R. Bindu
വിസി നിയമനത്തിൽ നിന്ന് മുഖ്യമന്ത്രിയെ ഒഴിവാക്കാൻ ഗവർണർ സുപ്രീം കോടതിയിലേക്ക്; സർക്കാരിനെ ഒഴിവാക്കാനുള്ള നീക്കം ഖേദകരമെന്ന് മന്ത്രി ആർ.ബിന്ദു
ഡിജിറ്റൽ, സാങ്കേതിക സർവകലാശാലകളിലെ വൈസ് ചാൻസലർ നിയമനവുമായി ബന്ധപ്പെട്ട് മുഖ്യമന്ത്രിയെ ഒഴിവാക്കണമെന്നാവശ്യപ്പെട്ട് ഗവർണർ സുപ്രീം കോടതിയിൽ. നിയമന പ്രക്രിയയിൽ നിന്ന് മുഖ്യമന്ത്രിയെ ഒഴിവാക്കണമെന്നാണ് ഗവർണറുടെ പ്രധാന ആവശ്യം. സർക്കാരിനെ പൂർണ്ണമായി ഒഴിവാക്കാനുള്ള ഗവർണറുടെ ഈ നീക്കം ഖേദകരമാണെന്ന് മന്ത്രി ആർ. ബിന്ദു പ്രതികരിച്ചു.
കേരള സർവകലാശാല: പ്രശ്നപരിഹാരത്തിന് സർക്കാർ ഇടപെടൽ; ഗവർണറെ കാണും
കേരള സർവകലാശാലയിലെ പ്രശ്നപരിഹാരത്തിന് സർക്കാർ ഇടപെടൽ ശക്തമാക്കി. സർട്ടിഫിക്കറ്റുകളിൽ ഒപ്പിട്ടെന്ന് വൈസ് ചാൻസലർ അറിയിച്ചതായി മന്ത്രി ആർ. ബിന്ദു വ്യക്തമാക്കി. ആവശ്യമെങ്കിൽ ഗവർണറെ കണ്ടും പ്രശ്നപരിഹാരം കാണാൻ ശ്രമിക്കുമെന്നും മന്ത്രി അറിയിച്ചു.
സർവകലാശാലകളിൽ ജനാധിപത്യപരമായ രീതികൾ സ്വീകരിക്കാൻ ചാൻസലർ തയ്യാറാകണം: മന്ത്രി ആർ. ബിന്ദു
ഹൈക്കോടതി വിധിയുടെ പശ്ചാത്തലത്തിൽ സർവകലാശാലകളിൽ ജനാധിപത്യപരമായ രീതിയിൽ നടപടികൾ സ്വീകരിക്കാൻ ചാൻസലർ തയ്യാറാകണമെന്ന് മന്ത്രി ആർ. ബിന്ദു ആവശ്യപ്പെട്ടു. സാങ്കേതിക സർവകലാശാല വി.സി നിയമനത്തിൽ നേരത്തെ നൽകിയ പാനൽ സർക്കാർ പുതുക്കും. കേരള സർവകലാശാലയിൽ മോഹനൻ കുന്നുമ്മൽ കാര്യമായി വരാറില്ലെന്നും അദ്ദേഹത്തിന് താൽക്കാലിക ചുമതല മാത്രമാണുള്ളതെന്നും മന്ത്രി കൂട്ടിച്ചേർത്തു.
ഗവർണർ വിഭാഗീയതക്ക് ശ്രമിക്കുന്നു; മന്ത്രി ആർ.ബിന്ദുവിന്റെ പ്രതികരണം
ഉന്നതവിദ്യാഭ്യാസ മന്ത്രി ആർ. ബിന്ദു ഗവർണർക്കെതിരെ രംഗത്ത്. ഗവർണർ വിഭാഗീയത സൃഷ്ടിക്കാൻ ശ്രമിക്കുന്നുവെന്ന് മന്ത്രി ആരോപിച്ചു. സെനറ്റ് ഹാളിൽ സംഘർഷമുണ്ടായതിനെ തുടർന്ന് പൊലീസ് കേസെടുത്തു.