Sexual Harassment
കലാമണ്ഡലം ലൈംഗികാതിക്രമം: അധ്യാപകനെതിരെ അന്വേഷണം ഊർജ്ജിതമാക്കി പോലീസ്
തൃശൂർ കേരള കലാമണ്ഡലത്തിൽ വിദ്യാർത്ഥികൾക്കെതിരായ ലൈംഗിക അതിക്രമത്തിൽ പ്രതിയായ അധ്യാപകൻ കനകകുമാറിനായുള്ള അന്വേഷണം ഊർജിതമാക്കി പൊലീസ്. ഇയാളുടെ സുഹൃത്തുക്കളും ബന്ധുക്കളും പോലീസ് നിരീക്ഷണത്തിലാണ്. കലാമണ്ഡലം അധികൃതർ നൽകിയ പരാതിയുടെ അടിസ്ഥാനത്തിൽ അധ്യാപകനെതിരെ പോക്സോ കേസ് രജിസ്റ്റർ ചെയ്തു.
ലൈംഗിക പീഡന കേസ്: ബ്രിജ് ഭൂഷൺ പ്രോ റെസ്ലിംഗ് ലീഗ് വേദിയിൽ മുഖ്യാതിഥി
ലൈംഗിക പീഡനക്കേസിൽ വിചാരണ നേരിടുന്ന ബി.ജെ.പി എം.പി ബ്രിജ് ഭൂഷൺ ശരൺ സിംഗ് പ്രോ റെസ്ലിംഗ് ലീഗ് പ്രഖ്യാപന ചടങ്ങിൽ മുഖ്യാതിഥിയായി പങ്കെടുത്തത് വിവാദമായി. ഡബ്ല്യുഎഫ്ഐയുടെ പരിപാടിയിൽ സംഘാടകർ ക്ഷണിച്ചതിനെ തുടർന്നാണ് താൻ പങ്കെടുത്തതെന്ന് ബ്രിജ് ഭൂഷൺ വിശദീകരിച്ചു. ഗുസ്തിയിൽ നിന്ന് താൻ സന്യാസം സ്വീകരിച്ചെന്നും, തനിക്കെതിരെ പ്രതിഷേധിച്ചവർ ഉൾപ്പെടെ ആർക്കും പ്രോ റെസ്ലിംഗ് ലീഗിൽ പങ്കെടുക്കാമെന്നും അദ്ദേഹം അറിയിച്ചു.
തൃശ്ശൂരിൽ കോൺഗ്രസ് നേതാവിനെതിരെ ലൈംഗികാതിക്രമ പരാതി; കെ.പി.സി.സി പ്രസിഡന്റിന് കത്തയച്ച് പ്രവർത്തക
തൃശ്ശൂരിൽ കോൺഗ്രസ് നേതാവിനെതിരെ ലൈംഗികാതിക്രമ പരാതിയുമായി കോൺഗ്രസ് പ്രവർത്തക രംഗത്ത്. പുതുക്കാട് ബ്ലോക്ക് ജനറൽ സെക്രട്ടറി സി.എച്ച്. സാദത്തിനെതിരെയാണ് കേസ്. കെ.പി.സി.സി പ്രസിഡന്റിന് അയച്ച കത്തിന്റെ പകർപ്പ് പരാതിക്കാരി പുറത്തുവിട്ടു.
ദില്ലിയില് സ്വാമി ചൈതന്യാനന്ദ സരസ്വതിക്കെതിരെ ലൈംഗിക പീഡന പരാതികളുമായി വിദ്യാർത്ഥിനികൾ
ദില്ലിയിലെ വസന്ത് കുഞ്ചിലുള്ള പ്രധാന ആശ്രമത്തിന്റെ ഡയറക്ടറും ശ്രീ ശർദ ഇൻസ്റ്റിറ്റ്യൂട്ട് ഓഫ് ഇന്ത്യൻ മാനേജ്മെൻ്റിലെ സ്വാമി ചൈതന്യാനന്ദ സരസ്വതിക്കെതിരെ ലൈംഗിക പീഡനാരോപണവുമായി നിരവധി വിദ്യാർത്ഥിനികൾ രംഗത്ത്. ഇയാൾക്കെതിരെ 15-ൽ അധികം വിദ്യാർത്ഥിനികൾ പരാതി നൽകിയിട്ടുണ്ട്. സ്ഥാപനത്തിൽ നിന്നും പ്രതിയെ പുറത്താക്കിയതായി അധികൃതർ അറിയിച്ചു.
കോഴിക്കോട് കളക്ടറേറ്റിൽ ഓണാഘോഷത്തിനിടെ ജീവനക്കാരിക്ക് ലൈംഗികാതിക്രമം; അന്വേഷണം പുരോഗമിക്കുന്നു
കോഴിക്കോട് കളക്ടറേറ്റ് ഓണാഘോഷത്തിനിടെ ജീവനക്കാരിക്ക് ലൈംഗികാതിക്രമം. കെ സെക്ഷനിലെ ഉയർന്ന ഉദ്യോഗസ്ഥനെതിരെയാണ് പരാതി. സംഭവത്തിൽ ഡെപ്യൂട്ടി കളക്ടർ ഇന്ന് പ്രാഥമിക അന്വേഷണ റിപ്പോർട്ട് സമർപ്പിക്കും.
ദേവസ്വം ബോർഡിൽ വനിതാ ജീവനക്കാരിക്ക് ലൈംഗികാധിക്ഷേപം; ഒതുക്കാൻ ശ്രമിച്ചെന്ന് പരാതി
തിരുവിതാംകൂർ ദേവസ്വം ബോർഡിലെ വനിതാ ജീവനക്കാരിക്ക് സഹപ്രവർത്തകരിൽ നിന്ന് ലൈംഗികാധിക്ഷേപം. സംഭവം ഒതുക്കിത്തീർക്കാൻ ദേവസ്വം ബോർഡ് പ്രസിഡന്റ് ശ്രമിച്ചെന്നും ആരോപണം. തുടർന്ന് വനിതാ കമ്മീഷനിലും ജീവനക്കാരി പരാതി നൽകി.
‘ഐ ലവ് യൂ’ പറയുന്നത് ലൈംഗികാതിക്രമമല്ല; ബോംബെ ഹൈക്കോടതി വിധി
പ്രായപൂർത്തിയാകാത്ത പെൺകുട്ടിയെ 'ഐ ലവ് യൂ' പറഞ്ഞതിന് പോക്സോ കേസ് ചുമത്തിയ പ്രതിയുടെ ശിക്ഷ റദ്ദാക്കി. 'ഐ ലവ് യൂ' എന്ന് പറയുന്നത് ലൈംഗികാതിക്രമമായി കണക്കാക്കാനാവില്ലെന്ന് കോടതി നിരീക്ഷിച്ചു. മറ്റ് ലൈംഗികാതിക്രമങ്ങൾ കൂടി പരിഗണിച്ചാൽ മാത്രമേ ഇത് കുറ്റകരമാകൂ എന്നും കോടതി വ്യക്തമാക്കി.
സഹപ്രവർത്തകയെ ലൈംഗികമായി ഉപദ്രവിച്ച കേസിൽ മാധ്യമപ്രവർത്തകൻ അറസ്റ്റിൽ
ജമാഅത്തെ ഇസ്ലാമിയുടെ പത്രസ്ഥാപനത്തിലെ മാധ്യമപ്രവർത്തകൻ സഹപ്രവർത്തകയെ ലൈംഗികമായി ഉപദ്രവിച്ച കേസിൽ അറസ്റ്റിലായി. പൂനൂർ കച്ചിലിക്കാലയി വീട്ടിൽ മുജീബ് ചോയിമഠത്തിനെയാണ് ചേവായൂർ പൊലീസ് പിടികൂടിയത്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
നടിയെ അധിക്ഷേപിച്ച കേസിൽ ബോബി ചെമ്മണ്ണൂരിനെതിരെ കുറ്റപത്രം
നടിയെ ലൈംഗികമായി അധിക്ഷേപിച്ച കേസിൽ ബോബി ചെമ്മണ്ണൂരിനെതിരെ കുറ്റപത്രം സമർപ്പിച്ചു. എറണാകുളം മജിസ്ട്രേറ്റ് കോടതിയിലാണ് കുറ്റപത്രം സമർപ്പിച്ചത്. നടിയെ അപമാനിക്കാൻ വേണ്ടി ബോബി ദ്വയാർത്ഥ പ്രയോഗങ്ങൾ നടത്തിയെന്ന് കുറ്റപത്രത്തിൽ പറയുന്നു.
നാഗാലാൻഡിൽ വനിതാ സഹപ്രവർത്തകരെ പീഡിപ്പിച്ച മലയാളി ഐഎഎസ് ഉദ്യോഗസ്ഥൻ സസ്പെൻഷനിൽ
നാഗാലാൻഡിൽ വനിതാ സഹപ്രവർത്തകരെ ലൈംഗികമായി പീഡിപ്പിച്ച മലയാളി ഐഎഎസ് ഉദ്യോഗസ്ഥനെ സസ്പെൻഡ് ചെയ്തു. നാഗാലാൻഡ് ഇൻവെസ്റ്റ്മെൻ്റ് ആൻഡ് ഡെവലപ്മെൻ്റ് അതോറിറ്റിയിലെ ജോയിൻ്റ് സെക്രട്ടറിയായിരുന്ന വിൽഫ്രെഡിനെയാണ് സസ്പെൻഡ് ചെയ്തത്. കൂടുതൽ ശമ്പളവും അവസരങ്ങളും വാഗ്ദാനം ചെയ്ത് വനിതാ ജീവനക്കാരെ ലൈംഗികമായി ചൂഷണം ചെയ്തതിനാണ് നടപടി.
ലൈംഗികാതിക്രമ പരാമർശം: മാലാ പാർവതിക്കെതിരെ രഞ്ജിനി
ലൈംഗികാതിക്രമത്തെ നിസാരവത്കരിച്ച മാലാ പാർവതിക്കെതിരെ രൂക്ഷ വിമർശനവുമായി നടി രഞ്ജിനി. കുറ്റവാളികളെ പിന്തുണയ്ക്കുന്നത് പോലെയാണ് മാലാ പാർവതിയുടെ പരാമർശമെന്ന് രഞ്ജിനി. മാലാ പാർവതി അവസരവാദിയാണെന്നും രഞ്ജിനി കുറ്റപ്പെടുത്തി.
മുടി സംബന്ധിച്ച പരാമർശം ലൈംഗികാതിക്രമമല്ല: ബോംബെ ഹൈക്കോടതി
സഹപ്രവർത്തകയുടെ മുടി സംബന്ധിച്ച പരാമർശം ലൈംഗികാതിക്രമമല്ലെന്ന് ബോംബെ ഹൈക്കോടതി വിധിച്ചു. സ്വകാര്യ ബാങ്ക് ഉദ്യോഗസ്ഥനെതിരെ സഹപ്രവർത്തക നൽകിയ പരാതിയിലാണ് കോടതിയുടെ ഈ നിർണായകമായ വിധി. മുടി കൈകാര്യം ചെയ്യാൻ ജെസിബി ഉപയോഗിക്കേണ്ടിവരുമെന്ന് ഉദ്യോഗസ്ഥൻ പരാമർശിച്ചിരുന്നു.