Ramesh Chennithala
പി.പി. തങ്കച്ചന്റെ വിയോഗത്തിൽ അനുശോചനം അറിയിച്ച് രമേശ് ചെന്നിത്തല
മുൻ മന്ത്രിയും കോൺഗ്രസ് നേതാവുമായിരുന്ന പി.പി. തങ്കച്ചന്റെ നിര്യാണത്തിൽ രമേശ് ചെന്നിത്തല അനുശോചനം രേഖപ്പെടുത്തി. വെല്ലുവിളികൾ നിറഞ്ഞ കാലത്ത് പാർട്ടിയെയും മുന്നണിയെയും ഒരുമിപ്പിച്ച് കൊണ്ടുപോവുന്നതിൽ തങ്കച്ചൻ വലിയ പങ്കുവഹിച്ചു. അദ്ദേഹത്തിന്റെ വേർപാട് കോൺഗ്രസ് പാർട്ടിക്ക് വലിയ നഷ്ടം തന്നെയാണ്.
കേരള പോലീസ് പാർട്ടിക്ക് വേണ്ടി പ്രവർത്തിക്കുന്നു; ദാസ്യവേല അവസാനിപ്പിക്കണമെന്ന് ചെന്നിത്തല
കേരള പോലീസ് പാർട്ടി പറയുന്നത് അനുസരിച്ചാണ് പ്രവർത്തിക്കുന്നതെന്ന് രമേശ് ചെന്നിത്തല ആരോപിച്ചു. കസ്റ്റഡി മർദ്ദനങ്ങളിൽ കർശന നടപടിയുണ്ടാകുമെന്ന് റവാഡ ചന്ദ്രശേഖർ അറിയിച്ചു. പൊതുജനങ്ങളോടുള്ള പെരുമാറ്റത്തിൽ പൊലീസുകാർക്ക് കർശന നിർദ്ദേശങ്ങൾ നൽകുമെന്നും അദ്ദേഹം വ്യക്തമാക്കി.
രാഹുൽ മാങ്കൂട്ടത്തിൽ വിഷയം: വി.ഡി. സതീശനും ചെന്നിത്തലയ്ക്കും എതിരെ മൊഴിയുമായി യൂത്ത് കോൺഗ്രസ് നേതാവ്
രാഹുൽ മാങ്കൂട്ടത്തിൽ വിഷയത്തിൽ യൂത്ത് കോൺഗ്രസ് വനിതാ നേതാവ് വി.ഡി. സതീശനും രമേശ് ചെന്നിത്തലയ്ക്കും എതിരെ മൊഴി നൽകി. രാഹുലിനെതിരെ ഗൂഢാലോചന നടക്കുന്നു എന്ന പരാതിയിലാണ് മൊഴി നൽകിയത്. യുവനടിയെ പരാതിക്കാരിയാക്കണോ എന്ന കാര്യത്തിൽ ക്രൈംബ്രാഞ്ച് നിയമോപദേശം തേടും.
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായി; രാജി വയ്ക്കണമെന്ന് രമേശ് ചെന്നിത്തല
മുഖ്യമന്ത്രിക്ക് ആഭ്യന്തര വകുപ്പിന്റെ നിയന്ത്രണം നഷ്ടമായെന്നും അതിനാൽ അദ്ദേഹം സ്ഥാനമൊഴിയുന്നതാണ് ഉചിതമെന്നും രമേശ് ചെന്നിത്തല അഭിപ്രായപ്പെട്ടു. കാക്കി വേഷത്തിൽ ക്രിമിനലുകൾ അഴിഞ്ഞാടുകയാണ്. കേരളാ പോലീസിന്റെ സൽപ്പേരിന് കളങ്കം വരുത്തുന്നവരെ മുഖ്യമന്ത്രിയുടെ ഓഫീസ് സഹായിക്കുന്നു എന്നും അദ്ദേഹം ആരോപിച്ചു.
കുന്നംകുളം കസ്റ്റഡി മർദ്ദനം: മുഖ്യമന്ത്രി മൗനം വെടിയണം; രമേശ് ചെന്നിത്തല
കുന്നംകുളത്ത് യൂത്ത് കോൺഗ്രസ് നേതാവിനെ പൊലീസ് മർദിച്ച സംഭവം വിവാദമായിരിക്കുകയാണ്. സംഭവത്തിൽ മുഖ്യമന്ത്രി പിണറായി വിജയനെതിരെ രമേശ് ചെന്നിത്തല രംഗത്തെത്തി. പൊലീസുകാർക്കെതിരെ നടപടിയെടുക്കാൻ മുഖ്യമന്ത്രിക്ക് അധികാരമുണ്ടായിട്ടും മൗനം പാലിക്കുകയാണെന്ന് ചെന്നിത്തല ആരോപിച്ചു.
ശബരിമലയിലെ ആചാരലംഘനത്തിൽ മുഖ്യമന്ത്രി മാപ്പ് പറയണം; ‘ആഗോള അയ്യപ്പ സംഗമം’ രാഷ്ട്രീയ നാടകമെന്ന് ചെന്നിത്തല
ശബരിമല വിഷയത്തിൽ മുഖ്യമന്ത്രി പിണറായി വിജയനെതിരെ രൂക്ഷ വിമർശനവുമായി രമേശ് ചെന്നിത്തല. ആചാരലംഘനം നടത്തിയതിന് മുഖ്യമന്ത്രി വിശ്വാസികളോട് മാപ്പ് പറയണമെന്നും, സർക്കാർ നടത്താനൊരുങ്ങുന്ന 'ആഗോള അയ്യപ്പ സംഗമം' തിരഞ്ഞെടുപ്പ് മുന്നിൽ കണ്ടുകൊണ്ടുള്ള രാഷ്ട്രീയ നാടകമാണെന്നും അദ്ദേഹം കുറ്റപ്പെടുത്തി. ശബരിമലയിൽ സ്ത്രീകളെ നിർബന്ധിച്ച് കയറ്റണമെന്ന് മുഖ്യമന്ത്രിക്ക് വാശിയുണ്ടായിരുന്നുവെന്നും, ഇതിലൂടെ വിശ്വാസികളുടെ വികാരം വ്രണപ്പെടുത്തുകയും ശബരിമലയെ കലാപ കലുഷിതമാക്കുകയും ചെയ്തുവെന്നും ചെന്നിത്തല ആരോപിച്ചു.
അനർട്ട് സിഇഒയെ മാറ്റിയതിൽ പ്രതികരണവുമായി രമേശ് ചെന്നിത്തല
അനർട്ട് സിഇഒയെ മാറ്റിയതു കൊണ്ടു മാത്രം പ്രശ്നങ്ങൾ തീരുന്നില്ലെന്ന് രമേശ് ചെന്നിത്തല. ക്രമക്കേടുകളിൽ വിജിലൻസ്, നിയമസഭാ സമിതി അന്വേഷണം വേണം. അഴിമതിയിൽ പങ്കുള്ള എല്ലാവരെയും നിയമത്തിനു മുന്നിൽ കൊണ്ടുവരണമെന്നും അദ്ദേഹം ആവശ്യപ്പെട്ടു.
കോടികളുടെ അഴിമതി; അനർട്ട് സിഇഒയെ സ്ഥാനത്തുനിന്ന് നീക്കി
കോടികളുടെ അഴിമതി ആരോപണത്തെ തുടർന്ന് അനർട്ടിൻ്റെ സിഇഒ നരേന്ദ്ര നാഥ വേലൂരിയെ സർക്കാർ തലസ്ഥാനത്തുനിന്ന് മാറ്റി. കേന്ദ്രസർക്കാർ പദ്ധതിയായ പി.എം. കുസും സൗരോർജ്ജ പമ്പ് പദ്ധതിയിൽ ഏകദേശം 100 കോടിയോളം രൂപയുടെ ക്രമക്കേടുകൾ നടത്തിയെന്ന് രമേശ് ചെന്നിത്തല ആരോപിച്ചിരുന്നു. അഴിമതിക്കെതിരെ ശക്തമായ നിലപാട് സ്വീകരിക്കുമെന്നും ധർമ്മ സമരം തുടരുമെന്നും രമേശ് ചെന്നിത്തല അറിയിച്ചു.
രാഹുൽ മാങ്കൂട്ടത്തിലിനെ ഒരു നിമിഷം പോലും എംഎൽഎ സ്ഥാനത്ത് തുടരാൻ അനുവദിക്കരുത്: രമേശ് ചെന്നിത്തല
രാഹുൽ മാങ്കൂട്ടത്തിൽ വിവാദത്തിൽ നിലപാട് കടുപ്പിച്ച് രമേശ് ചെന്നിത്തല. രാഹുൽ മാങ്കൂട്ടത്തിലിനെ ഒരു നിമിഷം പോലും എംഎൽഎ സ്ഥാനത്ത് തുടരാൻ അനുവദിക്കരുതെന്നും എത്രയും വേഗം രാജിവെപ്പിക്കണമെന്നും അദ്ദേഹം ആവശ്യപ്പെട്ടു. കെപിസിസി അധ്യക്ഷനെയും എഐസിസി നേതൃത്വത്തെയും രമേശ് ചെന്നിത്തല നിലപാട് അറിയിച്ചു.
രാഹുൽ മാങ്കൂട്ടത്തിൽ വിവാദം: നടപടി വൈകരുതെന്ന് ചെന്നിത്തല; നിലപാട് കടുപ്പിച്ച് വി.ഡി സതീശനും
ലൈംഗിക സന്ദേശ വിവാദത്തിൽ രാഹുൽ മാങ്കൂട്ടത്തിനെതിരെ രമേശ് ചെന്നിത്തലയും വി.ഡി സതീശനും രംഗത്ത്. ഹൈക്കമാൻഡ് എത്രയും പെട്ടെന്ന് നടപടിയെടുക്കണമെന്ന് ഇരു നേതാക്കളും ആവശ്യപ്പെട്ടു. പാർട്ടിയുടെ പ്രതിച്ഛായക്ക് മങ്ങലേൽക്കുന്ന തരത്തിലുള്ള കാലതാമസം ഒഴിവാക്കണമെന്നും ഇരുവരും ആവശ്യപ്പെട്ടു.
രാഷ്ട്രീയ എതിരാളികളെ വേട്ടയാടാനുള്ള നീക്കമെന്ന് രമേശ് ചെന്നിത്തല
അറസ്റ്റിലാകുന്ന മന്ത്രിമാര് ഉള്പ്പെടെയുള്ളവര്ക്ക് 30 ദിവസത്തിനുള്ളില് സ്ഥാനം നഷ്ടമാകുമെന്ന 130-ാം ഭരണഘടനാ ഭേദഗതി രാഷ്ട്രീയ എതിരാളികളെ വേട്ടയാടാന് വേണ്ടിയുള്ളതാണെന്ന് രമേശ് ചെന്നിത്തല. കേന്ദ്ര ഏജന്സികളെ ഉപയോഗിച്ച് രാഷ്ട്രീയ എതിരാളികളെ ലക്ഷ്യമിടുന്നുവെന്നും അദ്ദേഹം കുറ്റപ്പെടുത്തി. ഇതിലൂടെ സര്ക്കാരിന്റെ ഉദ്ദേശം രാഷ്ട്രീയ എതിരാളികളെ കള്ളക്കേസുകളില് കുടുക്കി ജയിലിലടയ്ക്കുകയാണെന്നും ചെന്നിത്തല ആരോപിച്ചു.
പി.എം കുസും പദ്ധതിയിൽ വിജിലൻസ് അന്വേഷണം വേണമെന്ന് രമേശ് ചെന്നിത്തല
കേരളത്തിലെ കർഷകർക്ക് സൗജന്യ സൗരോർജ്ജ പമ്പുകൾ നൽകുന്ന കേന്ദ്ര പദ്ധതിയായ പി.എം കുസുമിൽ വിജിലൻസ് അന്വേഷണം ആവശ്യപ്പെട്ട് കോൺഗ്രസ് നേതാവ് രമേശ് ചെന്നിത്തലയുടെ പരാതി. അനർട്ട് നടത്തിയ 100 കോടിയോളം രൂപയുടെ അഴിമതി അന്വേഷിക്കണമെന്ന് ആവശ്യപ്പെട്ട് ചെന്നിത്തല വിജിലൻസ് ഡയറക്ടർക്കാണ് പരാതി നൽകിയത്. പദ്ധതിയുടെ തുടക്കം മുതലുള്ള ക്രമക്കേടുകളുടെ ടെൻഡർ നടപടികളും അന്വേഷണ വിധേയമാക്കണം എന്നാണ് ആവശ്യം.