PMA Salam
പിഎംഎ സലാമിനെതിരെ വിമർശനവുമായി യൂത്ത് ലീഗ്
മുഖ്യമന്ത്രി പിണറായി വിജയനെതിരായ അധിക്ഷേപ പരാമർശത്തിൽ മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാമിനെതിരെ യൂത്ത് ലീഗിന്റെ വിമർശനം. രാഷ്ട്രീയപരമായ കാര്യങ്ങളിൽ പി.എം.എ സലാമിന് വേണ്ടത്ര പക്വതയില്ലെന്നും, അദ്ദേഹത്തിന്റെ പ്രസ്താവനകൾ തിരഞ്ഞെടുപ്പ് സമയത്ത് പാർട്ടിയ്ക്ക് തിരിച്ചടിയുണ്ടാക്കുമെന്നും യൂത്ത് ലീഗ് വിലയിരുത്തി. തിരഞ്ഞെടുപ്പിൽ മൂന്ന് ടേം വ്യവസ്ഥ നടപ്പാക്കാത്തതിലും യൂത്ത് ലീഗിന് എതിർപ്പുണ്ട്.
മുഖ്യമന്ത്രിക്കെതിരായ പരാമർശം: പി.എം.എ സലാമിനെതിരെ കേസ്
മുഖ്യമന്ത്രിക്കെതിരായ അധിക്ഷേപ പരാമർശത്തിൽ പി.എം.എ സലാമിനെതിരെ പോലീസ് കേസ്. സി.പി.ഐ.എം പ്രവർത്തകൻ മുഹമ്മദ് ജിഫ്രി തങ്ങളാണ് പരാതി നൽകിയത്. പരാമർശത്തിനെതിരെ സി.പി.ഐ.എം രംഗത്തെത്തി.
പി.എം.എ. സലാമിന്റെ പരാമർശം: ലീഗിന്റെ നിലപാട് വ്യക്തമാക്കണമെന്ന് മന്ത്രി റിയാസ്
മുഖ്യമന്ത്രി പിണറായി വിജയനെതിരായ പി.എം.എ. സലാമിന്റെ വിവാദ പരാമർശത്തിൽ മുസ്ലിം ലീഗിന്റെ നിലപാട് വ്യക്തമാക്കണമെന്ന് മന്ത്രി പി.എ. മുഹമ്മദ് റിയാസ് ആവശ്യപ്പെട്ടു. പാണക്കാട് തങ്ങൾക്കും പി.കെ. കുഞ്ഞാലിക്കുട്ടിക്കും ഈ വിഷയത്തിൽ സമാനമായ അഭിപ്രായമാണോ എന്നും അദ്ദേഹം ചോദിച്ചു. വിമർശനങ്ങൾ വ്യക്തിപരമായ അധിക്ഷേപങ്ങളിലേക്ക് കടന്നുപോകരുതെന്ന് പാണക്കാട് സാദിഖലി ശിഹാബ് തങ്ങൾ അഭിപ്രായപ്പെട്ടു.
പി.എം.എ സലാമിന്റെ പരാമർശം തള്ളി മുസ്ലിം ലീഗ്; വിമർശനം വ്യക്തിപരമായ അധിക്ഷേപമാകരുതെന്ന് സാദിഖലി ശിഹാബ് തങ്ങൾ
മുഖ്യമന്ത്രി പിണറായി വിജയനെതിരെ മുസ്ലിം ലീഗ് ജനറൽ സെക്രട്ടറി പി.എം.എ സലാം നടത്തിയ വിവാദ പരാമർശങ്ങൾ തള്ളി മുസ്ലിം ലീഗ് രംഗത്ത്. വ്യക്തിപരമായ അധിക്ഷേപങ്ങളിലേക്ക് വിമർശനങ്ങൾ വഴിമാറുന്നത് ശരിയല്ലെന്ന് മുസ്ലിം ലീഗ് അധ്യക്ഷൻ പാണക്കാട് സാദിഖലി ശിഹാബ് തങ്ങൾ അഭിപ്രായപ്പെട്ടു. പി.എം.എ സലാമിന്റെ പ്രസ്താവനക്കെതിരെ പ്രതിഷേധം ശക്തമായതോടെയാണ് അദ്ദേഹത്തിന്റെ നിലപാടിനെ തള്ളി സാദിഖലി ശിഹാബ് തങ്ങൾ രംഗത്തെത്തിയത്.
മുഖ്യമന്ത്രിക്കെതിരായ പരാമർശം: പി.എം.എ സലാമിനെതിരെ സി.പി.ഐ.എം
മുഖ്യമന്ത്രിക്കെതിരായ മുസ്ലീം ലീഗ് സംസ്ഥാന ജനറൽ സെക്രട്ടറി പി.എം.എ സലാമിന്റെ അധിക്ഷേപ പരാമർശത്തിൽ പ്രതിഷേധം കടുക്കുന്നു. പരാമർശത്തിനെതിരെ സി.പി.ഐ.എം രംഗത്തെത്തി. പി.എം.എ സലാമിന്റെ നടപടി തരംതാണതും രാഷ്ട്രീയ മര്യാദകള് പാലിക്കാത്തതുമാണെന്ന് സി.പി.ഐ.എം മലപ്പുറം ജില്ലാ സെക്രട്ടറിയേറ്റ് വിമർശിച്ചു. രാഷ്ട്രീയപരമായ വിമർശനങ്ങൾ ഉയർത്താൻ അവസരമില്ലാത്ത സാഹചര്യങ്ങളിൽ മോശം പരാമർശങ്ങളിലൂടെ അപകീർത്തിപ്പെടുത്താമെന്ന ചിന്ത വ്യാമോഹം മാത്രമാണ്.
മുഖ്യമന്ത്രിക്കെതിരായ പരാമർശം; പി.എം.എ സലാം മാപ്പ് പറയണമെന്ന് സിപിഐഎം
മുഖ്യമന്ത്രി പിണറായി വിജയനെതിരായ അധിക്ഷേപ പരാമർശത്തിൽ മുസ്ലിം ലീഗ് സംസ്ഥാന ജനറൽ സെക്രട്ടറി പി എം എ സലാം മാപ്പ് പറയണമെന്ന് സിപിഐഎം. പിഎംഎ സലാമിന്റെ നടപടി തരംതാണതും രാഷ്ട്രീയ മര്യാദകള് പാലിക്കാത്തതുമാണെന്ന് സിപിഐഎം മലപ്പുറം ജില്ലാ സെക്രട്ടറിയേറ്റ് വിമർശിച്ചു. വ്യക്തി അധിക്ഷേപം പിന്വലിച്ച് പിഎംഎ സലാം കേരളീയ സമൂഹത്തോട് മാപ്പ് പറയണം.
മുഖ്യമന്ത്രി ആണും പെണ്ണുംകെട്ടവൻ; പിണറായി വിജയനെതിരെ ആക്ഷേപവുമായി പി.എം.എ സലാം
മുഖ്യമന്ത്രി പിണറായി വിജയനെതിരെ അധിക്ഷേപ പരാമർശവുമായി മുസ്ലിം ലീഗ് സംസ്ഥാന ജനറൽ സെക്രട്ടറി പി.എം.എ സലാം രംഗത്ത്. പി.എം.ശ്രീ പദ്ധതിയിൽ സംസ്ഥാന സർക്കാർ ഒപ്പുവെച്ചതിനെ വിമർശിച്ചുകൊണ്ടായിരുന്നു സലാമിന്റെ പരാമർശം. മുഖ്യമന്ത്രിയെ ലഭിച്ചത് നമ്മുടെ അപമാനമാണെന്നും അദ്ദേഹം കൂട്ടിച്ചേർത്തു.
മെസ്സിയെ കാണിച്ചു വോട്ട് വാങ്ങാമെന്ന് കരുതി; കായിക മന്ത്രിക്ക് മറുപടി പറയാൻ ബാധ്യതയുണ്ടെന്ന് പി.എം.എ സലാം
മെസിയുടെ കേരള സന്ദർശനവുമായി ബന്ധപ്പെട്ട് എത്ര തുക ചെലവായെന്ന് വ്യക്തമാക്കാൻ കായിക മന്ത്രിക്ക് ഉത്തരവാദിത്തമുണ്ടെന്ന് പി.എം.എ സലാം പറഞ്ഞു. തിരഞ്ഞെടുപ്പിൽ നേട്ടങ്ങൾ പറയാൻ ഇല്ലാത്തതിനാൽ മെസിയെ കാണിച്ചു കൊടുത്ത് വോട്ട് വാങ്ങാം എന്നാണ് കരുതിയത്. വരവ് എന്തുകൊണ്ട് റദ്ദായിയെന്ന് ചോദിക്കുന്നവരെ അപഹസിക്കുകയല്ല വേണ്ടതെന്നും പി.എം.എ സലാം കൂട്ടിച്ചേർത്തു.
മെസ്സിയെ കൊണ്ടുവരാത്തത് കേരളത്തിലെ കായിക പ്രേമികളോടുള്ള വഞ്ചന; സർക്കാർ മാപ്പ് പറയണമെന്ന് പിഎംഎ സലാം
മെസ്സിയെ കേരളത്തിലേക്ക് കൊണ്ടുവരുമെന്ന വാഗ്ദാനം സർക്കാർ പാലിക്കാത്തതിനെതിരെ പി.എം.എ സലാം വിമർശനം ഉന്നയിച്ചു. കായിക പ്രേമികളോടുള്ള വഞ്ചനക്ക് സർക്കാർ മാപ്പ് പറയണമെന്നും അദ്ദേഹം ആവശ്യപ്പെട്ടു. മെസ്സിയെ കൊണ്ടുവരാൻ സാധിക്കാത്ത പക്ഷം കായിക മന്ത്രി വി. അബ്ദുറഹ്മാൻ ഇതിന് മറുപടി പറയണമെന്നും അദ്ദേഹം ട്വന്റിഫോറിനോട് ആവശ്യപ്പെട്ടു.
അടൂര് ഗോപാലകൃഷ്ണന് മാപ്പ് പറയണം;പിഎംഎ സലാം
സംവിധായകന് അടൂര് ഗോപാലകൃഷ്ണന്റെ വിവാദ പരാമര്ശത്തില് പ്രതികരണവുമായി പിഎംഎ സലാം. പ്രസ്താവന പിന്വലിച്ച് അടൂര് മാപ്പ് പറയണമെന്ന് അദ്ദേഹം ആവശ്യപ്പെട്ടു. മനഃപൂർവം നടത്തിയ പരാമർശമാണെങ്കിൽ അത് തിരുത്തണമെന്നും, ഏതെങ്കിലും ഒരു ജനവിഭാഗത്തെ ആക്ഷേപിക്കുന്നത് ശരിയല്ലെന്നും പിഎംഎ സലാം പറഞ്ഞു.
മുഖ്യമന്ത്രി സർവേയെക്കുറിച്ച് അറിയില്ല,സമസ്ത സമരത്തെ പിന്തുണച്ച് പി.എം.എ സലാം
മുഖ്യമന്ത്രിയെക്കുറിച്ചുള്ള സർവേയെക്കുറിച്ച് ലീഗിന് അറിവില്ലെന്ന് പി.എം.എ സലാം. സ്കൂൾ സമയമാറ്റത്തിൽ സർക്കാർ തീരുമാനത്തിനെതിരായ സമസ്തയുടെ സമരം ന്യായമെന്നും അദ്ദേഹം പറഞ്ഞു. യുഡിഎഫിന്റെ അടിത്തറ വിപുലപ്പെടുത്തണമെന്നും മുന്നണി വിപുലീകരണം വേണമെന്നും അദ്ദേഹം ആവശ്യപ്പെട്ടു.
വെള്ളാപ്പള്ളിക്ക് ചികിത്സ വേണം: പി എം എ സലാം
വെള്ളാപ്പള്ളി നടേശന്റെ വിവാദ പരാമർശത്തിൽ രൂക്ഷമായ പ്രതികരണവുമായി പി എം എ സലാം. വെള്ളാപ്പള്ളിക്ക് വേണ്ടത് ചികിത്സയാണെന്നും പറഞ്ഞതിന്റെ അടിസ്ഥാനം വ്യക്തമാക്കണമെന്നും സലാം ആവശ്യപ്പെട്ടു. മലപ്പുറത്ത് കുറച്ചുദിവസം താമസിച്ച് അനുഭവം പറയാൻ വെള്ളാപ്പള്ളിയെ സലാം വെല്ലുവിളിച്ചു.