PK Sreemathy
ട്രെയിനുകളിൽ സ്ത്രീ സുരക്ഷ ഉറപ്പാക്കണം; കേന്ദ്ര റെയിൽവേ മന്ത്രിക്ക് കത്തയക്കുമെന്ന് പി.കെ. ശ്രീമതി
വർക്കലയിൽ യുവതിക്ക് നേരെയുണ്ടായ ആക്രമണത്തിന്റെ പശ്ചാത്തലത്തിൽ ട്രെയിനുകളിൽ സ്ത്രീകളുടെ സുരക്ഷ ഉറപ്പാക്കാൻ നടപടി വേണമെന്ന് പി.കെ. ശ്രീമതി ആവശ്യപ്പെട്ടു. കേരളത്തിലെ എംപിമാർ ഈ വിഷയം പാർലമെന്റിൽ അവതരിപ്പിക്കണം. മഹിളാ അസോസിയേഷൻ കേന്ദ്ര റെയിൽവേ മന്ത്രിക്ക് കത്തയക്കുമെന്നും അവർ അറിയിച്ചു.
സെക്രട്ടേറിയേറ്റ് യോഗത്തിൽ പങ്കെടുക്കുന്നതിൽ നിന്ന് വിലക്കില്ലെന്ന് പി.കെ ശ്രീമതി
സെക്രട്ടേറിയേറ്റ് യോഗത്തിൽ പങ്കെടുക്കുന്നതിൽ നിന്ന് ആരും തന്നെ വിലക്കിയിട്ടില്ലെന്ന് സിപിഐഎം കേന്ദ്ര കമ്മിറ്റി അംഗം പി.കെ. ശ്രീമതി. കഴിഞ്ഞ യോഗത്തിൽ പങ്കെടുക്കാതിരുന്നത് വ്യക്തിപരമായ കാരണങ്ങളാലാണെന്നും ശ്രീമതി വ്യക്തമാക്കി. ദേശീയ തലത്തിൽ പ്രവർത്തിക്കാനാണ് പാർട്ടി നിർദേശിച്ചിരിക്കുന്നതെങ്കിലും, കേരളത്തിലുള്ളപ്പോൾ സെക്രട്ടേറിയേറ്റ് യോഗങ്ങളിൽ പങ്കെടുക്കുമെന്നും അവർ പറഞ്ഞു.
പി.കെ ശ്രീമതിക്ക് കേരളത്തിൽ പ്രവർത്തിക്കാനാകില്ലെന്ന് സിപിഐഎം
പി.കെ. ശ്രീമതിയുടെ പ്രവർത്തനമേഖല കേരളമല്ലെന്ന് സിപിഐഎം വ്യക്തമാക്കി. കേന്ദ്ര കമ്മിറ്റിയിൽ തുടരാൻ ലഭിച്ച ഇളവ് അവിടെ പ്രവർത്തിക്കാനാണെന്ന് പിണറായി വിജയൻ വ്യക്തമാക്കി. ഈ മാസം 19ന് ചേർന്ന സിപിഐഎം സംസ്ഥാന സെക്രട്ടേറിയേറ്റ് യോഗത്തിൽ പങ്കെടുക്കുന്നതിൽ നിന്ന് പി.കെ. ശ്രീമതിയെ വിലക്കി.
പിണറായിയുടെ വിലക്ക് വ്യാജവാർത്ത; പി.കെ. ശ്രീമതി
സിപിഐഎം സംസ്ഥാന സെക്രട്ടേറിയറ്റ് യോഗത്തിൽ പങ്കെടുക്കുന്നതിൽ നിന്ന് പിണറായി വിജയൻ തന്നെ വിലക്കിയെന്ന വാർത്തകൾ പി.കെ. ശ്രീമതി നിഷേധിച്ചു. വാർത്തകൾ അടിസ്ഥാനരഹിതമാണെന്നും പിൻവലിക്കണമെന്നും അവർ ആവശ്യപ്പെട്ടു. ഫേസ്ബുക്കിലൂടെയാണ് ശ്രീമതി പ്രതികരണം അറിയിച്ചത്.
പാലക്കാട് ഹോട്ടൽ റെയ്ഡ്: സ്വാഭാവിക നടപടിയെന്ന് പി കെ ശ്രീമതി; സംഘർഷാവസ്ഥ നിലനിൽക്കുന്നു
പാലക്കാട് കെപിഎം ഹോട്ടലിൽ കോൺഗ്രസ് പ്രവർത്തകരുടെ മുറികളിൽ പൊലീസ് നടത്തിയ റെയ്ഡ് സ്വാഭാവികമാണെന്ന് സിപിഐഎം നേതാവ് പി കെ ശ്രീമതി പ്രതികരിച്ചു. റെയ്ഡിനെ തുടർന്ന് രാഷ്ട്രീയ സംഘർഷം ഉടലെടുത്തു. പരിശോധനയിൽ ഒന്നും കണ്ടെത്തിയില്ലെന്ന് പൊലീസ് വ്യക്തമാക്കി.