Sandra Thomas
നിർമ്മാതാക്കളുടെ സംഘടനയിൽ രാകേഷ് പാനലിന്റെ വിജയം; പ്രതികരണവുമായി സാന്ദ്ര തോമസ്
നിർമ്മാതാക്കളുടെ സംഘടനയിലെ തിരഞ്ഞെടുപ്പിൽ ബി രാകേഷ് പാനൽ വിജയിച്ചു. സാന്ദ്ര തോമസിന്റെ പ്രസിഡന്റ് സ്ഥാനത്തേക്കുള്ള നോമിനേഷൻ തള്ളിപ്പോയിരുന്നു. താൻ പോരാട്ടം തുടരുമെന്നും എതിർ ശബ്ദമുണ്ടാക്കാൻ സാധിച്ചുവെന്നും സാന്ദ്ര തോമസ് പ്രതികരിച്ചു.
വിജയ് ബാബു – സാന്ദ്ര തോമസ് പോര്: ഫേസ്ബുക്കിൽ മറുപടിയുമായി സാന്ദ്ര
കേരള ഫിലിം പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പുമായി ബന്ധപ്പെട്ട് വിജയ് ബാബുവും സാന്ദ്ര തോമസും തമ്മിൽ സമൂഹമാധ്യമങ്ങളിൽ വാക്പോര്. തനിക്കെതിരെ ഫേസ്ബുക്കിൽ പോസ്റ്റിട്ട വിജയ് ബാബുവിന് മറുപടിയുമായി സാന്ദ്ര തോമസ് രംഗത്തെത്തി. "വിജയ് ബാബുവിനു പട്ടിയെ വിശ്വസിക്കാം; പട്ടി വിജയ് ബാബുവിനെ വിശ്വസിക്കുന്നതിലേയുള്ളൂ പേടി" എന്നാണ് സാന്ദ്ര ഫേസ്ബുക്കിൽ കുറിച്ചത്.
സാന്ദ്ര തോമസിനെതിരെ ആഞ്ഞടിച്ച് വിജയ് ബാബു; കൂടുതൽ വിവരങ്ങൾ പുറത്തുവിടുമെന്ന് ഭീഷണി
കോടതിയിൽ നിന്നുള്ള തിരിച്ചടിക്ക് പിന്നാലെ സാന്ദ്ര തോമസിനെതിരെ നടൻ വിജയ് ബാബു രംഗത്ത്. ഫ്രൈഡേ ഫിലിം ഹൗസിനെ പ്രതിനിധീകരിക്കാൻ സാന്ദ്ര തോമസിന് യോഗ്യതയില്ലെന്നും, അവർക്ക് അർഹതയില്ലാത്ത സ്ഥാനങ്ങളിലേക്ക് മത്സരിക്കാൻ കഴിയില്ലെന്നും വിജയ് ബാബു ഫേസ്ബുക്കിൽ കുറിച്ചു. പ്രകോപനം ഉണ്ടായാൽ തെളിവുകൾ സഹിതം വിവരങ്ങൾ പുറത്തുവിടുമെന്നും അദ്ദേഹം മുന്നറിയിപ്പ് നൽകി.
പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പ്: സാന്ദ്ര തോമസിൻ്റെ ഹർജി കോടതി തള്ളി
പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പിൽ പത്രിക തള്ളിയതിനെതിരെ സാന്ദ്ര തോമസ് നൽകിയ ഹർജി എറണാകുളം സബ് കോടതി തള്ളി. കോടതി വിധിയിൽ വേദനയും നിരാശയും ഉണ്ടെന്ന് സാന്ദ്ര തോമസ് പ്രതികരിച്ചു. ഫിലിം ചേമ്പറിൽ ജനറൽ സെക്രട്ടറി, വൈസ് പ്രസിഡന്റ് സ്ഥാനങ്ങളിലേക്ക് മത്സരിക്കുമെന്നും അവർ അറിയിച്ചു.
പ്രൊഡ്യൂസേഴ്സ് അസോസിയേഷൻ: സാന്ദ്ര തോമസിൻ്റെ ഹർജി തള്ളി; നാളെ തെരഞ്ഞെടുപ്പ്
പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പിൽ പത്രിക തള്ളിയതിനെതിരായ സാന്ദ്ര തോമസിൻ്റെ ഹർജി എറണാകുളം സബ് കോടതി തള്ളി. അസോസിയേഷനിൽ സ്ഥിരാംഗമാകുകയും മൂന്ന് സിനിമകളുടെ സെൻസർ സർട്ടിഫിക്കറ്റ് ഉണ്ടായിരിക്കുകയും വേണമെന്ന വ്യവസ്ഥ ചൂണ്ടിക്കാട്ടിയാണ് പത്രിക തള്ളിയത്. കോടതി ഉത്തരവിനനുസരിച്ച് നാളെ തെരഞ്ഞെടുപ്പ് നടക്കും.
സാന്ദ്രാ തോമസിൻ്റെ ഹർജിയിൽ നാളെ വിധി; പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പ് കേസിൽ നിർണ്ണായക ദിനം
പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പിൽ നാമനിർദേശ പത്രിക തള്ളിയതിനെതിരെ സാന്ദ്രാ തോമസ് നൽകിയ ഹർജിയിൽ നാളെ കോടതി വിധി പറയും. അസോസിയേഷൻറെ ബൈലോ പ്രകാരം യോഗ്യതയില്ലെന്ന് ചൂണ്ടിക്കാട്ടിയാണ് സാന്ദ്രയുടെ പത്രിക വരണാധികാരി തള്ളിയത്. എന്നാൽ തനിക്ക് എല്ലാ യോഗ്യതയുമുണ്ടെന്നും പത്രിക തള്ളിയത് പക്ഷപാതപരമാണെന്നും സാന്ദ്ര വാദിക്കുന്നു.
സജി നന്ത്യാട്ട് ഫിലിം ചേംബർ ജനറൽ സെക്രട്ടറി സ്ഥാനം രാജിവെച്ചു
ഫിലിം ചേംബർ ജനറൽ സെക്രട്ടറി സ്ഥാനം സജി നന്ത്യാട്ട് രാജി വെച്ചത് പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പ് നടക്കാനിരിക്കെയാണ്. പ്രസിഡന്റ് സ്ഥാനത്തേക്ക് സാന്ദ്ര തോമസ് നൽകിയ പത്രിക തള്ളിയതുമായി ബന്ധപെട്ടുണ്ടായ വിവാദങ്ങൾക്കിടയിലാണ് സജി നന്ത്യാട്ടിന്റെ രാജി. സാന്ദ്ര തോമസ് പ്രൊഡക്ഷൻസ് രണ്ട് സിനിമകളേ നിർമ്മിച്ചിട്ടുള്ളൂ അധികൃതർ കണ്ടെത്തിയിരുന്നു.
ഫ്രൈഡേ ഫിലിം ഹൗസ്: വിജയ് ബാബുവിൻ്റെ പ്രസ്താവനയ്ക്ക് മറുപടിയുമായി സാന്ദ്ര തോമസ്
ഫ്രൈഡേ ഫിലിം ഹൗസ് നിർമ്മിച്ച സിനിമകളുടെ സെൻസർ സർട്ടിഫിക്കറ്റ് ഉപയോഗിച്ച് സാന്ദ്ര തോമസിന് മത്സരിക്കാൻ കഴിയില്ലെന്നായിരുന്നു വിജയ് ബാബുവിന്റെ പ്രസ്താവന. ഇതിന് മറുപടിയുമായി സാന്ദ്ര തോമസ് രംഗത്തെത്തി. നിയമം പരിശോധിക്കുന്നത് വിജയ് ബാബുവിന്റെ സർട്ടിഫിക്കറ്റ് അല്ലെന്നും അസോസിയേഷന്റെ ബൈലോ ആണെന്നും സാന്ദ്ര തോമസ് വ്യക്തമാക്കി.
സാന്ദ്ര തോമസിൻ്റെ പത്രിക തള്ളിയതിൽ പ്രതികരണവുമായി വിജയ് ബാബു
നിർമ്മാതാക്കളുടെ സംഘടനയിലേക്കുള്ള തിരഞ്ഞെടുപ്പിൽ സാന്ദ്ര തോമസ് സമർപ്പിച്ച പത്രിക തള്ളിയതുമായി ബന്ധപ്പെട്ട് വിജയ് ബാബുവിന്റെ പ്രതികരണം ശ്രദ്ധേയമാകുന്നു. ഫ്രൈഡേ ഫിലിം ഹൗസിനെ പ്രതിനിധീകരിച്ച് സാന്ദ്ര തോമസിന് എക്സിക്യൂട്ടീവ് കമ്മിറ്റിയിലേക്ക് മത്സരിക്കാൻ അർഹതയില്ലെന്ന് വിജയ് ബാബു ഫേസ്ബുക്കിൽ കുറിച്ചു. സാന്ദ്ര തോമസ് പ്രസിഡന്റ്, ട്രഷറർ, എക്സിക്യൂട്ടീവ് കമ്മിറ്റി മെമ്പർ സ്ഥാനങ്ങളിലേക്കാണ് പത്രിക നൽകിയിരുന്നത്.
നിർമ്മാതാക്കളുടെ സംഘടനയിൽ മത്സരിക്കാൻ യോഗ്യതയുണ്ട്; പത്രിക തള്ളിയതിനെതിരെ സാന്ദ്ര തോമസ് കോടതിയിൽ
പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പിൽ തന്റെ പത്രിക തള്ളിയതിനെ ചോദ്യം ചെയ്ത് സാന്ദ്ര തോമസ് കോടതിയെ സമീപിച്ചു. താൻ മത്സരിക്കാൻ യോഗ്യയാണെന്നും പത്രിക തള്ളിയ നടപടി പക്ഷപാതപരമാണെന്നും ആരോപിച്ചാണ് ഹർജി നൽകിയിരിക്കുന്നത്. എറണാകുളം സബ് കോടതിയിലാണ് സാന്ദ്ര തോമസ് ഹർജി സമർപ്പിച്ചത്.
പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പ്: പത്രിക തള്ളിയതിൽ സാന്ദ്ര തോമസ് നിയമനടപടിക്ക്
പ്രൊഡ്യൂസേഴ്സ് അസോസിയേഷൻ തിരഞ്ഞെടുപ്പിൽ നാമനിർദ്ദേശ പത്രിക തള്ളിയ സംഭവത്തിൽ സാന്ദ്ര തോമസ് നിയമനടപടിക്ക് ഒരുങ്ങുന്നു. പ്രസിഡന്റ്, ട്രഷറർ സ്ഥാനത്തേക്ക് മത്സരിക്കുന്നവർ മൂന്ന് സിനിമകളുടെ സെൻസർ സർട്ടിഫിക്കറ്റ് ഹാജരാക്കണമെന്ന വ്യവസ്ഥ ചൂണ്ടിക്കാട്ടിയാണ് പത്രിക തള്ളിയത്. തനിക്കെതിരായ ഗൂഢാലോചനയുടെ ഭാഗമായാണ് ഇതെന്നും കോടതിയിൽ നിയമപോരാട്ടം നടത്തുമെന്നും സാന്ദ്ര തോമസ് അറിയിച്ചു.
നിർമ്മാതാക്കളുടെ സംഘടനയിൽ സാന്ദ്ര തോമസിന് സീറ്റില്ല; പിന്നിൽ ഗൂഢാലോചനയെന്ന് ആരോപണം
കേരള ഫിലിം പ്രൊഡ്യൂസേഴ്സ് അസോസിയേഷൻ തെരഞ്ഞെടുപ്പിൽ പത്രിക തള്ളിയതിനെതിരെ സാന്ദ്ര തോമസ് രംഗത്ത്. ട്രഷറർ, പ്രസിഡന്റ് സ്ഥാനങ്ങളിലേക്കുള്ള പത്രികയാണ് സാന്ദ്ര സമർപ്പിച്ചത്. തന്റെ പത്രിക തള്ളിയതിന് പിന്നിൽ ഗൂഢാലോചനയുണ്ടെന്നും, പ്രൊഡ്യൂസേഴ്സ് അസോസിയേഷനിലെ ചിലരുടെ 'ഗുണ്ടായിസ'മാണ് ഇതിന് പിന്നിലെന്നും സാന്ദ്ര ആരോപിച്ചു.