Pathanamthitta
പത്തനംതിട്ടയിലെ സിപിഐ വിമർശനം സിപിഐഎമ്മിനെതിരെ
പത്തനംതിട്ട ലോക്സഭാ തിരഞ്ഞെടുപ്പിലെ പരാജയത്തില് സി.പി.ഐ.എമ്മിനെ വിമര്ശിച്ച് സി.പി.ഐ ജില്ലാ സമ്മേളനം. സിറ്റിംഗ് എം.പിക്ക് എതിരായ വികാരം ഉണ്ടായിട്ടും യു.ഡി.എഫ് ഭൂരിപക്ഷം നേടിയത് ഭരണവിരുദ്ധ വികാരം മൂലമാണെന്ന് വിലയിരുത്തി. സി.പി.ഐ.എം പ്രാദേശിക നേതൃത്വം ആത്മാർത്ഥമായി പ്രവർത്തിച്ചില്ലെന്നും കണ്ടെത്തൽ.
സിപിഐ പത്തനംതിട്ട സമ്മേളനത്തിൽ മന്ത്രി കെ രാജനെതിരെ വിമർശനം
സിപിഐ പത്തനംതിട്ട ജില്ലാ സമ്മേളനത്തിൽ റവന്യൂ മന്ത്രി കെ. രാജനെതിരെ വിമർശനങ്ങൾ ഉയർന്നു. തൃശൂർ പൂരം അലങ്കോലമായതിൽ മന്ത്രിക്ക് ധാർമിക ഉത്തരവാദിത്തമുണ്ടെന്നും, റവന്യൂ വകുപ്പിലെ ഉദ്യോഗസ്ഥർ ബിജെപിക്ക് വേണ്ടി വ്യാജ വോട്ട് ചേർക്കുന്നുവെന്നും വിമർശനമുയർന്നു. സമ്മേളനത്തിനിടെ എഐവൈഎഫ്, എഐഎസ്എഫ് പ്രവർത്തകർ തമ്മിൽ വാക്കുതർക്കമുണ്ടായി.
ലോട്ടറി ടിക്കറ്റിൽ തിരിമറി; പത്തനംതിട്ടയിൽ ലോട്ടറി വിൽപ്പനക്കാരന് 5000 രൂപ നഷ്ടമായി
പത്തനംതിട്ട അഴൂരിൽ ലോട്ടറി വിൽപ്പനക്കാരനിൽ നിന്നും 5000 രൂപ തട്ടിയെടുത്തു. സമ്മാനാർഹമായ ടിക്കറ്റാണെന്ന് തെറ്റിദ്ധരിപ്പിച്ചാണ് യുവാവ് പണം തട്ടിയത്. പത്തനംതിട്ട പൊലീസിൽ രാധാകൃഷ്ണൻ പരാതി നൽകിയിട്ടുണ്ട്.
അധ്യാപക ആത്മഹത്യ: പ്രഥമാധ്യാപികയെ സസ്പെൻഡ് ചെയ്യേണ്ടെന്ന് സ്കൂൾ മാനേജ്മെന്റ്
അധ്യാപകന്റെ ആത്മഹത്യയിൽ പ്രഥമാധ്യാപികയെ സസ്പെൻഡ് ചെയ്യാനുള്ള വിദ്യാഭ്യാസ വകുപ്പിന്റെ നിർദ്ദേശം സെന്റ് ജോസഫ് സ്കൂൾ മാനേജ്മെന്റ് തള്ളി. ശമ്പള ആനുകൂല്യങ്ങൾ വൈകിപ്പിച്ചത് ഡിഇഒ ഓഫീസ് ജീവനക്കാരാണെന്നാണ് മാനേജ്മെന്റിന്റെ വാദം. പ്രഥമ അധ്യാപികയുടെ നിരപരാധിത്വം തെളിയിക്കുമെന്നും മാനേജ്മെന്റ് അറിയിച്ചു.
ശമ്പളമില്ലാത്തതിൽ ഭർത്താവ് ജീവനൊടുക്കിയ സംഭവം; പത്തനംതിട്ടയിൽ മൂന്ന് ഉദ്യോഗസ്ഥർക്ക് സസ്പെൻഷൻ
പത്തനംതിട്ടയിൽ ശമ്പളമില്ലാത്തതിനെ തുടർന്ന് ഭർത്താവ് ജീവനൊടുക്കിയ സംഭവത്തിൽ വിദ്യാഭ്യാസ വകുപ്പ് നടപടി സ്വീകരിച്ചു. ജില്ലാ വിദ്യാഭ്യാസ ഓഫീസിലെ മൂന്ന് ഉദ്യോഗസ്ഥരെ സസ്പെൻഡ് ചെയ്തു. നാറാണംമൂഴി സെന്റ് ജോസഫ് സ്കൂളിലെ അധ്യാപിക ലേഖ സുരേന്ദ്രന് 14 വർഷമായി ശമ്പളം ലഭിച്ചിരുന്നില്ല.
ശമ്പളമില്ലാത്തതിൽ മനംനൊന്ത് അധ്യാപകന്റെ ഭർത്താവ് ജീവനൊടുക്കി
എയ്ഡഡ് സ്കൂൾ അധ്യാപികയായ ഭാര്യയ്ക്ക് 14 വർഷമായി ശമ്പളമില്ലാത്തതിൽ മനംനൊന്ത് ഭർത്താവ് ജീവനൊടുക്കി. നാറാണംമുഴി സ്വദേശി ഷിജോ ത്യാഗരാജനാണ് മരിച്ചത്. 14 വർഷത്തെ ശമ്പളം നൽകാൻ ഹൈക്കോടതി ഉത്തരവിട്ടിട്ടും നടപടിയുണ്ടായില്ല.
പത്തനംതിട്ടയിൽ പൊലീസ് ഉദ്യോഗസ്ഥനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി
പത്തനംതിട്ട പൊലീസ് സ്റ്റേഷനിലെ സീനിയർ സിവിൽ ഓഫീസർ ആനന്ദ ഹരിപ്രസാദിനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. കഴിഞ്ഞ രണ്ടാഴ്ച മുൻപ് അമ്മ മരിച്ചതിനെ തുടർന്ന് അദ്ദേഹം കടുത്ത മാനസിക സംഘർഷത്തിലായിരുന്നു. മരണകാരണം വ്യക്തമല്ലെന്നും സംഭവത്തെക്കുറിച്ച് കൂടുതൽ അന്വേഷണം നടക്കുകയാണെന്നും പൊലീസ് അറിയിച്ചു.
ഭർത്താവിന്റെ കുത്തേറ്റ് ചികിത്സയിലായിരുന്ന ഭാര്യ മരിച്ചു; പോലീസ് അന്വേഷണം ഊർജ്ജിതം
പത്തനംതിട്ടയിൽ ഭർത്താവിന്റെ കുത്തേറ്റ് ചികിത്സയിലായിരുന്ന ഭാര്യ ശ്യാമ മരിച്ചു. കുടുംബവഴക്കിനിടെ ശ്യാമയുടെ പിതാവിനും പിതാവിന്റെ സഹോദരിക്കും അജിയുടെ കുത്തേറ്റു. പോലീസ് ഭർത്താവ് അജയ്ക്കായി അന്വേഷണം ഊർജ്ജിതമാക്കിയിട്ടുണ്ട്.
പത്തനംതിട്ടയിൽ വിജ്ഞാന കേരളം തൊഴിൽമേള; ടെക്നിക്കൽ ബിരുദധാരികൾക്ക് സുവർണ്ണാവസരം
വിജ്ഞാന കേരളം പത്തനംതിട്ട ജില്ലയിലെ കല്ലൂപ്പാറ കോളേജ് ഓഫ് എഞ്ചിനീയറിംഗിൽ ടെക്നിക്കൽ ബിരുദധാരികൾക്കായി തൊഴിൽമേള സംഘടിപ്പിക്കുന്നു. ഐടി, മെക്കാനിക്കൽ, ഇലക്ട്രിക്കൽ തുടങ്ങിയ മേഖലകളിൽ ബിരുദവും ബിരുദാനന്തര ബിരുദവുമുള്ള ഉദ്യോഗാർത്ഥികൾക്ക് പങ്കെടുക്കാം. കൂടുതൽ വിവരങ്ങൾക്കായി അടുത്തുള്ള വിജ്ഞാന കേന്ദ്രവുമായി ബന്ധപ്പെടുക.
പത്തനംതിട്ട സിപിഐഎമ്മിൽ സൈബർപോര് രൂക്ഷം; സനൽ കുമാറിനെതിരെ വീണ്ടും ഫേസ്ബുക്ക് പോസ്റ്റുമായി ആറന്മുളയുടെ ചെമ്പട
പത്തനംതിട്ടയിലെ സിപിഐഎമ്മിൽ സൈബർ പോര് രൂക്ഷമാകുന്നു. ജില്ലാ സെക്രട്ടേറിയേറ്റ് അംഗം ആർ സനൽ കുമാറിനെതിരെ വീണ്ടും ഫേസ്ബുക്ക് പോസ്റ്റുമായി ആറന്മുളയുടെ ചെമ്പട രംഗത്ത്. വീണ ജോർജിനെ അനുകൂലിച്ചും സനൽ കുമാറിനെ വിമർശിച്ചുമാണ് പോസ്റ്റുകൾ വരുന്നത്. സംഭവത്തില് സനൽകുമാർ പൊലീസിൽ പരാതി നൽകി.
പത്തനംതിട്ട കോയിപ്പുറത്ത് പുഞ്ചപാടത്ത് കാണാതായ മൂന്ന് യുവാക്കളുടെയും മൃതദേഹങ്ങൾ കണ്ടെത്തി
പത്തനംതിട്ട കോയിപ്പുറം നെല്ലിക്കലിൽ പുഞ്ചപാടത്ത് മീൻ പിടിക്കാൻ ഇറങ്ങിയ മൂന്ന് യുവാക്കളെ കാണാതായിരുന്നു. തുടർന്ന് നടത്തിയ തിരച്ചിലിൽ മിഥുൻ, രാഹുൽ എന്നിവരുടെ മൃതദേഹങ്ങൾ കഴിഞ്ഞ ദിവസം കണ്ടെത്തി. ഇന്ന് ദേവ് ശങ്കറിൻ്റെ മൃതദേഹവും കണ്ടെടുത്തു. പോസ്റ്റ്മോർട്ടത്തിന് ശേഷം മൃതദേഹങ്ങൾ ബന്ധുക്കൾക്ക് വിട്ടുനൽകും.
പത്തനംതിട്ടയിൽ പമ്പയാറ്റിൽ വള്ളം മറിഞ്ഞ് രണ്ട് യുവാക്കൾ മരിച്ചു; ഒരാൾക്കായി തിരച്ചിൽ തുടരുന്നു
പത്തനംതിട്ട കോയിപ്രം നെല്ലിക്കലിൽ പമ്പയാറിനോട് ചേർന്ന പുഞ്ചകണ്ടത്തിൽ വള്ളം മറിഞ്ഞ് രണ്ട് യുവാക്കൾ മരിച്ചു. നെല്ലിക്കൽ സ്വദേശി മിഥുൻ, കിടങ്ങന്നൂർ സ്വദേശി രാഹുൽ എന്നിവരാണ് മരിച്ചത്. അപകടത്തിൽപ്പെട്ട മറ്റൊരാളായ തിരുവല്ല സ്വദേശി ദേവ് ശങ്കറിനെ കണ്ടെത്താൻ അഗ്നിരക്ഷാ സേന തിരച്ചിൽ നടത്തുകയാണ്.