Pinarayi Vijayan
മുഖ്യമന്ത്രിയുടെ പ്രഖ്യാപനം തിരഞ്ഞെടുപ്പ് സ്റ്റണ്ട്; രൂക്ഷ വിമർശനവുമായി ചെന്നിത്തല
മുഖ്യമന്ത്രി പിണറായി വിജയൻെറ പ്രഖ്യാപനങ്ങൾക്കെതിരെ കോൺഗ്രസ് നേതാവ് രമേശ് ചെന്നിത്തല രംഗത്ത്. പ്രഖ്യാപനങ്ങൾ തിരഞ്ഞെടുപ്പ് സ്റ്റണ്ടാണെന്നും ഇത് നടപ്പാക്കേണ്ടത് അടുത്ത സർക്കാരാണെന്നും ചെന്നിത്തല ആരോപിച്ചു. പി.എം. ശ്രീ പദ്ധതിയിൽ ബിജെപിയും സിപിഎമ്മും തമ്മിൽ അന്തർധാരയുണ്ടെന്നും അദ്ദേഹം കൂട്ടിച്ചേർത്തു.
മെസ്സിയും അർജന്റീന ടീമും കേരളത്തിലേക്ക് വരില്ലെന്ന് മുഖ്യമന്ത്രി
ലയണൽ മെസ്സിയും അർജന്റീന ടീമും കേരളത്തിലേക്ക് വരില്ലെന്ന് മുഖ്യമന്ത്രി പിണറായി വിജയൻ സ്ഥിരീകരിച്ചു. കലൂർ സ്റ്റേഡിയം നവീകരിക്കുന്നത് സ്പോൺസർമാരാണെന്നും സ്റ്റേഡിയത്തിന്റെ ഉടമസ്ഥാവകാശം ജി.സി.ഡി.എക്ക് തന്നെയായിരിക്കുമെന്നും മുഖ്യമന്ത്രി വ്യക്തമാക്കി. ജിസിഡിഎയും സ്പോൺസർ കമ്പനിയും തമ്മിലുള്ള കരാറിൻ്റെ പകർപ്പ് പുറത്തുവിടണമെന്ന് ഹൈബി ഈഡൻ എംപി ആവശ്യപ്പെട്ടു.
തീവ്ര വോട്ടര് പട്ടിക: അഞ്ചിന് സര്വകക്ഷിയോഗം വിളിച്ച് സര്ക്കാര്
തീവ്ര വോട്ടര്പട്ടിക പരിഷ്കരണത്തിനെതിരെ സംസ്ഥാന സര്ക്കാര് സര്വകക്ഷിയോഗം വിളിച്ചു. അടുത്ത മാസം അഞ്ചിനാണ് യോഗം. തിടുക്കപ്പെട്ട് എസ്ഐആർ നടപ്പാക്കാനുള്ള തീരുമാനം ജനാധിപത്യപ്രക്രിയയ്ക്ക് വെല്ലുവിളിയെന്ന് മുഖ്യമന്ത്രി പിണറായി വിജയന് പറഞ്ഞു.
മെസിയുടെ വരവിൽ മുഖ്യമന്ത്രിക്ക് ധാരണയില്ല; ഗുരുതര ആരോപണവുമായി ഹൈബി ഈഡൻ
മെസിയുടെ വരവിനെക്കുറിച്ചും കലൂർ സ്റ്റേഡിയം നവീകരിക്കുന്നതിനെക്കുറിച്ചും മുഖ്യമന്ത്രിക്ക് ഒരു ധാരണയുമില്ലെന്ന് ഹൈബി ഈഡൻ എം.പി ആരോപിച്ചു. 70 കോടി രൂപ എങ്ങനെ ചെലവഴിക്കുന്നു എന്നതിനെക്കുറിച്ച് ദുരൂഹത നിലനിൽക്കുകയാണെന്നും അദ്ദേഹം പറഞ്ഞു. സ്റ്റേഡിയം നവീകരിക്കുന്നതിൽ ഗുരുതരമായ സാമ്പത്തിക ക്രമക്കേട് നടന്നിട്ടുണ്ടെന്നും ഡി.സി.സി അധ്യക്ഷൻ മുഹമ്മദ് ഷിയാസ് ആരോപിച്ചു.
പി.എം.ശ്രീയിൽ ഒപ്പിട്ട മുഖ്യമന്ത്രിയെ പരിഹസിച്ച് യൂത്ത് കോൺഗ്രസ് നേതാവ്
പി.എം.ശ്രീ പദ്ധതിയിൽ ഒപ്പുവെച്ച മുഖ്യമന്ത്രിയെ യൂത്ത് കോൺഗ്രസ് നേതാവ് അബിൻ വർക്കി ഫേസ്ബുക്ക് പോസ്റ്റിലൂടെ പരിഹസിച്ചു. കേരളത്തിന്റെ ഗതികേടാണ് ഇതെന്നും അദ്ദേഹം കുറിച്ചു. എസ്എഫ്ഐ കൃഷി വകുപ്പ് മന്ത്രി രാജിവെക്കണമെന്നും എ.ഐ.എസ്.എഫ് വിദ്യാഭ്യാസ മന്ത്രിയുടെ രാജി ആവശ്യപ്പെട്ടും പ്രതിഷേധം നടത്തുന്നുവെന്നും അദ്ദേഹം ആരോപിച്ചു.
പുത്തൂർ സുവോളജിക്കൽ പാർക്ക് യാഥാർഥ്യമാക്കിയത് തുടർഭരണത്തിന്റെ ഫലമെന്ന് മുഖ്യമന്ത്രി
തൃശ്ശൂർ പുത്തൂരിൽ സുവോളജിക്കൽ പാർക്ക് ഉദ്ഘാടനം ചെയ്തു. നാല് പതിറ്റാണ്ടുകൾ നീണ്ട കാത്തിരിപ്പിന് വിരാമമിട്ട് പാർക്ക് യാഥാർഥ്യമായിരിക്കുകയാണ്. കിഫ്ബി പദ്ധതിയിൽ ഉൾപ്പെടുത്തിയാണ് ഇത് പൂർത്തിയാക്കിയത്.
കേരളത്തില് വോട്ടര് പട്ടികാ പുനഃപരിശോധനക്കെതിരെ മുഖ്യമന്ത്രി; ജനാധിപത്യ വെല്ലുവിളിയെന്ന് വിമര്ശനം
കേരളം ഉള്പ്പെടെയുള്ള സംസ്ഥാനങ്ങളില് വോട്ടര് പട്ടിക പ്രത്യേക തീവ്ര പുനഃപരിശോധന (എസ്.ഐ.ആര്) നടപ്പാക്കാനുള്ള കേന്ദ്ര തിരഞ്ഞെടുപ്പ് കമ്മീഷന്റെ തീരുമാനത്തിനെതിരെ മുഖ്യമന്ത്രി പിണറായി വിജയന് രംഗത്ത്. ഈ നടപടി ജനാധിപത്യ പ്രക്രിയയോടുള്ള വെല്ലുവിളിയാണെന്ന് അദ്ദേഹം പ്രസ്താവനയില് കുറ്റപ്പെടുത്തി. സംസ്ഥാനത്ത് തദ്ദേശ തെരഞ്ഞെടുപ്പുകള് നടക്കാനിരിക്കെ ഈ തീരുമാനം സംശയങ്ങള്ക്ക് ഇടയാക്കുന്നുവെന്നും മുഖ്യമന്ത്രി അഭിപ്രായപ്പെട്ടു.
മില്ലുടമകളെ വിളിക്കാത്തതിൽ മുഖ്യമന്ത്രിക്ക് അതൃപ്തി; നെല്ല് സംഭരണ യോഗം മാറ്റിവെച്ചു
നെല്ല് സംഭരണവുമായി ബന്ധപ്പെട്ട യോഗത്തിലേക്ക് മില്ലുടമകളെ ക്ഷണിക്കാത്തതിൽ മുഖ്യമന്ത്രി പിണറായി വിജയൻ അതൃപ്തി അറിയിച്ചു. തുടർന്ന് നിശ്ചയിച്ചിരുന്ന യോഗം മാറ്റിവെച്ചു. മില്ലുടമകളില്ലാതെ എങ്ങനെ ഒരു തീരുമാനത്തിലെത്താനാകുമെന്നും മുഖ്യമന്ത്രി ചോദിച്ചു. നാളെ വൈകിട്ട് 4 മണിക്ക് തിരുവനന്തപുരത്ത് വെച്ച് യോഗം വീണ്ടും ചേരും.
മുഖ്യമന്ത്രിയെ വേദിയിലിരുത്തി പി.എം.ശ്രീയെ വിമർശിച്ച് ബിനോയ് വിശ്വം
മുഖ്യമന്ത്രിയെ വേദിയിലിരുത്തി സിപിഐ സംസ്ഥാന സെക്രട്ടറി ബിനോയ് വിശ്വം പിഎം ശ്രീ പദ്ധതിയെ പരോക്ഷമായി വിമർശിച്ചു. ഇടതുപക്ഷം കൊണ്ടുവന്ന കേരള മോഡൽ വിദ്യാഭ്യാസം തുടരണമെന്ന് അദ്ദേഹം ആവശ്യപ്പെട്ടു. വിദ്യാഭ്യാസരംഗത്ത് കേരളത്തിന് മഹത്തായ പാരമ്പര്യമുണ്ടെന്നും അദ്ദേഹം അഭിപ്രായപ്പെട്ടു.
സിപിഐക്ക് വിമർശനവുമായി മുഖ്യമന്ത്രി; പദ്ധതികൾ മുടക്കുന്നവരുടെ കൂടെയല്ലെന്ന് പിണറായി വിജയൻ
സിപിഐയെ പരോക്ഷമായി വിമർശിച്ച് മുഖ്യമന്ത്രി പിണറായി വിജയൻ. പദ്ധതികൾ നടപ്പാക്കുന്ന സർക്കാരാണിതെന്നും,അവ മുടക്കുന്നവരുടെ കൂടെയല്ലെന്നും മുഖ്യമന്ത്രി പറഞ്ഞു. പുന്നപ്ര-വയലാർ വാരാചരണ സമാപന സമ്മേളനത്തിലായിരുന്നു മുഖ്യമന്ത്രിയുടെ വിമർശനം.
പി.എം. ശ്രീ ധാരണാപത്രം: മുഖ്യമന്ത്രിയെ അതൃപ്തി അറിയിച്ച് സി.പി.ഐ മന്ത്രിമാർ; മന്ത്രിസഭാ യോഗം ബഹിഷ്കരിക്കും
പി.എം. ശ്രീ പദ്ധതിയുടെ ധാരണാപത്രം ഒപ്പിട്ട വിഷയത്തിൽ സി.പി.ഐ മന്ത്രിമാർ മുഖ്യമന്ത്രി പിണറായി വിജയനുമായി തങ്ങളുടെ അതൃപ്തി അറിയിച്ചു. മന്ത്രിസഭാ യോഗത്തിൽ വിഷയം ഉന്നയിച്ചപ്പോഴും ഒപ്പിടുന്നതിനെക്കുറിച്ച് സൂചിപ്പിച്ചിരുന്നില്ലെന്നും സി.പി.ഐ മന്ത്രിമാർ കുറ്റപ്പെടുത്തി. ഇതിനു പിന്നാലെ മന്ത്രിസഭാ യോഗത്തിൽ നിന്ന് വിട്ടുനിൽക്കാൻ സി.പി.ഐ തീരുമാനിച്ചു.
പി.എം. ശ്രീ വിവാദം: മുഖ്യമന്ത്രിയുടെ ഒത്തുതീർപ്പ് ശ്രമം വിഫലം; നിലപാട് കടുപ്പിച്ച് സിപിഐ
പി.എം. ശ്രീ വിവാദത്തിൽ മുഖ്യമന്ത്രി പിണറായി വിജയൻ സി.പി.ഐ സംസ്ഥാന സെക്രട്ടറി ബിനോയ് വിശ്വവുമായി കൂടിക്കാഴ്ച നടത്തിയെങ്കിലും തീരുമാനമായില്ല. സബ് കമ്മിറ്റി രൂപീകരിക്കാമെന്ന മുഖ്യമന്ത്രിയുടെ നിർദേശം സി.പി.ഐ തള്ളി. തങ്ങളുടെ നിലപാടിൽ മാറ്റമില്ലെന്ന് സി.പി.ഐ അറിയിച്ചു. നാളത്തെ ചർച്ചയിൽ തീരുമാനമായില്ലെങ്കിൽ ബുധനാഴ്ച മന്ത്രിസഭായോഗത്തിൽ നിന്ന് വിട്ടുനിൽക്കുമെന്നും സി.പി.ഐ അറിയിച്ചു.