RBI
റിസർവ് ബാങ്ക് വീണ്ടും നിരക്ക് കുറച്ചു; റിപ്പോ നിരക്ക് 5.15 ശതമാനമായി കുറഞ്ഞു
റിസർവ് ബാങ്ക് ഓഫ് ഇന്ത്യ (ആർബിഐ) റിപ്പോ നിരക്ക് 5.15 ശതമാനമായി കുറച്ചു. ഈ വർഷത്തിലെ നാലാമത്തെ നിരക്കിളവാണിത്. ഭവന, വ്യക്തിഗത, വാഹന വായ്പകളുടെ പലിശ കുറയുന്നതോടെ ഉപഭോക്താക്കളുടെ പ്രതിമാസ തിരിച്ചടവുകൾ കുറയും.
രൂപയുടെ മൂല്യം റെക്കോർഡ് താഴ്ചയിലേക്ക്; ഓഹരി വിപണിയിലും നഷ്ടം
ഇന്ത്യൻ രൂപയുടെ മൂല്യം ഡോളറിനെതിരെ 90.13 എന്ന റെക്കോർഡ് താഴ്ചയിലേക്ക് എത്തി. വിദേശ നിക്ഷേപകർ ഇന്ത്യൻ വിപണിയിൽ നിന്ന് പണം പിൻവലിച്ചതും ഇന്ത്യ-അമേരിക്ക വ്യാപാര കരാറിനെക്കുറിച്ചുള്ള അനിശ്ചിതത്വവുമാണ് ഇതിന് കാരണം. ഈ സാഹചര്യത്തിൽ ആർബിഐയുടെ ധന നയ സമിതി യോഗം ഇന്ന് ആരംഭിച്ചു.
10 വർഷം കഴിഞ്ഞിട്ടും അക്കൗണ്ടിൽ പണമുണ്ടോ? എങ്കിലിതാ എളുപ്പത്തിൽ തിരിച്ചെടുക്കാൻ ആർബിഐയുടെ സഹായം
പല ഉപഭോക്താക്കൾക്കും ഒന്നിലധികം ബാങ്കുകളിൽ അക്കൗണ്ടുകൾ ഉണ്ടാകാറുണ്ട്. ഓരോ ആവശ്യങ്ങൾക്കായി ആരംഭിച്ച ഈ അക്കൗണ്ടുകളിൽ ചിലത് പിന്നീട് ഉപയോഗിക്കാതെ വരുന്നു. ഇത്തരത്തിൽ പ്രവർത്തനരഹിതമായ അക്കൗണ്ടുകളിൽ പണം കുടുങ്ങിക്കിടക്കാൻ സാധ്യതയുണ്ട്. 10 വർഷത്തിൽ കൂടുതലായി പ്രവർത്തനരഹിതമായ അക്കൗണ്ടുകളിൽ പണം എങ്ങനെ വീണ്ടെടുക്കാമെന്ന് ആർബിഐ നിർദ്ദേശിക്കുന്നു.
ആർബിഐയിൽ ബാങ്ക്സ് മെഡിക്കൽ കൺസൽട്ടന്റ് നിയമനം; അപേക്ഷിക്കേണ്ട അവസാന തീയതി നീട്ടി
റിസർവ് ബാങ്ക് ഓഫ് ഇന്ത്യ (ആർബിഐ) ബാങ്ക്സ് മെഡിക്കൽ കൺസൽട്ടന്റ് (ബിഎംസി) തസ്തികയിലേക്ക് അപേക്ഷിക്കാനുള്ള അവസാന തീയതി നീട്ടി. യോഗ്യരായ ഉദ്യോഗാർത്ഥികൾക്ക് 2025 നവംബർ 28 വരെ അപേക്ഷിക്കാം. തിരഞ്ഞെടുക്കപ്പെടുന്നവർക്ക് മണിക്കൂറിന് 1,000 രൂപ വേതനം ലഭിക്കും. അപേക്ഷകൾ അയക്കേണ്ട വിലാസം: Regional Director, HRM Department, RBI, Main Office Building, Near Gandhi Bridge, Ahmedabad – 380014.
ഡിജിറ്റൽ കറൻസി: പുതിയ മാറ്റങ്ങളുമായി ആർബിഐ
റിസർവ് ബാങ്ക് ഓഫ് ഇന്ത്യ (ആർബിഐ) ഡിജിറ്റൽ കറൻസിയുമായി ബന്ധപ്പെട്ട് പുതിയ മാറ്റങ്ങൾ അവതരിപ്പിക്കുന്നു. എല്ലാ ഇലക്ട്രോണിക് പണമിടപാടുകളും ഏകീകൃത പ്ലാറ്റ്ഫോമിലേക്ക് കൊണ്ടുവരുന്നതിന്റെ ഭാഗമായി പുതിയ വാലറ്റ് ഹോൾഡർ സംവിധാനം പുറത്തിറക്കി. അക്കൗണ്ടില്ലാത്തവർക്കും മൊബൈൽ നമ്പർ ഉപയോഗിച്ച് പണം അയക്കാൻ സാധിക്കുന്ന സംവിധാനവും ഇതിലുണ്ട്.
ഇഎംഐ മുടങ്ങിയാൽ ഫോൺ ലോക്കാകും; പുതിയ നീക്കവുമായി ആർബിഐ
റിസർവ് ബാങ്ക് ഓഫ് ഇന്ത്യ (ആർബിഐ) പുതിയ നീക്കങ്ങളുമായി മുന്നോട്ട് പോവുകയാണ്. ക്രെഡിറ്റിൽ വാങ്ങിയ ഫോൺ തിരിച്ചടവ് മുടങ്ങിയാൽ റിമോട്ട് ആയി ലോക്ക് ചെയ്യാൻ അനുവദിക്കുന്ന പദ്ധതി ആർബിഐ ആവിഷ്കരിക്കുന്നു. ഉപയോക്താക്കളുടെ ഡാറ്റ, സ്വകാര്യത, അവകാശങ്ങൾ എന്നിവയെക്കുറിച്ചുള്ള ആശങ്കകൾ ഉയർത്തുന്നതാണ് ഈ പുതിയ തീരുമാനം.
റിപ്പോ നിരക്ക് മാറ്റമില്ലാതെ നിലനിർത്തി ആർബിഐ; വായ്പ പലിശ നിരക്കുകളിൽ തൽക്കാലം മാറ്റമുണ്ടാകില്ല
റിസർവ് ബാങ്ക് റിപ്പോ നിരക്ക് 5.50 ശതമാനത്തിൽ മാറ്റമില്ലാതെ നിലനിർത്താൻ തീരുമാനിച്ചു. ട്രംപിന്റെ താരിഫ് ഭീഷണി നിലനിൽക്കുന്ന സാഹചര്യത്തിലും, തൽക്കാലം റിപ്പോ നിരക്കിൽ മാറ്റം വരുത്തേണ്ടതില്ലെന്ന് ആർബിഐ ഗവർണർ സഞ്ജയ് മൽഹോത്ര അറിയിച്ചു. വായ്പകളുടെ പലിശ നിരക്കുകൾ ഉയരുമോ എന്ന ആശങ്ക നിലനിൽക്കുമ്പോഴും തൽക്കാലം അതിന് സാധ്യതയില്ല.
റിപ്പോ നിരക്ക് കുറച്ച് ആർബിഐ; വായ്പയെടുത്തവർക്ക് ആശ്വാസം
റിസർവ് ബാങ്ക് റിപ്പോ നിരക്ക് അര ശതമാനം കുറച്ചതോടെ ഭവന, വാഹന വായ്പകളുടെ പലിശ നിരക്കുകൾ കുറയും. തുടർച്ചയായി മൂന്നാം തവണയാണ് ധനനയ സമിതി പലിശ നിരക്ക് കുറയ്ക്കുന്നത്. രാജ്യത്ത് പണപ്പെരുപ്പം കുറഞ്ഞു നിൽക്കുന്ന സാഹചര്യത്തിലാണ് റിസർവ് ബാങ്കിന്റെ ഈ തീരുമാനം.
യുപിഐ ഇടപാട് പരിധിയിൽ മാറ്റം: P2M പരിധി ഉയർത്താൻ ആർബിഐയുടെ അനുമതി
യുപിഐ ഇടപാടുകളിൽ പുതിയ പരിഷ്കാരങ്ങളുമായി റിസർവ് ബാങ്ക്. P2M പരിധി ഉയർത്തുമെങ്കിലും P2P പരിധി ഒരു ലക്ഷമായി തുടരും. പുതിയ പരിധി എത്രയായിരിക്കുമെന്ന് നാഷണൽ പേയ്മെന്റ്സ് കോർപ്പറേഷൻ ഓഫ് ഇന്ത്യ പ്രഖ്യാപിക്കും.
ആർബിഐ ഡെപ്യൂട്ടി ഗവർണറായി പൂനം ഗുപ്ത
റിസർവ് ബാങ്ക് ഓഫ് ഇന്ത്യയുടെ പുതിയ ഡെപ്യൂട്ടി ഗവർണറായി പൂനം ഗുപ്തയെ നിയമിച്ചു. മൂന്ന് വർഷത്തേക്കാണ് നിയമനം. നാഷണൽ കൗൺസിൽ ഓഫ് അപ്ലൈഡ് എക്കണോമിക് റിസർച്ചിന്റെ മുൻ ഡയറക്ടർ ജനറലാണ് പൂനം ഗുപ്ത.
എടിഎം ഇടപാടുകൾക്ക് മെയ് 1 മുതൽ ചാർജ് കൂടും
മെയ് ഒന്നു മുതൽ എടിഎം ഇടപാടുകൾക്ക് ചാർജ് 23 രൂപയായി ഉയരും. റിസർവ് ബാങ്ക് ഓഫ് ഇന്ത്യയാണ് ഇതിന് അനുമതി നൽകിയത്. ഓരോ മാസവും അഞ്ച് സൗജന്യ ഇടപാടുകൾക്ക് ശേഷം മാത്രമേ പുതിയ നിരക്ക് ബാധകമാകൂ.
ഓഹരി വിപണി തകർച്ചയിൽ; രൂപ ബലപ്പെടുത്താൻ റിസർവ് ബാങ്ക് ഡോളർ വിൽപ്പന തുടങ്ങി
ഓഹരി വിപണിയിലെ തിരിച്ചടിയും രൂപയുടെ മൂല്യത്തകർച്ചയും നേരിടാൻ റിസർവ് ബാങ്ക് ഡോളർ വിൽപ്പന ആരംഭിച്ചു. സെൻസെക്സും നിഫ്റ്റിയും ഒന്നര ശതമാനം ഇടിഞ്ഞു. വിദേശ നിക്ഷേപം പിൻവലിക്കപ്പെട്ടതും കമ്പനികളുടെ മോശം പ്രകടനവും വിപണിയെ സാരമായി ബാധിച്ചു.