PV Anvar
നിലമ്പൂരിൽ പി.വി അൻവർ നാമനിർദ്ദേശ പത്രിക സമർപ്പിച്ചു
നിലമ്പൂർ ഉപതെരഞ്ഞെടുപ്പിൽ തൃണമൂൽ കോൺഗ്രസ് നേതാവ് പി.വി. അൻവർ നാമനിർദേശ പത്രിക സമർപ്പിച്ചു. സാധാരണക്കാരന്റെ പ്രതിനിധിയായി തെരഞ്ഞെടുപ്പിൽ മത്സരിക്കുന്നു എന്ന് പ്രഖ്യാപിച്ചാണ് അൻവർ എത്തിയത്. എൽഡിഎഫ് സ്ഥാനാർത്ഥി എം.സ്വരാജ്, യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് എന്നിവരും പത്രികകൾ സമർപ്പിച്ചു.
പിണറായി വിജയന് കനവും മനസ്സില് കള്ളവുമുണ്ടെന്ന് പി.വി അൻവര്
മുഖ്യമന്ത്രി പിണറായി വിജയനെതിരെ പി.വി. അൻവർ രംഗത്ത്. മുഖ്യമന്ത്രിയുടെ മടിയിൽ കനവും മനസ്സിൽ കള്ളവുമുണ്ടെന്നും അത് മറച്ചുപിടിക്കാനുള്ള ശ്രമമാണ് നടക്കുന്നതെന്നും അൻവർ ഫേസ്ബുക്കിൽ കുറിച്ചു. നിലമ്പൂരിൽ ഇപ്പോൾ ഉപതിരഞ്ഞെടുപ്പ് വേണ്ടി വന്നത് ഏറ്റവും വലിയ വഞ്ചന കാണിച്ചത് കൊണ്ടാണെന്ന മുഖ്യമന്ത്രിയുടെ പ്രസ്താവനയോടുള്ള പ്രതികരണമായാണ് അൻവറിൻ്റെ ഈ വിമർശനം. പി.വി. അൻവർ തൃണമൂൽ കോൺഗ്രസ് സ്ഥാനാർത്ഥിയായി നാളെ നാമനിർദ്ദേശ പത്രിക സമർപ്പിക്കും.
കോൺഗ്രസ് ധിക്കാരം കാണിച്ചു; പി.വി അൻവറിനെ പിന്തുണച്ചത് ശരിയായില്ല; ലീഗ് നേതൃയോഗത്തിൽ വിമർശനം
മുസ്ലിംലീഗ് നേതൃയോഗത്തിൽ കോൺഗ്രസ് നേതാക്കൾക്കെതിരെ രൂക്ഷ വിമർശനങ്ങൾ ഉയർന്നു. പി.വി. അൻവറുമായി ബന്ധപ്പെട്ട വിഷയങ്ങളിൽ കോൺഗ്രസ് നേതൃത്വം സഹകരിക്കാൻ തയ്യാറായില്ലെന്നും യോഗത്തിൽ അഭിപ്രായമുണ്ടായി. കൂടാതെ, രാഹുൽ മാങ്കൂട്ടത്തിലിനെതിരെയും വിമർശനങ്ങളുണ്ടായി. അൻവർ മത്സരിച്ചാലും നിലമ്പൂരിൽ വിജയസാധ്യതയുണ്ടെന്നാണ് ലീഗ് യോഗത്തിലെ വിലയിരുത്തൽ.
പി വി അൻവറിൻ്റെ സ്ഥാനാർത്ഥിത്വം എൽഡിഎഫിനെ ബാധിക്കില്ലെന്ന് എം സ്വരാജ്
പി.വി. അൻവറിൻ്റെ സ്ഥാനാർത്ഥിത്വത്തിൽ പ്രതികരണവുമായി എം സ്വരാജ്. ആർക്കും തിരഞ്ഞെടുപ്പിൽ മത്സരിക്കാമെന്നും അദ്ദേഹം അഭിപ്രായപ്പെട്ടു. യുഡിഎഫ് കക്ഷിയുടെ സംസ്ഥാന നേതാവ് ബിജെപി സ്ഥാനാർത്ഥിയായി മത്സരിക്കുന്നത് വിചിത്രമായ കാര്യമാണെന്നും സ്വരാജ് കൂട്ടിച്ചേർത്തു.
നിലമ്പൂർ ഉപതിരഞ്ഞെടുപ്പിൽ മത്സരിക്കാൻ ആളുകൾ പണം കൊണ്ടുവരുന്നുണ്ടെന്ന് പി.വി. അൻവർ
നിലമ്പൂർ ഉപതിരഞ്ഞെടുപ്പിൽ മത്സരിക്കുന്ന കാര്യത്തിൽ സൂചന നൽകി പി.വി. അൻവർ. മത്സരിക്കാൻ ആളുകൾ പണം കൊണ്ടുവരുന്നുണ്ടെന്നും തന്നോട് മത്സരിക്കാൻ ആവശ്യപ്പെടുന്നുവെന്നും അൻവർ പറഞ്ഞു. യുഡിഎഫിലേക്കുള്ള വാതിൽ പൂർണ്ണമായി അടഞ്ഞു എന്ന് പറയാൻ സാധിക്കില്ലെന്നും അദ്ദേഹം കൂട്ടിച്ചേർത്തു.
അൻവർ കെട്ടുപോയ ചൂട്ടുകെട്ട്; കോൺഗ്രസ് തകർച്ചയിലേക്ക്; ബിനോയ് വിശ്വം വിമർശനം കടുത്തു
പി.വി. അൻവർ കെട്ടുപോയ ചൂട്ടാണെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം. കോൺഗ്രസിൻ്റെ ഇപ്പോഴത്തെ സ്ഥിതി പരിതാപകരമാണെന്നും അദ്ദേഹം കുറ്റപ്പെടുത്തി. നിലമ്പൂരിൽ പാർട്ടി ചിഹ്നത്തിൽ മത്സരിക്കുന്നത് എൽഡിഎഫിന് വലിയ ആവേശം നൽകുമെന്നും ബിനോയ് വിശ്വം കൂട്ടിച്ചേർത്തു.
നിലമ്പൂരിൽ ഇന്ന് നിർണായകം: സ്വരാജിന്റെയും ഷൗക്കത്തിൻ്റെയും പത്രിക സമർപ്പണം, അൻവറിൻ്റെ രാഷ്ട്രീയ തീരുമാനം
നിലമ്പൂരിൽ എൽഡിഎഫ് സ്ഥാനാർത്ഥി എം.സ്വരാജ്, യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് എന്നിവർ ഇന്ന് നാമനിർദ്ദേശ പത്രിക സമർപ്പിക്കും. പി.വി. അൻവറിൻ്റെ യുഡിഎഫ് പ്രവേശനവുമായി ബന്ധപ്പെട്ടുള്ള പ്രഖ്യാപനവും ഇന്ന് ഉണ്ടാകും. ഇരു സ്ഥാനാർത്ഥികളുടെയും പത്രിക സമർപ്പണവും അൻവറിൻ്റെ രാഷ്ട്രീയ തീരുമാനവും ഒക്കെയായി തിരഞ്ഞെടുപ്പ് രംഗം കൂടുതൽ ശ്രദ്ധേയമാവുകയാണ്.
പി.വി അൻവറിൻ്റെ യുഡിഎഫ് പ്രവേശനം; ഇന്ന് അറിയാം
പി.വി. അൻവറിൻ്റെ യു.ഡി.എഫ് പ്രവേശനവുമായി ബന്ധപ്പെട്ട അന്തിമ തീരുമാനം ഇന്ന് അറിയാനാകും. ആര്യാടൻ ഷൗക്കത്തിന് പിന്തുണ പ്രഖ്യാപിച്ചാൽ അസോസിയേറ്റ് ഘടക കക്ഷിയാക്കാം എന്ന നിലപാടിലാണ് യുഡിഎഫ്. അതേസമയം, പൂർണ്ണമായും ഘടകകക്ഷി ആക്കണമെന്ന നിലപാടിലാണ് പി വി അൻവർ.
ആര്യാടനെതിരായ അൻവറിൻ്റെ പരാമർശം ശരിയല്ല;അദ്ദേഹത്തെ ബോധ്യപ്പെടുത്തി:അടൂർ പ്രകാശ്
യുഡിഎഫ് സ്ഥാനാർത്ഥി ആര്യാടൻ ഷൗക്കത്തിനെതിരെ പി.വി. അൻവർ നടത്തിയ പരാമർശങ്ങൾ ശരിയല്ലെന്ന് യുഡിഎഫ് കൺവീനർ അടൂർ പ്രകാശ്. പ്രസ്താവന പിൻവലിച്ചാൽ അസോസിയേറ്റ് മെമ്പറാക്കാമെന്നും അദ്ദേഹം പറഞ്ഞു. അൻവർ നാളെ രാവിലെ 9ന് മാധ്യമങ്ങളെ കാണും.
യുഡിഎഫ് സ്ഥാനാർഥിയെ അംഗീകരിച്ചാൽ അൻവറിന് അസോസിയേറ്റ് അംഗമാകാം: യുഡിഎഫ് യോഗ തീരുമാനം
യുഡിഎഫ് സ്ഥാനാർത്ഥിയെ അംഗീകരിച്ചാൽ പി.വി. അൻവറിന് യുഡിഎഫ് അസോസിയേറ്റ് അംഗമാകാൻ സാധിക്കുമെന്ന് യോഗം തീരുമാനിച്ചു. അൻവറുമായി ബന്ധപ്പെട്ട വിഷയത്തിൽ യുഡിഎഫ് ഒറ്റക്കെട്ടായി മുന്നോട്ട് പോകാൻ തീരുമാനിച്ചു. പ്രതിപക്ഷ നേതാവിനെ ഒറ്റപ്പെടുത്തുന്ന നിലപാട് അംഗീകരിക്കാനാവില്ലെന്നും യുഡിഎഫ് യോഗം വ്യക്തമാക്കി.
പി.വി അൻവറിനെതിരായ കേസിൽ ഹൈക്കോടതി ഇടപെടൽ; ആദായ നികുതി വകുപ്പിനോട് വിശദീകരണം തേടി
പി.വി. അൻവറിനെതിരായ അനധികൃത സ്വത്ത് സമ്പാദന കേസിൽ ഹൈക്കോടതി ഇടപെട്ടു. ഇതുമായി ബന്ധപ്പെട്ട് ആദായനികുതി വകുപ്പ് പ്രിൻസിപ്പൽ കമ്മീഷണറോട് വിശദീകരണം തേടി. കോടതി അലക്ഷ്യ ഹർജിയിലാണ് ഹൈക്കോടതിയുടെ ഈ നടപടി. ഇതുവരെ നടത്തിയ അന്വേഷണങ്ങൾ വിശദീകരിക്കാൻ ചീഫ് ജസ്റ്റിസ് ഉൾപ്പെട്ട ഡിവിഷൻ ബെഞ്ച് ഉത്തരവിട്ടു.
യുഡിഎഫ് പ്രഖ്യാപനം തൽക്കാലം മാറ്റിവെച്ച് പി.വി. അൻവർ; ലീഗ് നേതാക്കളുടെ അഭ്യർഥന മാനിച്ച് തീരുമാനം
യുഡിഎഫ് മുന്നണി പ്രവേശനവുമായി ബന്ധപ്പെട്ട് തൃണമൂൽ കോൺഗ്രസ് നിർണായക തീരുമാനമെടുക്കാൻ ഒരുങ്ങുന്നതിനിടെ, യുഡിഎഫ് നേതാക്കളുടെ അഭ്യർഥന മാനിച്ച് കാത്തിരിക്കാൻ പി.വി. അൻവർ സന്നദ്ധത അറിയിച്ചു. മുസ്ലീം ലീഗ് നേതാക്കളും കോൺഗ്രസ് നേതാക്കളും ഒരു ദിവസം കൂടി കാത്തിരിക്കാൻ ആവശ്യപ്പെട്ടതിനെ തുടർന്നാണ് അൻവർ തൻ്റെ തീരുമാനം മാറ്റിയത്. തൃണമൂൽ കോൺഗ്രസിൻ്റെ മുന്നണി പ്രവേശനവുമായി ബന്ധപ്പെട്ട് അന്തിമ തീരുമാനമെടുക്കാൻ യുഡിഎഫ് നേതൃയോഗം ഇന്ന് വൈകിട്ട് 7:00 മണിക്ക് ഓൺലൈനായി ചേരും.