Pollution Control
ഡൽഹിയിലെ വായു മലിനീകരണം; പഠനം വേഗത്തിലാക്കാൻ പ്രധാനമന്ത്രിയുടെ ഓഫീസ്
ഡൽഹിയിലെ വായു മലിനീകരണം നിയന്ത്രിക്കുന്നതിന് പ്രധാനമന്ത്രിയുടെ ഓഫീസ് ഇടപെടുന്നു. വായു മലിനീകരണത്തിന്റെ ഉറവിടവും കാരണങ്ങളും കണ്ടെത്താനുള്ള പഠനം വേഗത്തിലാക്കാൻ എയർ ക്വാളിറ്റി മാനേജ്മെൻ്റ് കമ്മീഷനും കേന്ദ്ര മലിനീകരണ നിയന്ത്രണ ബോർഡിനും പ്രധാനമന്ത്രിയുടെ ഓഫീസ് നിർദ്ദേശം നൽകി. റോഡുകളുടെ അറ്റകുറ്റപ്പണികൾ വേഗത്തിൽ പൂർത്തിയാക്കി പൊടി നിയന്ത്രിക്കാനും നിർദ്ദേശമുണ്ട്. സമയബന്ധിതമായ കർമ്മപദ്ധതി തയ്യാറാക്കാനും അധികൃതർക്ക് നിർദ്ദേശം നൽകിയിട്ടുണ്ട്.
ഡൽഹിയിൽ വായുഗുണനിലവാരം അതീവ ഗുരുതരം; ആരോഗ്യത്തിന് ഹാനികരം
ഡൽഹിയിൽ വായുവിന്റെ ഗുണനിലവാരം അതീവ ഗുരുതരമായി തുടരുന്നു. സെൻട്രൽ പൊല്യൂഷൻ കൺട്രോൾ ബോർഡിന്റെ കണക്കുകൾ പ്രകാരം വായുഗുണനിലവാര സൂചിക (എക്യുഐ) ശരാശരി 391 ആയി ഉയർന്നു. നഗരത്തിൽ ഗ്രേഡഡ് റെസ്പോൺസ് ആക്ഷൻ പ്ലാനിലെ മലിനീകരണ നിയന്ത്രണ നടപടികൾ തുടരുന്നു. ഈ നില തുടർന്നാൽ ഈ മാസം തന്നെ ഡൽഹി അതീവ ഗുരുതര വിഭാഗത്തിലേക്ക് കടന്നേക്കാമെന്ന് വിദഗ്ധർ മുന്നറിയിപ്പ് നൽകുന്നു.
കൊച്ചി കപ്പൽ ദുരന്തം: ഷിപ്പിംഗ് കമ്പനിയുമായി ചർച്ച ചെയ്യാൻ സർക്കാർ സമിതികളെ നിയോഗിച്ചു
അറബിക്കടലിൽ കപ്പൽ മുങ്ങിയ സംഭവത്തിൽ സർക്കാർ വിവിധ സമിതികളെ നിയോഗിച്ചു. ഷിപ്പിംഗ് കമ്പനിയുമായി ചർച്ചകൾ നടത്താനും അപകടത്തിന്റെ പ്രത്യാഘാതങ്ങൾ പഠിക്കാനും മലിനീകരണ നിയന്ത്രണനടപടികൾ സ്വീകരിക്കാനുമാണ് സമിതികൾ രൂപീകരിച്ചിരിക്കുന്നത്. ധനകാര്യ വകുപ്പ് അഡീഷണൽ ചീഫ് സെക്രട്ടറിയുടെ നേതൃത്വത്തിലുള്ള ഏഴംഗ സമിതി ഷിപ്പിംഗ് കമ്പനിയുമായി ചർച്ച നടത്തും.