Pension Hike
ക്ഷേമ പെൻഷൻ വർധനവിൽ ധനവകുപ്പിന് ആത്മവിശ്വാസമുണ്ടെന്ന് മന്ത്രി കെ എൻ ബാലഗോപാൽ
ക്ഷേമ പെൻഷൻ വർധന ഉൾപ്പെടെയുള്ള കാര്യങ്ങൾ നടപ്പിലാക്കുന്നതിന് ധനവകുപ്പിന് നല്ല ആത്മവിശ്വാസമുണ്ടെന്ന് ധനമന്ത്രി കെ എൻ ബാലഗോപാൽ അഭിപ്രായപ്പെട്ടു. നവംബർ 1 മുതൽ തീരുമാനങ്ങൾ പ്രാബല്യത്തിൽ വരുമെന്നും അദ്ദേഹം അറിയിച്ചു. തിരഞ്ഞെടുപ്പ് സ്റ്റണ്ട് എന്ന് ആക്ഷേപം ഉണ്ടാകാതിരിക്കാൻ വേണ്ടിയാണ് ബഡ്ജറ്റിൽ ഉൾപ്പെടുത്താതെ പ്രഖ്യാപനം നടത്തിയതെന്നും അദ്ദേഹം സൂചിപ്പിച്ചു.
ക്ഷേമ പെൻഷൻ 2000 രൂപയാക്കി; ആശാ വർക്കർമാരുടെ ഓണറേറിയവും കൂട്ടി
സംസ്ഥാനത്ത് തദ്ദേശ, നിയമസഭാ തിരഞ്ഞെടുപ്പ് അടുത്തിരിക്കെ സുപ്രധാന പ്രഖ്യാപനങ്ങളുമായി സംസ്ഥാന സർക്കാർ. സാമൂഹ്യക്ഷേമ പെൻഷൻ 1,600 രൂപയിൽ നിന്ന് 2,000 രൂപയായി ഉയർത്തി. പാവപ്പെട്ട സ്ത്രീകൾക്ക് പ്രതിമാസം 1,000 രൂപയും ആശാ വർക്കർമാരുടെ ഓണറേറിയം 1,000 രൂപയും കൂട്ടി.
പിഎസ്സി അംഗങ്ങളുടെ പെൻഷൻ കൂട്ടി; മുൻ സർവ്വീസ് പരിഗണിച്ച് പെൻഷൻ നൽകാൻ ഉത്തരവ്
പിഎസ്സി ചെയർമാൻ്റെയും അംഗങ്ങളുടെയും പെൻഷൻ തുകയിൽ വലിയ വർധനവ് വരുത്തി സർക്കാർ ഉത്തരവിറക്കി. സർക്കാർ ജീവനക്കാരായി ജോലി ചെയ്ത ശേഷം പിഎസ്സി അംഗങ്ങളോ ചെയർമാനോ ആകുന്നവർക്കാണ് ഈ ഉത്തരവ് ഏറെ പ്രയോജനകരമാകുന്നത്. മുൻപ് പിഎസ്സി അംഗമായിരുന്ന പല ഉദ്യോഗസ്ഥർക്കും ഉയർന്ന തസ്തികകളിൽ ജോലി ചെയ്തവർക്ക് കൂടുതൽ പെൻഷൻ ലഭിച്ചിരുന്നു. അതിനാൽ പലരും പിഎസ്സി പെൻഷന് പകരം സർവീസ് പെൻഷൻ തിരഞ്ഞെടുക്കാൻ ഇത് കാരണമായി. എന്നാൽ ഇപ്പോൾ പിഎസ്സി അംഗങ്ങളുടെയും ചെയർമാന്റെയും പെൻഷൻ തുക ഉയർത്തിയിട്ടുണ്ട്.