Road Collapse
കൊട്ടിയം മൈലക്കാട് ദേശീയപാതയിൽ റോഡ് ഇടിഞ്ഞു; ഗതാഗത നിയന്ത്രണം
കൊട്ടിയം മൈലക്കാട് ദേശീയപാത നിർമ്മാണത്തിനിടെ റോഡ് ഇടിഞ്ഞതിനെ തുടർന്ന് ഗതാഗത നിയന്ത്രണം ഏർപ്പെടുത്തി. സംരക്ഷണ ഭിത്തി സർവ്വീസ് റോഡിലേക്ക് ഇടിഞ്ഞുവീണു. സ്കൂൾബസ് അടക്കം നാല് വാഹനങ്ങൾ അപകടത്തിൽപ്പെട്ടു.
കൊല്ലം മൈലക്കാട് ദേശീയപാത ഇടിഞ്ഞ സംഭവം; അടിയന്തര റിപ്പോർട്ട് തേടി മന്ത്രി മുഹമ്മദ് റിയാസ്
കൊല്ലം മൈലക്കാട് ദേശീയപാത നിർമ്മാണത്തിനിടെ റോഡ് ഇടിഞ്ഞ സംഭവത്തിൽ പൊതുമരാമത്ത് വകുപ്പ് മന്ത്രി മുഹമ്മദ് റിയാസ് അടിയന്തര റിപ്പോർട്ട് തേടി. ദേശീയപാത അതോറിറ്റിയോട് വിശദീകരണം തേടി റിപ്പോർട്ട് നൽകാൻ മന്ത്രി നിർദ്ദേശം നൽകി. അപകടത്തെ തുടർന്ന് ഗതാഗതം പൂർണ്ണമായി നിർത്തിവെച്ചു.
കൊട്ടിയത്ത് ദേശീയപാത തകർന്ന സംഭവം; സമഗ്ര അന്വേഷണം വേണമെന്ന് എംഎൽഎ, ഗതാഗതം പൂർണ്ണമായി നിർത്തിവെച്ചു
കൊല്ലം കൊട്ടിയത്ത് നിർമ്മാണത്തിലിരുന്ന ദേശീയപാത തകർന്നുവീണു. റോഡിൽ വിള്ളൽ കണ്ടതിനെ തുടർന്ന് ബസ് വേഗത്തിൽ ഒതുക്കി നിർത്തി വിദ്യാർത്ഥികളെ അടുത്തുള്ള വീട്ടിലേക്ക് മാറ്റി. അപകടത്തിൽ സമഗ്രമായ അന്വേഷണം നടത്തണമെന്ന് എംഎൽഎ ജയലാൽ ആവശ്യപ്പെട്ടു.
കൂരിയാട് ദേശീയപാത തകർച്ച: കാരണം മണ്ണിന്റെ ദൃഢതക്കുറവെന്ന് എൻഎച്ച്എഐ
മലപ്പുറം കൂരിയാട് ദേശീയപാതയുടെ തകർച്ചയ്ക്ക് കാരണം മണ്ണിന്റെ ഉറപ്പില്ലായ്മയാണെന്ന് എൻഎച്ച്എഐയുടെ ഇടക്കാല റിപ്പോർട്ട്. റോഡിന്റെ തകർച്ചക്ക് കാരണക്കാരായ കരാറുകാർക്കും പ്രോജക്ട് കൺസൾട്ടൻസിക്കും ഗുരുതരമായ വീഴ്ച സംഭവിച്ചുവെന്നും റിപ്പോർട്ടിൽ പറയുന്നു. വീഴ്ച വരുത്തിയവർക്കെതിരെ ക്രിമിനൽ നടപടി സ്വീകരിക്കണമെന്ന് കോടതി നിർദ്ദേശിച്ചു.
മലപ്പുറത്ത് ദേശീയപാത വീണ്ടും ഇടിഞ്ഞുതാഴ്ന്നു; ഗതാഗതം തടസ്സപ്പെട്ടു
മലപ്പുറം തലപ്പാറയിൽ ദേശീയപാത വീണ്ടും ഇടിഞ്ഞുതാഴ്ന്നു. വലിയപറമ്പിൽ അഴുക്കുചാൽ കടന്നുപോകുന്ന ഭാഗത്താണ് റോഡ് തകർന്നത്. ഗതാഗതം പൂർണ്ണമായി നിരോധിച്ചു, സർവീസ് റോഡിലൂടെ വാഹനങ്ങൾ പോകുന്നു. മുസ്ലിം ലീഗ് നേതാവ് പി.കെ. കുഞ്ഞാലിക്കുട്ടി സ്ഥലം സന്ദർശിച്ചു.
കൂരിയാട് ദേശീയപാതയിലെ തകർന്ന ഭാഗത്തേക്ക് സന്ദർശകർക്ക് വിലക്ക്; ദുരന്ത ടൂറിസം വേണ്ടെന്ന് കളക്ടർ
മലപ്പുറം കൂരിയാട് ദേശീയപാതയിലെ തകർന്ന ഭാഗത്തേക്കുള്ള പ്രവേശനം താൽക്കാലികമായി അടച്ചു. ഈ സ്ഥലത്തെ ദുരന്ത ടൂറിസമായി കാണരുതെന്ന് മലപ്പുറം കളക്ടർ അഭ്യർഥിച്ചു. ഗതാഗതക്കുരുക്ക് ഒഴിവാക്കുന്നതിനായി തകരാത്ത ഭാഗത്തുള്ള സർവീസ് റോഡ് ഉടൻ തുറന്നു കൊടുക്കുമെന്നും തീരുമാനമായി.
മലപ്പുറം ദേശീയപാത തകർച്ച: വിദഗ്ധ സംഘം പരിശോധന നടത്തി; മന്ത്രി റിയാസ് പ്രതികരിച്ചു
മലപ്പുറം കൂരിയാട് ദേശീയപാത തകർന്ന സംഭവം ദൗർഭാഗ്യകരമെന്ന് മന്ത്രി പി.എ. മുഹമ്മദ് റിയാസ്. ദേശീയപാത അതോറിറ്റിയുടെ വിദഗ്ധസംഘം സ്ഥലത്ത് പരിശോധന നടത്തി. രണ്ട് ദിവസത്തിനകം ജില്ലാ കളക്ടർക്ക് റിപ്പോർട്ട് നൽകും.