Pinarayi Vijayan
മുഖ്യമന്ത്രി പിണറായി വിജയന്റെ ഗൾഫ് പര്യടനം ആരംഭിച്ചു
മുഖ്യമന്ത്രി പിണറായി വിജയന്റെ ഗൾഫ് പര്യടനം ആരംഭിച്ചു. ഇന്ന് പുലർച്ചെ ബഹ്റൈനിൽ എത്തിയ മുഖ്യമന്ത്രി നാളെ നടക്കുന്ന പ്രവാസി മലയാളി സംഗമത്തിൽ പങ്കെടുക്കും. സൗദി സന്ദർശനത്തിന് അനുമതി ലഭിക്കാത്തതിനാൽ മുഖ്യമന്ത്രി കേരളത്തിലേക്ക് മടങ്ങിയെത്തിയ ശേഷം ഒമാനിലേക്ക് പോകും.
പിണറായി വിജയന്റെ ഗൾഫ് പര്യടനം ആരംഭിച്ചു
മുഖ്യമന്ത്രി പിണറായി വിജയന്റെ ഗൾഫ് പര്യടനം ആരംഭിച്ചു. ആദ്യഘട്ടത്തിൽ ബഹ്റൈൻ, സൗദി അറേബ്യ എന്നിവിടങ്ങളിൽ സന്ദർശനം നടത്തും. തുടർന്ന് ഒമാൻ, ഖത്തർ, കുവൈത്ത്, അബുദാബി, ദുബായ് എന്നിവിടങ്ങളിലും സന്ദർശനം നടത്തും.
അബുദാബിയിൽ മുഖ്യമന്ത്രിക്ക് സ്വീകരണം: വിപുലമായ ഒരുക്കങ്ങളുമായി മലയാളി സമൂഹം
മുഖ്യമന്ത്രി പിണറായി വിജയന് സ്വീകരണം നൽകുന്നതിനായി അബുദാബിയിൽ വിപുലമായ ഒരുക്കങ്ങൾ നടക്കുന്നു. ഇതിന്റെ ഭാഗമായി 251 അംഗ സംഘാടക സമിതി രൂപീകരിച്ചു. നവംബർ 9ന് അബുദാബി സിറ്റി ഗോൾഫ് ക്ലബ്ബിലാണ് സ്വീകരണ പരിപാടി.
മുഖ്യമന്ത്രിയുടെ മറുപടി വിചിത്രം; മകനെതിരായ ഇ.ഡി. നോട്ടീസിൽ പ്രതികരണവുമായി മാത്യു കുഴൽനാടൻ
മുഖ്യമന്ത്രിയുടെ മകനെതിരായ ഇ.ഡി. നോട്ടീസിൽ കോൺഗ്രസ് നേതാവ് മാത്യു കുഴൽനാടൻ വിമർശനവുമായി രംഗത്ത്. മുഖ്യമന്ത്രിയുടെ മറുപടി വിചിത്രമാണെന്നും മകന് നോട്ടീസ് കിട്ടിയോ എന്ന് വ്യക്തമാക്കണമെന്നും അദ്ദേഹം ആവശ്യപ്പെട്ടു. യൂത്ത് കോൺഗ്രസ് പുനഃസംഘടനയിൽ മികച്ച ടീമിനെയാണ് തിരഞ്ഞെടുത്തതെന്നും കുഴൽനാടൻ അഭിപ്രായപ്പെട്ടു.
എം.എ. ബേബിയുടെ പ്രതികരണം വസ്തുതകൾ മനസ്സിലാക്കാതെയുള്ളതെന്ന് മുഖ്യമന്ത്രി
മകൻ വിവേക് കിരണിനെതിരായ ഇ.ഡി നോട്ടീസിൽ സി.പി.ഐ.എം ജനറൽ സെക്രട്ടറി എം.എ. ബേബി നടത്തിയ പ്രതികരണം വസ്തുതകൾ മനസ്സിലാകാതെയുള്ളതാണെന്ന് മുഖ്യമന്ത്രി പിണറായി വിജയൻ. വാർത്തകൾ കണ്ടതിൻ്റെ അടിസ്ഥാനത്തിൽ അദ്ദേഹം പ്രതികരിച്ചതാകാമെന്നും മുഖ്യമന്ത്രി കൂട്ടിച്ചേർത്തു. ലൈഫ് മിഷൻ ഫ്ലാറ്റ് തട്ടിപ്പുമായി ബന്ധപ്പെട്ട് മകന് ഇതുവരെ സമൻസ് ലഭിച്ചിട്ടില്ലെന്നും മുഖ്യമന്ത്രി ആവർത്തിച്ചു.
മകനെതിരായ സമൻസ് വിവാദത്തിൽ പ്രതികരിച്ച് മുഖ്യമന്ത്രി പിണറായി വിജയൻ
മകനെതിരായ ഇ.ഡി. സമൻസ് വിവാദത്തിൽ മുഖ്യമന്ത്രി പിണറായി വിജയൻ പ്രതികരിച്ചു. മകനെ വിവാദത്തിൽ ഉൾപ്പെടുത്താൻ ശ്രമം നടക്കുന്നുണ്ടെന്നും മകൻ ഒരു അധികാര ഇടനാഴിയിലും വരുന്നയാളല്ലെന്നും മുഖ്യമന്ത്രി പറഞ്ഞു. തൻ്റെ രാഷ്ട്രീയം സുതാര്യവും കളങ്ക രഹിതവുമാണെന്നും മുഖ്യമന്ത്രി വ്യക്തമാക്കി.
ശബരിമല സ്വർണ കവർച്ചയിൽ അന്വേഷണം നടക്കട്ടെ; ഭിന്നശേഷി സംവരണത്തിൽ സർക്കാരിന് ഏകപക്ഷീയ നിലപാടില്ല: മുഖ്യമന്ത്രി
ശബരിമല സ്വർണ മോഷണവുമായി ബന്ധപ്പെട്ട് ദേവസ്വം ഭരണസമിതിയുടെ ഭാഗത്തുണ്ടായ വീഴ്ചയിൽ അന്വേഷണം നടക്കട്ടെയെന്ന് മുഖ്യമന്ത്രി പിണറായി വിജയൻ അറിയിച്ചു. എയ്ഡഡ് സ്കൂളുകളിലെ ഭിന്നശേഷി അധ്യാപക നിയമനം എല്ലാ വിഭാഗങ്ങൾക്കും നൽകണമെന്നാണ് സർക്കാർ നിലപാട്. ഭിന്നശേഷി സംവരണത്തിൽ ഏകപക്ഷീയമായ നടപടി സ്വീകരിക്കാൻ സർക്കാരിന് കഴിയില്ലെന്നും മുഖ്യമന്ത്രി വ്യക്തമാക്കി.
കേരള മോഡൽ ലോകശ്രദ്ധ നേടിയെന്ന് മുഖ്യമന്ത്രി പിണറായി വിജയൻ
കേരള മോഡൽ ലോകശ്രദ്ധ നേടിയെന്ന് മുഖ്യമന്ത്രി പിണറായി വിജയൻ പറഞ്ഞു. എൽഡിഎഫ് സർക്കാർ ജനങ്ങളുമായി സംവദിച്ചാണ് നാടിന്റെ പുരോഗതി ഉറപ്പുവരുത്തുന്നത്. ജനപക്ഷ നയങ്ങളാണ് കേരളത്തെ ഉയർന്ന നിലവാരത്തിലുള്ള നാടായി മാറ്റിയത്.
പൊതുവിദ്യാഭ്യാസ രംഗത്ത് സമഗ്ര മാറ്റങ്ങളുമായി ‘വിഷൻ 2031’ സെമിനാർ: മുഖ്യമന്ത്രി പിണറായി വിജയൻ ഉദ്ഘാടനം ചെയ്തു
'വിഷൻ 2031' സെമിനാറിലൂടെ പൊതുവിദ്യാഭ്യാസ രംഗത്ത് വലിയ മാറ്റങ്ങൾ കൊണ്ടുവരാൻ ലക്ഷ്യമിടുന്നു എന്ന് മുഖ്യമന്ത്രി പിണറായി വിജയൻ. 5,000 കോടിയോളം രൂപയുടെ അടിസ്ഥാന സൗകര്യ വികസന പദ്ധതികളാണ് വിദ്യാലയങ്ങളിൽ നടപ്പാക്കുന്നത്. കേരളത്തെ ഒരു വിജ്ഞാന സമൂഹമായി മാറ്റുകയാണ് ലക്ഷ്യമെന്നും മുഖ്യമന്ത്രി കൂട്ടിച്ചേർത്തു.
മുഖ്യമന്ത്രി പിണറായി വിജയന്റെ വിദേശയാത്രയ്ക്ക് കേന്ദ്രാനുമതി
മുഖ്യമന്ത്രി പിണറായി വിജയന്റെ ഒക്ടോബർ 15 മുതൽ നവംബർ 9 വരെയുള്ള വിദേശയാത്രയ്ക്ക് കേന്ദ്ര സർക്കാർ അനുമതി നൽകി. വിദേശകാര്യ മന്ത്രാലയമാണ് അനുമതി നൽകിയിരിക്കുന്നത്. സംസ്ഥാന സർക്കാരിന്റെ തുടർച്ചയായുള്ള സമ്മർദ്ദങ്ങൾക്കൊടുവിലാണ് കേന്ദ്രം അനുമതി നൽകിയത്.
ലാവ്ലിൻ കേസിൽ മുഖ്യമന്ത്രിയുടെ മകന് ഇ.ഡിയുടെ സമൻസ്
മുഖ്യമന്ത്രി പിണറായി വിജയന്റെ മകൻ വിവേക് കിരണിന് എൻഫോഴ്സ്മെന്റ് ഡയറക്ടറേറ്റ് (ഇ.ഡി.) സമൻസ് അയച്ചത് എസ്.എൻ.സി. ലാവ്ലിൻ കേസുമായി ബന്ധപ്പെട്ടാണ്. 2020-ൽ ഇ.ഡി. രജിസ്റ്റർ ചെയ്ത കേസിൽ സാക്ഷിയെന്ന നിലയിലാണ് വിവേക് കിരണിനെ ചോദ്യം ചെയ്യാനായി വിളിപ്പിച്ചത്. ലാവ്ലിൻ കമ്പനി വിവേക് കിരണിന്റെ യു.കെ.യിലെ വിദ്യാഭ്യാസത്തിനായി പണം നൽകി എന്നൊരു മൊഴി ഇ.ഡിക്ക് ലഭിച്ചിട്ടുണ്ട്.
പിണറായി വിജയന്റെ കുടുംബം കള്ളന്മാർ; കെ.എം. ഷാജിയുടെ വിവാദ പ്രസ്താവന
മുഖ്യമന്ത്രി പിണറായി വിജയന്റെ കുടുംബത്തിനെതിരെ രൂക്ഷ വിമർശനവുമായി മുസ്ലിം ലീഗ് സംസ്ഥാന സെക്രട്ടറി കെ.എം. ഷാജി രംഗത്ത്. മുഖ്യമന്ത്രിയുടെ മകൾ അഴിമതി നടത്തുന്നത് അദ്ദേഹത്തിന്റെ ലേബലിൽ നിന്നുകൊണ്ടാണെന്ന് ഷാജി ആരോപിച്ചു. മുഖ്യമന്ത്രിയും മകളും മകനും മകന്റെ ഭാര്യ പിതാവും കള്ളന്മാരാണെന്ന് ഷാജി തുറന്നടിച്ചു.