Rahul Mamkootathil
യുവനേതാവിനെതിരെ ആരോപണം: പ്രതികരണവുമായി ഇ.എൻ. സുരേഷ് ബാബു
യുവ രാഷ്ട്രീയ നേതാവിനെതിരായുള്ള നടിയുടെ വെളിപ്പെടുത്തലിൽ പ്രതികരണവുമായി സി.പി.ഐ.എം ജില്ലാ സെക്രട്ടറി ഇ.എൻ. സുരേഷ് ബാബു. ഇങ്ങനെയുള്ളവരെ ചർച്ചക്ക് വിളിക്കുമ്പോൾ വനിത ആങ്കർമാരെ ഇരുത്തരുതെന്നും ഇയാൾ വളർന്നത് റീൽസിലൂടെയാണെന്നും സുരേഷ് ബാബു പറഞ്ഞു. രാഹുൽ മാങ്കൂട്ടത്തിലിന്റെ പേര് പറയാതെയായിരുന്നു അദ്ദേഹത്തിന്റെ പ്രതികരണം.
രാഹുൽ മാങ്കൂട്ടത്തിൽ യൂത്ത് കോൺഗ്രസ് അധ്യക്ഷസ്ഥാനം രാജി വെച്ചേക്കും
അശ്ലീല സന്ദേശ വിവാദത്തെ തുടർന്ന് യൂത്ത് കോൺഗ്രസ് അധ്യക്ഷൻ രാഹുൽ മാങ്കൂട്ടത്തിൽ രാജി വെച്ചേക്കും. രാജി വെക്കാൻ രാഹുലിനോട് ഹൈക്കമാൻഡ് നിർദ്ദേശം നൽകി. ആരോപണങ്ങളിൽ കോൺഗ്രസ് നേതൃത്വം വെട്ടിലായതിന് പിന്നാലെയാണ് യൂത്ത് കോൺഗ്രസ് അധ്യക്ഷ സ്ഥാനം രാജിവയ്ക്കാൻ നിർദേശം നൽകിയത്.
രാഹുൽ മാങ്കൂട്ടത്തിലിനെതിരെ ഗുരുതര ആരോപണങ്ങളുമായി പ്രവാസി എഴുത്തുകാരി ഹണി ഭാസ്കർ
യൂത്ത് കോൺഗ്രസ് സംസ്ഥാന അധ്യക്ഷൻ രാഹുൽ മാങ്കൂട്ടത്തിലിനെതിരെ പ്രവാസി എഴുത്തുകാരി ഹണി ഭാസ്കർ ആരോപണങ്ങൾ ഉന്നയിച്ചു. രാഹുലിനെതിരെ പല സ്ത്രീകളും ഷാഫി പറമ്പിലിന് പരാതി നൽകിയിട്ടും അദ്ദേഹം അവഗണിച്ചുവെന്ന് ഹണി ആരോപിച്ചു. തെളിവുകളുണ്ടെന്നും, മാനനഷ്ടക്കേസ് നൽകിയാൽ നേരിടാൻ തയ്യാറാണെന്നും ഹണി വ്യക്തമാക്കി.
രാഹുൽ മാങ്കൂട്ടത്തിലിനെതിരെ ബിജെപി പ്രതിഷേധം; പാലക്കാട് എംഎൽഎ ഓഫീസിലേക്ക് മാർച്ച്
യുവനടിയുടെ വെളിപ്പെടുത്തലിനെ തുടർന്ന് രാഹുൽ മാങ്കൂട്ടത്തിലിനെതിരെ ബിജെപി പ്രതിഷേധം. പാലക്കാട് എംഎൽഎ ഓഫീസിലേക്ക് നടത്തിയ മാർച്ച് പോലീസ് തടഞ്ഞു. പ്രതിഷേധക്കാരെ പോലീസ് അറസ്റ്റ് ചെയ്തു നീക്കി.
മെഡിക്കൽ കോളേജുകളിലെ ദുരവസ്ഥ: ഹൈക്കോടതിയിൽ പൊതുതാൽപര്യ ഹർജി; മന്ത്രിമാർക്കെതിരെ കൊലക്കുറ്റത്തിന് കേസെടുക്കണമെന്ന് രാഹുൽ മാങ്കൂട്ടത്തിൽ
സംസ്ഥാനത്തെ മെഡിക്കൽ കോളേജുകളിലെ ദുരവസ്ഥയിൽ ഹൈക്കോടതിയിൽ പൊതുതാൽപര്യ ഹർജി. അടിസ്ഥാന സൗകര്യങ്ങളും ഉപകരണങ്ങളും ഉറപ്പുവരുത്തണമെന്നും ഹർജിയിൽ പറയുന്നു. ആരോഗ്യമന്ത്രിക്കെതിരെ രാഹുൽ മാങ്കൂട്ടത്തിൽ എംഎൽഎ രംഗത്ത്.
രാഹുൽ മാങ്കൂട്ടത്തിലിന്റെ സന്ദർശനം തെറ്റ്; വിമർശനവുമായി പി.ജെ. കുര്യൻ
പി.വി. അൻവറിനെ രാഹുൽ മാങ്കൂട്ടത്തിൽ സന്ദർശിച്ചത് തെറ്റായെന്ന് മുതിർന്ന കോൺഗ്രസ് നേതാവ് പി.ജെ. കുര്യൻ. യുഡിഎഫ് നേതൃത്വം ചർച്ചയില്ലെന്ന് പറഞ്ഞതിന് ശേഷം രാഹുൽ പോയത് ശരിയായില്ല. രാഹുലിന്റേത് പക്വതയില്ലാത്ത പെരുമാറ്റമാണെന്നും പി.ജെ. കുര്യൻ വിമർശിച്ചു.
രാഹുൽ മാങ്കൂട്ടത്തിൽ വീട്ടിലെത്തി; കൂടിക്കാഴ്ച സൗഹൃദപരമെന്ന് പി.വി. അൻവർ
രാഹുൽ മാങ്കൂട്ടത്തിൽ വീട്ടിലെത്തി സൗഹൃദപരമായ കൂടിക്കാഴ്ച നടത്തിയെന്ന് പി.വി. അൻവർ പറഞ്ഞു. യുഡിഎഫ് നേതാക്കൾക്ക് സ്വന്തം വളർച്ചയിലാണ് താൽപ്പര്യമെന്നും, അവരുടെ ലക്ഷ്യം യുഡിഎഫിനെ വിജയിപ്പിക്കലല്ലെന്നും അൻവർ ആരോപിച്ചു. സർക്കാർ വിരുദ്ധ നിലപാടിൽ നിന്നും താൻ പിന്നോട്ട് പോയിട്ടില്ലെന്നും അദ്ദേഹം കൂട്ടിച്ചേർത്തു.
പി.വി. അൻവറുമായുള്ള കൂടിക്കാഴ്ചയിൽ രാഹുലിനെ തള്ളി വി.ഡി. സതീശൻ
പി.വി. അൻവറുമായുള്ള രാഹുൽ മാങ്കൂട്ടത്തിലിന്റെ കൂടിക്കാഴ്ചയെ പ്രതിപക്ഷ നേതാവ് വി.ഡി. സതീശൻ തള്ളി. ഈ കൂടിക്കാഴ്ച യു.ഡി.എഫും കോൺഗ്രസും അറിഞ്ഞിട്ടില്ലെന്നും അദ്ദേഹം പറഞ്ഞു. രാഹുൽ മാങ്കൂട്ടത്തിൽ നടത്തിയ കൂടിക്കാഴ്ച തെറ്റായിപ്പോയെന്നും സതീശൻ വ്യക്തമാക്കി.
അന്വറുമായുള്ള കൂടിക്കാഴ്ചയിൽ വിശദീകരണവുമായി രാഹുൽ മാങ്കൂട്ടത്തിൽ
പിണറായിസത്തിനെതിരായ പോരാട്ടത്തിൽ ലക്ഷ്യം തെറ്റരുതെന്ന് പറയാനാണ് അൻവറിനെ കണ്ടതെന്ന് രാഹുൽ മാങ്കൂട്ടത്തിൽ. കൂടിക്കാഴ്ച യുഡിഎഫ് നേതാക്കളുടെ അനുമതിയോടെ ആയിരുന്നില്ല. നിലമ്പൂർ ഉപതെരഞ്ഞെടുപ്പിൽ തൃണമൂൽ കോൺഗ്രസ് സ്ഥാനാർത്ഥിയായി അൻവർ മത്സരിക്കും.
സണ്ണി ജോസഫിന്റെ നിയമനം ആവേശം നൽകുന്നു; രാഹുൽ മാങ്കൂട്ടത്തിൽ
കെപിസിസി അധ്യക്ഷനായി സണ്ണി ജോസഫ് എംഎൽഎയെ തിരഞ്ഞെടുത്തതിൽ രാഹുൽ മാങ്കൂട്ടത്തിൽ സന്തോഷം പ്രകടിപ്പിച്ചു. ഹൈക്കമാൻഡിന്റെ തീരുമാനത്തെ അദ്ദേഹം അഭിനന്ദിച്ചു. ഇത് യുഡിഎഫ് ഗവൺമെൻ്റ് ഉണ്ടാകാനുള്ള സൂചനയാണെന്നും അദ്ദേഹം കൂട്ടിച്ചേർത്തു.
രാഹുൽ മാങ്കൂട്ടത്തിലിനെതിരെ കൊലവിളി: ബിജെപി നേതാക്കൾക്കെതിരെ കേസ്
രാഹുൽ മാങ്കൂട്ടത്തിൽ എംഎൽഎയ്ക്കെതിരായ കൊലവിളി പ്രസംഗത്തിന്റെ പേരിൽ ബിജെപി നേതാക്കൾക്കെതിരെ പോലീസ് കേസെടുത്തു. ബിജെപി ജില്ലാ അധ്യക്ഷൻ പ്രശാന്ത് ശിവൻ, ജില്ലാ ജനറൽ സെക്രട്ടറി ഓമനക്കുട്ടൻ എന്നിവർക്കെതിരെയാണ് കേസ്. വീഡിയോ തെളിവുകൾ ഉൾപ്പെടെ പരിശോധിച്ചതിന് ശേഷമാണ് പോലീസ് നടപടി സ്വീകരിച്ചത്.
രാഹുൽ മാങ്കൂട്ടത്തിലിനെതിരെ വീണ്ടും ബിജെപി ഭീഷണി
പാലക്കാട് എംഎൽഎ രാഹുൽ മാങ്കൂട്ടത്തിലിനെതിരെ വീണ്ടും ഭീഷണിയുമായി ബിജെപി രംഗത്ത്. പാലക്കാട് കാലുകുത്താൻ അനുവദിക്കില്ലെന്ന് ബിജെപി ജില്ലാ ജനറൽ സെക്രട്ടറി ഓമനക്കുട്ടൻ പറഞ്ഞു. രാഹുലിൻ്റെ തല ആകാശത്ത് കാണേണ്ടി വരുമെന്നും ഭീഷണി മുഴക്കി.