SFI
എംഎസ്എഫ് ക്യാമ്പസ് കാരവൻ: അനുമതിയില്ലാതെ ആനയെ ഉപയോഗിച്ചെന്ന് പരാതി
എംഎസ്എഫ് നടത്തിയ ക്യാമ്പസ് കാരവൻ പരിപാടിയിൽ അനുമതിയില്ലാതെ ആനയെ ഉപയോഗിച്ചെന്ന് പരാതി. എസ്എഫ്ഐ മലപ്പുറം ജില്ലാ കമ്മിറ്റി അംഗം ദീപക്കാണ് വനംമന്ത്രിക്ക് പരാതി നൽകിയത്. മഞ്ചേരി യൂണിറ്റി വിമൻസ് കോളജിൽ നടന്ന പരിപാടിയിലാണ് ആനയെ ഉപയോഗിച്ചത്.
കണ്ണൂരിൽ എസ്എഫ്ഐ നേതാവിനെ കുത്തിക്കൊലപ്പെടുത്താൻ ശ്രമിച്ച പ്രതി പിടിയിൽ
കണ്ണൂരിൽ എസ്എഫ്ഐ നേതാവിനെ കുത്തിക്കൊലപ്പെടുത്താൻ ശ്രമിച്ച കേസിൽ പ്രതി അറസ്റ്റിലായി. ആദികടലായി സ്വദേശി റബീഹ് ആണ് പിടിയിലായത്. എസ്എഫ്ഐ എടക്കാട് ഏരിയാ സെക്രട്ടറി കെ.എം. വൈഷ്ണവിനെയാണ് റബീഹ് കുത്തിക്കൊലപ്പെടുത്താൻ ശ്രമിച്ചത്.
കണ്ണൂരിൽ എസ്എഫ്ഐ നേതാവിന് കുത്തേറ്റു; കോളേജ് വിദ്യാർത്ഥിനിയെ ശല്യം ചെയ്തത് ചോദ്യം ചെയ്തതിനെ തുടർന്ന്
കണ്ണൂരിൽ എസ്എഫ്ഐ നേതാവിന് കുത്തേറ്റു. കോളേജ് വിദ്യാർത്ഥിനിയെ ശല്യം ചെയ്തത് ചോദ്യം ചെയ്തതിനെ തുടർന്നാണ് ആക്രമണം ഉണ്ടായത്. ജില്ലാ സെക്രട്ടറിയേറ്റ് അംഗം വൈഷ്ണവിനാണ് കുത്തേറ്റത്. വൈഷ്ണവിനെ കണ്ണൂർ എ കെ ജി ആശുപത്രിയിൽ പ്രവേശിപ്പിച്ചു.
കണ്ണൂർ സർവകലാശാലയിൽ എസ്എഫ്ഐക്കെതിരെ ആഞ്ഞടിച്ച് എംഎസ്എഫ് സംസ്ഥാന പ്രസിഡന്റ്
കണ്ണൂർ സർവകലാശാലയിൽ എസ്എഫ്ഐക്കെതിരെ എംഎസ്എഫ് സംസ്ഥാന പ്രസിഡന്റ് പി.കെ. നവാസ് രംഗത്ത്. ജനാധിപത്യത്തെ തോൽപ്പിക്കാൻ എസ്എഫ്ഐ, എംഎസ്എഫിന്റെ യുയുസിമാരെ തട്ടിക്കൊണ്ടുപോകുന്നുവെന്ന് ആരോപണം. ബാലറ്റും ഐഡി കാർഡും തട്ടിപ്പറിച്ച എസ്എഫ്ഐ യൂണിയൻ ജോയിന്റ് സെക്രട്ടറി സ്ഥാനാർത്ഥിയെ പോലീസ് അറസ്റ്റ് ചെയ്തു.
ആയിരക്കണക്കിന് കമ്യൂണിസ്റ്റുകളെ വാർത്തെടുക്കാൻ വി.എസ് ശ്രമിച്ചു: ആദർശ് എം സജി
വി.എസ് പോരാടിയത് അവസാനത്തെ കമ്യൂണിസ്റ്റുകാരനാകാനല്ലെന്ന് എസ്എഫ്ഐ അഖിലേന്ത്യാ പ്രസിഡന്റ് ആദർശ് എം സജി. വർഗീയ ശക്തികളെ തകർത്തെറിയാൻ കെൽപ്പുള്ളവരെ വാർത്തെടുക്കാൻ അദ്ദേഹം ശ്രമിച്ചു. അദ്ദേഹത്തിന്റെ പോരാട്ടം അവസാനത്തെ കമ്യൂണിസ്റ്റുകാരൻ ആവാനായിരുന്നില്ലെന്നും ആദർശ് ഫേസ്ബുക്കിൽ കുറിച്ചു
മിഥുന്റെ മരണത്തിൽ കുറ്റക്കാർക്കെതിരെ നടപടി വേണമെന്ന് എസ്എഫ്ഐ
മിഥുന്റെ മരണത്തിൽ കുറ്റക്കാർക്കെതിരെ കർശന നടപടി സ്വീകരിക്കണമെന്ന് എസ്എഫ്ഐ സംസ്ഥാന സെക്രട്ടറി പി.എസ്. സഞ്ജീവ് ആവശ്യപ്പെട്ടു. വീഴ്ച സംഭവിച്ചത് ആരുടെ ഭാഗത്താണെന്ന് അന്വേഷണത്തിലൂടെ കണ്ടെത്തുമെന്നും, നടപടി ഉണ്ടായില്ലെങ്കിൽ തുടർ പ്രതിഷേധങ്ങൾ ഉണ്ടാകുമെന്നും അദ്ദേഹം കൂട്ടിച്ചേർത്തു. തേവലക്കര ബോയ്സ് ഹൈസ്കൂളിൽ ഷോക്കേറ്റ് മരിച്ച എട്ടാം ക്ലാസ് വിദ്യാർത്ഥി മിഥുന്റെ സംസ്കാര ചടങ്ങുകൾ പൂർത്തിയായി.
ആർഎസ്എസ് പാദപൂജ: കേരളത്തെ ഭ്രാന്താലയമാക്കാൻ ശ്രമമെന്ന് എസ്എഫ്ഐ
ആർഎസ്എസ് നിയന്ത്രണത്തിലുള്ള സ്കൂളുകളിൽ നടക്കുന്ന പാദപൂജക്കെതിരെ എസ്എഫ്ഐ രംഗത്ത്. ഇത് സംഘപരിവാർവത്കരണത്തിനുള്ള ശ്രമമാണെന്ന് എസ്എഫ്ഐ സംസ്ഥാന പ്രസിഡന്റ് എം ശിവപ്രസാദ് പറഞ്ഞു. കുട്ടികളെ നിർബന്ധിപ്പിച്ച് ഇത്തരം കാര്യങ്ങൾ ചെയ്യിപ്പിക്കുന്നത് മാനസിക പീഡനമാണെന്നും അദ്ദേഹം കൂട്ടിച്ചേർത്തു.
“എസ്എഫ്ഐ ഫ്രീസറിലാണ്, അവർ സർക്കാർ നടത്തുന്ന നാടകത്തിലെ നടന്മാർ”: അലോഷ്യസ് സേവ്യർ
കെഎസ്യു സംസ്ഥാന അധ്യക്ഷൻ അലോഷ്യസ് സേവ്യർ, എസ്എഫ്ഐയെയും സംസ്ഥാന സർക്കാരിനെയും വിമർശിച്ചു. വിദ്യാർത്ഥി പ്രശ്നങ്ങളിൽ എസ്എഫ്ഐക്ക് നിലപാടില്ലെന്നും ഉന്നത വിദ്യാഭ്യാസ വകുപ്പ് കെടുകാര്യസ്ഥതയുടെ കൂത്തരങ്ങായി മാറിയെന്നും അദ്ദേഹം ആരോപിച്ചു. കീം വിഷയത്തിൽ സർക്കാർ വിദ്യാർത്ഥികളെ സമ്മർദ്ദത്തിലാക്കിയെന്നും അദ്ദേഹം കുറ്റപ്പെടുത്തി.
ആർഎസ്എസിനെതിരെ സമരം ചെയ്യുന്നവർ ഗുണ്ടകളെങ്കിൽ തങ്ങളും ഗുണ്ടകളെന്ന് എസ്.എഫ്.ഐ
ആർഎസ്എസിനെതിരെ സമരം ചെയ്യുന്നവരെ ഗുണ്ടകളെന്ന് വിളിച്ചാൽ അത് അംഗീകരിക്കാൻ തയ്യാറാണെന്ന് എസ്.എഫ്.ഐ സംസ്ഥാന അധ്യക്ഷൻ എം. ശിവപ്രസാദ്. സർവ്വകലാശാലകളെ കാവിവത്കരിക്കാനുള്ള സംഘപരിവാർ നീക്കത്തിനെതിരെ എസ്.എഫ്.ഐ രാജ്ഭവനിലേക്ക് നടത്തിയ മാർച്ചിൽ സംസാരിക്കുകയായിരുന്നു അദ്ദേഹം. തങ്ങളുടെ പ്രതിഷേധം മതനിരപേക്ഷ വിദ്യാഭ്യാസം സംരക്ഷിക്കാനാണെന്നും അദ്ദേഹം കൂട്ടിച്ചേർത്തു.
അഭിമന്യുവിന്റെ ഓർമകൾക്ക് ഏഴ് വർഷം; രക്തസാക്ഷി ദിനത്തിൽ വർഗീയതക്കെതിരെ പോരാടുമെന്ന് വിദ്യാർത്ഥികൾ
എസ്എഫ്ഐ നേതാവ് അഭിമന്യു കൊല്ലപ്പെട്ടിട്ട് ഏഴ് വർഷം തികയുന്നു. അഭിമന്യുവിന്റെ ഓർമദിനത്തിൽ വർഗീയതക്കെതിരെ പോരാടുമെന്ന് വിദ്യാർത്ഥികൾ പ്രതിജ്ഞയെടുത്തു. കൊലപാതകവുമായി ബന്ധപ്പെട്ട 16 പ്രതികളുടെ വിചാരണ അടുത്ത മാസം ആരംഭിക്കും.
കൊല്ലത്ത് നാളെ എഐഎസ്എഫ് വിദ്യാഭ്യാസ ബന്ദ്; എസ്എഫ്ഐയുടെ അക്രമ രാഷ്ട്രീയത്തിനെതിരെ പ്രതിഷേധം
എസ്എഫ്ഐയുടെ അക്രമ രാഷ്ട്രീയത്തിനെതിരെ നാളെ കൊല്ലത്ത് എഐഎസ്എഫ് വിദ്യാഭ്യാസ ബന്ദ് പ്രഖ്യാപിച്ചു. കലാലയങ്ങളിൽ എസ്എഫ്ഐ നടപ്പാക്കുന്ന അക്രമ രാഷ്ട്രീയം അവസാനിപ്പിക്കണം എന്ന് ആവശ്യപ്പെട്ടാണ് എഐഎസ്എഫ് ബന്ദിന് ആഹ്വാനം ചെയ്തിരിക്കുന്നത്. വിദ്യാർത്ഥി മുന്നേറ്റത്തിന് എഐഎസ്എഫ് നേതൃത്വം നൽകുമെന്നും അറിയിച്ചു.
എസ്എഫ്ഐ സമ്മേളനത്തിന് സ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു
കോഴിക്കോട് ഗവൺമെൻ്റ് മെഡിക്കൽ കോളേജ് കാമ്പസ് ഹൈസ്കൂളിന് അവധി നൽകിയത് പ്രതിഷേധാർഹമെന്ന് കെഎസ്യു സംസ്ഥാന പ്രസിഡന്റ് അലോഷ്യസ് സേവ്യർ. വിദ്യാർത്ഥികളെ നിർബന്ധിതമായി രാഷ്ട്രീയ പരിപാടിയിൽ പങ്കെടുപ്പിക്കാൻ പ്രേരിപ്പിക്കുന്ന നടപടിയാണിതെന്നും അദ്ദേഹം ആരോപിച്ചു. വിഷയത്തിൽ വിദ്യാഭ്യാസ വകുപ്പ് മറുപടി പറയണമെന്നും കെഎസ്യു ആവശ്യപ്പെട്ടു.