Student Death
കൊല്ലത്ത് വിദ്യാർത്ഥി ഷോക്കേറ്റ് മരിച്ച സംഭവം; അന്വേഷണത്തിന് ഉത്തരവിട്ട് മന്ത്രി വി ശിവൻകുട്ടി
കൊല്ലം തേവലക്കര ബോയ്സ് ഹൈസ്കൂളിൽ എട്ടാം ക്ലാസ് വിദ്യാർത്ഥി ഷോക്കേറ്റ് മരിച്ച സംഭവത്തിൽ വിദ്യാഭ്യാസ മന്ത്രി വി. ശിവൻകുട്ടി അന്വേഷണത്തിന് ഉത്തരവിട്ടു. സ്കൂൾ കെട്ടിടത്തിന് മുകളിൽ ചെരുപ്പെടുക്കാൻ കയറിയ വിദ്യാർത്ഥിക്ക് ഷോക്കേറ്റതാണ് അപകടകാരണമായത്. സംഭവത്തെക്കുറിച്ച് അടിയന്തരമായി അന്വേഷിച്ച് റിപ്പോർട്ട് നൽകാൻ പൊതു വിദ്യാഭ്യാസ ഡയറക്ടർക്ക് മന്ത്രി നിർദ്ദേശം നൽകി.
കൊല്ലം തേവലക്കരയിൽ വിദ്യാർത്ഥി ഷോക്കേറ്റ് മരിച്ചു; സ്കൂളിന് മുകളിലെ ലൈനിൽ തട്ടി അപകടം
കൊല്ലം തേവലക്കര ബോയ്സ് ഹൈസ്കൂളിലെ എട്ടാം ക്ലാസ് വിദ്യാർത്ഥി മിഥുൻ ഷോക്കേറ്റ് മരിച്ചു. സ്കൂൾ കെട്ടിടത്തിന് മുകളിൽ വീണ ചെരുപ്പ് എടുക്കാൻ കയറിയപ്പോഴാണ് അപകടം സംഭവിച്ചത്. സ്കൂളിന് മുകളിലൂടെയുള്ള വൈദ്യുത ലൈൻ അപകടകരമായ രീതിയിലാണ് കടന്നുപോകുന്നതെന്ന് നാട്ടുകാർ ആരോപിക്കുന്നു.
തിരുവനന്തപുരത്ത് നീന്തൽക്കുളത്തിൽ വീണ് രണ്ട് വിദ്യാർഥികൾ മുങ്ങി മരിച്ചു
തിരുവനന്തപുരത്ത് നീന്തൽക്കുളത്തിൽ വീണ് രണ്ട് വിദ്യാർഥികൾ മരിച്ചു. ആനാട് ഗ്രാമപഞ്ചായത്തിൻ്റെ കീഴിലുള്ള വേങ്കവിളയിലെ കുളത്തിലാണ് അപകടം നടന്നത്. കുശർകോട് സ്വദേശികളായ ആരോമൽ, ഷിനിൽ എന്നിവരാണ് മരിച്ചത്.
ആലപ്പുഴയിൽ അഞ്ചാം ക്ലാസ് വിദ്യാർത്ഥിയെ തൂങ്ങി മരിച്ച നിലയിൽ കണ്ടെത്തി
ആലപ്പുഴ ഹരിപ്പാട് അഞ്ചാം ക്ലാസ് വിദ്യാർത്ഥിയെ തൂങ്ങി മരിച്ച നിലയിൽ കണ്ടെത്തി. മണ്ണാറശാല യുപി സ്കൂളിലെ വിദ്യാർത്ഥി ശ്രീശബരിയാണ് മരിച്ചത്. കുട്ടിക്ക് രണ്ടാഴ്ച മുമ്പ് പിതൃസഹോദരൻ വീട്ടിൽ തൂങ്ങി മരിച്ചതിൻ്റെ മാനസിക വിഷമം ഉണ്ടായിരുന്നുവെന്ന് കുടുംബം പോലീസിന് മൊഴി നൽകി.
കായംകുളത്ത് വെള്ളക്കെട്ടിൽ വീണ് അഞ്ചാം ക്ലാസ് വിദ്യാർത്ഥിക്ക് ദാരുണാന്ത്യം
കായംകുളത്ത് വെള്ളക്കെട്ടിൽ വീണ് അഞ്ചാം ക്ലാസ് വിദ്യാർത്ഥി മരിച്ചു. പുതിയവിള പ്രദീപിൻ്റെ മകൻ അഭിജിത്ത് (8) ആണ് മരിച്ചത്. മാനസിക വൈകല്യമുള്ള കുട്ടിയായിരുന്നു അഭിജിത്ത്.
മലപ്പുറത്ത് പന്നിക്കെണിയിൽ ഷോക്കേറ്റ് വിദ്യാർത്ഥി മരിച്ച സംഭവം: പ്രതി അറസ്റ്റിൽ
മലപ്പുറം വഴിക്കടവിൽ പന്നിക്കെണിയിൽ നിന്ന് ഷോക്കേറ്റ് വിദ്യാർത്ഥി മരിച്ച സംഭവത്തിൽ പ്രതിയുടെ അറസ്റ്റ് രേഖപ്പെടുത്തി. നമ്പ്യാടൻ വീട്ടിൽ വിജയൻ മകൻ വിനീഷിനെയാണ് പോലീസ് അറസ്റ്റ് ചെയ്തത്. സുരേഷിന്റെ പരാതിയിൽ BNS 105 വകുപ്പ് പ്രകാരമാണ് കേസ് എടുത്തിരിക്കുന്നത്.
മലപ്പുറത്ത് വിദ്യാർത്ഥി വൈദ്യുതാഘാതമേറ്റ് മരിച്ച സംഭവം: പ്രതിക്കായി തിരച്ചിൽ ഊർജ്ജിതമാക്കി, നരഹത്യക്ക് കേസ്
മലപ്പുറം വഴിക്കടവിൽ പന്നിക്കെണിയിൽപ്പെട്ട് വിദ്യാർത്ഥി മരിച്ച സംഭവത്തിൽ പോലീസ് നരഹത്യക്ക് കേസ് എടുത്തു. പ്രതിയെക്കുറിച്ച് സൂചന ലഭിച്ചെന്നും വനത്തിൽ തിരച്ചിൽ തുടരുകയാണെന്നും പോലീസ് അറിയിച്ചു. തിരഞ്ഞെടുപ്പ് സമയത്ത് രാഷ്ട്രീയ പ്രചാരണത്തിന് ഉപയോഗിക്കരുതെന്ന് മന്ത്രി എ.കെ. ശശീന്ദ്രൻ അഭ്യർത്ഥിച്ചു.
മലപ്പുറത്ത് പന്നിക്കെണിയിൽ ഷോക്കേറ്റ് വിദ്യാർത്ഥി മരിച്ചു; പ്രതിഷേധവുമായി യുഡിഎഫ്
മലപ്പുറം വഴിക്കടവിൽ പന്നിക്കെണിയിൽ നിന്ന് ഷോക്കേറ്റ് വിദ്യാർത്ഥി മരിച്ച സംഭവത്തിൽ കോൺഗ്രസ് പ്രതിഷേധം രേഖപ്പെടുത്തി. സർക്കാർ അനാസ്ഥയാണ് അപകട കാരണമെന്നും കോൺഗ്രസ് ആരോപിച്ചു. കെഎസ്ഇബി ലൈനിൽ നിന്ന് നേരിട്ട് പന്നിക്കെണിയിലേക്ക് വൈദ്യുതിക്കായി ലൈൻ വലിച്ചതാണ് അപകടത്തിന് കാരണം.
മലപ്പുറത്ത് പന്നിപ്പടക്കം പൊട്ടി പത്താം ക്ലാസ് വിദ്യാർത്ഥിക്ക് ദാരുണാന്ത്യം; രണ്ട് കുട്ടികൾക്ക് പരിക്ക്
മലപ്പുറം വഴിക്കടവിൽ പന്നി ശല്യം തടയാൻ വെച്ച കെണിയിൽ നിന്നും ഷോക്കേറ്റ് പത്താം ക്ലാസ് വിദ്യാർത്ഥി മരിച്ചു. രണ്ട് കുട്ടികൾക്ക് പരിക്കേറ്റു, ഒരാളുടെ നില ഗുരുതരമാണ്. മൃതദേഹം നിലമ്പൂർ ജില്ലാ ആശുപത്രിയിലേക്ക് മാറ്റി.
അമ്പൂരിയിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു
തിരുവനന്തപുരം അമ്പൂരി കരിപ്പയാറ്റിൽ കുളിക്കാനിറങ്ങിയ വിദ്യാർത്ഥി മുങ്ങിമരിച്ചു. വെളി സ്വദേശിയായ ആദിത്യൻ (20) ആണ് മരിച്ചത്. ചാക്ക ഐ.ടി.ഐയിലെ ഒന്നാം വർഷ വിദ്യാർത്ഥിയാണ് ആദിത്യൻ.
നേമത്ത് നാലാം ക്ലാസുകാരിയെ തൂങ്ങിമരിച്ച നിലയിൽ കണ്ടെത്തി; അമ്മ വഴക്കുപറഞ്ഞതിലുള്ള വിഷമത്തിൽ ജീവനൊടുക്കിയെന്ന് പോലീസ്
തിരുവനന്തപുരം നേമത്ത് നാലാം ക്ലാസ് വിദ്യാർത്ഥിനിയെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. അമ്മ വഴക്ക് പറഞ്ഞതിലുള്ള വിഷമം കാരണമാണ് ആത്മഹത്യയെന്ന് പോലീസ് പറയുന്നു. ശ്യാം-രേഖ ദമ്പതികളുടെ മകളാണ് മരിച്ച അഹല്യ.
താമരശ്ശേരിയിൽ രണ്ട് വിദ്യാർത്ഥികൾ മുങ്ങി മരിച്ചു
കോഴിക്കോട് താമരശ്ശേരിയിൽ രണ്ട് വിദ്യാർത്ഥികൾ മുങ്ങി മരിച്ചു. പൂനൂർ കാന്തപുരം സ്വദേശികളായ മുഹമ്മദ് ഫർസാൻ (9), മുഹമ്മദ് അബൂബക്കർ (8) എന്നിവരാണ് മരിച്ചത്. വീടിന് സമീപത്തെ കുളത്തിൽ നിന്നാണ് മൃതദേഹങ്ങൾ കണ്ടെത്തിയത്.