PM Shri
പി.എം.ശ്രീയിൽ മുഖ്യമന്ത്രിയുമായി സംസാരിച്ചിട്ടില്ലെന്ന് ബിനോയ് വിശ്വം
പി.എം. ശ്രീ വിഷയത്തിൽ മുഖ്യമന്ത്രിയുമായി സംസാരിച്ചിട്ടില്ലെന്ന് ബിനോയ് വിശ്വം അറിയിച്ചു. എൽ.ഡി.എഫിന്റെ ഭാഗമായി സി.പി.ഐയും സി.പി.ഐ.എമ്മും നിലകൊള്ളുന്നതിനാൽ മുഖ്യമന്ത്രി വിളിച്ചാൽ വിഷയം ചർച്ച ചെയ്യാൻ തയ്യാറാണെന്നും അദ്ദേഹം കൂട്ടിച്ചേർത്തു. എൽ.ഡി.എഫിൽ ചർച്ചകൾക്കുള്ള വാതിലുകൾ എപ്പോഴും തുറന്നിരിക്കുമെന്നും ബിനോയ് വിശ്വം വ്യക്തമാക്കി.
പി.എം ശ്രീ പദ്ധതി: സി.പി.ഐയെ അനുനയിപ്പിക്കാൻ മുഖ്യമന്ത്രിയുടെ ശ്രമം
പി.എം. ശ്രീ പദ്ധതിയിൽ സി.പി.ഐയുടെ അതൃപ്തി പരിഹരിക്കാൻ മുഖ്യമന്ത്രിയുടെ അനുനയ നീക്കം. ബിനോയ് വിശ്വവുമായി മുഖ്യമന്ത്രി ഫോണിൽ സംസാരിച്ചു. പദ്ധതിയിൽ ഒപ്പിട്ട കരാറിൽ നിന്ന് പിന്നോട്ട് പോകുന്നത് ബുദ്ധിമുട്ടാണെന്ന് മുഖ്യമന്ത്രി അറിയിച്ചു. മന്ത്രിസഭയിലോ മുന്നണിയിലോ ചർച്ച ചെയ്യാതെ ധാരണാപത്രത്തിൽ ഒപ്പുവെച്ചതിൽ പ്രതിഷേധം ശക്തമാണ്.
പി.എം ശ്രീ പദ്ധതിയിൽ നിയമോപദേശം നൽകുന്നത് സാധാരണ നടപടിക്രമം മാത്രം: മന്ത്രി പി. രാജീവ്
പി.എം. ശ്രീ പദ്ധതിയുമായി ബന്ധപ്പെട്ട് നിയമവകുപ്പ് ഉപദേശം നൽകുന്നത് സാധാരണമാണെന്നും അത് സ്വീകരിക്കുന്നതിൽ അതാത് വകുപ്പിന് തീരുമാനമെടുക്കാമെന്നും മന്ത്രി പി. രാജീവ് പറഞ്ഞു. ദേശീയ വിദ്യാഭ്യാസനയം നടപ്പിലാക്കില്ലെന്ന് വിദ്യാഭ്യാസ വകുപ്പ് വ്യക്തമാക്കിയിട്ടുണ്ട്. സ്കൂളുകൾ ആർഎസ്എസ് ശാഖകൾ ആക്കുന്നു എന്ന യുഡിഎഫ് വിമർശനത്തിനും മന്ത്രി മറുപടി നൽകി.
പി.എം ശ്രീ: നിയമോപദേശം മറികടന്ന് ധാരണാപത്രം ഒപ്പിട്ട് സംസ്ഥാന സർക്കാർ
പി.എം ശ്രീ പദ്ധതി നടപ്പാക്കുന്നതിന് മുൻപ് നയപരമായ തീരുമാനം വേണമെന്ന് നിയമ വകുപ്പ് നിർദ്ദേശിച്ചിരുന്നു. എന്നാൽ ഇത് മറികടന്ന് സംസ്ഥാന സർക്കാർ ധാരണാപത്രം ഒപ്പിട്ടു. എൽഡിഎഫിൽ ചർച്ച ചെയ്ത ശേഷം മന്ത്രിസഭായോഗം തീരുമാനമെടുക്കണമെന്നായിരുന്നു നിയമവകുപ്പിന്റെ നിർദ്ദേശം.
പി.എം. ശ്രീ ധാരണാപത്രത്തിൽ നിന്ന് ഏത് നിമിഷവും പിന്മാറാമെന്ന് മന്ത്രി വി. ശിവൻകുട്ടി
വിദ്യാഭ്യാസമന്ത്രി വി. ശിവൻകുട്ടി അറിയിച്ചത് അനുസരിച്ച്, പി.എം. ശ്രീ പദ്ധതിയിൽ ഒപ്പിട്ട ധാരണാപത്രത്തിൽ (MoU) നിന്ന് ഏത് നിമിഷവും പിന്മാറാൻ സാധിക്കും. എന്നാൽ പിന്മാറ്റം ഇരു കക്ഷികളും തമ്മിൽ ആലോചിച്ച് ഒരു തീരുമാനത്തിൽ എത്തേണ്ടതുണ്ട്. പദ്ധതിയിൽ നിന്ന് പിന്മാറുന്നത് ഏകദേശം 47 ലക്ഷത്തോളം വിദ്യാർത്ഥികളെ ബാധിക്കുന്ന വിഷയമായതിനാൽ, ലഭിക്കുന്ന ഫണ്ട് ഉപേക്ഷിക്കാൻ സാധ്യമല്ലെന്നും മന്ത്രി കൂട്ടിച്ചേർത്തു.
പി.എം. ശ്രീ: കടുത്ത നിലപാടുമായി സി.പി.ഐ; തീരുമാനം നാളത്തെ സ്റ്റേറ്റ് എക്സിക്യൂട്ടീവിൽ
പി.എം. ശ്രീ വിവാദത്തിൽ സി.പി.ഐ കടുത്ത നിലപാട് സ്വീകരിക്കേണ്ടി വരുമെന്ന് സൂചന. സി.പി.ഐ.എം ദേശീയ നേതൃത്വം കൈയൊഴിഞ്ഞ സാഹചര്യത്തിലാണ് സി.പി.ഐ ഇത്തരമൊരു വിലയിരുത്തലിൽ എത്തിച്ചേരുന്നത്. ഇതുമായി ബന്ധപ്പെട്ട് സ്വീകരിക്കേണ്ട നിലപാട് നാളത്തെ സി.പി.ഐ സ്റ്റേറ്റ് എക്സിക്യൂട്ടീവിൽ തീരുമാനിക്കുമെന്ന് ദേശീയ സെക്രട്ടറിയേറ്റ് അംഗം കെ. പ്രകാശ് ബാബു അറിയിച്ചു.
പി.എം. ശ്രീ പദ്ധതി: ശിവൻകുട്ടിക്കെതിരെ കെ. സുരേന്ദ്രൻ, കരിക്കുലത്തിൽ ഇടപെടലുണ്ടാകുമെന്ന് വെല്ലുവിളി
പി.എം. ശ്രീ പദ്ധതിയുമായി ബന്ധപ്പെട്ട് വിദ്യാഭ്യാസ മന്ത്രി വി. ശിവൻകുട്ടിയും ബിജെപി മുൻ സംസ്ഥാന അധ്യക്ഷൻ കെ. സുരേന്ദ്രനും തമ്മിൽ വാക്പോര് തുടരുന്നു. പാഠ്യപദ്ധതിയിൽ ആർഎസ്എസ് നേതാക്കളെ ഉൾപ്പെടുത്തുമെന്നത് വ്യാജ പ്രചാരണമാണെന്ന മന്ത്രിയുടെ പ്രസ്താവനയ്ക്ക് മറുപടിയുമായി സുരേന്ദ്രൻ രംഗത്തെത്തി. പി.എം. ശ്രീ ധാരണാപത്രം ദേശീയ വിദ്യാഭ്യാസ നയത്തിലേക്കുള്ള ചവിട്ടുപടിയാണെന്നും കരിക്കുലത്തിൽ ഇടപെടൽ ഉണ്ടാകുമെന്നും സുരേന്ദ്രൻ ഫേസ്ബുക്കിൽ കുറിച്ചു.
പി.എം. ശ്രീ പദ്ധതിയിൽ സർക്കാരിനെ പിന്തുണച്ച് എൻ.സി.പി; എതിർപ്പുമായി സി.പി.ഐ
പി.എം. ശ്രീ പദ്ധതിയിൽ സർക്കാർ ഒപ്പിട്ടതിനെ എൻ.സി.പി പിന്തുണക്കുന്നു. കേന്ദ്ര സഹായം ഔദാര്യമല്ലെന്നും, ഇത് വിദ്യാഭ്യാസ മേഖലയിലെ മാറ്റത്തിന് സഹായിക്കുമെന്നും തോമസ് കെ. തോമസ് അഭിപ്രായപ്പെട്ടു. എന്നാൽ, സി.പി.ഐ ഈ പദ്ധതിക്കെതിരെ കടുത്ത എതിർപ്പ് തുടരുകയാണ്, കരാർ റദ്ദാക്കണമെന്ന് അവർ ആവശ്യപ്പെട്ടു.
പിഎം ശ്രീ: കേരളത്തിലെ സ്കൂളുകൾ കാവിവൽക്കരണത്തിനുള്ള പരീക്ഷണശാലകളാകുന്നുവെന്ന് സണ്ണി ജോസഫ്
പിഎം ശ്രീ പദ്ധതിയുടെ ഭാഗമാകുന്നതിലൂടെ കേരളത്തിലെ സ്കൂളുകളെ കേന്ദ്രസർക്കാരിന്റെ കാവിവൽക്കരണത്തിനുള്ള പരീക്ഷണശാലകളാക്കി മാറ്റാൻ പിണറായി സർക്കാർ ശ്രമിക്കുന്നുവെന്ന് കെപിസിസി പ്രസിഡന്റ് സണ്ണി ജോസഫ് എംഎൽഎ ആരോപിച്ചു. സിപിഐഎമ്മും ബിജെപിയും തമ്മിലുള്ള രഹസ്യബന്ധത്തിന്റെ ഫലമാണ് ഈ പദ്ധതിയിലെ സ്കൂളുകളെന്നും അദ്ദേഹം കുറ്റപ്പെടുത്തി. സംസ്ഥാന താൽപ്പര്യങ്ങളെക്കാൾ മുഖ്യമന്ത്രിയുടെ വ്യക്തിപരമായ താൽപ്പര്യങ്ങൾക്ക് മുൻഗണന നൽകുന്നതിനാലാണ് കേരളം രഹസ്യമായി പിഎം ശ്രീയുടെ ഭാഗമായതെന്നും സണ്ണി ജോസഫ് ആരോപിച്ചു.
വിദ്യാഭ്യാസ മന്ത്രിക്ക് അഭിനന്ദനവുമായി എബിവിപി; ആശങ്ക അറിയിച്ച് എസ്എഫ്ഐ
വിദ്യാഭ്യാസ മന്ത്രി വി. ശിവൻകുട്ടിക്ക് എബിവിപി അഭിനന്ദനം അറിയിച്ചു. പി.എം. ശ്രീ പദ്ധതി നടപ്പാക്കിയതിനാണ് അഭിനന്ദനം അറിയിച്ചത്. അതേസമയം, പദ്ധതിയിലെ ആശങ്കകള് എസ്എഫ്ഐ മന്ത്രിയെ അറിയിച്ചു.
പി.എം. ശ്രീ വിവാദം: സംസ്ഥാനതലത്തിൽ ചർച്ച ചെയ്ത് പരിഹാരം കാണാൻ സി.പി.ഐ
പി.എം. ശ്രീ വിവാദത്തിൽ സി.പി.ഐയും സി.പി.എമ്മും തമ്മിൽ ചർച്ച ചെയ്ത് പരിഹാരം കാണാൻ സി.പി.ഐ ജനറൽ സെക്രട്ടറി ഡി. രാജ നിർദ്ദേശം നൽകി. ഇതിന്റെ ഭാഗമായി ഡി. രാജ എം.എ. ബേബിയുമായി കൂടിക്കാഴ്ച നടത്തി. സംസ്ഥാന ഘടകങ്ങൾ ചർച്ച ചെയ്ത് ധാരണാപത്രം പുനഃപരിശോധിക്കുന്നതുൾപ്പെടെയുള്ള കാര്യങ്ങൾ പരിഗണിക്കുമെന്നും അദ്ദേഹം അറിയിച്ചു.
പിഎം ശ്രീയിൽ നിലപാട് കടുപ്പിച്ച് സിപിഐഎം-സിപിഐ; ചർച്ചകൾ വഴിമുട്ടി
പിഎം ശ്രീ പദ്ധതിയിൽ സിപിഐഎമ്മും സിപിഐയും തമ്മിൽ ഭിന്നത രൂക്ഷമാകുന്നു. മന്ത്രി വി. ശിവൻകുട്ടിയുടെ സന്ദർശനത്തിലും തീരുമാനമാകാത്തതോടെ ഇരു പാർട്ടികളും നിലപാടുകളിൽ ഉറച്ചുനിൽക്കുകയാണ്. പദ്ധതിയിൽ നിന്ന് പിന്മാറണമെന്നാണ് സിപിഐ കേന്ദ്രനേതൃത്വത്തിന്റെ നിലപാട്.