Protest
എസ്ഐആർ പ്രതിഷേധം; പാർലമെന്റിന്റെ ഇരുസഭകളും പ്രക്ഷുബ്ധം
തീവ്ര വോട്ടർ പട്ടിക പരിഷ്കരണം ചർച്ച ചെയ്യണമെന്നാവശ്യപ്പെട്ട് പ്രതിപക്ഷം പ്രതിഷേധം കടുപ്പിച്ചു. ലോക്സഭാ സ്പീക്കർ ഓം ബിർള പ്രതിപക്ഷത്തിന്റെ നോട്ടീസ് തള്ളിയതിനെത്തുടർന്ന് അംഗങ്ങൾ മുദ്രാവാക്യം വിളികളുമായി നടുത്തളത്തിൽ ഇറങ്ങി. പ്രതിപക്ഷം ബഹളം തുടർന്നതിനെ തുടർന്ന് ഇരുസഭകളും രണ്ടുമണിവരെ നിർത്തിവച്ചു.
തൊഴിലാളികളറിയാതെ ലേബർ കോഡ്; പ്രതിഷേധം ശക്തമാകുന്നു
തൊഴിലാളി സംഘടനകളെയോ മുന്നണിയേയോ അറിയിക്കാതെ 2021-ൽ ലേബർ കോഡ് കരട് വിജ്ഞാപനം പുറത്തിറക്കിയ സംഭവം വിവാദമാകുന്നു. ലേബർ കോഡ് നടപ്പാക്കാൻ ഉദ്ദേശമില്ലാത്തതിനാലാണ് തുടർനടപടികൾ സ്വീകരിക്കാതിരുന്നതെന്ന് മന്ത്രി വി. ശിവൻകുട്ടി അറിയിച്ചു. ഈ വിഷയത്തിൽ തൊഴിലാളി സംഘടനകളുടെ അടിയന്തര യോഗം വിളിച്ചിട്ടുണ്ട്.
ഡൽഹിയിൽ വായു മലിനീകരണത്തിനെതിരെ പ്രതിഷേധിച്ചവരുടെ രാഷ്ട്രീയ പശ്ചാത്തലം അന്വേഷിച്ച് ഡൽഹി പൊലീസ്
ഡൽഹിയിൽ വായു മലിനീകരണത്തിനെതിരെ പ്രതിഷേധിച്ചവരുടെ രാഷ്ട്രീയ പശ്ചാത്തലം ഡൽഹി പോലീസ് അന്വേഷിക്കുന്നു. പ്രതിഷേധത്തിനിടെ ചിലർ പോലീസിനെ ആക്രമിച്ചെന്നും ഇതിൽ നിയമനടപടി ആരംഭിച്ചെന്നും പോലീസ് അറിയിച്ചു. വായു മലിനീകരണം രൂക്ഷമാകുന്ന സാഹചര്യത്തിൽ മലിനീകരണ നിയന്ത്രണങ്ങൾ ഡൽഹിയിൽ പരിഷ്കരിച്ചു.
കണ്ണൂരിൽ ബിഎൽഒ ജീവനക്കാരൻ ആത്മഹത്യ ചെയ്ത സംഭവം; സംസ്ഥാനത്ത് നാളെ ബിഎൽഒമാർ ജോലി ബഹിഷ്കരിക്കും
കണ്ണൂരിലെ ബിഎൽഒയുടെ ആത്മഹത്യയിൽ പ്രതിഷേധിച്ച് സംസ്ഥാനത്ത് നാളെ ബിഎൽഒമാർ ജോലി ബഹിഷ്കരിക്കും. സർക്കാർ ജീവനക്കാരുടെയും അധ്യാപകരുടെയും സംഘടനകളുടെ സംയുക്ത സമരസമിതിയാണ് സമരത്തിന് ആഹ്വാനം ചെയ്തത്. സംസ്ഥാന വ്യാപകമായി എൻജിഒ അസോസിയേഷൻ പ്രതിഷേധ മാർച്ചുകൾ സംഘടിപ്പിക്കും.
താമരശ്ശേരി ഫ്രഷ് കട്ടിനെതിരെ സമരം കടുക്കുന്നു; അനിശ്ചിതകാല നിരാഹാര സമരം ഇന്ന്
കോഴിക്കോട് താമരശ്ശേരി കട്ടിപ്പാറയിലെ ഫ്രഷ് കട്ട് അറവുമാലിന്യ സംസ്കരണ കേന്ദ്രത്തിനെതിരെ പ്രതിഷേധം ശക്തമാവുന്നു. കട്ടിപ്പാറ പഞ്ചായത്ത് മുൻ പ്രസിഡന്റ് ബിജു കണ്ണന്തറയുടെ അനിശ്ചിതകാല നിരാഹാര സമരം ഇന്ന് ആരംഭിക്കും. ജില്ലാ ഭരണകൂടം നിരോധനാജ്ഞ പ്രഖ്യാപിച്ചത് ഫ്രഷ് കട്ടിന്റെ പ്രവർത്തനത്തെ സഹായിക്കാൻ വേണ്ടിയാണെന്ന് സമരസമിതി ആരോപിച്ചു.
കേരള സർവകലാശാല സെനറ്റ് യോഗത്തിൽ നാടകീയം; വിജയകുമാരിയെ പുറത്താക്കണമെന്ന് ഇടത് അംഗങ്ങൾ
കേരള സർവകലാശാല സെനറ്റ് യോഗത്തിൽ ജാതി അധിക്ഷേപം നടത്തിയ ഡീൻ സി.എൻ. വിജയകുമാരിയെ പുറത്താക്കണമെന്ന് ഇടത് അംഗങ്ങൾ ആവശ്യപ്പെട്ടു. ഇതിനെ പിന്തുണച്ച് ബിജെപി സിൻഡിക്കേറ്റ് അംഗം രംഗത്തെത്തിയത് വിവാദമായി. ഗവേഷക വിദ്യാർത്ഥിയുടെ പരാതിയിൽ നടപടി ആവശ്യപ്പെട്ട് എസ്എഫ്ഐ പ്രതിഷേധം ശക്തമാക്കിയിരിക്കുകയാണ്.
കട്ടിപ്പാറ ഫ്രഷ് കട്ട് പ്ലാന്റ് തുറന്നു; സമരം ശക്തമാക്കുമെന്ന് സമരസമിതി
കോഴിക്കോട് കട്ടിപ്പാറയിലെ ഫ്രഷ് കട്ട് അറവ് സംസ്കരണ പ്ലാന്റ് ജനകീയ പ്രതിഷേധത്തെ തുടർന്ന് അടച്ചിട്ടിരുന്നത് ഹൈക്കോടതി ഉത്തരവിനെ തുടർന്ന് തുറന്നു. പൊലീസ് സംരക്ഷണത്തോടെയാണ് പ്ലാന്റ് തുറന്നതെന്നും പൂർണ്ണമായി പ്രവർത്തനം ആരംഭിച്ചെന്നും മാനേജിംഗ് ഡയറക്ടർ സുജീഷ് കോലോത്ത് ട്വന്റിഫോറിനോട് പറഞ്ഞു. അതേസമയം, പ്ലാന്റിനെതിരെ സമരം ശക്തമാക്കാൻ ജനകീയ സമരസമിതി തീരുമാനിച്ചിട്ടുണ്ട്.
തൃശ്ശൂരിൽ ഡിവൈഡർ തകർത്ത് അനിൽ അക്കരയുടെ പ്രതിഷേധം
തൃശ്ശൂർ മുതുവറയിൽ ഡിവൈഡർ തകർത്ത് മുൻ എംഎൽഎ അനിൽ അക്കര. മുതുവറ ക്ഷേത്രത്തിന് മുന്നിൽ ഉണ്ടായിരുന്ന യു ടേൺ അടച്ചു കെട്ടിയതിനെ തുടർന്നാണ് പ്രതിഷേധം. ജില്ലാ കളക്ടർക്ക് പരാതി നൽകിയിട്ടും നടപടിയുണ്ടാകാത്തതിനെ തുടർന്നാണ് അനിൽ അക്കരയുടെ പ്രതിഷേധം.
കോഴിക്കോട് ഫ്രഷ് കട്ടിനെതിരെ സമരം തുടരുമെന്ന് സമരസമിതി
കോഴിക്കോട് ഫ്രഷ് കട്ടിനെതിരെ സമരം ശക്തമാക്കാൻ സമരസമിതി. നാളെ മുതൽ ഫ്രഷ് കട്ടിന് പ്രവർത്തനാനുമതി നൽകിയതിൽ പ്രതിഷേധിച്ചാണ് വീണ്ടും സമരം. ജില്ലാ കളക്ടർ മുൻപ് നൽകിയ ഉറപ്പുകൾ പാലിക്കാത്തതിൽ പ്രതിഷേധം അറിയിച്ച് സമരസമിതി ചെയർമാൻ ബാബു കുടുക്കിൽ രംഗത്തെത്തി.
ഓണറേറിയം വർധനവ് തുച്ഛം; സമരം തുടരുമെന്ന് ആശാ വർക്കർമാർ
സർക്കാർ പ്രഖ്യാപിച്ച 1000 രൂപയുടെ ഓണറേറിയം വർധനവ് തുച്ഛമാണെന്നും സമരം തുടരുമെന്നും ആശാ വർക്കർമാർ. ഓണറേറിയം 21000 രൂപയായി വർധിപ്പിക്കണമെന്നാണ് പ്രധാന ആവശ്യം. ഫെബ്രുവരി 10-ന് ആരംഭിച്ച സെക്രട്ടറിയേറ്റിന് മുന്നിലെ സമരം ഇന്ന് 264-ാം ദിവസത്തിലേക്ക് കടന്നു.
ഓണറേറിയം വർദ്ധിപ്പിച്ചതിനെതിരെ ആശാവർക്കർമാർ; സമരം തുടരുമെന്ന് അറിയിപ്പ്
സംസ്ഥാന സർക്കാർ ആശാവർക്കർമാരുടെ ഓണറേറിയം 1000 രൂപ വർദ്ധിപ്പിച്ചതിൽ പ്രതിഷേധം അറിയിച്ച് ആശാവർക്കർമാർ. തങ്ങൾ ആവശ്യപ്പെട്ടത് 21000 രൂപയാണെന്നും, വർദ്ധനവ് തുച്ഛമാണെന്നും അവർ പറഞ്ഞു. ഈ സാഹചര്യത്തിൽ സമരം തുടരുമെന്ന് ആശാവർക്കർമാർ അറിയിച്ചു.
അതിദാരിദ്ര്യ വിമുക്ത പ്രഖ്യാപനത്തിൽ പങ്കെടുക്കരുത്; താരങ്ങൾക്ക് ആശാ വർക്കർമാരുടെ തുറന്ന കത്ത്
ആശാ ഹെൽത്ത് വർക്കേഴ്സ് അസോസിയേഷൻ, മോഹൻലാൽ, മമ്മൂട്ടി, കമൽഹാസൻ എന്നിവർക്ക് തുറന്ന കത്തെഴുതി. നവംബർ ഒന്നിന് സർക്കാർ സംഘടിപ്പിക്കുന്ന അതിദാരിദ്ര്യ വിമുക്ത സംസ്ഥാനം പ്രഖ്യാപന ചടങ്ങിൽ പങ്കെടുക്കരുതെന്ന് കത്തിൽ ആവശ്യപ്പെട്ടു. തങ്ങളുടെ ആവശ്യങ്ങൾ സർക്കാർ പരിഗണിക്കുന്നില്ലെന്ന് ആരോപിച്ചാണ് കത്ത്.