Rajeev Chandrasekhar
തദ്ദേശ തിരഞ്ഞെടുപ്പ് അട്ടിമറിച്ചു; തെരഞ്ഞെടുപ്പ് കമ്മീഷനെതിരെ രൂക്ഷ വിമർശനവുമായി ബിജെപി
തദ്ദേശ സ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പ് തയ്യാറെടുപ്പുകൾ പൂർണ്ണമായി അട്ടിമറിക്കപ്പെട്ടെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ ആരോപിച്ചു. തിരുവനന്തപുരം ഉൾപ്പെടെ പല നഗരസഭകളിലും, ഭൂരിഭാഗം പഞ്ചായത്തുകളിലും വാർഡ് വിഭജനത്തിലും വോട്ടർ പട്ടികയിലും ഗുരുതരമായ ക്രമക്കേടുകൾ കണ്ടെത്തിയിട്ടുണ്ട്. തെരഞ്ഞെടുപ്പ് കമ്മീഷൻ ഈ പരാതികളിൽ കാര്യമായ പരിഗണന നൽകുന്നില്ലെന്നും അദ്ദേഹം കുറ്റപ്പെടുത്തി.
പിണറായി വിജയന് ജനം ടി.സി നൽകും; ആഭ്യന്തര വകുപ്പ് പൂർണ്ണ പരാജയം: രാജീവ് ചന്ദ്രശേഖർ
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ, ഗോവിന്ദചാമിയുടെ ജയിൽ ചാട്ടത്തിൽ മുഖ്യമന്ത്രി പിണറായി വിജയനെയും ആഭ്യന്തര വകുപ്പിനെയും വിമർശിച്ചു. സംസ്ഥാന സർക്കാരിന് സ്വന്തം നാട്ടിലെ പ്രശ്നങ്ങളിൽ താൽപ്പര്യമില്ലെന്നും ആഭ്യന്തര വകുപ്പ് പൂർണ്ണ പരാജയമാണെന്നും അദ്ദേഹം കുറ്റപ്പെടുത്തി. ഒമ്പത് വർഷം കൊണ്ട് പൊലീസിനെ വലിയ തോതിൽ രാഷ്ട്രീയവൽക്കരിച്ചെന്നും അദ്ദേഹം കൂട്ടിച്ചേർത്തു.
മിഥുന്റെ വീട് സന്ദർശിച്ച് രാജീവ് ചന്ദ്രശേഖർ; സ്കൂളുകൾക്കെതിരെ വിമർശനം
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ നാളെ മിഥുന്റെ വീട് സന്ദർശിക്കും. എയ്ഡഡ് സ്കൂളുകൾ മാനദണ്ഡങ്ങൾ പാലിക്കാതെ പ്രവർത്തിക്കുന്നത് വിദ്യാഭ്യാസ മേഖലയുടെ തകർച്ചയാണെന്ന് അദ്ദേഹം കുറ്റപ്പെടുത്തി. സ്കൂളിന് ഫിറ്റ്നസ് നൽകിയ അധികൃതർക്കെതിരെയും മാനേജ്മെന്റിനെതിരെയും കൊലക്കുറ്റത്തിന് കേസെടുക്കണമെന്ന് രാജീവ് ചന്ദ്രശേഖർ ആവശ്യപ്പെട്ടു.
രാജീവ് ചന്ദ്രശേഖറിനെതിരെ വിമർശനവുമായി സേവ് ബിജെപി ഫോറം
ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരെ സേവ് ബിജെപി ഫോറം രംഗത്ത്. അദ്ദേഹത്തിന്റെ പ്രതികരണങ്ങളില്ലായ്മയാണ് പ്രധാന വിമർശന വിഷയം. ഗവർണർക്കെതിരെ എസ്എഫ്ഐ നടത്തിയ പ്രതിഷേധങ്ങളിലും, പാദപൂജ വിഷയത്തിലും രാജീവ് ചന്ദ്രശേഖർ പ്രതികരിക്കുന്നില്ലെന്നും അവർ ആരോപിക്കുന്നു.
പുതിയ ടീം വികസിത കേരളത്തിന് ശക്തി പകരും: എസ്. സുരേഷ്
രാജീവ് ചന്ദ്രശേഖർ പ്രഖ്യാപിച്ച പുതിയ ടീം വികസിത കേരളത്തിലേക്കുള്ള ശക്തിയാണെന്ന് ബിജെപി സംസ്ഥാന ജനറൽ സെക്രട്ടറി എസ്. സുരേഷ് പറഞ്ഞു. കെ. സുരേന്ദ്രന്റെ ടീമിലെ 60 ശതമാനത്തോളം അംഗങ്ങളെ പുതിയ ടീമിൽ ഉൾപ്പെടുത്തിയിട്ടുണ്ട്. തദ്ദേശ തെരഞ്ഞെടുപ്പ് കഴിയുന്നതോടെ കേരള രാഷ്ട്രീയം ബിജെപി കേന്ദ്രീകൃതമായി മാറുമെന്നും അദ്ദേഹം കൂട്ടിച്ചേർത്തു.
കേരള ബിജെപിയിൽ രാജീവ് ചന്ദ്രശേഖറിന് മേൽക്കൈ; പുതിയ ഭാരവാഹി പട്ടികയിൽ വി. മുരളീധര പക്ഷത്തിന് സ്ഥാനമില്ല
രാജീവ് ചന്ദ്രശേഖർ കേരള ബിജെപിയുടെ പുതിയ ഭാരവാഹി പട്ടിക പുറത്തിറക്കി. വി. മുരളീധര പക്ഷത്തെ ഒഴിവാക്കി കൃഷ്ണദാസ് പക്ഷത്തിന് പ്രാധാന്യം നൽകി. കെ. സുരേന്ദ്രൻ ശൈലിയിൽ നിന്ന് പാർട്ടി മാറുമെന്നും സൂചന.
സംസ്ഥാന സർക്കാരിൻ്റെ പണിമുടക്ക് ജനദ്രോഹമെന്ന് രാജീവ് ചന്ദ്രശേഖർ
സംസ്ഥാന സർക്കാർ സ്പോൺസർ ചെയ്ത് നടത്തിയ പണിമുടക്ക് കേരള ജനതയെ ദ്രോഹിക്കുന്നതായി മാറിയെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. ദേശീയപണിമുടക്കിന്റെ പേരിൽ നടന്ന അക്രമങ്ങൾ സംസ്ഥാനത്തെ ആരോഗ്യ മേഖലയിലെ പ്രശ്നങ്ങളിൽ നിന്നും ജനശ്രദ്ധ തിരിച്ചു വിടാനാണെന്നും അദ്ദേഹം ആരോപിച്ചു. സംസ്ഥാന വികസനത്തിന് ആപത്തുണ്ടാക്കുന്ന ഇത്തരം സമര രീതികൾക്ക് അന്ത്യം കണ്ടേ മതിയാവൂ എന്നും രാജീവ് ചന്ദ്രശേഖർ പ്രസ്താവിച്ചു.
രാജീവ് ചന്ദ്രശേഖറിന് മറുപടിയുമായി വി.ഡി. സതീശൻ; ബിജെപി വോട്ട് പരിശോധിക്കണം
രാജീവ് ചന്ദ്രശേഖറിൻ്റെ വിമർശനങ്ങൾക്ക് മറുപടിയുമായി വി.ഡി. സതീശൻ രംഗത്ത്. ബിജെപി ദുർബല സ്ഥാനാർത്ഥിയെ നിർത്തിയത് സിപിഐഎമ്മിനെ സഹായിക്കാനാണെന്ന് സതീശൻ ആരോപിച്ചു. ആരോഗ്യ കേരളം വെന്റിലേറ്ററിലാണെന്നും, മെഡിക്കൽ കോളേജുകളിലെ അവസ്ഥ ദയനീയമാണെന്നും അദ്ദേഹം കൂട്ടിച്ചേർത്തു.
ജമാഅത്തെ ഇസ്ലാമി മതേതരത്വത്തിന് എതിര്, കോണ്ഗ്രസ് അപകടകരം; വിമര്ശനവുമായി രാജീവ് ചന്ദ്രശേഖര്
ജമാഅത്തെ ഇസ്ലാമി മതേതരത്വത്തിന് വിരുദ്ധമായ നിലപാട് പുലർത്തുന്ന സംഘടനയാണെന്ന് ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. വയനാട് തെരഞ്ഞെടുപ്പിൽ കോൺഗ്രസ് ജമാ അത്തെ ഇസ്ലാമിയുടെ വോട്ടുകൾ വാങ്ങി. കോൺഗ്രസിന്റെ റിമോട്ട് കൺട്രോൾ ജമാഅത്തെ ഇസ്ലാമിയുടെ കൈയ്യിലാണെന്നും രാജീവ് ചന്ദ്രശേഖര് ആരോപിച്ചു.
സംസ്ഥാന ബിജെപിയിലെ ഭിന്നതയിൽ ഇടപെട്ട് ദേശീയ നേതൃത്വം
സംസ്ഥാന ബിജെപിയിലെ പ്രശ്നങ്ങളിൽ ദേശീയ നേതൃത്വം ഇടപെടുന്നു. വിഭാഗീയത അനുവദിക്കില്ലെന്ന് ബിജെപി ദേശീയ ജനറൽ സെക്രട്ടറി അറിയിച്ചു. കോർ കമ്മിറ്റിയിൽ രാജീവ് ചന്ദ്രശേഖർ തന്റെ ഭാഗത്തുനിന്നുണ്ടായ വീഴ്ച സമ്മതിച്ചു.
ബിജെപി കോർ കമ്മിറ്റിയിൽ ഭിന്നത; രാജീവ് ചന്ദ്രശേഖറിനെതിരെ വിമർശനവുമായി ജനറൽ സെക്രട്ടറിമാർ
സംസ്ഥാന ബിജെപി കോർ കമ്മിറ്റിയിൽ മുൻ അധ്യക്ഷന്മാരെ ഒഴിവാക്കിയതിനെ ചൊല്ലി തർക്കം. സംസ്ഥാന അധ്യക്ഷൻ രാജീവ് ചന്ദ്രശേഖറിനെതിരെ വിമർശനവുമായി ജനറൽ സെക്രട്ടറിമാർ രംഗത്ത്. പാർട്ടിയിൽ മുതലാളിത്ത വ്യവസ്ഥ അംഗീകരിക്കാനാകില്ലെന്ന് സി കൃഷ്ണകുമാറും പി സുധീറും വിമർശിച്ചു.
ഇടത്-വലത് മുന്നണികൾക്ക് ജനങ്ങളെക്കുറിച്ച് പറയാനില്ല; രൂക്ഷ വിമർശനവുമായി രാജീവ് ചന്ദ്രശേഖർ
നിലമ്പൂരിൽ വോട്ടെടുപ്പ് നടക്കാനിരിക്കെ കോൺഗ്രസിനും ഇടത് പക്ഷത്തിനും എതിരെ വിമർശനവുമായി ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖർ. ഇരു പാർട്ടികൾക്കും ജനങ്ങളുടെ പ്രശ്നങ്ങളെക്കുറിച്ചോ വികസന വിഷയങ്ങളെക്കുറിച്ചോ ഒന്നും പറയാനില്ലെന്ന് അദ്ദേഹം കുറ്റപ്പെടുത്തി. നുണകളുടെ രാഷ്ട്രീയം തകർക്കാനുള്ള അവസരമായി നിലമ്പൂരിലെ ജനങ്ങൾ ഈ തിരഞ്ഞെടുപ്പിനെ കാണണമെന്നും രാജീവ് ചന്ദ്രശേഖർ പറഞ്ഞു.