അല്ലു അർജുന്റെ പുഷ്പ 2 എന്ന ചിത്രത്തിന്റെ പ്രദർശനവുമായി ബന്ധപ്പെട്ട് ഉണ്ടായ ദാരുണമായ സംഭവത്തിന്റെ പശ്ചാത്തലത്തിൽ, തെലങ്കാനയിലെ സിനിമാശാലകളിൽ കർശനമായ സുരക്ഷാ മാനദണ്ഡങ്ങൾ നടപ്പിലാക്കാൻ തീരുമാനിച്ചിരിക്കുന്നു. പുലർച്ചെ പ്രദർശനങ്ങൾക്കാണ് കൂടുതൽ നിയന്ത്രണങ്ങൾ ഏർപ്പെടുത്തിയിരിക്കുന്നത്. തിയേറ്റർ കോമ്പൗണ്ടിലേക്ക് തിക്കും തിരക്കും കൂട്ടാതെ, നിരയായി മാത്രമേ പ്രവേശനം അനുവദിക്കൂ.
