Sudan
സുഡാനിലെ അതിക്രമം അവസാനിപ്പിക്കാൻ സൗദിയുമായി ചേർന്ന് പ്രവർത്തിക്കുമെന്ന് ട്രംപ്
സുഡാനിലെ അതിക്രമങ്ങൾ അവസാനിപ്പിക്കുന്നതിന് സൗദി അറേബ്യയുമായും യു.എ.ഇ-യുമായും ഈജിപ്തുമായും ചേർന്ന് പ്രവർത്തിക്കുമെന്ന് ട്രംപ്. സൗദി കിരീടാവകാശി മുഹമ്മദ് ബിൻ സൽമാന്റെ അഭ്യർത്ഥന മാനിച്ചാണ് സുഡാനിൽ ഇടപെടാൻ തീരുമാനിച്ചതെന്നും ട്രംപ് വ്യക്തമാക്കി.കഴിഞ്ഞ രണ്ടര വർഷമായി സുഡാനിൽ സർക്കാർ സൈന്യവും അർദ്ധസൈനിക വിഭാഗവും തമ്മിൽ ആഭ്യന്തരയുദ്ധത്തിലേർപ്പെട്ടിരിക്കുകയാണ്.
സുഡാനിൽ മാനുഷിക ദുരന്തം രൂക്ഷമാകാൻ സാധ്യതയെന്ന് യു.എൻ
സുഡാനിൽ ആഭ്യന്തരകലാപം രൂക്ഷമായതിനെ തുടർന്ന് സ്ഥിതിഗതികൾ ഗുരുതരമായ മാനുഷിക പ്രതിസന്ധിയിലേക്ക് നീങ്ങുകയാണെന്ന് ഐക്യരാഷ്ട്ര സഭ മുന്നറിയിപ്പ് നൽകി. റാപ്പിഡ് സപ്പോർട്ട് ഫോഴ്സിൻ്റെ ആക്രമണത്തെ തുടർന്ന് ആയിരക്കണക്കിന് ആളുകൾക്ക് പലായനം ചെയ്യേണ്ടി വന്നു. ഡാർഫറിന് പിന്നാലെ എൽ ഒബൈദിനെയും പിടിച്ചെടുക്കാൻ ആർ.എസ്.എഫ് ശ്രമം നടത്തുകയാണ്.
സുഡാനിൽ ഒഡീഷ സ്വദേശിയെ തട്ടിക്കൊണ്ടുപോയി; ‘ഷാരൂഖ് ഖാനെ അറിയാമോ’ എന്ന് ചോദിച്ച് വിമതർ
സുഡാനിലെ ആഭ്യന്തരയുദ്ധത്തിനിടെ ഒഡീഷ സ്വദേശിയായ ആദർശ് ബെഹ്റയെ വിമതസേന തട്ടിക്കൊണ്ടുപോയി. റാപ്പിഡ് സപ്പോർട്ട് ഫോഴ്സ് ആണ് ഇയാളെ തട്ടിക്കൊണ്ടുപോയത്. ഇയാളുടെ മോചനത്തിനായി ശ്രമങ്ങൾ നടന്നുവരികയാണ്.
സുഡാനിൽ അടിയന്തര വെടിനിർത്തൽ ആവശ്യപ്പെട്ട് ജർമ്മനിയും ജോർദാനും ബ്രിട്ടനും
സുഡാനിൽ അടിയന്തര വെടിനിർത്തൽ ആവശ്യപ്പെട്ട് ജർമ്മനിയും ജോർദാനും ബ്രിട്ടനും രംഗത്ത്. സുഡാനിലെ സ്ഥിതിഗതികൾ അതീവ ഗുരുതരമാണെന്ന് ഐക്യരാഷ്ട്രസഭയും അറിയിച്ചു. ഇതുവരെ നാൽപതിനായിരത്തിലധികം പേർ കൊല്ലപ്പെട്ടുവെന്നാണ് യു എൻ കണക്കുകൾ സൂചിപ്പിക്കുന്നത്
സുഡാനിൽ മണ്ണിടിച്ചിൽ; ആയിരത്തിലധികം പേർ മരിച്ചു
സുഡാനിലെ പടിഞ്ഞാറൻ ഡർഫർ മേഖലയിലുണ്ടായ മണ്ണിടിച്ചിലിൽ ആയിരത്തിലധികം ആളുകൾ മരിച്ചു. ഡർഫറിലെ മറാ പർവതപ്രദേശത്താണ് ദുരന്തമുണ്ടായത്. സുഡാനിലെ ആഭ്യന്തരയുദ്ധത്തെ തുടർന്ന് പലായനം ചെയ്തവരാണ് മരിച്ചവരിൽ ഏറെയും.
സുഡാനിൽ സൈനിക വിമാനം തകർന്നുവീണു; 46 മരണം
ഖാർതൂമിന് സമീപം സൈനിക വിമാനം തകർന്ന് 46 പേർ മരിച്ചു. പത്തുപേർക്ക് പരിക്കേറ്റു. സാങ്കേതിക തകരാറാണ് കാരണമെന്ന് പ്രാഥമിക നിഗമനം.