Sabarimala
ശബരിമലയിൽ വൻ ഭക്തജന തിരക്ക്; 16 ദിവസം കൊണ്ട് ദർശനം നടത്തിയത് 13.36 ലക്ഷം പേർ
ശബരിമലയിൽ രണ്ട് ദിവസത്തെ ഇടവേളയ്ക്ക് ശേഷം വീണ്ടും ഭക്തജന തിരക്ക് വർധിച്ചു. ഇന്നലെ 90,000-ത്തോളം പേർ ദർശനം നടത്തി. 16 ദിവസം കൊണ്ട് 13.36 ലക്ഷം തീർത്ഥാടകർ ദർശനം നടത്തിയെന്നും അധികൃതർ അറിയിച്ചു.
ശബരിമലയിൽ സദ്യ വൈകും; തീരുമാനം ദേവസ്വം ബോർഡ് യോഗത്തിന് ശേഷം
ശബരിമലയിൽ കേരളീയ സദ്യ നൽകുന്നതിനുള്ള തീരുമാനം വൈകാൻ സാധ്യത. ഇതുമായി ബന്ധപ്പെട്ട തീരുമാനം ഈ മാസം അഞ്ചിന് നടക്കുന്ന ദേവസ്വം ബോർഡ് യോഗത്തിന് ശേഷമേ ഉണ്ടാകൂ. സദ്യയുടെ മെനു പരിഷ്കരിക്കുന്നതുമായി ബന്ധപ്പെട്ട് റിപ്പോർട്ട് സമർപ്പിക്കുന്നതിന് ഒരു പ്രത്യേക കമ്മിറ്റിയെ നിയോഗിച്ചിട്ടുണ്ട്.
ശബരിമലയിൽ 15 ദിവസം കൊണ്ട് 92 കോടി രൂപ വരുമാനം
ശബരിമലയിൽ മണ്ഡല-മകരവിളക്ക് തീർത്ഥാടന കാലയളവിലെ ആദ്യ 15 ദിവസങ്ങളിൽ 92 കോടി രൂപ വരുമാനം. അരവണ വിൽപനയിലൂടെ 47 കോടി രൂപയുടെ വരുമാനം ഉണ്ടായി. ഈ സീസണിൽ 13 ലക്ഷത്തോളം തീർത്ഥാടകരാണ് എത്തിയത്.
ശബരിമല സ്വർണക്കൊള്ളയിൽ സർക്കാരിനെതിരെ കുമ്മനം രാജശേഖരൻ
ശബരിമല സ്വർണക്കൊള്ള വിഷയത്തിൽ സർക്കാരിനെതിരെ രൂക്ഷ വിമർശനവുമായി ബിജെപി നേതാവ് കുമ്മനം രാജശേഖരൻ രംഗത്ത്. രാഹുൽ വിഷയത്തിലൂടെ സ്വർണക്കൊള്ള ഒതുക്കി തീർക്കാൻ സർക്കാരിന് സാധിക്കില്ലെന്നും അദ്ദേഹം പറഞ്ഞു. പത്മകുമാറിനെയും വാസുവിനെയും സംരക്ഷിക്കാനാണ് സർക്കാരിൻ്റെ ശ്രമമെന്നും കുമ്മനം ആരോപിച്ചു.
ശബരിമല സ്വർണക്കൊള്ള: താൻ എങ്ങനെ മാത്രം പ്രതിയാകും? പത്മകുമാറിൻ്റെ ജാമ്യാപേക്ഷ
ശബരിമല സ്വർണക്കൊള്ളക്കേസിൽ താൻ എങ്ങനെ മാത്രം പ്രതിയാകുമെന്ന ചോദ്യവുമായി തിരുവിതാംകൂർ ദേവസ്വം ബോർഡ് മുൻ പ്രസിഡന്റ് എ. പത്മകുമാർ രംഗത്ത്. എല്ലാ തീരുമാനങ്ങൾക്കും കൂട്ടുത്തരവാദിത്തമുണ്ടെന്നും അദ്ദേഹം ജാമ്യഹർജിയിൽ പറയുന്നു. അന്വേഷണവുമായി സഹകരിച്ചെന്നും സ്വർണ്ണക്കൊള്ളയിൽ പങ്കില്ലെന്നുമാണ് പത്മകുമാറിൻ്റെ വാദം.
ശബരിമല സ്വർണ്ണക്കൊള്ള: ദേവസ്വം ബോർഡിനെ പഴിച്ച് തന്ത്രി കണ്ഠരര് മഹേഷ് മോഹനരുടെ മൊഴി
ശബരിമല സ്വർണ്ണക്കൊള്ളക്കേസിൽ തന്ത്രി കണ്ഠരര് മഹേഷ് മോഹനർ നിർണ്ണായക മൊഴി നൽകി. സ്വർണ്ണപ്പാളി അറ്റകുറ്റപ്പണിക്ക് അനുമതി നൽകിയത് ദേവസ്വം ബോർഡിന്റെ നിർദ്ദേശത്തെ തുടർന്നാണെന്ന് അദ്ദേഹം പറഞ്ഞു. ദേവസ്വം ബോർഡ് മുൻ പ്രസിഡന്റ് എ. പത്മകുമാർ ജാമ്യാപേക്ഷയുമായി കോടതിയെ സമീപിച്ചിട്ടുണ്ട്.
ശബരിമല സ്വര്ണക്കൊള്ള: കെ.എസ്. ബൈജുവിന്റെ ജാമ്യാപേക്ഷ തള്ളി
ശബരിമല സ്വർണ്ണക്കൊള്ളക്കേസിൽ മുൻ തിരുവാഭരണ കമ്മീഷണർ കെ.എസ്. ബൈജുവിന്റെ ജാമ്യാപേക്ഷ കോടതി തള്ളി. അന്വേഷണം പൂർത്തിയാകാത്തതിനാൽ ജാമ്യം നൽകാനാവില്ലെന്ന് കോടതി വ്യക്തമാക്കി. ദ്വാരപാലക ശിൽപങ്ങളിലെ സ്വർണ്ണപ്പാളി കടത്തിയ കേസിൽ കെ.എസ്. ബൈജുവിനെ വീണ്ടും ചോദ്യം ചെയ്തു.
ശബരിമലയിൽ മൃതദേഹങ്ങൾ സ്ട്രെച്ചറിൽ കൊണ്ടുപോകുന്നത് ഹൈക്കോടതി തടഞ്ഞു
ശബരിമലയിൽ മൃതദേഹങ്ങൾ സ്ട്രെച്ചറിൽ കൊണ്ടുപോകുന്നത് ഹൈക്കോടതി തടഞ്ഞു. മൃതദേഹങ്ങൾ കൊണ്ടുപോകാൻ ആംബുലൻസ് സൗകര്യം ഏർപ്പെടുത്താൻ നിർദ്ദേശം നൽകി. മലകയറി വരുന്ന തീർത്ഥാടകർക്ക് ഈ കാഴ്ച കടുത്ത മാനസിക വിഷമമുണ്ടാക്കുന്നു എന്ന് കോടതി വിലയിരുത്തി.
ശബരിമല സ്വർണ്ണക്കേസ്: കെ.എസ്. ബൈജു വീണ്ടും കസ്റ്റഡിയിൽ, ജാമ്യാപേക്ഷ തള്ളി
ശബരിമല സ്വർണ്ണക്കൊള്ളക്കേസിൽ മുൻ തിരുവിതാംകൂർ ദേവസ്വം ബോർഡ് കമ്മീഷണർ കെ.എസ്. ബൈജുവിനെ പ്രത്യേക അന്വേഷണ സംഘം വീണ്ടും കസ്റ്റഡിയിലെടുത്തു. പുതിയ കണ്ടെത്തലുകളുടെ അടിസ്ഥാനത്തിലാണ് ഈ നടപടി. കട്ടിളപ്പാളിയിലെ സ്വർണ്ണം കടത്തിയ കേസിൽ കെ.എസ്. ബൈജുവിൻ്റെ ജാമ്യാപേക്ഷ കൊല്ലം വിജിലൻസ് കോടതി തള്ളി.
ശബരിമല സ്വർണക്കൊള്ള: മുൻ കമ്മീഷണറെ കസ്റ്റഡിയിൽ വാങ്ങാൻ SIT; നിർണായക നീക്കം
ശബരിമല സ്വർണക്കൊള്ള കേസിൽ മുൻ തിരുവാഭരണം കമ്മീഷണർ കെ.എസ് ബൈജുവിനെ കസ്റ്റഡിയിൽ വാങ്ങാൻ പ്രത്യേക അന്വേഷണ സംഘം കോടതിയെ സമീപിച്ചു. സ്വർണ്ണപ്പാളികള് ഔദ്യോഗിക രേഖയില് ചെമ്പെന്ന് എഴുതിയത് മനഃപൂര്വമെന്നാണ് കണ്ടെത്തൽ. മുഖ്യപ്രതി ഉണ്ണികൃഷ്ണന് പോറ്റിക്കൊപ്പം മുരാരി ബാബു ഗൂഢാലോചന നടത്തിയെന്നും SIT കണ്ടെത്തി.
ശബരിമല സ്വർണ്ണക്കൊള്ളക്കേസ്: എൻ. വാസു, കെ.എസ്. ബൈജു എന്നിവരുടെ ജാമ്യാപേക്ഷയിൽ ഇന്ന് വിധി
ശബരിമല സ്വർണ്ണക്കൊള്ളക്കേസിൽ എൻ. വാസു, കെ.എസ്. ബൈജു എന്നിവരുടെ ജാമ്യാപേക്ഷയിൽ കോടതി ഉടൻ വിധി പറയും. തനിക്ക് സ്വർണ്ണക്കൊള്ളയിൽ പങ്കില്ലെന്നും ഉദ്യോഗസ്ഥർ തയ്യാറാക്കിയ ഫയൽ ദേവസ്വം ബോർഡിൻ്റെ പരിഗണനയ്ക്ക് അയക്കുക മാത്രമാണ് ചെയ്തതെന്നാണ് എൻ വാസുവിൻ്റെ വാദം. സ്വർണ്ണപ്പാളികൾ ഔദ്യോഗിക രേഖയിൽ ചെമ്പെന്ന് എഴുതിയത് മനഃപൂർവമെന്ന് SIT കണ്ടെത്തി.
ശബരിമലയിൽ മേൽശാന്തിയുടെ മുറിയിലെ നെയ്യ് വില്പന തടഞ്ഞ് ഹൈക്കോടതി
ശബരിമല മേൽശാന്തിയുടെ മുറിയിലെ നെയ്യ് വില്പന ഹൈക്കോടതി തടഞ്ഞു. ഇനി ദേവസ്വം ബോർഡിന്റെ കൂപ്പൺ ഉപയോഗിച്ച് മാത്രമേ നെയ്യഭിഷേകം നടത്താൻ പാടുള്ളൂ. സഹശാന്തിമാർ പണം വാങ്ങി നെയ്യ് വില്പന നടത്തുന്നു എന്ന റിപ്പോർട്ടിന്റെ അടിസ്ഥാനത്തിലാണ് ഹൈക്കോടതിയുടെ ഈ കർശന നിർദ്ദേശം.