Sabarimala
ശബരിമലയിലെ തീവെട്ടിക്കൊള്ള: പിണറായിക്കെതിരെ കെ.സി. വേണുഗോപാൽ
കോൺഗ്രസിൻ്റെ വിശ്വാസ സംഗമം കെ.സി. വേണുഗോപാൽ ശരണം വിളിയോടെ ഉദ്ഘാടനം ചെയ്തു. ശബരിമലയിൽ നടന്നത് തീവെട്ടിക്കൊള്ളയാണെന്നും ഈങ്ക്വിലാബ് വിളിക്കും പോലെ ശരണം വിളിക്കുന്നവരിൽ നിന്നും കൂടുതൽ പ്രതീക്ഷിക്കാനില്ലെന്നും അദ്ദേഹം വിമർശിച്ചു. പിണറായി വിജയൻ ദൈവങ്ങളോട് കളിച്ചാൽ അത് അവസാന കളിയായിരിക്കുമെന്നും അയ്യപ്പന്റെ സ്വത്തിൽ കണ്ണ് വെച്ചതിൻ്റെ പരിണിതഫലങ്ങളാണ് ഇപ്പോഴത്തേതെന്നും വേണുഗോപാൽ കൂട്ടിച്ചേർത്തു.
ശബരിമല സ്വര്ണപ്പാളി വിവാദം: അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര്
ശബരിമലയിലെ സ്വര്ണപ്പാളി വിവാദത്തില് അന്വേഷണത്തിന് പ്രത്യേക സംഘത്തെ നിയോഗിച്ച് സര്ക്കാര് ഉത്തരവിറക്കി. ഹൈക്കോടതിയുടെ മേല്നോട്ടത്തില് എഡിജിപി എച്ച്. വെങ്കിടേശിന്റെ നേതൃത്വത്തിലുള്ള സംഘമാണ് കേസ് അന്വേഷിക്കുക. സ്വര്ണ്ണ കവര്ച്ചയില് നാളെ ദേവസ്വം വിജിലന്സ് ഹൈക്കോടതിയില് റിപ്പോര്ട്ട് സമര്പ്പിക്കും.
ശബരിമല അന്വേഷണം ശരിയായില്ലെങ്കിൽ ബിജെപി പ്രക്ഷോഭവുമായി ഇറങ്ങും: രാജീവ് ചന്ദ്രശേഖർ
ശബരിമല വിഷയത്തിൽ ശരിയായ അന്വേഷണം നടക്കാത്ത പക്ഷം ബിജെപി പ്രക്ഷോഭവുമായി മുന്നോട്ട് വരുമെന്ന് രാജീവ് ചന്ദ്രശേഖർ. സ്വർണപ്പാളി വിവാദത്തിൽ കുറ്റക്കാർ ജയിലിൽ പോകുന്നതുവരെ പ്രതിഷേധം തുടരുമെന്നും അദ്ദേഹം പറഞ്ഞു. സിബിഐ അന്വേഷണം വേണമെന്നും അദ്ദേഹം ആവശ്യപ്പെട്ടു.
ശബരിമല സ്വർണ വിവാദം: ജസ്റ്റിസ് കെ.ടി. ശങ്കരൻ നാളെ സന്നിധാനത്ത്
ശബരിമല സ്വർണ മോഷണ വിവാദത്തിൽ ഹൈക്കോടതി നിർദേശത്തെ തുടർന്ന് ജസ്റ്റിസ് കെ.ടി. ശങ്കരൻ നാളെ സന്നിധാനത്ത് എത്തും. സ്ട്രോങ് റൂമുകളിലെ വസ്തുക്കളുടെ കണക്കുകൾ കൃത്യമായി തിട്ടപ്പെടുത്തി രജിസ്റ്റർ ചെയ്ത് ഹൈക്കോടതിക്ക് സമർപ്പിക്കാൻ നേരത്തെ നിർദ്ദേശം നൽകിയിരുന്നു. ദ്വാരപാലക ശിൽപ്പത്തിൽ സ്വർണം പൂശിയ സ്മാർട്ട് ക്രിയേഷൻസിന്റെ സി.ഇ.ഒ മനോജ് ഭണ്ഡാരിയിൽ നിന്ന് ദേവസ്വം വിജിലൻസ് മൊഴിയെടുക്കുകയാണ്.
ശബരിമല സ്വർണ്ണ വിവാദം: ഇന്ന് കോൺഗ്രസ് വിശ്വാസ സംഗമം; ബിജെപി പ്രതിഷേധ മാർച്ച്
ശബരിമല സ്വർണ്ണ മോഷണ വിവാദത്തിൽ കോൺഗ്രസ് ഇന്ന് വിശ്വാസ സംഗമം നടത്തും. പത്തനംതിട്ടയിൽ വൈകുന്നേരം നാലുമണിക്കാണ് പരിപാടി. അതേസമയം, സ്വർണ്ണമോഷണത്തിൽ പ്രതിഷേധിച്ച് ബിജെപി ഇന്ന് ജില്ലാ ഭരണസിരാകേന്ദ്രങ്ങളിലേക്ക് മാർച്ച് നടത്തും.
ശബരിമല റോപ്പ് വേ പദ്ധതിക്ക് ഉടൻ അനുമതി; കേന്ദ്ര സംഘം കേരളത്തിലേക്ക്
ശബരിമല റോപ്പ് വേ പദ്ധതിക്ക് അന്തിമ അനുമതി ഉടൻ ലഭിക്കുമെന്നാണ് പ്രതീക്ഷ. ഇതിനായുള്ള കേന്ദ്ര സംഘം ശനിയാഴ്ച കേരളത്തിലെത്തും. പമ്പ ഹിൽടോപ്പ് മുതൽ സന്നിധാനം പോലീസ് ബാരക്ക് വരെയാണ് 2.7 കിലോമീറ്റർ റോപ്പ് വേ സ്ഥാപിക്കുന്നത്.
ശബരിമലയിൽ രാഷ്ട്രപതിയുടെ സന്ദർശനം; പ്രത്യേക സുരക്ഷാ ക്രമീകരണങ്ങൾ
തുലാമാസ പൂജകൾക്കായി ശബരിമല നട തുറക്കുമ്പോൾ രാഷ്ട്രപതി ദ്രൗപദി മുർമുവിന്റെ സന്ദർശനം കണക്കിലെടുത്ത് പ്രത്യേക സുരക്ഷാ ക്രമീകരണങ്ങൾ ഏർപ്പെടുത്തി. സന്നിധാനത്ത് കൂടുതൽ പോലീസ് ഉദ്യോഗസ്ഥരെ നിയോഗിക്കും. പ്രതിഷേധങ്ങൾ ഉണ്ടാകാൻ സാധ്യതയുണ്ടെന്ന വിവരത്തെ തുടർന്ന് സുരക്ഷ ശക്തമാക്കാൻ തീരുമാനിച്ചു.
ശബരിമല സ്വർണ്ണ കേസ്: ദേവസ്വം ആസ്ഥാനത്ത് പ്രത്യേക അന്വേഷണ സംഘം, നിർണ്ണായക ഫയലുകൾ ശേഖരിച്ചു
ശബരിമല ദ്വാരപാലക ശിൽപ്പത്തിലെ സ്വർണ്ണ മോഷണവുമായി ബന്ധപ്പെട്ട് പ്രത്യേക അന്വേഷണ സംഘം ദേവസ്വം ആസ്ഥാനത്ത് എത്തി. തിരുവാഭരണ കമ്മീഷ്ണർ അടക്കമുള്ള ഉദ്യോഗസ്ഥരിൽ നിന്ന് അന്വേഷണ സംഘം വിവരങ്ങൾ തേടി. സ്മാർട്ട് ക്രിയേഷൻസ്, മുരാരി ബാബു എന്നിവരുമായുള്ള ബന്ധവും അന്വേഷണ പരിധിയിലുണ്ട്.
ശബരിമലയിൽ രാഷ്ട്രപതിയുടെ സന്ദർശനം; ഒക്ടോബർ 22ന് ദർശനത്തിന് അനുമതിയില്ല
രാഷ്ട്രപതി ദ്രൗപതി മുർമുവിന്റെ സന്ദർശനത്തെ തുടർന്ന് ശബരിമലയിൽ ഒക്ടോബർ 22-ന് പൊതുജനങ്ങൾക്കുള്ള ദർശനം ഉണ്ടായിരിക്കുന്നതല്ല. തുലമാസ പൂജയുടെ അവസാന ദിവസം രാഷ്ട്രപതി ക്ഷേത്രത്തിൽ ദർശനം നടത്തും. ഈ സാഹചര്യത്തിൽ സുരക്ഷാ ക്രമീകരണങ്ങൾ ശക്തമാക്കിയിട്ടുണ്ട്.
ശബരിമലയിലെ ദ്വാരപാലക വിഗ്രഹത്തില് സ്വര്ണം തിരികെ സ്ഥാപിച്ചതിലും ദുരൂഹത; തിരുവാഭരണ കമ്മീഷണറെ ഒഴിവാക്കിയതില് ദുരൂഹതയെന്ന് ആര്.ജി. രാധാകൃഷ്ണന്
ശബരിമലയിലെ ദ്വാരപാലക ശില്പത്തില് സ്വര്ണം പൂശിയ ശേഷം അത് തിരികെ സ്ഥാപിച്ചതിലും ദുരൂഹതകളുണ്ടെന്ന് ആരോപണം. തിരികെ സ്വര്ണം പതിച്ച ശില്പം സ്ഥാപിക്കുന്ന ചടങ്ങില് നിന്ന് തിരുവാഭരണ കമ്മീഷണറെ ഒഴിവാക്കിയതാണ് ഇതിന് പിന്നിലെ പ്രധാന കാരണം. നിയമപ്രകാരം താന് ചടങ്ങില് ഉണ്ടാകേണ്ടതായിരുന്നുവെന്നും, തന്നെ ഒഴിവാക്കിയതില് ദുരൂഹതയുണ്ടെന്നും മുന് തിരുവാഭരണ കമ്മീഷണര് ആര്.ജി. രാധാകൃഷ്ണന് പറഞ്ഞു.
ശബരിമല സ്വർണ്ണപ്പാളി വിവാദം: സി.ബി.ഐ അന്വേഷണം വേണമെന്ന് വി.ഡി. സതീശൻ
ശബരിമലയിലെ സ്വർണ്ണപ്പാളി വിവാദത്തിൽ പ്രതികരണവുമായി പ്രതിപക്ഷ നേതാവ് വി.ഡി. സതീശൻ. ക്ഷേത്രത്തിലെ ദ്വാരപാലക വിഗ്രഹം ഒരു കോടീശ്വരന് വിറ്റെന്നും അദ്ദേഹം ആരോപിച്ചു. മന്ത്രി വാസവനും ദേവസ്വം ബോർഡ് പ്രസിഡന്റും രാജിവെക്കണമെന്നും സതീശൻ ആവശ്യപ്പെട്ടു.
ശബരിമലയിലെ ക്രമക്കേടുകൾ; ഇ.ഡി. അന്വേഷണം ആരംഭിച്ചു
ശബരിമലയിലെ ക്രമക്കേടുകളുമായി ബന്ധപ്പെട്ട് എൻഫോഴ്സ്മെൻ്റ് ഡയറക്ടറേറ്റിന് ലഭിച്ച പരാതിയിൽ ഇ.ഡി രഹസ്യാന്വേഷണം ആരംഭിച്ചു. സാമ്പത്തിക ഇടപാടുകളിൽ ക്രമക്കേട് നടന്നതായി കണ്ടെത്തിയതിനെ തുടർന്ന് വിശദമായ അന്വേഷണത്തിന് ഇ.ഡി തീരുമാനിച്ചു. ടെൻഡർ നടപടികളിൽ വലിയ കൊള്ള നടന്നുവെന്നും ഇ.ഡിക്ക് തെളിവ് ലഭിച്ചിട്ടുണ്ട്