Sabu M Jacob
പിണറായിയുടെ തറവാട്ടുവകയല്ല കേരളം; മന്ത്രി രാജീവിനുള്ള അവകാശമേ എനിക്കുമുള്ളൂ: സാബു ജേക്കബ്
കിറ്റെക്സ് എം.ഡി സാബു എം. ജേക്കബ് സർക്കാരിനെതിരെ രംഗത്ത്. തനിക്കുള്ള അതേ അവകാശം മാത്രമേ മന്ത്രി പി. രാജീവിനു കേരളത്തിലുള്ളൂവെന്നും, കേരളം വ്യവസായ സൗഹൃദമല്ലെന്നും സാബു എം. ജേക്കബ് വിമർശിച്ചു. ആന്ധ്രപ്രദേശ് ടെക്സ്റ്റൈൽസ് മന്ത്രി കിഴക്കമ്പലത്തെ കിറ്റെക്സ് ഓഫീസിൽ സന്ദർശനം നടത്തിയതിന് പിന്നാലെയാണ് അദ്ദേഹത്തിന്റെ പ്രതികരണം.
കേരളത്തിൽ നിക്ഷേപം നടത്താൻ സമാധാനമില്ല; ആന്ധ്രയെ കുറ്റം പറയുന്നത് പതിവ് പല്ലവി: സാബു എം. ജേക്കബ്
കേരളത്തിൽ വ്യവസായം നടത്താൻ സാധിക്കാത്തതിലുള്ള അതൃപ്തി തുറന്നുപറഞ്ഞ് കിറ്റെക്സ് എം.ഡി സാബു എം. ജേക്കബ്. മറ്റ് സംസ്ഥാനങ്ങളിലേക്ക് നിക്ഷേപം മാറ്റാനുള്ള കാരണം സഹികെട്ടപ്പോഴാണെന്നും അദ്ദേഹം വ്യക്തമാക്കി. പല വ്യവസായ സ്ഥാപനങ്ങളും കേരളം വിട്ടുപോയപ്പോഴും കിറ്റെക്സ് ഇവിടെത്തന്നെ തുടർന്നുപോന്നു. 10,000 കുടുംബങ്ങളുടെ പട്ടിണി ഒഴിവാക്കാനാണ് ഇപ്പോഴും കേരളത്തിൽ തുടരുന്നതെന്നും അദ്ദേഹം കൂട്ടിച്ചേർത്തു.
കേരളം വിദേശ നിക്ഷേപത്തിൽ ഒന്നാമതെന്ന് മന്ത്രി പി. രാജീവ്
വിദേശ നിക്ഷേപത്തിൽ കേരളം ഒന്നാമതാണെന്നും ആന്ധ്രപ്രദേശിനെയും പഞ്ചാബിനെയും പിന്തള്ളിയാണ് ഈ നേട്ടം കൈവരിച്ചതെന്നും മന്ത്രി പി. രാജീവ് പറഞ്ഞു. കിറ്റെക്സ് എം.ഡി സാബു എം. ജേക്കബിന്റെ പ്രസ്താവനയോട് പ്രതികരിക്കുകയായിരുന്നു അദ്ദേഹം. സാബുവിന്റേത് ഒരു രാഷ്ട്രീയ പാർട്ടി നേതാവിൻ്റെ പ്രതികരണമാണെന്നും വ്യവസായിയുടേതല്ലെന്നും മന്ത്രി കുറ്റപ്പെടുത്തി.