Sabarimala
ശബരിമലയിലെ ദ്വാരപാലക സ്വര്ണ്ണപ്പാളി നീക്കം ചെയ്ത സംഭവം വിവാദത്തിലേക്ക്
ശബരിമല ദ്വാരപാലക ശില്പത്തിലെ സ്വര്ണ്ണപ്പാളി അറ്റകുറ്റപ്പണിക്കായി ചെന്നൈയിലേക്ക് കൊണ്ടുപോയതാണ് വിവാദത്തിന് കാരണം. തന്ത്രിയുടെ അനുമതി വാങ്ങിയാണ് സ്വര്ണ്ണപ്പാളി ഇളക്കിയതെന്നാണ് ദേവസ്വം ബോര്ഡ് പറയുന്നത്. സംഭവത്തില് ഗുരുതര വീഴ്ച സംഭവിച്ചെന്ന് സ്പെഷ്യല് കമ്മീഷന് ഹൈക്കോടതിയില് റിപ്പോര്ട്ട് നല്കിയിട്ടുണ്ട്.
ആഗോള അയ്യപ്പ സംഗമം: സമവായത്തിനായി ദേവസ്വം ബോർഡ്; പന്തളം കൊട്ടാരവുമായി നാളെ കൂടിക്കാഴ്ച
ആഗോള അയ്യപ്പ സംഗമത്തിൽ സമവായം തേടി ദേവസ്വം ബോർഡ് മുന്നോട്ട്. ഇതിന്റെ ഭാഗമായി പന്തളം കൊട്ടാരം പ്രതിനിധികളുമായി നാളെ കൂടിക്കാഴ്ച നടത്തും. ശബരിമല മാസ്റ്റർ പ്ലാൻ, തീർത്ഥാടന ടൂറിസം, ആൾക്കൂട്ട നിയന്ത്രണം എന്നീ വിഷയങ്ങളിൽ പ്രധാന ചർച്ചകൾ നടക്കും. മുഖ്യമന്ത്രി പിണറായി വിജയനാണ് സംഗമം ഉദ്ഘാടനം ചെയ്യുന്നത്.
ശബരിമല യുവതീപ്രവേശനത്തിൽ സർക്കാർ നിലപാട് തിരുത്തുമോ? കുമ്മനം രാജശേഖരൻ
ശബരിമല യുവതീപ്രവേശന വിഷയത്തിൽ സുപ്രീം കോടതിയിൽ സ്വീകരിച്ച നിലപാട് തിരുത്താൻ സർക്കാർ തയ്യാറുണ്ടോയെന്ന് കുമ്മനം രാജശേഖരൻ ചോദിച്ചു. അയ്യപ്പ സംഗമം സർക്കാർ നേരിട്ട് നടത്തുന്നതിനെയും, വിശ്വാസികളെ തരംതിരിക്കുന്നതിനെയും അദ്ദേഹം വിമർശിച്ചു. ബദൽ വിശ്വാസി സംഗമത്തിന് ബിജെപി രാഷ്ട്രീയ പിന്തുണ നൽകുമെന്നും അദ്ദേഹം അറിയിച്ചു.
അയ്യപ്പ സംഗമത്തിന് ബദലായി വിശ്വാസ സംഗമം: പന്തളത്ത് വിപുലമായ ഒരുക്കം
അയ്യപ്പ സംഗമത്തിന് ബദലായി ശബരിമല കർമ്മ സമിതിയുടെയും ഹിന്ദു ഐക്യ വേദിയുടെയും നേതൃത്വത്തിൽ വിശ്വാസ സംഗമം സംഘടിപ്പിക്കുന്നു. പന്തളത്ത് വിപുലമായ സംഗമം നടത്താനാണ് ആലോചന. സെപ്റ്റംബർ 20-നാണ് ആഗോള അയ്യപ്പ സംഗമം നടക്കുന്നത്.
അയ്യപ്പ സംഗമം കാലോചിത തീരുമാനം; രാഷ്ട്രീയപരമായ കാര്യങ്ങൾ കാണേണ്ടതില്ലെന്ന് എ. പത്മകുമാർ
അയ്യപ്പ സംഗമം കാലോചിതമായ തീരുമാനമാണെന്ന് തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എ. പത്മകുമാർ അഭിപ്രായപ്പെട്ടു. തന്റെ കാലത്ത് ഇത് നടത്താൻ കഴിയാത്തതിൽ അദ്ദേഹത്തിന് വിഷമമുണ്ട്. ശബരിമലയെ രാഷ്ട്രീയമായി ഉപയോഗിക്കുന്നതിനോട് തനിക്ക് യോജിപ്പില്ലെന്നും അദ്ദേഹം വ്യക്തമാക്കി.
ശബരിമലയിലെ ആചാരങ്ങൾ സംരക്ഷിക്കാൻ സുപ്രീം കോടതിയെ സമീപിക്കുമെന്ന് ദേവസ്വം ബോർഡ് പ്രസിഡന്റ്
ശബരിമലയിലെ സ്ത്രീ പ്രവേശന വിഷയത്തിൽ നിലപാട് മയപ്പെടുത്തുന്നതിൻ്റെ സൂചന നൽകി തിരുവിതാംകൂർ ദേവസ്വം ബോർഡ്. ആചാരാനുഷ്ഠാനങ്ങൾ സംരക്ഷിക്കപ്പെടേണ്ടതുണ്ടെന്നും ഇത് സംബന്ധിച്ച് സുപ്രീം കോടതിയിൽ നിലപാട് അറിയിക്കുമെന്നും ദേവസ്വം ബോർഡ് പ്രസിഡന്റ് പി.എസ്. പ്രശാന്ത് വ്യക്തമാക്കി. നിയമവിദഗ്ധരുമായി ആലോചിച്ച് തുടർനടപടികൾ സ്വീകരിക്കുമെന്നും അദ്ദേഹം കൂട്ടിച്ചേർത്തു.
ആഗോള അയ്യപ്പ സംഗമത്തിന് പിന്തുണയുമായി ശ്രീനാരായണ ധർമ്മസംഘം ട്രസ്റ്റ്
ആഗോള അയ്യപ്പ സംഗമത്തിന് ശ്രീനാരായണ ധർമ്മസംഘം ട്രസ്റ്റിന്റെ പിന്തുണ. ശബരിമലയുടെ ഉയർച്ചയ്ക്കും വളർച്ചയ്ക്കും വേണ്ടിയാണ് സംഗമം നടത്തുന്നത്. രാഷ്ട്രീയപരമായ കാര്യങ്ങൾ ഇതിൽ കലർത്തുന്നത് അംഗീകരിക്കുന്നില്ലെന്നും ട്രസ്റ്റ് അറിയിച്ചു.
ശബരിമലയിൽ ഭക്തർക്ക് നിയന്ത്രണം? ആഗോള അയ്യപ്പ സംഗമത്തിൽ നിർണായക തീരുമാനം!
ആഗോള അയ്യപ്പ സംഗമം നടക്കുന്ന ദിവസം ശബരിമലയിൽ ഭക്തർക്ക് നിയന്ത്രണം ഏർപ്പെടുത്താൻ ആലോചന. സംഗമത്തിൽ പങ്കെടുക്കുന്ന പ്രതിനിധികൾക്ക് ദർശനം നൽകുന്നതിന് വേണ്ടിയാണ് ഈ നീക്കം. മാസ പൂജയ്ക്ക് എത്തുന്ന ഭക്തരുടെ വെർച്വൽ ക്യൂ സ്ലോട്ടുകളുടെ എണ്ണം കുറയ്ക്കും.
അയ്യപ്പ സംഗമത്തിന് എൻഎസ്എസ് പ്രതിനിധികളെ അയക്കുമെന്ന് സുകുമാരൻ നായർ
അയ്യപ്പ സംഗമത്തിലേക്ക് എൻഎസ്എസ് പ്രതിനിധികളെ അയക്കുമെന്ന് ജനറൽ സെക്രട്ടറി സുകുമാരൻ നായർ അറിയിച്ചു. ശബരിമലയിലെ ആചാരനുഷ്ഠാനങ്ങൾക്കും, ക്ഷേത്രത്തിന്റെ പരിശുദ്ധിക്കും കോട്ടം തട്ടാത്ത വികസന പ്രവർത്തനങ്ങൾ ലക്ഷ്യമിട്ടുള്ള ഒരു സംഗമമാണെങ്കിൽ അത് നല്ലതാണെന്നും അദ്ദേഹം അഭിപ്രായപ്പെട്ടു. ഈ വിഷയത്തിൽ എൻഎസ്എസിനെ വിമർശിച്ചും അല്ലാതെയും പല അഭിപ്രായങ്ങളും ഉയർന്നു വരുന്ന സാഹചര്യത്തിലാണ് അദ്ദേഹം നിലപാട് വ്യക്തമാക്കിയത്.
അയ്യപ്പ സംഗമം സർക്കാരിന്റെ പ്രായശ്ചിത്തമെന്ന് കെ.സി.വേണുഗോപാൽ
ആഗോള അയ്യപ്പ സംഗമം സർക്കാരിന്റെ പ്രായശ്ചിത്തമാണെന്ന് എഐസിസി ജനറൽ സെക്രട്ടറി കെ സി വേണുഗോപാൽ അഭിപ്രായപ്പെട്ടു. ശബരിമലയിൽ കൂടുതൽ സൗകര്യങ്ങൾ ഒരുക്കുന്നതിൽ സർക്കാർ ശ്രദ്ധിക്കണമെന്നും അദ്ദേഹം ആവശ്യപ്പെട്ടു. ഭൂരിഭാഗം സമുദായ സംഘടനകളും അയ്യപ്പ സംഗമത്തെ അനുകൂലിക്കുകയാണ്.
ആഗോള അയ്യപ്പ സംഗമത്തിൽ സർക്കാരിനെതിരെ യോഗക്ഷേമസഭ; പിന്തുണയുമായി എൻഎസ്എസ്
ആഗോള അയ്യപ്പ സംഗമത്തിൽ സർക്കാരിനെതിരെ യോഗക്ഷേമസഭ രംഗത്ത്. സംഗമം സാമ്പത്തിക ലാഭത്തിനോ തിരഞ്ഞെടുപ്പ് സ്റ്റണ്ടോ ആണെന്ന് സംശയിക്കുന്നതായി യോഗക്ഷേമസഭ പ്രസിഡന്റ് അക്കീരമൺ കാളിദാസ ഭട്ടതിരി പറഞ്ഞു. അതേസമയം, എൻഎസ്എസ് പൂർണ്ണ പിന്തുണ അറിയിച്ചു.
ചിങ്ങമാസ പൂജകൾക്കായി ശബരിമല നട തുറന്നു; ഭക്തർക്ക് 21 വരെ ദർശനം നടത്താം
ചിങ്ങമാസ പൂജകൾക്കായി ശബരിമല ക്ഷേത്ര നട തുറന്നു. കണ്ഠരർ മഹേഷ് മോഹനരുടെ സാന്നിദ്ധ്യത്തിൽ തന്ത്രി അരുൺകുമാർ നമ്പൂതിരിയാണ് നട തുറന്നത്. ഈ മാസം 21 വരെ ഭക്തർക്ക് ദർശനം നടത്താൻ സൗകര്യമുണ്ട്.