Security Alert
ഡൽഹി സ്ഫോടനത്തിന് പിന്നാലെ; ശ്രീപത്മനാഭസ്വാമി ക്ഷേത്രത്തിൽ കനത്ത സുരക്ഷ
ഡൽഹി സ്ഫോടനത്തിന്റെ പശ്ചാത്തലത്തിൽ തിരുവനന്തപുരം ശ്രീപത്മനാഭസ്വാമി ക്ഷേത്രത്തിൽ സുരക്ഷ ശക്തമാക്കി. ക്ഷേത്രത്തിൽ എത്തുന്നവരുടെ ബാഗുകൾ പരിശോധിച്ച ശേഷം മാത്രമാണ് അകത്തേക്ക് പ്രവേശിപ്പിക്കുന്നത്. ആഭ്യന്തരമന്ത്രി അമിത് ഷായുടെ അധ്യക്ഷതയിൽ ഇന്ന് ഉന്നതതല യോഗം ചേരും.
ഡൽഹിയിൽ സ്ഫോടനം: അതീവ ജാഗ്രതാ നിർദ്ദേശം
ഡൽഹി ചെങ്കോട്ടയ്ക്ക് സമീപമുണ്ടായ സ്ഫോടനം സാധാരണ സ്ഫോടനമല്ലെന്ന് പോലീസ്. സിഎൻജി വാഹനത്തിന്റെ സ്ഫോടനത്തിനു പിന്നിൽ എക്സ്പ്ലോസീവ് ആണെന്നുള്ള പ്രാഥമിക നിഗമനത്തിലാണ് പോലീസ്. ഉത്തരേന്ത്യൻ സംസ്ഥാനങ്ങളിൽ ജാഗ്രതാ നിർദേശം പുറപ്പെടുവിച്ചു.
ഡൽഹി ചെങ്കോട്ട സ്ഫോടനം: ഭീകരാക്രമണ സാധ്യത തള്ളാതെ സുരക്ഷാ ഉദ്യോഗസ്ഥർ
ഡൽഹി ചെങ്കോട്ടയ്ക്ക് സമീപമുണ്ടായ സ്ഫോടനത്തിൽ ഭീകരാക്രമണ സാധ്യത തള്ളാതെ സുരക്ഷാ ഉദ്യോഗസ്ഥർ അന്വേഷണം ആരംഭിച്ചു. സ്ഫോടനത്തെ തുടർന്ന് രാജ്യത്തുടനീളം ജാഗ്രതാ നിർദേശം പുറപ്പെടുവിച്ചിട്ടുണ്ട്. സംഭവത്തിൽ എൻഎസ്ജി, എൻഐഎ സംഘം സ്ഥലത്തെത്തി അന്വേഷണം നടത്തുന്നുണ്ട്.
ഗൂഗിൾ ക്രോം ഉപയോക്താക്കൾക്ക് മുന്നറിയിപ്പ്; അടിയന്തരമായി ചെയ്യേണ്ടത്!
കേന്ദ്ര സർക്കാർ ഗൂഗിൾ ക്രോം ഉപയോക്താക്കൾക്ക് സുരക്ഷാ മുന്നറിയിപ്പ് നൽകി. പഴയ പതിപ്പുകളിൽ സുരക്ഷാ വീഴ്ചകൾ കണ്ടെത്തിയതിനെ തുടർന്ന് പുതിയ വേർഷനിലേക്ക് അപ്ഡേറ്റ് ചെയ്യാൻ നിർദ്ദേശിച്ചു. ഹാക്കർമാർക്ക് സിസ്റ്റത്തിന്റെ നിയന്ത്രണം നേടാൻ സാധിക്കുന്ന അപകടസാധ്യതകളുണ്ട്.
അമൃത്സറിൽ സൈറൺ; ജനങ്ങളോട് പുറത്തിറങ്ങരുതെന്ന് നിർദ്ദേശം
സുരക്ഷാ മുന്നറിയിപ്പിനെ തുടർന്ന് അമൃത്സറിലെ ജനങ്ങളോട് വീടിന് പുറത്തിറങ്ങരുതെന്ന് നിർദ്ദേശം നൽകി. പുലർച്ചെ 6.37ന് അമൃത്സറിലാണ് സൈറൺ മുഴങ്ങിയത്. രാജസ്ഥാനിലെ പ്രധാന നഗരങ്ങളിലും രാത്രിയിൽ ബ്ലാക്ക് ഔട്ട് ആചരിച്ചു.