Sabarimala
ശബരിമല സ്വർണ്ണ പാളി വിവാദം: ഹൈക്കോടതിയിൽ അന്വേഷണം ആവശ്യപ്പെടുമെന്ന് ദേവസ്വം ബോർഡ് പ്രസിഡന്റ്
ശബരിമല സ്വർണ്ണ പാളി വിവാദത്തിൽ ഹൈക്കോടതിയിൽ സമഗ്രമായ അന്വേഷണം ആവശ്യപ്പെടുമെന്ന് തിരുവിതാംകൂർ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് അറിയിച്ചു. 1999 മുതൽ 2025 വരെയുള്ള കാലയളവിലെ എല്ലാ ഇടപാടുകളും അന്വേഷിക്കണമെന്നും അദ്ദേഹം ആവശ്യപ്പെട്ടു. 2019-ൽ ഉണ്ടായ ഉദ്യോഗസ്ഥ വീഴ്ചയും അന്വേഷണ പരിധിയിൽ വരണം.
ശബരിമല ദ്വാരപാലക ശില്പത്തിലെ സ്വർണം കാണാതായ സംഭവം; സർക്കാരിനെതിരെ വി.ഡി. സതീശൻ
ശബരിമല ദ്വാരപാലക വിഗ്രഹത്തിലെ സ്വർണം കാണാതായ സംഭവത്തിൽ സർക്കാരിനെയും ദേവസ്വം ബോർഡിനെയും വിമർശിച്ച് പ്രതിപക്ഷ നേതാവ് വി.ഡി. സതീശൻ. എൽ.ഡി.എഫ് ഗൂഢസംഘം നടത്തിയ അഴിമതിയുടെ ഒരു ചെറിയ ഭാഗം മാത്രമാണ് ഇപ്പോൾ പുറത്തുവന്നിരിക്കുന്നതെന്നും അദ്ദേഹം ആരോപിച്ചു. അമൂല്യവസ്തുക്കളുടെ തൂക്കം കണക്കാക്കി സ്ട്രോങ്ങ് റൂമിലേക്ക് മാറ്റണമെന്ന നിബന്ധന മറികടന്നാണ് സ്വർണം പതിച്ച ദ്വാരപാലക ശിൽപ്പങ്ങൾ ചെന്നൈയിലേക്ക് കടത്തിയതെന്നും സതീശൻ കുറ്റപ്പെടുത്തി.
ശബരിമല ദ്വാരപാലക ശിൽപങ്ങളുടെ അറ്റകുറ്റപ്പണിയിൽ ഗുരുതര വീഴ്ച; സ്വർണത്തിന്റെ തൂക്കം കുറഞ്ഞതായി സംശയം
2019-ൽ ശബരിമല ദ്വാരപാലക ശിൽപങ്ങളുടെ അറ്റകുറ്റപ്പണിയിൽ ഗുരുതരമായ വീഴ്ച സംഭവിച്ചതായി കണ്ടെത്തൽ. അറ്റകുറ്റപ്പണിക്കായി സ്വർണ്ണപ്പാളികൾ കൊണ്ടുപോയതിൽ ദേവസ്വം ബോർഡ് ഉദ്യോഗസ്ഥരുടെ ഭാഗത്ത് നിന്നും വീഴ്ചയുണ്ടായെന്നാണ് വിലയിരുത്തൽ. സ്വർണം പൂശിയ പാളികൾ ഒക്ടോബർ 17-ന് പുനഃസ്ഥാപിക്കാനിരിക്കെയാണ് പുതിയ കണ്ടെത്തൽ.
ശബരിമലയിൽ ദ്വാരപാലക ശില്പങ്ങളിലെ സ്വർണം പൂശിയ പാളികൾ 17-ന് പുനഃസ്ഥാപിക്കും
ശബരിമല ശ്രീകോവിലിന് മുന്നിലെ ദ്വാരപാലക ശില്പങ്ങളിലെ സ്വർണം പൂശിയ പാളികൾ ഒക്ടോബർ 17-ന് പുനഃസ്ഥാപിക്കും. ഇതിനായുള്ള താന്ത്രിക അനുമതിയും ഹൈക്കോടതിയുടെ അനുമതിയും ലഭിച്ചു. തുലാമാസ പൂജകൾക്കായി ഒക്ടോബർ 17-ന് നട തുറന്ന ശേഷമാകും സ്വർണം പൂശിയ പാളികൾ ദ്വാരപാലക ശില്പങ്ങളിൽ പുനഃസ്ഥാപിക്കുന്നത്.
ശബരിമല സ്ട്രോങ് റൂം: ഹൈക്കോടതിയുടെ നിർണ്ണായക ഉത്തരവ്
ശബരിമലയിലെ സ്ട്രോങ് റൂമിൽ വിരമിച്ച ജില്ലാ ജഡ്ജിയുടെ നേതൃത്വത്തിൽ ഹൈക്കോടതി സമഗ്ര പരിശോധനയ്ക്ക് ഉത്തരവിട്ടു. എല്ലാ വിലപിടിപ്പുള്ള വസ്തുക്കളും കൃത്യമായി കണക്കെടുക്കണമെന്നും തിരുവാഭരണം രജിസ്റ്റർ ഉൾപ്പെടെ പരിശോധിക്കണമെന്നും കോടതി നിർദ്ദേശിച്ചു. രജിസ്റ്ററുകൾ കൃത്യമായി സൂക്ഷിക്കാത്ത ഉദ്യോഗസ്ഥരുടെ വീഴ്ച അന്വേഷിക്കാനും കോടതി ഉത്തരവിട്ടു.
ശബരിമലയിലെ സ്വർണപ്പാളികൾ പുനഃസ്ഥാപിക്കാൻ അനുമതി; സ്ട്രോങ് റൂമിൽ പരിശോധനയ്ക്ക് ഉത്തരവിട്ട് ഹൈക്കോടതി
ശബരിമലയിലെ സ്വർണപ്പാളികൾ പുനഃസ്ഥാപിക്കാൻ ഹൈക്കോടതി അനുമതി നൽകി. സ്ട്രോങ് റൂമിന്റെ നടത്തിപ്പിലെ ക്രമക്കേടുകൾ കണ്ടെത്താൻ വിശദമായ പരിശോധന നടത്താൻ ഉത്തരവിട്ടു. രജിസ്റ്ററുകൾ കൃത്യമായി സൂക്ഷിക്കാത്ത ഉദ്യോഗസ്ഥർക്കെതിരെ അന്വേഷണം നടത്താനും കോടതി നിർദ്ദേശിച്ചു.
ശബരിമലയിലെ സ്വര്ണപീഠം വിവാദം: വിശദീകരണവുമായി സ്പോണ്സര് ഉണ്ണികൃഷ്ണന് പോറ്റി
ശബരിമലയിലെ ദ്വാരപാലക ശില്പത്തിലെ സ്വര്ണപീഠം ബന്ധുവിന്റെ വീട്ടില് കണ്ടെത്തിയ സംഭവത്തിൽ വിശദീകരണവുമായി സ്പോൺസർ ഉണ്ണികൃഷ്ണൻ പോറ്റി രംഗത്ത്. 2021-ൽ സുഹൃത്ത് വാസുദേവന്റെ അടുത്താണ് സ്വർണപീഠം ശബരിമലയിൽ സമർപ്പിക്കാനായി നൽകിയത്. സ്വർണപീഠം റിപ്പയർ ചെയ്യാനായി ദേവസ്വം അധികൃതർ വാസുദേവന് തിരികെ നൽകുകയായിരുന്നു.
ശബരിമലയിൽ കാണാതായ പീഠം കണ്ടെത്തി; ദുരൂഹതയെന്ന് വിജിലൻസ്
ശബരിമലയിൽ കാണാതായ ദ്വാരപാലക ശില്പങ്ങളുടെ പീഠം കണ്ടെത്തി. സ്പോൺസർ ഉണ്ണികൃഷ്ണൻ പോറ്റിയുടെ സഹോദരിയുടെ വീട്ടിൽ നിന്നാണ് ദേവസ്വം വിജിലൻസ് പീഠം കണ്ടെത്തിയത്. ഉണ്ണികൃഷ്ണൻ പോറ്റി ഉന്നയിച്ച ആരോപണങ്ങളിൽ ദുരൂഹതയുണ്ടെന്ന് വിജിലൻസ് വിലയിരുത്തി.
ശബരിമല: സർക്കാരിന് പിന്തുണയുമായി എൻഎസ്എസ്; നിലപാട് മാറ്റിയിട്ടില്ലെന്ന് സുകുമാരൻ നായർ
ശബരിമല വിഷയത്തിൽ സർക്കാരിന് പിന്തുണ നൽകിയ നിലപാടിൽ മാറ്റമില്ലെന്ന് എൻഎസ്എസ് ജനറൽ സെക്രട്ടറി ജി. സുകുമാരൻ നായർ വ്യക്തമാക്കി. രാഷ്ട്രീയപരമായ നിലപാട് കൃത്യമായി വിശദീകരിച്ചിട്ടുണ്ടെന്നും ഏത് പ്രതിഷേധവും നേരിടുമെന്നും അദ്ദേഹം കൂട്ടിച്ചേർത്തു. നിയമനിർമ്മാണം നടത്തുമെന്ന് പറഞ്ഞ ബിജെപി വിശ്വാസികളെ വഞ്ചിച്ചെന്നും കോൺഗ്രസ് ഈ വിഷയത്തിൽ ഒന്നും ചെയ്തില്ലെന്നും അദ്ദേഹം കുറ്റപ്പെടുത്തി.
സർക്കാർ നിലപാടിൽ ഉറച്ച് ജി. സുകുമാരൻ നായർ; പ്രതിഷേധം ശക്തമാകുന്നു
എൻഎസ്എസ് ജനറൽ സെക്രട്ടറി ജി. സുകുമാരൻ നായർ സർക്കാർ അനുകൂല നിലപാടിൽ ഉറച്ചുനിൽക്കുന്നതിനെതിരെ പ്രതിഷേധം ശക്തമാകുന്നു. ശബരിമല വിഷയത്തിൽ സർക്കാർ നിലപാടിനെ പിന്തുണച്ചതിനെ തുടർന്ന് എൻഎസ്എസിനുള്ളിൽ ഭിന്നത രൂക്ഷമായി. സുകുമാരൻ നായർക്കെതിരെ പത്തനംതിട്ടയിലും കോട്ടയത്തും ഫ്ലെക്സുകൾ ഉയർന്നു.
ശബരിമല സംരക്ഷണ സംഗമം: ജനപങ്കാളിത്തം കണക്കാക്കുന്നതിൽ പോലീസിന് വീഴ്ച; എസ്.പി മെമ്മോ നൽകി
പന്തളത്ത് നടന്ന ശബരിമല സംരക്ഷണ സംഗമത്തിലെ ജനപങ്കാളിത്തം കണക്കാക്കുന്നതിൽ പോലീസിന് വീഴ്ച സംഭവിച്ചെന്ന് കണ്ടെത്തൽ. ഇതിന്റെ അടിസ്ഥാനത്തിൽ പത്തനംതിട്ട എസ്.പി., ലോക്കൽ, സ്പെഷ്യൽ ബ്രാഞ്ച് ഉദ്യോഗസ്ഥർക്ക് മെമ്മോ നൽകി. ആഭ്യന്തരവകുപ്പ് സംഭവത്തിൽ റിപ്പോർട്ട് തേടിയിട്ടുണ്ട്.
സുകുമാരന് നായരുടെ നിലപാട് ശരി: വെള്ളാപ്പള്ളി നടേശന്
ശബരിമല വിഷയത്തില് എന്എസ്എസ് ജനറല് സെക്രട്ടറി ജി. സുകുമാരന് നായരുടെ നിലപാട് ശരിയാണെന്ന് എസ്എന്ഡിപി യോഗം ജനറല് സെക്രട്ടറി വെള്ളാപ്പള്ളി നടേശന് പറഞ്ഞു. സര്ക്കാരിനെ എന്എസ്എസ് എല്ലാ കാര്യത്തിലും എതിര്ക്കുന്നതായി കരുതുന്നില്ലെന്നും അദ്ദേഹം കൂട്ടിച്ചേര്ത്തു. എല്ഡിഎഫ് സര്ക്കാര് ആചാരം സംരക്ഷിക്കാന് നടപടി എടുക്കുകയാണെന്നും സുകുമാരന് നായര് ഒരു അഭിമുഖത്തില് പറഞ്ഞിരുന്നു.