Road Accident
ആലപ്പുഴയിൽ കണ്ടെയ്നർ ലോറി ഇടിച്ച് കായികതാരം മരിച്ചു
ആലപ്പുഴ കലവൂരിൽ കണ്ടെയ്നർ ലോറി ഇടിച്ച് കായികതാരത്തിന് ദാരുണാന്ത്യം. കലവൂർ സ്വദേശിനി ലക്ഷ്മിലാൽ (18) ആണ് അപകടത്തിൽ മരിച്ചത്. സ്റ്റേഡിയത്തിലേക്ക് പരിശീലനത്തിന് പോകും വഴിയായിരുന്നു അപകടം. സ്കൂട്ടറിൽ ഉണ്ടായിരുന്ന സഹയാത്രിക നിസാര പരുക്കുകളോടെ രക്ഷപ്പെട്ടു.
കൊല്ലം ഓച്ചിറയിൽ കെഎസ്ആർടിസി ബസ്സും ജീപ്പും കൂട്ടിയിടിച്ച് 3 മരണം
കൊല്ലം ഓച്ചിറയിൽ കെഎസ്ആർടിസി സൂപ്പർ ഫാസ്റ്റ് ബസ്സും ഥാർ ജീപ്പും കൂട്ടിയിടിച്ച് 3 പേർ മരിച്ചു. ഇന്ന് പുലർച്ചെ 6.30ഓടെയാണ് അപകടം നടന്നത്. ജീപ്പിൽ ഉണ്ടായിരുന്നവർ ഉറങ്ങിപ്പോയതാകാം അപകടത്തിന് കാരണമെന്നാണ് പൊലീസിന്റെ പ്രാഥമിക നിഗമനം.
തൃശ്ശൂർ-കുറ്റിപ്പുറം പാതയിൽ ബസ് മറിഞ്ഞ് 17 പേർക്ക് പരിക്ക്
തൃശ്ശൂർ-കുറ്റിപ്പുറം സംസ്ഥാന പാതയിൽ പുലർച്ചെ ബസ് മറിഞ്ഞ് 17 പേർക്ക് പരിക്കേറ്റു. പുറ്റക്കര ഭാഗത്താണ് അപകടം നടന്നത്. പരിക്കേറ്റവരെ തൃശ്ശൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.
തിരുവനന്തപുരം ജനറൽ ഹോസ്പിറ്റൽ അപകടം: ഡ്രൈവറുടെ ലൈസൻസ് സസ്പെൻഡ് ചെയ്തു; നാലുപേർ ഗുരുതരാവസ്ഥയിൽ
തിരുവനന്തപുരം ജനറൽ ആശുപത്രിക്ക് മുന്നിൽ കാർ ഇടിച്ചുണ്ടായ അപകടത്തിൽ ഡ്രൈവറുടെ ലൈസൻസ് സസ്പെൻഡ് ചെയ്തു. ഡ്രൈവിംഗ് പരിശീലനം നൽകിയ വ്യക്തിയുടെ ലൈസൻസും റദ്ദാക്കിയിട്ടുണ്ട്. അപകടത്തിൽ ഗുരുതരമായി പരിക്കേറ്റ നാലുപേർ തീവ്രപരിചരണ വിഭാഗത്തിൽ ചികിത്സയിലാണ്.
നാഗ്പൂരിൽ വാഹനാപകടം: ഭാര്യയുടെ മൃതദേഹം ബൈക്കിൽ കൊണ്ടുപോയി
നാഗ്പൂരിൽ വാഹനാപകടത്തിൽ ഭാര്യ മരിച്ചതിനെ തുടർന്ന് ഭർത്താവ് മൃതദേഹം ബൈക്കിൽ കെട്ടിവെച്ച് കൊണ്ടുപോയി. സഹായിക്കാൻ ആരുമില്ലാത്തതിനെ തുടർന്നാണ് ഇത്തരത്തിൽ ചെയ്തതെന്ന് ഭർത്താവ് പറഞ്ഞു. ദമ്പതികൾ സഞ്ചരിച്ചിരുന്ന ബൈക്കിലേക്ക് ട്രക്ക് ഇടിച്ചുകയറിയാണ് അപകടമുണ്ടായത്.
കുഴിയിൽ വീണ് അപകടം; മനുഷ്യാവകാശ കമ്മീഷൻ കേസെടുത്തു
കോഴിക്കോട് കല്ലുത്താൻ കടവിൽ റോഡിലെ കുഴിയിൽ വീണ് ഓട്ടോറിക്ഷ ഡ്രൈവർക്ക് പരുക്കേറ്റ സംഭവത്തിൽ മനുഷ്യാവകാശ കമ്മീഷൻ കേസെടുത്തു. പൊതുമരാമത്ത് വകുപ്പ് അസിസ്റ്റന്റ് എക്സിക്യൂട്ടീവ് എഞ്ചിനീയറോട് 15 ദിവസത്തിനകം റിപ്പോർട്ട് സമർപ്പിക്കാൻ കമ്മീഷൻ ഉത്തരവിട്ടു. ഓഗസ്റ്റ് 26-ന് കേസ് പരിഗണിക്കും.
അപകടത്തിൽ പരിക്കേറ്റ യുവാവ് മരിച്ചു; അസമീസ് നടി നന്ദിനി കശ്യപ് അറസ്റ്റിൽ
ഗുവാഹട്ടിയിൽ വാഹനാപകടത്തിൽ പരിക്കേറ്റ് ചികിത്സയിലായിരുന്ന യുവാവ് മരിച്ച സംഭവത്തിൽ അസമീസ് നടി നന്ദിനി കശ്യപിനെ പോലീസ് അറസ്റ്റ് ചെയ്തു. വെള്ളിയാഴ്ച പുലർച്ചെയാണ് അപകടം നടന്നത്. മനഃപൂർവമല്ലാത്ത നരഹത്യക്കുറ്റം ചുമത്തിയാണ് അറസ്റ്റ്.
കുഴി വെട്ടിക്കാൻ ശ്രമിക്കവേ ഗുഡ്സ് ഓട്ടോയിൽ നിന്ന് തെറിച്ചു വീണ് ആറു വയസ്സുകാരിക്ക് ദാരുണാന്ത്യം
മലപ്പുറം തിരൂരിൽ റോഡിലെ കുഴിയിൽ വീഴാതിരിക്കാൻ വാഹനം വെട്ടിക്കുന്നതിനിടെ ഗുഡ്സ് ഓട്ടോയിൽ നിന്ന് തെറിച്ചുവീണ് ആറുവയസ്സുകാരി മരിച്ചു. വളാഞ്ചേരി സ്വദേശി ഫൈസൽ- ബിൽകിസ് ദമ്പതികളുടെ മകൾ ഫൈസയാണ് മരിച്ചത്. ഗുഡ്സ് ഓട്ടോയിൽ ആളെക്കയറ്റിയതിന് വാഹനം ഓടിച്ചയാൾക്കെതിരെ തിരൂർ പോലീസ് കേസെടുത്തു.
തൃശ്ശൂരിൽ വീണ്ടും കുഴിയിൽ വീണ് ജീവൻ നഷ്ടമായി; പ്രതിഷേധം കനക്കുന്നു
തൃശ്ശൂരിൽ അയ്യന്തോളിൽ റോഡിലെ കുഴിയിൽ വീഴാതിരിക്കാൻ ബൈക്ക് വെട്ടിച്ച യുവാവ് ബസ് കയറി മരിച്ചു. എൽതുരുത്ത് സ്വദേശി 24 വയസുള്ള ആബേൽ ചാക്കോ പോളാണ് മരിച്ചത്. സംഭവത്തിൽ പ്രതിഷേധിച്ച് കോൺഗ്രസ്, ബിജെപി പ്രവർത്തകർ റോഡ് ഉപരോധിച്ചു. പൊതുമരാമത്ത് വിജിലൻസിനോട് മന്ത്രി മുഹമ്മദ് റിയാസ് അടിയന്തിര റിപ്പോർട്ട് തേടിയിട്ടുണ്ട്.
ഷിരൂർ ദുരന്തത്തിന് ഇന്ന് ഒരു വർഷം; ഓർമ്മകൾക്ക് കണ്ണീരായി കണ്ണാടിക്കൽ
കോഴിക്കോട് കണ്ണാടിക്കൽ സ്വദേശിയായ ലോറി ഡ്രൈവർ അർജുൻ ഉൾപ്പെടെ 11 പേരുടെ ജീവനെടുത്ത ഷിരൂർ ദുരന്തത്തിന് ഇന്ന് ഒരു വർഷം തികയുന്നു. 2024 ജൂലൈ 16നായിരുന്നു കനത്ത മഴയിൽ ഷിരൂരിൽ മണ്ണിടിച്ചിലുണ്ടായത്. 72 ദിവസം നീണ്ടുനിന്ന രക്ഷാ ദൗത്യത്തിനൊടുവിലാണ് അർജുന്റെ മൃതദേഹാവശിഷ്ടവും ട്രക്കും ഗംഗാവലി പുഴയുടെ അടിത്തട്ടിൽ നിന്ന് കണ്ടെടുത്തത്.
അമേരിക്കയിൽ വാഹനാപകടം; ഹൈദരാബാദ് സ്വദേശികളായ നാലംഗ കുടുംബം വെന്തുമരിച്ചു
അമേരിക്കയിലെ ഗ്രീൻ കൗണ്ടിയിൽ വാഹനാപകടത്തിൽ നാലംഗ ഇന്ത്യൻ കുടുംബം മരിച്ചു. ഹൈദരാബാദ് സ്വദേശികളായ ശ്രീ വെങ്കട്ട്, ഭാര്യ തേജസ്വിനി, അവരുടെ രണ്ട് കുട്ടികൾ എന്നിവരാണ് മരിച്ചത്. ബന്ധുക്കളെ സന്ദർശിച്ച് അറ്റ്ലാന്റയിൽ നിന്ന് ഡാലസിലേക്ക് മടങ്ങുമ്പോൾ മിനി ട്രക്ക് ഇവരുടെ കാറിലിടിക്കുകയായിരുന്നു.
ജമ്മു-ശ്രീനഗർ ഹൈവേയിൽ ബസുകൾ കൂട്ടിയിടിച്ച് അപകടം; 36 തീർത്ഥാടകർക്ക് പരിക്ക്
ജമ്മു-ശ്രീനഗർ ഹൈവേയിൽ തീർഥാടകർ സഞ്ചരിച്ചിരുന്ന ബസുകൾ കൂട്ടിയിടിച്ച് 36 പേർക്ക് പരിക്ക്. ജമ്മു ഭഗവതി നഗറിൽ നിന്ന് പോയ വാഹനവ്യൂഹത്തിലെ ബസുകളാണ് അപകടത്തിൽപ്പെട്ടത്. ബ്രേക്ക് തകരാറിലായതാണ് അപകടകാരണമെന്ന് അധികൃതർ അറിയിച്ചു.