിസി അധ്യക്ഷന്
കെപിസിസി അധ്യക്ഷനായി സണ്ണി ജോസഫ് എംഎൽഎ സ്ഥാനമേറ്റു. കേരളത്തിന് കൂട്ടായ പ്രവര്ത്തനമാണ് ആവശ്യമെന്നും കോണ്ഗ്രസ് ഒറ്റക്കെട്ടായി മുന്നോട്ട് പോകുമെന്നും അദ്ദേഹം പറഞ്ഞു. ഹൈക്കമാന്ഡിനും കേരളത്തിലെ കോണ്ഗ്രസിനും അദ്ദേഹം നന്ദി അറിയിച്ചു.
സുധാകരനെ ശക്തിപ്പെടുത്താനാണ് കെപിസിസി പ്രസിഡന്റാക്കിയതെന്ന് സണ്ണി ജോസഫ്
കെ. സുധാകരനെ തൃപ്തിപ്പെടുത്താനല്ല, അദ്ദേഹത്തെ ശക്തിപ്പെടുത്താനാണ് തന്നെ കെപിസിസി പ്രസിഡന്റാക്കിയതെന്ന് സണ്ണി ജോസഫ്. പുതിയ നേതൃനിര ഒരു ടീമായി പ്രവർത്തിക്കുമെന്നും പാർട്ടിയിൽ അച്ചടക്കം അത്യാവശ്യമാണെന്നും അദേഹം വ്യക്തമാക്കി. പിണറായി സർക്കാരിന്റെ ഏകാധിപത്യ പ്രവണതയ്ക്കെതിരെയും ജനദ്രോഹനയങ്ങൾക്കെതിരെയും ശക്തമായ പ്രവർത്തനം നടത്തുമെന്നും സണ്ണി ജോസഫ് അറിയിച്ചു.
സണ്ണിക്ക് വെള്ളാപ്പള്ളിയുടെ സർട്ടിഫിക്കറ്റ് വേണ്ട; വിമർശനവുമായി ആന്റോ ആന്റണി
സണ്ണി ജോസഫിനെതിരെയുള്ള വെള്ളാപ്പള്ളി നടേശന്റെ പ്രസ്താവനക്കെതിരെ ആന്റോ ആന്റണി എം.പി. രംഗത്ത്. സണ്ണി ജോസഫിന് വെള്ളാപ്പള്ളിയുടെ സർട്ടിഫിക്കറ്റ് ആവശ്യമില്ലെന്നും, കോൺഗ്രസിന് ഉപദേശം നൽകാൻ വെള്ളാപ്പള്ളി സമയം കണ്ടെത്തേണ്ടതില്ലെന്നും ആന്റോ ആന്റണി പറഞ്ഞു. ബി.ജെ.പി.യുടെയും, സി.പി.ഐ.എമ്മിന്റെയും താൽപര്യങ്ങൾ സംരക്ഷിക്കാനാണ് വെള്ളാപ്പള്ളി ശ്രമിക്കുന്നതെന്നും അദ്ദേഹം ആരോപിച്ചു.
കെപിസിസി അധ്യക്ഷ സ്ഥാനമേൽക്കും മുൻപ് കരുണാകരൻ സ്മൃതി മണ്ഡപത്തിൽ പുഷ്പാർച്ചന നടത്തി സണ്ണി ജോസഫ്
കെപിസിസി പ്രസിഡന്റ് സ്ഥാനം ഏറ്റെടുക്കുന്നതിന് മുന്നോടിയായി സണ്ണി ജോസഫ് കെ.കരുണാകരന്റെ സ്മൃതി മണ്ഡപത്തിൽ പുഷ്പാർച്ചന നടത്തി. കോൺഗ്രസിൻ്റെ പഴയ നേതാക്കളെ ചുമതലയേൽക്കുന്നതിന് മുമ്പ് അനുസ്മരിക്കുകയാണെന്ന് അദ്ദേഹം പറഞ്ഞു. കണ്ണൂരിൽ കെ. സുധാകരൻ വളർത്തിക്കൊണ്ടുവന്ന പ്രധാന നേതാക്കളിൽ ഒരാളാണ് സണ്ണി ജോസഫ്.
സണ്ണി ജോസഫ് കെപിസിസി അധ്യക്ഷനാകുമ്പോൾ: കോൺഗ്രസ് തലപ്പത്ത് വീണ്ടും കണ്ണൂരുകാരൻ
സംസ്ഥാന കോൺഗ്രസ് അധ്യക്ഷനായി സണ്ണി ജോസഫ് സ്ഥാനമേൽക്കുന്നു. കെപിസിസി അധ്യക്ഷ സ്ഥാനത്തേക്ക് ക്രൈസ്തവ വിഭാഗത്തിൽ നിന്നൊരാളെ നിയമിക്കാനുള്ള തീരുമാനമാണ് അദ്ദേഹത്തിന് ഈ അവസരം നൽകിയത്. കെ. സുധാകരന്റെ വിശ്വസ്തനായിരുന്ന സണ്ണി ജോസഫിന്റെ നിയമനം അദ്ദേഹത്തിൻ്റെ എതിർപ്പ് ഒഴിവാക്കാൻ സഹായിക്കുമെന്ന വിലയിരുത്തലുണ്ട്. നിലവിൽ പേരാവൂർ എംഎൽഎയാണ് അദ്ദേഹം.
സണ്ണി ജോസഫിന്റെ നിയമനത്തിൽ സന്തോഷമെന്ന് കെ. സുധാകരൻ
പുതിയ കെപിസിസി പ്രസിഡന്റായി സണ്ണി ജോസഫിനെ നിയമിച്ചതിൽ സന്തോഷമുണ്ടെന്ന് കെ. സുധാകരൻ അറിയിച്ചു. കണ്ണൂരിലെ കോൺഗ്രസ് നേതാക്കൾക്ക് ലഭിച്ച പരിഗണനയുടെ ഭാഗമായാണ് ഈ നിയമനമെന്നും അദ്ദേഹം കൂട്ടിച്ചേർത്തു. സണ്ണി ജോസഫിന് പാർട്ടിക്കുവേണ്ടി അമൂല്യമായ സംഭാവനകൾ നൽകാൻ കഴിയുമെന്നും കെ. സുധാകരൻ പ്രത്യാശ പ്രകടിപ്പിച്ചു.
പുതിയ കെപിസിസി നേതൃത്വത്തിൽ ലീഗിന് പൂർണ്ണ തൃപ്തി: കുഞ്ഞാലിക്കുട്ടി
പുതിയ കെപിസിസി നേതൃത്വത്തിൽ മുസ്ലിം ലീഗിന് പൂർണ്ണ തൃപ്തിയുണ്ടെന്ന് പി.കെ. കുഞ്ഞാലിക്കുട്ടി പറഞ്ഞു. കോൺഗ്രസ് പാർട്ടിക്ക് അകത്തെ കാര്യങ്ങളിൽ അഭിപ്രായം പറയാനില്ലെന്നും അദ്ദേഹം വ്യക്തമാക്കി. സണ്ണി ജോസഫിനെ കെപിസിസി അധ്യക്ഷനായി തിരഞ്ഞെടുത്തതിനെയും അദ്ദേഹം പ്രശംസിച്ചു.