PM Shri
പിഎം ശ്രീയിൽ കേരളം ചേർന്നു; സംസ്ഥാനത്തിന് ലഭിക്കുക 1500 കോടി രൂപ
സിപിഐയുടെ എതിർപ്പിനെ മറികടന്ന് പിഎം ശ്രീയിൽ ചേരാൻ കേരളം ധാരണാപത്രം ഒപ്പുവെച്ചു. ഇതിലൂടെ സംസ്ഥാനത്തിന് 1500 കോടി രൂപ ലഭിക്കും. തടഞ്ഞുവെച്ച ഫണ്ട് ഉടൻ നൽകുമെന്ന് കേന്ദ്രം അറിയിച്ചു. കേരളം പദ്ധതിയുടെ ഭാഗമാകുന്നതോടെ ദേശീയ വിദ്യാഭ്യാസ നയം പിന്തുടരേണ്ടി വരും.
പി.എം. ശ്രീ വിഷയം: ബിനോയ് വിശ്വത്തിന്റെ പ്രസ്താവന ദേശീയ നിലപാട് തന്നെയെന്ന് ആനി രാജ
പി.എം. ശ്രീ പദ്ധതിയുമായി ബന്ധപ്പെട്ട് സി.പി.ഐ സംസ്ഥാന സെക്രട്ടറി ബിനോയ് വിശ്വം നടത്തിയ പ്രസ്താവന പാർട്ടി ദേശീയ നിലപാടാണെന്ന് ആനി രാജ. പി.എം. ശ്രീ പദ്ധതി രാജ്യത്തെ ഫെഡറൽ - മതേതര തത്വങ്ങളെ അട്ടിമറിക്കുന്ന ഒന്നാണെന്നും അവർ കൂട്ടിച്ചേർത്തു. ഈ സാഹചര്യത്തിൽ പി.എം. ശ്രീ വിവാദത്തിൽ സി.പി.ഐ സംസ്ഥാന കൗൺസിൽ ഇന്ന് യോഗം ചേരും.
പിഎം ശ്രീ പദ്ധതി നടപ്പാക്കില്ല; നിലപാട് കടുപ്പിച്ച് സിപിഐ
കേന്ദ്ര വിദ്യാഭ്യാസ പദ്ധതിയായ പിഎം ശ്രീയില് നിലപാട് കടുപ്പിച്ച് സിപിഐ. പദ്ധതി നടപ്പാക്കുന്നതിനോട് സിപിഐക്ക് എതിര്പ്പുണ്ടെന്നും സംസ്ഥാന സര്ക്കാര് ഇത് നടപ്പാക്കാന് പോകുന്നില്ലെന്നും സംസ്ഥാന സെക്രട്ടറി ബിനോയ് വിശ്വം വ്യക്തമാക്കി. സിപിഐഎമ്മും ഈ പദ്ധതിയുമായി മുന്നോട്ട് പോകുമെന്ന് താന് കരുതുന്നില്ലെന്നും അദ്ദേഹം കൂട്ടിച്ചേര്ത്തു. ആര്എസ്എസ് അജണ്ടയായ എന്ഇപി നടപ്പാക്കാന് ഇത് അനുവദിക്കില്ല എന്നതാണ് ഇതിന് പിന്നിലെ കാരണം എന്നും അദ്ദേഹം പറഞ്ഞു.
പി.എം. ശ്രീ പദ്ധതി: കേന്ദ്ര സഹായം ലക്ഷ്യം വെച്ച് ഡി.വൈ.എഫ്.ഐ; എതിർപ്പുമായി സി.പി.ഐ
പി.എം. ശ്രീ പദ്ധതിക്ക് കേന്ദ്ര സഹായം ലഭിക്കുമെന്നതിനാൽ പദ്ധതിയുമായി മുന്നോട്ട് പോകുന്നതിനെ ഡിവൈഎഫ്ഐ പിന്തുണക്കുന്നു. എന്നാൽ ഈ വിഷയത്തിൽ സി.പി.ഐയുടെ എതിർപ്പ് ശക്തമാണ്. ഈ തർക്കത്തെ തുടർന്ന് എൽഡിഎഫ് നേതൃയോഗം വിളിക്കാൻ തീരുമാനിച്ചു. മുഖ്യമന്ത്രിയുടെ സൗകര്യം അനുസരിച്ച് ഈ ആഴ്ച തന്നെ യോഗം ചേരും.
പി.എം. ശ്രീയിൽ സി.പി.ഐ നിലപാടിൽ തെറ്റില്ല; കേന്ദ്ര നയത്തോട് യോജിക്കാനാകില്ലെന്ന് ടി.പി. രാമകൃഷ്ണൻ
പിഎം ശ്രീ പദ്ധതി നടപ്പാക്കുന്നതുമായി ബന്ധപ്പെട്ട് എൽഡിഎഫിൽ ഭിന്നത നിലനിൽക്കുന്ന സാഹചര്യത്തിൽ വിശദീകരണവുമായി എൽഡിഎഫ് കൺവീനർ ടി.പി. രാമകൃഷ്ണൻ രംഗത്ത്. കേരളത്തിന് അർഹമായത് വാങ്ങിയെടുക്കണമെന്ന പൊതുനിലപാടാണ് തങ്ങൾക്കുള്ളതെന്നും അദ്ദേഹം വ്യക്തമാക്കി. ഈ വിഷയത്തിൽ സി.പി.ഐയുടെ നിലപാടിൽ തെറ്റില്ലെന്നും ടി.പി. രാമകൃഷ്ണൻ മാധ്യമങ്ങളോട് പറഞ്ഞു.
പി.എം ശ്രീ പദ്ധതി: എൽഡിഎഫ് യോഗം ഇന്ന്; മുന്നണിയിൽ ഭിന്നത
പി.എം ശ്രീ പദ്ധതിയിൽ സംസ്ഥാന സർക്കാർ ഒപ്പുവെക്കുന്നതുമായി ബന്ധപ്പെട്ട് എൽഡിഎഫിൽ ഭിന്നത നിലനിൽക്കുന്നു. ഈ സാഹചര്യത്തിൽ ഇന്ന് എൽഡിഎഫ് യോഗം ചേരും. മുഖ്യമന്ത്രിയുടെ സൗകര്യം പരിഗണിച്ച് യോഗം ചേരുന്ന തീയതി തീരുമാനിക്കും. യോഗത്തിൽ പി.എം ശ്രീ പദ്ധതിയുടെ കാര്യത്തിൽ അന്തിമ തീരുമാനമെടുക്കും.
പി.എം ശ്രീ പദ്ധതിയുമായി കേരളം; എതിർപ്പ് തള്ളി സർക്കാർ തീരുമാനം
പിഎം ശ്രീ പദ്ധതി സംസ്ഥാനത്ത് നടപ്പാക്കാൻ സർക്കാർ തീരുമാനിച്ചു. സിപിഐയുടെ എതിർപ്പ് തള്ളിയാണ് തീരുമാനം. പദ്ധതിക്കായി 1476 കോടി രൂപയുടെ വിഹിതം ലഭിക്കും.
പി.എം. ശ്രീ പദ്ധതി: കേന്ദ്രത്തിനെതിരെ കേരളം സുപ്രീം കോടതിയിലേക്ക്
പി.എം. ശ്രീ പദ്ധതിയുമായി ബന്ധപ്പെട്ട കേന്ദ്ര നിബന്ധനകള്ക്കെതിരെ കേരളം സുപ്രിംകോടതിയിലേക്ക്. സമാന ആരോപണങ്ങളുമായി തമിഴ്നാട് സുപ്രിംകോടതിയെ സമീപിച്ചതിന് പിന്നാലെയാണ് സംസ്ഥാനത്തിന്റെ തീരുമാനം. ചില നിബന്ധനകളുടെ പേരില് സംസ്ഥാനത്തിന് അര്ഹതപ്പെട്ട തുക കേന്ദ്രം തടഞ്ഞുവച്ചുവെന്നാണ് കേരളത്തിന്റേയും തമിഴ്നാടിന്റേയും ആരോപണം.
പിഎം ശ്രീ പദ്ധതി: കേന്ദ്രത്തിന്റെ നിർദേശങ്ങളിൽ വ്യക്തതയില്ലെന്ന് വി. ശിവൻകുട്ടി
പിഎം ശ്രീ പദ്ധതിയുടെ നടത്തിപ്പിനെക്കുറിച്ചുള്ള കേന്ദ്രസർക്കാർ നിർദേശങ്ങളിൽ വ്യക്തതയില്ലെന്ന് വിദ്യാഭ്യാസ മന്ത്രി വി. ശിവൻകുട്ടി. ഈ വിഷയം അടുത്ത മന്ത്രിസഭാ യോഗത്തിൽ വീണ്ടും ചർച്ച ചെയ്യും. കേരളത്തിന് 1377 കോടി രൂപയുടെ നഷ്ടമുണ്ടാകുമെന്നും മന്ത്രി ചൂണ്ടിക്കാട്ടി.